„Сите знамиња на народите во светот заслужуваат почит. Остро го осудуваме сквернавењето на државното знаме и палењето на албанското знаме, бидејќи таквите постапки се неприфатливи и не се во согласност со граѓанските вредности“, велат од Алијанса за Албанците.

„Извршителите на овие грди дела не му направиле чест ниту на знамето, ниту на својот народ. Празничната и позитивна атмосфера во секој дел од земјата не треба и не може да биде помрачена од вакви изолирани акти. Секој облик на насилство е неприфатлив во нашата земја и мора да биде осуден без компромис од сите страни“, соопштуваат од Алијанса за Албанците.

The post Алијанса за Албанците: Извршителите на овие грди дела не му направиле чест ниту на знамето, ниту на својот народ appeared first on Република.

„Демократската унија за интеграција остро ја осудува полициската интервенција без преседан за време на прославата на Денот на албанското знаме, ден кој има исклучително значење за Албанците во Република Македонија и ширум светот. Оваа интервенција, наместо да го зачува јавниот ред, предизвика непотребни тензии и создаде клима на конфронтација, нарушувајќи го правото на граѓаните слободно да ја одбележат оваа значајна празнична традиција“, велат од ДУИ.

„Истовремено, го осудуваме индивидуалниот чин на палење на државното знаме како реакција на несоодветната интервенција на полицијата. Таквите дела не ги одразуваат вредностите на Албанците ниту пак стремежите за стабилна соживотност и взаемна почит.

Во овој контекст, е неприфатливо и срамно што ВМРО-ДПМНЕ и одредени други политички сили се обидуваат да ги злоупотребат овие инциденти за да изградат лажна нарација која го криминализира секој став на Албанците. Оваа тенденција да се претстават Албанците како носители на криминални агенди претставува напад врз идентитетот и достоинството на Албанците и обид за прикривање на коруптивната агенда на овие структури.

Тие политички сили, кои секојдневно ја држат државата надвор од механизмите за надзор на Европската унија, го ограбуваат државниот буџет и граѓаните преку злоупотреба на институциите за лични придобивки. Обидот да се оттргне вниманието од ваквите скандали преку криминализирање на Албанците е позната тактика која нема да успее.

Албанците во Македонија постојано го покажуваат својот ангажман кон демократските вредности, еднаквоста и меѓуетничката соживотност. Нема да дозволиме нашите легитимни ставови да се користат како параван за политички манипулации или за зачувување на позициите на тие што ги ставаат личните интереси над интересите на граѓаните и државата.

Ги повикуваме институциите да дејствуваат со зрелост, професионалност и непристрасност, без разлика, и обезбедувајќи ги правата на граѓаните слободно да го изразуваат својот идентитет и култура. Воедно, ги повикуваме албанските граѓани, како и сите граѓани на Македонија, да ја задржат смиреноста, достоинството и единството, и да не подлегнуваат на провокации и манипулации на оние кои имаат цел да создадат поделби и дестабилизација.

Демократската унија за интеграција останува посветена на заштитата на правата и интересите на Албанците, придонесувајќи за европска иднина на Република Македонија, каде што правдата, транспарентноста и еднаквоста ќе бидат основни вредности на нашето општество“, соопшти ДУИ.

The post На ДУИ полицијата и е виновна што Албанци го палеа македонскот знаме appeared first on Република.

Запалено македонското знаме за време на прославата на Денот на албанското знаме. На Бит Пазар од возила се веат албански знамиња, додека во еден момент го вадат и македонското знаме, но не за да го виорат туку да го запалат. Неколкумина го кинат црвено-жолтото знаме, го шутираат по земја и го палат.

Во вечерните часови продолжи „дефилето“ со албански знамиња низ скопсите улици по повод Денот на албанското знаме. Kолона од стотина возила, придружувана од страна на полицијата, со развиорени албански знамина тргна од средно Водно и се движеше кон централното градско подрачје. Граѓаните кои се најдоа во овој дел од Скопје сведочат дека движењето во двата правци било целосно блокирано.

На видеа од прославата објавени на социјалните мрежи се слушаа и рафални пукотници.

The post Со рафали, сирени и блокиран сообраќај низ Скопје се слави Денот на албанското знаме appeared first on Република.

Денот на албанското знаме беше одбележан и во Македонија.Првиот вицепремиер Изет Меџити рече дека овој празник треба да ги обедини Албанците за да овозможи подобра благосостојба во нивните градови, како во образованието, културата, здравството, економијата, политиката и друго.

-Денеска сме во ова училиште кое го носи ова големо име и се потсетуваме на историјата, но во исто време нè допира во нашата совест. Ако тогаш во тие тешки времиња беше пушката и дипломатијата, денес мислиме дека со добро владеење можеме да го продолжиме патриотското дело на Исмаил Ќемајли, Скендербег, Адем Јашари и големите личности. Се обидуваме да го направиме ова со името на ова училиште“, изјави Меџити.

На скопскиот булевар Партизански одреди излезени до половина во автомобили, облечени во блузони со двоглавиот орел и со развиорени албански, „легнати“ на сирените во возилото Албанци го прославуваа денешниот ден

The post Албанците низ скопските улици го слават денот на албанското знаме appeared first on Република.