Од синоќа во 22 часот сообраќајот на регионалниот пат Охрид – Свети Наум, кај с.Љубаниште се одвива со наизменично пропуштање на возилата поради одрон на патот, информира АМСМ.

Сообраќајот на останатите патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Патот од Љубаниште кон Охрид делумно прооден, сообраќајот се одвива наизменично appeared first on Република.