По повод Светскиот ден на менталното здравје, во фоајето на Домот на култура „Илинден“ во Демир Хисар денеска во 10:30 часот ќе биде отворена ликовната изложба „Визуелни спознанија“.

Станувало збор за ликовни дела што содржат интимни приказни на самите автори, соопштуваат од Центарот за креативни индустрии „Небо“.

Сликите се визуелен говор на потсвесните емотивни и психолошки состојби на учесниците и истите во голема мера се од големо значење во областа на спонтаното творештво и арт брут уметноста, се наведува во соопштението.

Изложбата е резултат на сликарска работилница одржана во Психијатриската болница, под менторство на уметникот Тони Попов и Центарот за креативни индустрии - „Небо“, а финансиски поддржана од Министерството за култура, преку Програмата проекти од национален интерес во културата за 2024 година.

Oд 2018 година, Центарот за креативни индустрии - „Небо“ активно работи на темата ментално здравје и преку своите активности во соработка со Психијатриската болница во Демир Хисар, се залага за подигнување на свеста за важноста на менталнтото здравје и разбивање на стигмите околу менталните болести. Сликарските работилници организирани од страна на Центарот, имаат терапевтска функиција, чија цел е увид во психолошко-емоционалните состојби, што за време на креативното творештво, визуелно се пресликуваат и стануваат одраз на сите потсвесни состојби со што човекот секојдневно се соочува, се појаснува во соопштението.

The post Изложба „Визуелни спознанија“ за Светскиот ден на менталното здравје во Демир Хисар appeared first on Република.

Вечерва во рамките на Демирхисарско културно лето 2024, на Градски плоштад во Демир Хисар, со почеток во 21:00 часот, ќе се одржи деветото издание на Рок хепенинг Демир Хисар.

На ова издание на фестивалот ќе настапат:

-Културно уметнички работници – (Скопје)
-Игор Станоeски /Igi man blues trio/ – (Скопје)
-Marvels – (Битола – Ресен)
-Revelation – (Демир Хисар)

Се гледаме на концерт!

The post Рок хепенинг вечерва во Демир Хисар appeared first on Република.

Општина Демир Хисар добива модерен, современ и урбан изглед благодарение на работата, на активноста и посветеноста на градоначалникот, на советниците на Општина Демир Хисар, но и општинската администрација. Во минатото беа реализирани безброј проекти кои што се круцијално значајни за жителите на општина Демир Хисар, пишува на својот фејсбук профил Ѓорѓија Сајкоски, генерален секретар на ВМРО-ДПМНЕ и пратеник во македонското собрание.

Тој понатаму додава:

Но, морам да истакнам дека само пред шест месеци се ветија исто така проекти кои што навистина ќе ја направат општина Демир Хисар да добие посебен изглед. Тоа е реализацијата на Градскиот парк кој што беше ветен и отпочна работа на Градскиот парк. Исто многу значаен проект кој што многу значи за граѓаните на Демир Хисар бидејќи ќе ја зголеми безбедноста на жителите од овој град е реализација на пешачката патека на улица „Битолска“. Источниот дел од улица „Битолска“ ќе добие пешачка патека.

Но, Општина Демир Хисар исто така реализира проекти кои што се и за останатите населени места, кои се во околината на градот Демир Хисар. А, тоа се населеното место Прибилци, населеното место Вардино и населеното место Сопотница добиваат по две улици кои што беа многу значајни за жителите на овие населени места бидејќи го подобруваат квалитетот на живот на овие граѓани, меѓутоа и ја зголемува вредноста и на нивните имоти.

Општина Демир Хисар прераснува навистина во еден значаен центар во овој регион кој што го смени својот изглед од пред доаѓањето на локалната власт на сегашниот градоначалник Никола, кој посветено работи и реализира проекти кои и што не беа ветени во програмата.

А, она што беше ветено во изминатиот период е веќе реализирано за две ипол години.

The post Сајкоски: Општина Демир Хисар добива модерен, современ и урбан изглед, продолжува реализацијата на проекти appeared first on Република.

Не верувајте им на различните комбинации, тоа е политичка фантастика. Неверојатна политичка математика. Зошто ќе имаат тажен крај? Бидејќи, секој човек може да забележи што се случува во оваа група што оди заедно. Фрлете поглед на оваа група напред, фрлете поглед на дебатите, фрлете поглед кога доаѓаме и си заминуваме. Ние сме заедно, ние сме насмеани, истакна кандидатката за претседателка на Македонија, професор д-р Гордана Силјановска-Давкова од митингот во Демир Хисар.

Ние знаеме дека нашите чекори се вистинските, демократските, на промените и реформите! А тие, како и секогаш кога некој си оди, почнуваат да се расправаат. Стимулираат делби! Не дозволувајте да внесат нови поделби меѓу вас без оглед на етничка, верската, социјалната, идеолошката или било каква определба! Не е време за делби! Време е за единство! Она национално единство мора да се оствари! Јас ви тврдам дека ќе има единство! И меѓу претседателката и владата водена од премиерот, ама исто така и единство нераскинливо со народот, со граѓаните! Ви ветувам дека секој ден ќе ве потсетуваме дека сме тука заради вас граѓаните!, додава Силјановска.

The post Силјановска Давкова: Не дозволувајте СДСМ и ДУИ да внесат нови делби! Време е за единство! appeared first on Република.

Идниот претседател Гордана Силјановска Давкова победи во сооднос поголем од 2-1 со историска разлика од 183 илјади гласа во однос на нејзиниот против кандидат Стево Пендаровски. Тоа е историски резултат и резултат кој нас не обврзува бидејќи народот со право има големи очекувања и очекува дека идната влада на коалицијата „Твоја Македонија“ предводена од ВМРО-ДПМНЕ треба да испорача брзи резултати, истакна претседателот на ВМРО-ДПМНЕ Христијан Мицкоски на денешниот митинг на ВМРО-ДПМНЕ во Демир Хисар.

Претседателот Мицкоски истакна ветува дека ќе има брзи резултати.

„Од мое име и од името на коалицијата можам да ви ветам дека брзи резултати ќе има, имаме програма наречена Платформа 1198, во таа платформа, во тој документ се содржани решенија за потребите на граѓаните на Македонија бидејќи тие го најдоа своето место во таа изборна програма како резултат на неколку месечна, годишна комуникација која ВМРО-ДПМНЕ и коалицијата ја имаше преку организирање трибини, посети лице во лице, разговори. Сето она кое е содржано таму е навистина решение за реалните потреби на секој граѓанин во Македонија“, вели Мицкоски.

Претседателот Мицкоски продолжи и додаде:

„Вистинското прашање е дали некој овде во Демир Хисар видел програма на нашите политички противници и дали некој знае како се вика таа програма на нашите политички противници. Ние веќе ја поминавме Македонија еве веќе 25 ден од оваа кампања и претпоставувам дека нема граѓанин, нема човек во Македонија кој не знае дека ние молиме за поддршка за Македонија да биде повторно горда и твоја. Дали некој знае која е пораката на нашите политички противници освен ако се земе дека сите тие се тепаат да ги искористат двете магични букви ЕУ само тоа“, кажа Мицкоски.

Претседателот Мицкоски истакна дека една работа е сигурна после 8 мај, а тоа е дека ВМРО-ДПМНЕ и коалицијата „Твоја Македонија“ ќе имаат 61 пратеник, а Гордана Силјановска Давкова ќе е идниот претседател. Тој упати апел масовно на 8 мај да се излезе и да се заокружи бројот 2.

„Една работа е сигурна после 8 мај, а тоа е дека коалицијата „Твоја Македонија“ ВМРО-ДПМНЕ ќе имаат 61 пратеник и Гордана Силјановска Давкова е идниот претседател, се останато е лага. Сите оние кои се претставуваат како анти владини опозициски гласови или гласачи или политичари четири дена молчат што ќе ги советуваат гласачите кои во првиот круг го дадоа гласот за нив, што ќе прават во вториот круг на гласање. Ќе излезат да гласаат, нема да излезат да гласаат, ако излезат да гласаат што ќе ги советуваат за кого да гласаат за Стево Пендаровски или за Гордана Силјановска Давкова, ајде да ги слушнеме ајде сите да ги повикаме 4 -5 дена молчите а се претставувате како опозициски кандидати, кажете го вашиот став да го слушнат граѓаните во Македонија да видиме кој е вашиот совет бидејќи сепак неколку десетици илјади луѓе гласаа и за нив“, дециден е Мицкоски.

The post Мицкоски: Силјановска Давкова го победи Пендаровски со историска разлика од 183 илјади гласа разлика, сите оние кои се претставуваат како опозициски гласови да кажат кого ќе поддржат во вториот изборен круг appeared first on Република.

Денес ни е потребно единство за да можеме да испорачаме резултати. Денес ни е потребно единство за да може да донесеме развој, единство на сите граѓани за да може да донесеме подобро образование, подобра инфраструктура, да донесеме надеж која е изгубена кај граѓаните, заеднички со вас може да го направиме тоа и оние кои гласале за другите политички партии и не верувале, но и сите оние кои останаа дома повикајте ги, денес на Македонија сте и потребни сите, денес за да формираме влада која треба да испорачува на македонските граѓани. Затоа па од денес па до 8 ми убедете што повеќе луѓе да донесеме огромна победа за ВМРО-ДПМНЕ и Македонија, истакна носителот на ИЕ 5 од ВМРО-ДПМНЕ Ѓорѓија Сајкоски на денешниот митинг на ВМРО-ДПМНЕ во Демир Хисар.

Тој истакна дека знаат како ќе испорачаат она што го ветиле за сите населени места.

„Ние знаеме како и ќе испорачаме за сите населени места тука. Ќе испорачаме со изградба на инфраструктура и ќе го направиме патот Кичево – Демир Хисар – Битола. Ќе направиме голем дел проекти заедно со градоначалникот затоа што ветивме дека општините ќе добијат 250 милиони евра и Општина Демир Хисар ќе добие средства за да може да вложува во Демир Хисар да се развива“, вели Сајкоски.

Тој продолжи и додаде:

„Ветуваме бидејќи знаеме како и можеме да донесеме нови инвестиции тука и нови работни места. Ќе направиме подобро образование, ќе ја вратиме надежта кај сите и заедно ќе донесеме подобра Македонија, ние ви укажуваме и ветуваме и обрзвуваме дека ќе се зголемат пензиите со 5,000 денари и основицата на сите пензионери. Земјоделците вистински ќе добијат 180 милиони евра ќе донесеме раст и развој, ќе донесеме голема надеж за Македонија, македонскиот народ, македонските граѓани и сите граѓани кои живеат во Македонија“, дециден е Сајкоски.

The post Сајкоски: Патот Кичево- Демир Хисар- Битола ќе го завршиме, а општина Демир Хисар ќе добие средства од предвидените 250 милиони евра за општините за да може да се развива appeared first on Република.

Се сеќавате пред 6 ипол години ја започнаа онаа нивна кампања кога велеа дека ќе донеле живот во Македонија. Наместо живот за сите, општество за сите, тие донесоа живот за малкумина кои што се денес во врхушката на СДСМ и ДУИ, а за сите нас останатите донесоа вистински пекол. Кога зборам на вистински пекол, ќе ве потсетам на некои од нивните ветувања. Велеа дека ќе сме имале европско здравство. А од европското здравство не остана ни Е. Всушност има едно Е а тоа се еврата кои што ги украдоа од нашиот здравствен систем и сега се џебовите на малкумина преку наместени тендери, вели Христијан Мицкоски, претседател на ВМРО-ДПМНЕ пред граѓаните на општина Демир Хисар во рамки на претседателската кампања.

Мицкоски додаде дека СДСМ донесе пекол и во образованието и во земјоделството, укажувајќи дека учениците се уште немаат учебници и покрај тоа што е крај на учебната година, а од ветениот загарантиран откуп и цени за земјоделците, нема ништо.

Се сеќавате зборуваа дека образовниот систем бил како во европските високо развиени држави. Но каква е реалноста? За жал нашите ученици најголем дел од нив не добија книги од кои што ќе можат да учат, а некои за жал учебната година ќе заврши се уште немаат добиено книги. Се сеќавате на земјоделците им ветуваа откуп, им ветуваа загарантирана цена, повисоки субвенции, а што направија? Ниту загарантиран откуп, ниту загарантирана цена, полињата се пустошат, луѓето се иселуваат. Тоа е реалноста која ја донесоа во Македонија, од оној ветуван живот, донесоа пекол.

https://republika.mk/vesti/makedonija/mitskoski-graganite-izbiraat-megu-dva-kontsepta-edniot-na-pendarovski-sdsm-i-ahmeti-koi-ja-ponizhuva-i-plachka-drzhavata-i-kontseptot-na-vmro-dpmne-koj-ke-ja-napravi-makedonija-gorda/

Претседателот Мицкоски потенцираше дека со Македонија управува триото Ахмети, Груби и Османи, порачувајќи дека тоа мора да престане најпрво на 24 април, а потоа на 8 мај.

Со Македонија управува ДУИ, по принципот како од сега. А овие измеќарите од СДСМ партија која во раните 90тите беше голема, партија која што можеби држеше во некоја мера до своето достоинство денеска се претвори во еден обичен измеќар на триото Ахмети, Груби и Османи. Принципот на владеење со Македонија како до сега подразбира Артан Груби како вицепремиер и неговото семејство да стекнува се поголем имот во центрите на големите населени места во Македонија. Бујар Османи како министер за надворешни работи да продолжи да ја распродава и омаловажува и понижува Македонија и да го дели македонскиот идентитет каде стигне и кому стигне, небаре го наследил од неговите предци. И конечно на крај главниот во оваа приказна како до сега Али Ахмети да го гледаме во неговиот вилает, неговите хациенди во Зајас како ужива како некој блискоисточен шејк од таму управувајќи со Македонија. Тоа мора да престане. Мора да кажеме доста е, ова мора да престане најпрво на 24 април, а потоа и на 8 мај. Порача Мицкоски.

Мицкоски нагласи дека неговиот рејтингот, рејтингот на ВМРО-ДПМНЕ и Гордана Силјановска Давкова е три пати поголем од рејтингот на СДСМ, Ковачевски и Пендаровски, токму поради тоа се плаши самиот Пендаровски, нагласувајќи дека за неколку недели од сега ќе одговараат што го опљачкаа народот.

Пендаровски има страв затоа што за неколку недели од денеска ќе ги отвориме тефтерите, ќе ги ослободиме институциите и ќе видиме што е тоа што го правеа овие 6 и пол години. Дали тоа што го збори Стево дека тој барем не крадел за разлика од сите останати, е навистина така или не е така. Има страв Стево и до него блиските затоа што треба сметките да се срамнат, треба одговорноста да дојде, за бадијала им се промените на челновите во кривичниот законик, за бадијала, кажа Мицкоски и им порача дека ќе одговараат после 8 мај за сето она кое што го направија на народот и го опљачкаа.

The post Мицкоски: СДСМ стана измеќар на ДУИ, Ахмети од вилаетот во Зајас управува со Македонија како некој блискоисточен шеик, на ова му доаѓа крајот јас ви ветувам appeared first on Република.

Битолчанецот К.К. (42) го загуби животот, а 19 лица се со тешки телесни повреди во сообраќајната несреќа која се случи на регионалниот патен правец Битола – Демир Хисар.

Од СВР Битола потврдија дека во сообраќајката која се случила во 14:57 часот учествувале патничко возило „пежо“ и комбе, и двете со битолски регистарски ознаки.

-Сообраќајна несреќа се случи меѓу комбе управувано од А.С. (25 г.) од селото Вирово, демирхисарско, кое пренесувало 18 работници од битолска фабрика, и патничко возило „пежо“ управувано од К.Ј. (36 г.) од Битола. На лице место починал совозачот на патничкото возило К.К. (42 г.) од Битола, потврдија од СВР Битола.

https://republika.mk/vesti/crna-hronika/20-litsa-zadrzhani-vo-bitolskata-bolnitsa-po-deneshnata-soobrakajka/

Во изјава за МИА, Елизабета Ивановска, директорка на ЈЗУ Клиничка болница-Битола посочи дека веднаш по сообраќајката, во одделението за ортопедија примени се 13 лица и на сите им е укажана лекарска помош и не се хоспитализирани. Во одделението за неврохирургија прегледани се 4 лица и кај нив е изврешено компјутерско снимање, додека лекарите во одделението за хирургија, кои прегледаа 3 лица повредени во сообраќајката. Сите лица се надвор од животна опасност, изјави за Ивановска.

https://republika.mk/vesti/soobrakajkata-se-sluchila-kaj-mestoto-vikano-trafostanitsa-na-patot-bitola-demir-hisar/

Во тек е истрага за причините за тешката сообраќајна несреќа

The post 42-годишен битолчанец е загинатиот во сообраќајката на патот Битола – Демир Хисар appeared first on Република.

Основното јавно обвинителство Битола поведе постапка против 50-годишен жител на Демир Хисар за кого постои основано сомнение дека сторил продолжено кривично дело – Загрозување на сигурноста согласно член 144 став 3 во врска со став 1 и во врска со член 45 од Кривичниот законик. На лицето му е одредено притвор во траење од осум дена.

Како што се наведува во соопштението од Обвинителството, на 31 октомври, во два одделни инциденти, осомничениот директно се заканувал на други жители на Демир Хисар дека ќе ги лиши од живот, предизвикувајќи кај нив вознемиреност и страв.

Судијата на претходна постапка од Основниот суд во Битола го прифати предлогот на јавниот обвинител и на осомничениот му определи притвор во траење од осум дена.

The post Во два наврата на соседите им се заканувал со елиминација: Жител на Демир Хисар притворен поради загрозување на сигурноста appeared first on Република.

Полициски службеници од ОВР Демир Хисар, во содејство со криминалистичката полиција на СВР Битола, на патот меѓу село Света и село Единаковци, на подрачје на Демир Хисар, го уапсиле Д.Т.(58) од Демир Хисар, вработен во Шумска полиција во Демир Хисар, осомничен за сторено кривично дело по чл.357 од КЗ „примање поткуп".

МВР информира дека Д.Т. од лице од Демир Хисар побарал пари, а за возврат да не постапи односно да не санкционира незаконско работење.

Откако му биле побарани пари, лицето го пријавило случајот во СВР Битола и му биле дадени крим-технички обработени пари, кои тој му ги дал на Д.Т.. Веднаш откако му биле предадени парите, Д.Т. е лишен од слобода и кај него се пронајдени 18.000 денари кои потекнуваат од кривичното дело. Д.Т. е приведен во полициска станица Битола и против него ќе следува кривична пријава, појаснуваат од МВР.

The post Земал 300 евра мито за да не пише казна, па го фатиле со бележани пари: Уапсен вработен во Шумска полиција во Демир Хисар appeared first on Република.

Министерот за здравство д-р Фатмир Меџити денеска се сретна со Салка Абдуловска, мајка на 17 годишното момче за кое излезе информација дека било несоодветно третирано во Демир Хисар. Министерот Меџити, лично се запозна со случајот, како би можело Министерство да помогне за полесно секојдневние во грижата за момчето. На средбата од страна на Меџити беше изразено жалење за настанатата ситуација и министерот потенцираше дека нема да дозволи никогаш несоодветен третман на пациентите, особено на малолетни лица.

Иако добив уверувања од менаџментот на болницата дека е постапено по сите протоколи со цел безбедност на пациентот, случајот и работењето на болницата Демир Хисар ќе биде под строг надзор на Министерството. Ги охрабрувам другите институции кои започнаа постапка да ги завршат за да се расчисти случајот до крај. Родителите на момчето ја имаат нашата поддршка. Разговаравме за нивните проблеми и ветивме дека ќе се заложиме на оваа семејство да му помогнеме, ќе направиме напори момчето да биде сместено во интернатот од училиште за деца со посебни потреби, Партениј Зографски, во Скопје каде оди во училиште“ истакна на средбата министерот за здравство.

Мајката на 17 годишното момче, на средбата ја пренеси дека дополнително семејството било вознемирено со објавување на лажни фотографии во јавноста, каде биле изнесувани невистини дека се работи за нејзиното дете, прикажувајќи момче како седи на земја врзано за кревет. Министерот за здравство упатува апел до целата јавност сите ние да внимаваме кога споделуваме вакви чувствителни вести.

The post Работењето на болницата во Демир Хисар ќе биде под строг надзор на Министерството за здравство, рече Меџити по средбата со мајката на 17-годишното момче appeared first on Република.

Институцијата Народен правобранител ќе работи на случајот со 17 годишникот со аутизам за кој медиумите објавија дека имал нехуман однос во Психијатриската болница во Демир Хисар. Ова настан во Тетово го најави во одговор на новинарски прашања државниот советник во Народен правобранител Васка Бајрамовска Мустафа.

- Слушнавме за настанот, објавија повеќе медиуми. Согласно надлежностите, отворивме предмет по сопствена иницијатива. Ќе ги преземе сите мерки за испитување на случајот, имајќи предвид дека немаме директна претставка директно од родителот како би можеле да ги добиеме основните податоци. Но и овие се доволни за да иницираме една постапка. Да бараме од надлежните органи да се направи надзор над работата на установата и секако да бараме соодветни информации за изнесени наоди на родителот преку медиумите за начинот на којшто детето беше третирано додека било сместено во установата, истакна Васка Бајрамовска Мустафа.

Таа потсети дека лани исто така реагирала за здравствената установа од Демир Хисар за тамошните општи услови за третман.

Институцијата Народен правобранител вршејќи го мандатот на национален превентивен механизам, посетувајќи ја оваа установа мината година излезе со остри осуди или критики за условите во којшто се генерално сместени лицата во установата. Со соодветни препораки за тоа што треба да се преземе во која насока, бидејќи нешто што не треба да дозволиме нехуман однос, или сместување на граѓани во несоодветни услови. Верувам дека што поскоро треба да бидат преземени мерки со цел ваквите установи треба да бидат места од аспект на кадар и од аспект на стручност и од аспект на третман и однос, ќе одговорат на стандардите кои ги налагаат меѓународните конвенции, меѓународните стандарди за почитување бидејќи во спротивно кршиме многу права кршиме многу и закони и конвенции кои ги имаме ратификувано како држава, посочи Васка Бајрамовска Мустафа.

Таа учествуваше на панел-дискусија на тема „Политичко учество на лицата со попреченост“.

The post Народниот правобранител ќе поведе постапка за Психијатриската болница во Демир Хисар appeared first on Република.

Градоначалникот на Општина Демир Хисар Никола Најдовски одлучи на секое семејство кое запиша прваче да им додели по 3.000 денари, еднократна парична помош за набавка на училишна опрема.

Утрово, градоначалникот Најдовски ќе го посети централното основно училиште „Гоце Делчев“ каде ќе биде организирна свеченост по повод почетокот на новата учебна година во Општина Демир Хисар.

Новата учебна година во Општина Демир Хисар почнува со помалку запишани првачиња од лани. Во трите основни училишта запишани се 46 првачиња, од нив 38 ќе учат во ОУ „Гоце Делчев“, во ОУ „Браќа Миладиновци“ запишани се пет првоодделенци, а во ОУ „Даме Груев“ ќе учат само три првачиња.

The post Во Демир Хисар две училишта со по 5 и 3 првачиња appeared first on Република.

Задоволство е секогаш да се биде дел од нешто што се гради. Градоначалникот на Демир Хисар кажа што се е направено, што се прави и што се ќе се направи, и навистина сакам да му честитам и нему и на советниците и на сите оние кои што се борат за нешто да биде направено, затоа што за жал повеќе од три децении се бориме со луѓе кои што гледаат што повеќе да однесат, наместо да направат, истакна Христијан Мицкоски, претседател на ВМРО-ДПМНЕ, при денешната посета на општина Демир Хисар.

Убеден сум дека оваа генерација на политичари во Македонија, градоначалниците, советниците и идната влада предводена од ВМРО-ДПМНЕ и коалицијата ќе го разбие оној стереотип и би рекол она фраза дека сите се исти, бидејќи не се сите исти. ВМРО-ДПМНЕ и коалицијата градат, а за жал оваа коалиција која што уште неколку месеци ќе биде влада во Македонија, тука пред се мислам на владата на ДУИ поддржана од помалиот коалиционен партнер СДСМ, континуирано кради и тоа е нешто што денеска претставува суштински и основен проблем во Македонија.

Спомена градоначалникот дека очекуваат поголема поддршка од идната владата предводена од ВМРО-ДПМНЕ, можам да кажам дека она кое што од вчера почнав да го најавувам во Прилеп како директна алокација на средства од централниот буџет за реализирање на капитални проекти во општините во Македонија, ќе биде секако и за Демир Хисар. Тука се предвидени најмалку милион евра годишно за реализација на капитални инвестиции кои што се основна потреба за граѓаните на Демир Хисар. Што значи за еден мандат повеќе од 4 милиони евра и тоа е надвор од буџетот на самата општина, а тоа се пари кои ќе бидат директно инвестирани за нови улици, за водоводна мрежа, за канализациона мрежа, рехабилитација на улици, игралишта итн. Нешто што е суштински потребно за граѓаните насекаде во Македонија, тоа се директни средства кои ќе бидат реалоцирани од буџетот и кои што ќе бидат инвестирани овде во Демир Хисар.

Ценам дека на тој начин можеме да го подобри квалитетот на живот на граѓаните и ценам дека во една ваква преубава општина каква што е Демир Хисар повторно ќе го вратиме животот, бидејќи како и секаде во Македонија мислам дека овде драматично е изразено она што претставува секаде проблем, а тоа е иселување на луѓето, односно на нашите сограѓани.

Уште еднаш сакам да честитам и да ги охрабрам и градоначалникот, советниците и сите да работата како едно, бидејќи свесен сум за сите проблеми кои што ги прави централната влада, свесен сум дека се на маргините на интересот од централната влада бидејќи граѓаните на Демир Хисар гласаа за ВМРО-ДПМНЕ и коалицијата, и ќе гласаат на следните парламентарни избори за идната влада која што ќе ја предводи ВМРО-ДПМНЕ.

Но, овие неколку месеци колку што ќе остане оваа криминална влада на ДУИ поддржана од помалиот коалиционен партнер СДСМ е потребно да ги издржиме сите заедно како едно, да се избориме и да дојдеме до она што е многу важно, да ја ослободиме пред се Македонија, да го ослободиме Демир Хисар од оваа влада на ДУИ поддржана од помалиот коалиционен партнер СДСМ, а потоа храбро, чесно и одговорно да влеземе во еден инвестициски циклус кој што ќе значи подобар живот за нашите сограѓани, изјави Мицкоски.

The post Идната влада на ВМРО-ДПМНЕ од централниот буџет ќе инвестира по 1 милион евра годишно за реализација на капитални инвестиции во Демир Хисар appeared first on Република.

Вистинска драма се случуваше вчера попладне во демихисарско, каде беа нападнати неколку полоциски службеници од кои еден беше прободен, а двајца беа прегазени.

Вчера во 11.20 часот во с.Доленци, демирхисарско, полициски службеници од Полициската станица Ресен го лишиле од слобода И.Ѓ.(41) од Росоман. Околу 08.00 часот на патот Битола-Ресен, со возилото „пежо“, кое го управувал, не застанал на знак за запирање од полициски службеници и притоа со возилото удрил двајца од нив. Набргу откога бил запрен, со остар предмет повредил полициски службеник кој извршувал службени дејствија, соопштија од МВР.

Тој бил приведен во полициска станица и по целосно документирање на случајот против него ќе биде поднесена соодветна пријава.

Целиот инцидент беше снимен од случајните минувачи, кои беа во паника зошто беше употребено и огнено оружје:

GTA Битола pic.twitter.com/vs0d0izeJq

— Tom is Love ❼ (@egodollaric) February 22, 2022

The post „Врати се брат, врати се Филип, пукаат!“: Видео од тешкиот инцидент на патот Битола – Ресен appeared first on Република.

Да се покрене иницијатива за поведување постапка за кривично гонење против тројца градоначалници на Општина Демир Хисар, раководителка на Одделението за урбанизам во Општината, како и нејзиниот сопруг, сопственик на трговско друштво „Амбиент“ заради злосторничко здружување, бара Државната комисија за спречување на корупција (ДКСК).

Шемши Салаи, член на ДКСК, образложувајќи го предметот, појасни дека сопругот на раководителката на Одделението за урбанизам Соња Наумовска, закупил простор во сопственост на Општината, а не плаќал закупнина со години, а тоа било толерирано од страна на тројцата поранешни градоначалници Тони Ангеловски, Љупчо Блаженовски и Марјанче Стојановски.

По информациите до кои дошла ДКСК, се констатира дека Соња Наумовска и нејзиниот сопруг Раде Наумовски се стекнале со бесправна корист на средства од над милион и 500 илјади (1.502.498) денари по однос на неплатени закупнини, а поранешните градоначалници на општината не презеле должни мерки за наплата на закупот.

Во пријавата, како што беше посочено на седницата, е наведео и дека геодетските елаборати за утврдување на правен статус на бесправно изградени објекти во Демир Хисар ги изработиле фирми чии сопственици биле во блиски деловни односи со поранешниот градоначалник Тони Ангелески, а постоел и договор меѓу раководителката Наумовска и поранешниот градоначалник Марјанче Стојановски дека таа на негови роднини ќе им помагне при легализација на објектите, а за возврат градоначалникот да не постапува за присилна наплата за закупот.

ДКСК го разгледа и предметот отворен по барање на поранешниот градоначалник на Град Скопје, Петре Шилегов поврзан со набавката на мултифункционалната противпожарна скала. Бидејќи за овој случај Обвинителството за гонење на организиран криминал и корупција има отворено кривичен предмет, ДКСК ја запре постапката по овој предмет.

The post ДКСК: Tројца градоначалници на Демир Хисар треба да се гонат за злосторничко здружување appeared first on Република.