„На Артан му објасниле ама не му дообјасниле. Договорот тој вели е класифициран затоа што побара другата страна да има деловна тајна, ама Бехтел и Енка има побарано non disclosure agreement кој нема врска со класифицирање.

Се класифицира државна тајна, воена тајна, набавка на тенкови, хеликоптери, противоздушна одбрана, пушки, пиштоли итн., а овде таква работа нема“, изјави потпретседателот на ВМРО-ДПМНЕ Александар Николоски во гостување во емисијата „Заспиј ако можеш“ на телевизија Алфа.

Тој посочи дека второто нешто каде заглави Артан Груби е тоа што странско работно лице како што е во случајот Бехтел и Енка согласно нашите закони не може да биде создавач на класифицирани информации, односно класифициран договор.

„Само Влада може да биде создавач на класифицирани информации или договор. Второ тој не кажа од кој степен е доверливоста на таа информација, бидејќи таква класификација нема и трето кој е создавачот на таа класифицирана информација ако не може Бехтел и Енка, Владата самостојно не може да создаде класифицирана информација затоа што тоа е двостран договор“, рече Николоски.

Тој се повика на членот 21 од законот за класифицирани информации и јавно истакна дека пријавува прекршувања.

„Ако со класифицирана информација се прикрива пречекорување на овластување, злоупотреба на функцијата или некое друго незаконито дејствие односно казниво дело тогаш таквата информација нема да се смета за класифицирана. Став 2 од истиот член вели на лицата кој ќе ја пријават од Ставот 1 од овој член до надлежен орган согласно законот на укажувачи им се гарантира заштита согласно закон. Епа еве јас согласно закон за заштита на укажувачи сакам јавно да пријавам дека  ако сепак го имаат класифицирано договорот надвор од сите стандарди јас пријавувам дека тоа го направиле заради тоа што има одредени прекршувања и се повикувам на член 21 став 1 и став 2 да бидам правно заштитен“, изјави Николоски.

Во однос на тоа зошто владата не отиде на опција да земе евтини кредити и грантови Николоски истакна дека тоа е поради што тие не даваат пари на корумпирани влади бидејќи тоа е основната политика на овие три големи банки и второ даваат пари само во транспарентни процедури.

„Големи инфраструктурни проекти најчесто се градат со грантови или евтини кредити. Оваа Влада се фали дека е најпроевропската Влада, тогаш ако се најпроевропската Влада прва работа што треба да ја направат е да отидат во Брисел, Луксембург, а можат и до Стразбур и да побараат од трите европски банки, Банката на Советот на Европа, Европската инвестициска банка и Европската банка за обнова и развој поволни кредити и грантови за изградба на автопат“, дециден е Николоски.

Николоски додаде дека за да Европска инвестициона банка, Европска банка за обнова и развој и банката на Советот на Европа мора да се има транспарентна постапка за избор на изведувач односно да има јавен повик, тендер на кој може да се пријави  секој што ќе исполнува услови.

„На почеток кога власта зборуваше за овој проект пред 3 години велеа дека проектот ќе дојде со финансирање односно ќе го следат евтини кредити а сега збор немаат кажано за таа работа туку велат ќе се финансира од буџетот со скапи еврообврзници затоа што ниедна од сериозните европски банки не е спремна да даде кредит на проект кој мириса на злоупотреби и кој не е транспарентен“, заклучи Николоски.

The post Не постои деловна тајна во договори помеѓу држава и приватно лице appeared first on Република.

Државата не открива колку ќе чини уништувањето на 300.000 дози на вакцината „Фајзер“ против ковид-19 на кои  рокот им истекува на крајот на февруари. Тие ќе завршат на депонија како медицински отпад, а од Министерство за здравство велат дека сумата  е деловна тајна, на што земјава  се обврзала  при набавката на вакцините.

Клучен сегмент од договорите за набавка на вакцините е тоа што секоја држава па и нашата се обврзала на доверливост на склучените договори и примените информации. Сумите за набавка, времето на уплата, за вакцините против Ковид 19 се деловна тајна на производителите и нашата земја се обврзала да го почитува тоа, наведуваат здравствените власти.

Македонија на залиха има и 113.000 вакцини од „Фајзер“ со рок јуни, како и 60.000 вакцини од истиот производител со рок на употреба до јули. Но и покрај овие залихи и малиот интерес за вакцинација државата набавува дополнителни количини.

До крајот на неделава ќе стигнат 250.000 илјади вакцини на „Фајзер“, донација од Италија преку Ковакс-механизмот, а од мај до декември преку директен договор со Македонија компанијата ќе испорача 500.000 вакцини.

Сега 41 процент од вкупното население е вакцинирано со две дози вакцина, а само 128 илјади примиле трета доза. Од Здравство велат дека веќе се преземаат активности за зголемување на опфатот на вакцинација.

The post Деловна тајна бил трошокот за фрлањето на 300 илјади дози „Фајзер“ поради поминат рок appeared first on Република.