Делегацијата на ЕУ денеска соопшти дека со загриженост ги следи случувањата во врска со националниот давател на услуги за воздушна навигација (М-НАВ). Воедно, наведуваат дека императив е именувањата во националниот давател на услуги за воздухопловна навигација и сродните услуги, исто како и за другите институции, да се засноваат на заслуги, квалификација и искуство.

Потсетуваме на фактот дека Македонија се обврза да го имплементира законодавството на ЕУ што се однесува на давателите на услуги за воздушна навигација (ANSPs). Ова вклучува одредби кои имаат за цел да се обезбеди независност на ANSP од државата, дека персоналот - особено контролорите на летање - ги исполнуваат законските барања за такви работни места и дека обезбедувањето на услугата ги почитува целите во однос на безбедноста, економичноста, капацитетот и животната средина, се наведува во соопштението.

Се нагласува дека се очекува од институциите да се спроведат брза истрага во однос на наводите за кронизам при вработувањата.

Очекуваме државните власти брзо да ги истражат наводите за кронизам при назначувањата во овие служби. Исто така, очекуваме државните власти да ги истражат извештаите за несоодветно надворешно влијание и насилство врз персоналот што работи во М-НАВ, наведуваат од Делегацијата на ЕУ.

Струковиот синдикат на контролори на летање (ССКЛ) го стави во мирување штрајкот што го најави за утре со целосно затворање на воздушниот сообраќај на македонското небо, откако Владата денеска му даде насоки на Надзорниот одбор во Македонска навигација М-НАВ да ги разреши претседателот на Управниот одбор на М-НАВ Фахрудин Хамиди и секторскиот извршен директор во М-НАВ Љубе Стаменковски, а на нивно место да бидат именувани Илир Мехмеди и Милан Кораќ.

Смените во раководството на М-НАВ, Владата ги најави по инцидентот што се случи на 4-ти, месецов со упад во оваа институција и напад на вработени, а претходно ССКЛ реагираше за спроведувањето на последниот оглас за вработување во М-НАВ од страна на раководството.

Во М-НАВ од денеска проверки врши Управата за финансиска полиција.

За инцидентот на 4 јануари во М-НАВ, Основното јавно обвинителство Скопје, како што соопшти, отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

The post Да се истражи насилството во М-НАВ, а вработувањата да се засноваат врз квалификации, апелира делегацијата на ЕУ appeared first on Република.

Македонија не може да премине во следната фаза од преговорите сè додека не стапат на сила уставните измени, велат од Делагацијата на Евроспката Унија во Македонија, за телевизијата „Телма“.

Јасни се заклучоците на Советот на ЕУ од минатата година за финиширање на првата фаза од пристапувањето, отворање на првиот Кластер, гласи одговорот на Делгацијата на Европската унија во Македонија за Телма, на прашањето дали е можно одложено стапување на сила на уставните измени, барањето кое минатата недела го стави на маса опозициската ВМРО-ДПМНЕ, како услов да гласа за уставните измени.

Во точка 6 од заклучокот на Советот, што го цитира Делегацијата во одоворот, јасно е наведено дека Македонија не може да премине во следната фаза од преговорите т.е. да се одржи меѓувладината конференција и да се отвори првиот кластер, се додека не стапат на сила уставните измени.

Целиот текст тука

The post Македонија не може да премине во следната фаза од преговорите сè додека не стапат на сила уставните измени, велат од Делагацијата на ЕУ во Македонија appeared first on Република.