Демократскиот сојуз укажува дека СДСМ и ДУИ, без поширока политичка и граѓанска поддршка и согласност ја прифатија Преговарачката рамка во која беа вградени сите барања на Бугарија, спротивно на Копенхашките критериуми, со што Македонија ја заглавија на евроинтеграцискиот пат, велат од партијата.

Во Парламентот имаше можност да се испеглаат одредени решенија, посебно околу годишните протоколи (прегледи), македонскиот јазик и други идентитетски обележја, но СДСМ и ДУИ сакаа да имаат монопол на процесот и ја прифатија рамката со надгласување.

Демократскиот сојуз смета дека е крајно неодговорно поради можното раздвојување на Македонија и Албанија на патот кон ЕУ, одговорноста да се префрла на партиите од власта.

СДСМ и ДУИ наместо да покажат поголема одговорност и државничко однесување, тие ликуваат на оваа контраверзна одлука, која значи дополнителен, несоодветен и без издржани аргументи  притисок врз Македонија.

Процесот ќе се деблокира, но треба да покажеме единство и сплотеност, како и да ги актуелизираме следните барања до ЕУ:

Советот на ЕУ да донесе заклучоци со кои јасно ќе каже дека македонскиот јазик ќе биде службен по приемот на Македонија  во ЕУ, идентитетските прашања содржани во Преговарачката рамка не можат да бидат основа за блокада и да ја задолжат Бугарија, да ги спроведе одлуките на Меѓународниот суд од Стразбур, поврзани со правата на Македонците во Бугарија.

Инаку, Македонија треба да спроведе темелни реформи во многу области, пред се во судскиот систем и борбата против криминалот.

Независно од одлуката на Советот на ЕУ, Македонија може реформите да ги прави согласно КЛАСТЕРИТЕ од Преговарачката рамка, како и резултатите од скрининг процесот, вклучувајќи ги сите креативни кадри, стои во соопштението на Демократскиот сојуз.

The post Демократски сојуз: СДСМ и ДУИ ја вовлекоа Македонија во слеп сокак appeared first on Република.

„Долго време се води расправа за законот за бранителите, со кој треба финансиски да се помогнат фамилиите на настраданите бранители во вооружениот конфликт во 2001 година. Предлог-законот, кој е во собраниска постапка, треба да го поддржат сите партии“, велат од Демократскиот сојуз.

Од ДС истакнуваат дека е неприфатливо истиот да се користи за меѓупартиски конфронтации и поттикнување на меѓуетнички тензии, првенствено од страна на ДУИ и СДСМ.

„Инаку, Македонија за водството и припадниците на паравоената формација ОНА (УЧК),направи голем број на отстапки, меѓу кои нивна амнестија преку донесување на закон и вработување на голем дел од припадниците на ОНА, амнестија за водството на ОНА преку автентично толкување на Законот за амнестија од страна на Собранието на Македонија, трансформација на ОНА во политичка партија, а водачите на ОНА станаа лидери на новата партија ДУИ која 20 години беше на власт итн“, соопшти ДС.

Партијата најостро ги осудува најавите на ДУИ, „дека ако се усвои законот за обесштетување на тие што го бранеле суверенитетот и територијалниот интегритет на Македонија, ќе се дестабилизира Македонија“.

The post Демократски сојуз: Законот за бранителите треба да го поддржат сите партии appeared first on Република.

Демократскиот сојуз, претседателските и парламентарните избори ги оценува како фер и демократски.

Оценуваат дека пројавените нерегуларности треба да бидат предмет на работа на надлежните институции.

Двојната победа со која Гордана Силјановска Давкова стана првата жена претседател на Македонија и освоените 58 пратенички мандати на Коалицијата „ТВОЈА МАКЕДОНИЈА“, предводена од ВМРО-ДПМНЕ, претставува огромна чест и доверба, но и одговорност и силен предизвик за ветените коренити реформи и зајакнување на темелите на Македонија, како демократска, суверена и модерна европска држава.

Дамка на целиот изборен процес со обиди за нарушување на истиот, посебно во текот на вчерашниот ден, водството на ДУИ кое одлучи да ги бојкотира претседателските избори, со крајна цел Македонија да ја вовлече во политичка нестабилност, доколку успееше со бојкотот, велат од Демократскиот сојуз.

Пораката, како што додаваат, е јасна.

Граѓаните без разлика на политичка, етничка или верска припадност, гласаа за промени, за стабилна Македонија. Граѓаните ги испратија ДУИ и СДСМ во опозиција, со што се отвори патот за политичка, но и друг вид на одговорност. Победата е голема, а одговорноста е огромна, додаваат од оваа партија.

The post Демократскиот сојуз: Двојната победа-огромен предизвик appeared first on Република.

Демократскиот сојуз ги повикува сите граѓани, без разлика на етничка, верска или политичка припадност, да излезат на гласање, да гласаат  за стабилна, силна и унитарна Македонија.

Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата, нагласува Демократскиот сојуз.

Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2), вели партијата.

Бојкотот е антимакедонски чин и затоа повикуваме на разумно и одговорно однесување и гласање, додава партијата.

The post ДС: Граѓаните да излезат на гласање масовно за промени, за Силјановска Давкова и коалицијата предводена од ВМРО-ДПМНЕ appeared first on Република.

Македонија е заглавена во политичко мочуриште, неопходни се темелни реформи и кадровска обнова доколку сакаме да се придвижат напред сите процеси. На овие избори се одлучува за тоа дали ќе се вградат во системот вредности кои независно од власта ќе гарантираат изградба на пристојна и модерна европска држава, држава на слободни и креативни граѓани, горди на самите себе и на државата на која и припаѓаат и ја градат, велат од Демократскиот сојуз на Павле Трајанов.

Од тука упатија порака до граѓаните да излезат и да гласаат.

Демократскиот сојуз предлага:

„Прво, темелни уставни реформи (нов Устав), со кои ќе се етаблира функционална, современа и демократска држава, ќе се зајакне унитарниот карактер на државата, целосна департизација и деполитизација на виталните државни институции, ќе се ослободиме од решенија (Бадентер, Балансер итн.) кои го блокираат демократскиот развој и јакнење на одговорноста на секој граѓанин.

Во оваа насока ќе се направат и коренити промени на изборните правила (Македонија да биде една изборна единица), со цел да се обезбеди демократизација на државата и јакнење на одговорноста на носителите на јавни функции. Преку измената на Уставот и законите за политичко организирање и дејствување, ќе се демократизираат партиите и другите облици на здружување на граѓаните.

Второ, коренити реформи на правосудниот систем, рекомпонирање на Судскиот совет преку начинот на избор на судии и обвинители, ревизија на нивната работа, ограничување на мандатот на 5 или 7 години, со право на реизбор, уставни измени поврзани со кривична одговорност за одлуките што ги носат судиите и независен буџет.

Идентични реформи ќе има и во јавното обвинителство, а предлагаме и донесување Закон за Уставниот суд, транспарентен начин на избор на судии во уставниот суд итн.

Трето, системски промени во поставеноста на борбата против тешките облици на криминал, нивна рационализација и формирање на високопрофесионална Агенција за борба против тешките облици на криминал и висока корупција, реформи во поставеноста на службите за безбедност (разузнавање и контраразузнавање) и нивна целосна деполитизација, безбедносни проверки и ветинг за сите вработени, кадровско прочистување и обезбедување плати во висина на платите на обвинители, судии итн.

Четврто, реформи во јавната администрација, преполовување на бројот на министерства, агенции, регулаторни тела, укинување на заменици министри, заменици директори на јавни претпријатија, целосна дигитализација на администрацијата, проверка на стручноста на вработените во јавната администрација, професионализација и обезбедување плати согласно сложеноста на задачите кои ги извршуваат итн. Предлагаме намалување на бројот на пратеници на 90.

Петто, посебна програма за младите, услови за да отвораат бизнис, да создаваат семејства (поволни услови за купување стан, изградба на куќа и сл.), најмалку 30% од кандидатите за советници, пратеници и други функционерски и раководни места да бидат предвидени за младите до 30-годишна возраст.

Шесто, слободна пазарна економија, Македонија да биде информатичка сила, целосна дигитализација, развивање на заштита од сајбер напади, примена на вештачката интелигенција, гасификација, исфрлање на енергенси кои загадуваат, замена на возниот парк со електрични возила итн.

Седмо, бесплатно образование (згрижување на децата во детски градинки, предучилишно образование, основно, средно и високо образование, магистериум и докторат), заострување на критериумите и контрола на приватниот образовниот процес, бесплатна здравствена заштита и дисперзија на терцијарната здравствена заштита, како и создавање услови за модернизација и повисоки плати.

Осмо, слобода на медиумите и едукација за препознавање лажни вести, формирање фонд за поддршка на медиумите, на младите таленти во уметноста, спортисти итн. Само со масовно гласање можеме да тргнеме напред“.

The post Демократски сојуз повикува на гласање на 8 мај: Неопходни се темелни реформи и кадровска обнова appeared first on Република.

На седмиот Конгрес на Демократски сојуз на кој присуствувале над 400 делегати и гости бил избран Централен совет на ДС од 80 члена, а за претседател реизбран Павле Трајанов.

Како што информираат од ДС, Конгресот усвоил и повик до граѓаните да се вклучат во промените, во кои меѓу другото стои дека се неопходни темелни реформи и кадровска обнова.

Македонија е заглавена во политичко мочуриште, неопходни се темелни реформи и кадровска обнова доколку сакаме да се придвижат напред сите процеси. На овие избори се одлучува за тоа дали ќе се вградат во системот вредности кои независно од власта ќе гарантираат изградба на пристојна и модерна европска држава, држава на слободни и креативни граѓани, горди на самите себе и на државата на која и припаѓаат и ја градат. Македонија мора да успее, тоа е наша должност и завет пред идните генерации. Да се биде или не, за тоа одлучувате Вие граѓаните! Излезете на гласање и определете ја иднината на Македонија, демократска, слободна, силна и почитувана од сите, соопштуваат од ДС.

На Конгресот, Трајанов нагласил дека на претстојните претседателски и парламентарни избори ќе се одлучува за тоа дали ќе опстоиме како самостојна, суверена и независна држава, дали ќе се случат промени кои значат градење на демократска и европска држава или ќе тонеме во корупција, деструкција и разградување на темелните вредности.

Трајанов зборувал и за приоритетите на Демократскиот сојуз, меѓу кои посебно ги посочил коренити уставни промени, односно нов Устав, донесување на нова стратегија за борба против тешките облици на криминал и високата корупција и донесување на Законот за формирање на независна Агенција за борба против овој вид на криминал, деблокирање на евроинтеграциските процеси преку градење на широк политички и граѓански консензус околу следните работи, реформирање на системот за безбедност, слободна пазарна економија, бесплатно здравство и образование и создавање услови за младите да останат во Македонија.

Тој ги повикал делегатите на конгресот, членовите и симпатизерите на Демократскиот сојуз, како и сите граѓани, да излезат масовно на 8 Мај и да гласаат за претседателскиот кандидат Гордана Силјановска Давкова, и за кандидатите за пратеници од коалицијата „Твоја Македонија“ предводена од ВМРО-ДПМНЕ.

The post Павле Трајанов реизбран за претседател на Демократски сојуз, повика на глас за „Твоја Македонија“ appeared first on Република.

Демократскиот сојуз бара темелна истрага за причините за пожарот во кој изгоре Универзалната сала, еден од симболите на Скопје.

Тука во оваа сала се градеа илјадници музичари, актери, фолклористи и безброј други уметници, но негрижата на власта и лакомоста за провизии и пари ја изгореа истата.

Обидите за релативизирање на последиците од пожарот, дека истата е осигурана, дека металната конструкција е во ред итн,се само обиди за замаглување на одговорноста.

Демократскиот сојуз бара да се направи детална истрага и за тендерската постапка за избор на изведувачот на реконструкцијата на салата, потоа како е избрана фирмата која треба да врши надзор, колку се спроведувале заштитни мерки за превенција од пожар и друг вид на хаварии и слично.

Овој пожар само ја отслика неодговорноста и хаосот во државата во кој не внесе власта на СДСМ и ДУИ“, велат од Демократскиот сојуз.

The post Демократскиот сојуз: Неодговорноста и лакомоста за пари ја изгореа Универзалната сала appeared first on Република.

Телевизиската дебата помеѓу Мицкоски и Ковачевски, само го потврди кристално чистиот став на Демократскиот сојуз, дека евроинтегративниот процес е блокиран од ДУИ и СДСМ и одговорност за тоа мора да понесат.

СДСМ го прифати „Францускиот предлог“ подготвен во Мала Речица од страна на претставници на ДУИ и Бугарија.Тој предлог беше трансформиран во Преговарачка рамка, во која се вградени сите барања на Бугарија. Во Рамката не е предвидено македонскиот јазик да биде официјален во ЕУ по приемот на Македонија во Унијата, во Рамката се вградени и историски, образовни и идентитетски прашања, што е спротивно на Копенхашките критериуми, предвидена е и имплементација на Договорот за добрососедски односи помеѓу Бугарија и Македонија, како и протоколите со кои Бугарија наметнува решенија со кои се негира нашата историја, јазик и идентитетскиот континуитет.

Ковачевски и Ахмети не се обидоа да обезбедат поширок граѓански и политички консензус и не водеа сметка за нашите национални, стратешки и граѓански интереси. Демократскиот сојуз е цврсто определен за ЕУ, но и за коренити реформи во многу области, како и за Влада растеретена од корупција и клиентелизам, Влада која ќе воспостави ред во државата и ќе отвори перспективи за младите.

Инаку, дебатата во основа беше на ниво и добра можност граѓаните да ги видат разликите и да поддржат промени, велат од Демократскиот Сојуз.

The post Демократски сојуз: Евроинтеграциите ги блокираа ДУИ и СДСМ appeared first on Република.

Во интерес на објективно информирање, Демократскиот сојуз ја известува јавноста дека не сега, туку пред повеќе од една година, на 13.02.2023 година, ја напуштивме коалицијата предводена од СДСМ.

Причините за напуштање на коалицијата беа неисполнување на коалицискиот договор и погрешните политики на СДСМ, пред сѐ блокадата на измените на Изборниот законик со кој предлагавме Македонија да биде една изборна единица, противењето на реформи во правосудниот систем, високата криминализација и отсуството на борба против високата корупција, непринципиелната коалиција при реконструкцијата на владата и неводењето сметка за соодветна и правична застапеност на сите етнички заедници во власта, како и блокадата на евроинтеграциските процеси со прифаќање на Преговарачката рамка без поширок граѓански и политички консензус.

Инаку, за соработка и заеднички настап на претстојните парламентарни избори Демократскиот сојуз има приоритети меѓу кои се: темелни уставни реформи со донесување на нов Устав (без Бадентер и Балансер), реформи во судскиот систем и реизбор на судиите и обвинителите, изградба на ефикасен систем за борба против корупцијата и формирање Агенција за борба против тешките облици на криминал, вклучување на младите во власта (најмалку 30% во советите на општините и парламентот) и посебни предуслови за отворање на бизнис, реформи на администрацијата (укинување на 50% од министерствата, агенциите, регулаторните тела итн.), намалување на бројот на пратениците на 90, но и Македонија да биде една изборна единица, како круцијален предуслов за демократизација и промена на власта.

Во оваа насока се и нашите цврсти партиски определби за полноправно членство во ЕУ, продолжување на реформите во одбраната како членка на НАТО и водење надворешна политика согласно нашите стратешки цели и интереси усогласена со политиките на ЕУ и стратешките партнери, пред сѐ на САД.

Демократскиот сојуз како автентична политичка партија, препознатлива по своите политички ставови и определби е подготвена за парламентарните избори.

До крајот на оваа недела јавноста ќе биде информирана за тоа како и со кои партии ќе настапиме на изборите, но во интерес на државата и граѓаните е да се формира широк промакедонски опозиционен блок, преку кој граѓаните ќе ги поразат погубните и национални политики на ДУИ и СДСМ, подвлекуваат од Демократски сојуз.

The post Демократски сојуз: Коалицијата со СДСМ ја напуштивме пред повеќе од една година appeared first on Република.

Демократскиот сојуз бара Владата на Македонија, на утрешната седница, да отвори расправа за важноста на личните документи, да донесе соодветни одлуки, да ги задолжи министерствата за нивно спроведување и да ги информира граѓаните.

Прво, личните карти, како документи за внатрешна употреба, можат да се користат до датумот на нивната важност. Тоа значи дека можат да се користат насекаде, пред сите институции, банки, за гласање итн.

Второ, возачките дозволи можат слободно да се користат во внатрешноста на Македонија, додека за во странство нивната важност е поврзана исто како и важноста на патните исправи, односно истите можат да се користат до 12.02.2024, доколку не се продолжи овој рок.

Трето, согласно Договорот од Преспа и Уставните измени, личните документи кои се користот во странство (патни исправи и возачки дозволи), важноста им е до 12 февруари 2024 година, поради што МНР треба да бара Грција да се сложи овој рок да се продолжи до денот на важноста на овие исправи или најкасно до 31.12.2024 година, поради технички причини и немањето кадровски потенцијал да се заменат со променетото име на државата до рокот дефиниран со Преспанскиот договор и Уставните промени“, велат од ДС.

„Со патните исправи државјаните на Македонија кои се во странство слободно можат да патуваат и да се вратат во Македонија.

Во оваа насока, Владата да се согласи Уставниот суд да да ја одложи примената на законските рокови за важноста на возачките дозволи и патните исправи, согласно иницијативата на ВМРО-ДПМНЕ.

За овие гужви и малтретирање на граѓаните пред шалтерите на МВР мора да се најде решение, но и мора Владата и ресорните министри да понесат одговорност“, се додава во соопштението на ДС.

The post Демократски сојуз: Владата во заминување да го реши проблемот со личните исправи appeared first on Република.

Демократскиот сојуз предлага Владата да предложи измена на законите со кои ќе се продолжи рокот за замена на личните документи (лични карти, возачки дозволи и пасоши) до крајот на оваа гoдина.

Замената на лични документи е согласно Договорот потпишан во Преспа, помеѓу Македонија и Грција, но повеќе од јасно е дека нема технички можности, како и доволен кадровски потенцијал, за до почетокот на февруари, да се заврши оваа операција.

Овој состав на Владата или Техничката Влада, треба да ги подготви законските измени, по што Парламентот по итна постапка да ги донесе.

Евентуалните отворени прашања со Грција треба дa се разрешат по дипломатски пат.

Пред шалтерите на МВР се создаваат огромни и неподносливи гужви, каде граѓаните чекаат во колони и по два дена за замена на документите.

The post Демократски сојуз: Да се продолжи рокот за вадење лични документи appeared first on Република.

Демократскиот сојуз најостро ги осудува обидите на власта да ја релативизира одговорноста за упадот во Контролната кула за летање на Аеродромот во Петровец.

Да се тврди дека со упадот и насилството на осуммина бандити на ДУИ во Кулата за контрола на летање не се загрозува воздушниот сообраќај е театар на апсурдот, бидејќи аргументиран и издржан став презентираа и експертите. Но, не треба да бидеш експерт за да знаеш дека со неовластен упад и насилство спрема контролорите за летање директно е загрозен авиосообраќајот. Само среќата спасила можна катастрофа.

Сакаме посебно да укажеме на причините за „бегството“ на еден од тепаните, кој бил под силен притисок и закани да не дава изјава пред Јавниот обвинител.

Да потсетиме на идентичен случај во 2010 година, кога Беким Незири претепал контролор на летање, потоа го избркале и него и неговата сопруга од работа, по што тој избегал во една од скандинавските земји.

Затоа Владата мораше да ги разреши директорите на М-НАВ, Беким Незири да биде суспендиран од работното место во М-НАВ, а Судот на сите осуммина да им определи притвор.

Но ништо од тоа, на дело се партиските влијанија, партиските раководства во МВР, ЈАВНОТО ОБВИНИТЕЛСТВО И СУДОТ, кои на смислен начин го опструираат целиот криминален настан.

Партиската блокада на институциите води кон анархија, криминал и дестабилизација на државата.

Одговорност мора да има за сите кои ги кршат законите, или сега или после изборите по промената на власта, нагласуваат од Демократскиот сојуз.

The post Демократски сојуз: Најостро ги осудуваме обидите на власта да ја релативизира одговорноста за упадот во М-НАВ appeared first on Република.

„Судот потклекна под притисокот на ДУИ и не определи притвор за насилниците од ДУИ кои неовластено упаднаа во контролната кула за летање, физички нападнаа контролори и ја загрозија безбедноста на воздушниот сообраќај. Ако за ова тешко кривично дело нема притвор за насилниците кои можат да го повторат делото, да влијаат на сведоците или да ја напуштат државата (сите имаат повеќе пасоши и други документи за идентификација), како што веќе четворица се недостапни, тогаш не знаме што треба да се случи за државните институции да профункционираат“, соопштија утрово од Демократскиот сојуз.

„Граѓаните со огромно разочарување и револт ги следат случувањата со контролата на летање и не можат да веруваат што се случува во и со државата.

Само да потсетиме, прво реагираше Синдикатот во М-НАВ, за партиските вработувања на кадри кои не ги исполнуваат строгите услови за работа, па повикување во полициска станица на разговор на синдикалниот лидер, следи упад на осуммина во контролата на летање, но нема реакција од полицијата и осумте партиски насилници бегаат. Реагираат медиумите, граѓаните и опозициските партии, се приведуваат четворица од насилниците, но Судот не им определува притвор и што е следно?

Логично е Јавниот обвинител да реагира за да може Апелациониот суд да се изјасни, но потребна е и соодветна реакција и од Судскиот совет.

Владата предводена од Ковачески не треба да најавува смени, туку по реакцијата на Демократскиот сојуз, требаше веднаш да ги суспендира директорите на М-НАВ и да именува експерти кои ќе раководат со оваа витална организација.

Гласно и со огромна горчина сите се прашуваме и коментираме, дали законите важат подеднакво за сите граѓани, дали е можно да профункционира правната држава, дали мoже некој да ги запре криминалот, корупцијата и разградувањето на државата од кадрите на ДУИ

Државата е во колапс, а состојбите ќе се влошуваат, затоа во техничката Влада не треба да има кадри од ДУИ, доколку сакаме фер и демократски избори и мирен трансфер на власта“, додаваат од ДС.

The post ДС: Судот потклекна под притисокот на ДУИ и не определи притвор за насилниците appeared first on Република.

Деновиве, на крајот на оваа година, СДСМ ги плаќа „фактурите” на ДУИ и АА, за да биде на власт уште неколку денови, посочуваат од Демократски сојуз.

„Медиумите од соседна Албанија се мајтапат со тоа што командант на УЧК ќе биде технички премиер на Македонија, невиден скандал во Судскиот совет каде кадар на ДУИ бара смена на претседателот на Врховниот суд, поради тоа што бил против повторно активирање на аболицијата на Ѓорге Иванов. Скандалозни конкурси за вработување во врвни здравствени институции (терциарна здравствена заштита) со елиминација на Македонци, конкурс во Македонски шуми за вработување на Албанци во Берово, Крива Паланка, Демир Капија, каде што не живеат Албанци, а се елиминираат Македонци. Ја привршуваат постапката за распродажба на водени ресурси, продолжуваат со најкриминалниот проект со Бехтел и Енка, блокадата од Бугарија на евроинтеграциите на Македонија ја маргинализираат и на големо промовираат наводни големи дипломатски успеси итн.

Сите овие и уште многу други коруптивни скандали длабоко ги фрустрираат сите граѓани, се изгуби довербата во државата, а младите масовно бегаат во странство.

Алчноста на власта предизвика колапс на институциите, сè повеке се задолжува државата во странските банки, се предвидуваат над 600 милиони евра за изборен поткуп, спречуваат да се комплетира ДИК итн.

Наместо предновогодишно расположение, граѓаните со неверување слушаат и гледат како СДСМ ги распродава националните и граѓанските интереси, но наскоро за сè што се случува граѓаните ќе го кажат својот суд“ – стои во реакцијата од Демократски сојуз.

The post Демократски сојуз: СДСМ ги плаќа „фактурите“ на ДУИ и на Алијанса аа Албанците appeared first on Република.

Македонија неколку изборни циклуси има проблем со т.н „фантомски гласачи“. Прочистување на избирачкиот список беше едно од барањата на СДСМ во Пржинската влада 2017 година

Демократскиот сојуз ги повика сите државни институции навреме да го средат избирачкиот список, односно, како што велат, да се прочисти од „фиктивни гласачи“.

Фантомски гласачи кои беа главна мантра на тогашната опозиција предводена од СДСМ.

Се споменуваше бројка од  дури  300.000 сомнителни гласачи. Поради тоа, на барање на тогашната опозиција предводена од СДСМ беше спроведена теренска проверка на сомнителни гласачи по што околу 30.000 беа привремено избришани од Избирачкиот список.

Покрај тоа, околу 200.000 граѓани за кои се претпоставуваше дека живеат во странство беа ставени на посебен список. Потоа т.н сомнителните гласачи повторно беа вратени во Избирачкиот список.

Демократскиот сојуз денеска ги повика сите државни институции навреме да го средат избирачкиот список, односно, како што велат, да се прочисти од „фиктивни гласачи“.

Во оваа насока посебно ја нагласуваме одговорноста на Државната изборна комисија, како и на Министерството за внатрешни работи и Министерството за правда. Прочистувањето на избирачкиот список од можни фантомски гласачи, потоа од гласачи кои се иселиле од Македонија односно немаат постојано живеалиште во државата, како и од сите оние кои го изгубиле законскиот основ да бидат на избирачкиот список е законска обврска на ДИК – порачаа од партијата.

Со објавените резултати од пописот во 2021 година вкупниот број на население во Македонија изнесува 1.836.713, додека на избирачкиот список се запишани 1.824.864 гласачи

The post Дали и на следните избори ќе се појават т.н „фантомски гласачи“, или тие ги има само кога СДСМ е во опозиција? appeared first on Република.

Демократскиот сојуз смета дека во Собранието има мнозинство пратеници кои можат да донесат одлука за распуштање на Парламентот, со што ќе се создадат услови за одржување на вториот круг претседателски и парламентарни избори во ист ден.

Од 13 март 2024 година почнуваат уставните и законските рокови за одржување претседателски избори, при што парламентарните партии кои можат да формираат мнозинство за распуштање на Парламентот треба да го утврдат изборниот тајминг.

По катастрофалниот Извештај на Европската Комисија и колапсот на владините институции, дуизацијата и криминализацијата на државата, сосема е извесно дека Владата нема легитимитет и натаму да владее. Натамошното опстојување на Владата под водство на ДУИ го загрозува единството и националните интереси на Македонија.

Ја поздравуваме најавата на Алијансата на Албанците дека не сака и натаму да биде „патерица на ДУИ“ и се приклучува на определбата на опозиционите партии за што е можно побрзо паѓање на актуелната Влада и организирање избори.

Се покажа дека ДУИ и СДСМ ниту се за ЕУ, ниту за реформи, туку со манипулациите за уставни измени купуваа време за да владеат.

Со измените на Кривичниот законик го урнисаа правниот поредок и обезбедија амнестија на сите оние што досега го направија грабежот на граѓаните кој се проценува на над 10 милијарди евра во последните дваесетина години.

За да има одговорност и коренити реформи мора да има промени.

Само чесни кадри со знаење и државничко искуство можат да воспостават систем на владеење на правото, да ги заштитат националните интереси и да отворат перспективи за развој.

The post Демократски сојуз: Има мнозинство за претседателски и предвремени парламентарни избори во ист ден appeared first on Република.

Демократскиот сојуз жестоко ги осудува вчерашните изливи на великоалбански шовинизам и величење на Голема Албанија при отворањето на т.н. Меморијален центар - музеј на УЧК во кумановското село Сопот, како и на фудбалскиот натпревар помеѓу екипите на Шкупи и Вардар во скопски Чаир.

Прикажувањето карти на Голема Албанија во музејот на УЧК во Сопот, кој го отвори лидерот на ДУИ Али Ахмети и признанието дека на почетокот се бореле за Албанија, но дека сега Албанците биле господари во Македонија, ја подгрева меѓуетничката омраза и го загрозува суверенитетот и територијалниот интегритет на Македонија.

Истакнувањето пароли на фудбалскиот натпревар Шкупи-Вардар во кои се вели дека Албанците требало да го исполнат историскиот аманет, Скопје да биде срцето на Албанија, е тешка великоалбанска провокација, на која не ѝ местото на спортски натпревар и е наменета единствено да го заплаши мнозинскиот македонски народ.

Демократскиот сојуз ги повикува Министерството за внатрешни работи, надлежното јавно обвинителство, како и Фудбалскиот сојуз на Македонија, да преземат соодветни прекршочни и кривични постапки против сторителите на овие сериозни националистички и шовинистички провокации.

The post ДС: Жестока осуда на величењето на голема Албанија во с.Сопот и на фудбалскиот натпревар Шкупи – Вардар appeared first on Република.

Демократскиот сојуз најостро го осудува настапот на Исмет Рамадани на „Канал 5“ со кој, како што велат од партијата, неосновано, неаргументирано и клеветнички грубо го нападна новинарот Александар Видиновски со што директно ги загрозува новинарите и слободата на говорот.

Исмет Рамадани во недостаток на аргументи во одбраната на Димитар Ковачевски и Артан Груби во обидот преку Врховниот суд да ја активираат одлуката на Ѓорге Иванов за аболиција на 56 функционери и нивно ослободување од кривична одговорност, манифестираше примитивизам и говор на омраза на етничка основа. Демократскиот сојуз бара Исмет Рамадани да му се извини на новинарот на КАНАЛ 5, како и на јавноста. Ваквите дрски и неаргументирани напади нема да им помогнат на евроинтеграциските процеси, ниту ќе придонесат за јакнење на единството и заштита на виталните државни интереси. Слободата на говорот, јавното изразување и објективноста се темелни вредности на новинарската професија неопходни за развој на демократијата, велат од Демократскиот сојуз.

The post ДС: Силна осуда на настапот на советникот на Ковачевски appeared first on Република.

Демократскиот сојуз најостро го осудува настапот на Исмет Рамадани на КАНАЛ 5 со кој неосновано, неаргументирано и клеветнички грубо го нападна новинарот Александар Видиновски со што директно ги загрозува новинарите и слободата на говорот.

Исмет Рамадани во недостаток на аргументи во одбраната на Димитар Ковачевски и Артан Груби во обидот преку Врховниот суд да ја активираат одлуката на Ѓорге Иванов за аболиција на 56 функционери и нивно ослободување од кривична одговорност, манифестираше примитивизам и говор на омраза на етничка основа.

Демократскиот сојуз бара Исмет Рамадани да му се извини на новинарот на КАНАЛ 5, како и на јавноста.

Ваквите дрски и неаргументирани напади нема да им помогнат на евроинтеграциските процеси, ниту ќе придонесат за јакнење на единството и заштита на виталните државни интереси.

The post ДС: Силна осуда на настапот на Исмет Рамадани appeared first on Република.

Од Демократски сојуз велат дека со измените на Кривичниот законик, со предлог законот за амнестија и со најавената трета амнестија или ставање во сила на одлуката за аболиција на Ѓорге Иванов, ДУИ и СДСМ дефинитивно го урнисале правниот систем во државата и создале предуслови мафијата да владее во Македонија, да трупа капитал и да ги блокира евроинтеграциите.

Вакво мафијашко владеење нема ниту во јужноамериканските држави! Многу е опасно што угледни професори по казнено право за пари се ставија во одбрана на измените во Кривичниот законик и амнестијата на тешки криминалци. Во државата никој не верува дека сте загрижени за пренатрупаноста во затворите туку затоа што сте алчни за пари и власт, велат од Демократски сојуз.

Според нив, со ваквите одлуки само се блокира Македонија на европскиот пат.

Не можеме да веруваме дека ЕУ и САД очекуваат со овие криминални владини активности да го промените Уставот. Сериозен проблем е тоа што меѓународната заедница не реагира на соодветен начин што власта го злоупотребува како наводна нивна поддршка за ова невидено разнебитување на државата и правниот поредок, дополнуват од Демократски сојуз.

The post Демократски сојуз: Алчни за пари и власт, ДУИ и СДСМ го урнисаа правниот поредок appeared first on Република.