Ако е останата барем една трошка морал во оваа власт, треба веднаш да се извини на ВМРО-ДПМНЕ, за овој случај, кој намерно беше конструиран, за да нанесе штета на партијата, порачуваат од ВМРО-ДПМНЕ.

Самото обвинителство, кое е под контрола на ДУИ и СДС, се откажа од овој случај, поради недостиг од докази, а со тоа се докажува за колку беспредметен случај се работи.

 

Како што констатира самото обвинителство дека од истражната постапка, не произлегоа ниту материјални, ниту вербални докази, кои би го потврдиле основното сомнение, дека делата, кои им се ставаат на товар на осомничените, се кривични дела, за кои, се гони по службена должност, односно произлезе дека пријавените не презеле дејствија, кои ги сочинуваат битијата на пријавените кривични дела.

 

Чекаме извинување од власта пред граѓаните, кои се обидоа истите да ги доведат во заблуда, измислувајќи и монтирајќи непостоечки случај, се наведува во реакцијата на ВМРО-ДПМНЕ.

The post Ако е останата барем трошка морал во власта, да смогнат сили и да се извинат пред јавноста за монтираниот случај „Делчевски ниви“ appeared first on Република.

Локалните избори во 2021 година беа потоп за СДСМ и ДУИ како и нивните кандидати за градоначалници и членови на Совет, но не и во Делчево. Актуелниот градоначалник Горан Трајковски тогаш го освои својот втор мандат иако имаше многу мала реализација на неговата предизборна програма од 2017 година. Она што како тема беше изнесено во јавност од страна на повеќе про-владини медиуми веднаш по изборите во Делчево е т.н. случај „Делчевски ниви” за кој еден од порталите кој ревносно известуваше за овој случај во Македонија во ноември 2021 година извести дека како и дека новинари од овој интернет портал дошле „до дел од документите и луѓето на кои, меѓу другото, им успеало метар квадратен земјиште кое вреди 20 денари, да го продадат и за 800 или 40 пати поскапо“ - пишува Брегалнички мк.

Пријавата до Финансиската полиција ја поднел вицепремиерот за борба против корупцијата, Љупчо Николовски, по информации добиени од Општина Делчево – дека има малверзации со земјиште на кое ЕВН Електрани треба да гради фотоволтаични централи.”

Сега откако обвинителството ја отфрли пријавата која била базирана на исказ на владиниот повереник во Управниот одбор на ЕВН Македонија, а сите објави на про-владините мегафони се покажаа за лажни и манипулативни, се наметнува прашањето: -кој од општина Делчево во 2021 година му ги доставил информациите на Министерот Љупчо Николовски од СДСМ по што беше започната оваа двегодишна политичко-медиумска хајка против неколку лица а преку нив и против ВМРО-ДПМНЕ и Претседателот на опозициската партија Христијан Мицкоски - коментира Брегалнички.мк

Како јавен интернет портал со своја редакција на 100 метри воздушна линија од канцеларијата на градоначалникот, Брегалнички.мк во изминатите 6 години не е поканет на ниту еден настан каде присуствува градоначалникот Трајковски за да може директно да се информираме од него за прашања од интерес на јавноста па и за тоа во конкретниот случај кој е човекот кој што од општина Делчево можел да дојде до информациите за креираниот случај како што пишува порталот и да ги достави до министерот Љупчо Николовски - пишува медиумот.

Јавноста има право да знае дали се работи за случај на лажно пријавување и дали надлежните ќе испитаат кој и со какви цели имал мотив да пријавува лажно ваква лага која што провладини медиуми преку инсинуирачки прашања ја трубеа во јавност цели две години, како што се испостави сега со отфрлањето на кривичната пријава од страна на обвинителството

The post Дали и од кого во ЕЛС Делчево е измислено удбашкото сценарио за „Делчевски ниви“? appeared first on Република.

Министерката за одбрана, Славјанка Петровска, во 2021 година храбро изнесуваше инсинуации, лаги и невистини во јавноста во врска со т.н. случај „Делчевски ниви“ којшто властите го креираа да го нарушат кредибилитетот на ВМРО-ДПМНЕ и директно угледот и интегритетот на претседателот на партијата, Христијан Мицкоски.

Ширењето лажни вести и невистини за наводни притисоци кон пратеникот беше всушност одбрана на криминал. Јавно прашаме дали во овој скандал на нелегално финансирање се вмешани лица блиски до Христијан Мицкоски? Дали меѓу тие лица се и членови на обезбедувањето на Мицкоски и функционери на ВМРО-ДПМНЕ? Очекуваме одговори и од Мицкоски: каква е неговата поврзаност со овој скандал“, изјави на прес конференција од пред штабот на Бихачка, високиот партиски функционер на СДСМ, Славјанка Петровска.

Сега откако надлежните органи го отфрлија овој случај поради тоа што нема никакви докази за сторен криминал, прашањето е дали поради ширењето на лаги и невистини Славјанка Петровска ќе се извини на ВМРО-ДПМНЕ, на претседателот Мицкоски како и на целокупната македонска јавност што потхранета со пропагандата на провладините медиуми сакаше да внесе заблуда во државата додека владата во која таа е еден од најистурените членови ја турка Македонија се подлабоко во калта на сиромаштија, несигурност и криминал и корупција.

The post Дали Славјанка Петровска барем ќе се извини што кажуваше лажни инсинуации во јавноста за т.н. случај „Делчевски ниви“ за да го „оцрни“ Мицкоски? appeared first on Република.

Од ВМРО-ДПМНЕ истакнуваат дека уште една лага од СДСМ и ДУИ, падна во вода. Лага која секојдневно беше лиферувана по владините медиуми, во врска со таканаречените делчевски ниви.

Нивните лаги ги потврди дури и нивното обвинителство, кој тие го контролираат, во недостиг на ни еден доказ, со кој се потврдува лажното обвинение, кое беше конструирано од власта.

 

Самиот документ го потврдува тоа кој гласи:

 

„По анализа на кривичната пријава, исказите на сведоците, исказот на осомничените, како и сите обезбедени материјали, во текот на истражната постапка, се констатира дека од конкретната истражна постапка, не произлегоа ниту материјални, ниту вербални докази, кои би го потврдиле основното сомнение, дека делата кои им се ставаат на товар на осомничените, се кривични дела, за кои, се гони по службена должност, односно произлезе дека пријавените не превзеле дејствија, кои ги сочинуваат битијата на пријавените кривични дела“.

 

По ова сега, докажано како измислено обвинение, без докази, очекуваме по истото да се произнесе власта и во најмала рака да се извини пред народот, за лажните обвинувања, истакнуваат од ВМРО-ДПМНЕ.

The post Докажано: Обвинителството ја потврди лажната вест на власта за монтираниот случај „Делчевски ниви“ appeared first on Република.

Речиси шест години континуирано сум предмет на клевета од страна на клеветничката СДСМ, навреди од страна на СДСМ и нивните измеќари и полтрони. Се обидуваат да го нарушат мојот углед, мојата чест со тоа што континуирано речиси шест години објавуваат лаги, конструираат случаи и на таков начин мисат дека ќе опстојат повеќе на политичката сцена, рече претседателот на ВМРО-ДПМНЕ, Христијан Мицкоски за време на посетата на Гази Баба која е во рамки на кампањата „Важно е! Од тебе зависат промените!“ коментирајќи го фактот што Обвинителството се повлече од случајот Делчевски ниви.

https://republika.mk/vesti/makedonija/i-delchevskite-nivi-bea-ushte-edna-laga-na-sdsm/

Мицкоски истакна „како од самиот почеток, така и заклучно со овој случај јас лично бев посочуван од високи функционери на СДСМ“.

И сведоци сме дека и ова октроирано обвинителство и судство, партизирано обвинителство и судство носи одлука за прекин на истрагата поврзана со овој случај. Затоа што откако ги сослушале исказите на лицата кои се осомничени, откако ги ислушале исказите на лицата кои се сведоци, откако ги прибавиле сите материјални докази кои се дел од оваа истрага донеле заклучок дека нема докази кои упатуваат на одобрено кривично дел. Дека не постои сторено кривично дело, а моето име, ниту пак ВМРО-ДПМНЕ како политичка партија на било каков начин се дел од овој гнасен, монструозен и клеветнички чин кој заедно СДСМ се обиде преку октроираното обвинителство и судство да го конструира и објави на денот кога требаше оваа Влада на СДСМ и ДУИ да биде минато, а тоа беше 11 ноември 2021 година - кажа Мицкоски.

За мене сепак претставува чест, додаде Мицкоски, и би рекол мала сатисфакција и се докажа правдата.

Можеби правдата е спора, но вистината излегува на виделина. Наскоро има уште еден таков случај со уште една политичка партија во улога на слуга и измеќар да ме клевети и тие ќе имаат простор да се извинуваат - посочи Мицкокси.

Мицкоски заклучи „уште една клевета и лага на СДСМ и измеќарите на СДСМ во опозицијата е растурена и апелираме оваа пракса на клеветење да престане“.

The post Мицкоски за случајот „Делчевски ниви“: Уште една клевета и лага на СДСМ и нивните измеќари во опозицијата е растурена appeared first on Република.

Правдата и вистината за т.н афера „делчевски ниви“ излегоа на виделина. Со тоа им паднаа во вода изјавите на првите луѓе на власта кои упорно трубеа дека во неа се вклучени луѓе на раководството на ВМРО-ДПМНЕ, но и самата партија.

Тука пред се е министерката за одбрана, Славјанка Петровска која тврдеше дека парите од продажбата на нивите во Делчево завршиле во партиското седиште на ВМРО-ДПМНЕ.

Станува збор за случај отворен од Управата за финансиска полиција, а обелоденет на денот кога требаше да се гласа за недоверба на Владата во Собранието.

За жал на Славјанка и на врвот на СДСМ постапката е запрена поради сменети искази на членови на Управниот одбор на ЕВН, од кој клучен е претставник на Владата.

За ова Јавното обвинителство веќе се изјасни дека е можно да има обвинение за давање лажен исказ.

https://republika.mk/vesti/makedonija/ojo-za-sluchajot-delchevski-nivi-ke-ima-obvinenite-za-davane-lazhen-iskaz/

Иако СДСМ навиваше и очекуваше да има обвинение, предметот се урна благодарение на пресвртот што го направиле сведоци менувајќи го исказот. Основното јавно обвинителство Скопје тврди дека немало друг избор освен да ја прекине постапката и затвори истрагата.

https://republika.mk/vesti/makedonija/dali-kovachevski-ke-se-izvini-za-lazhnata-afera-delchevski-nivi/

Затоа сега се поставува прашањето дали СДСМ и премиерот Ковачевски ќе се извинат за сеењето лаги во јавноста. Но, малку е веројатно дека тоа ќе се случи бидејќи за да се извиниш дека си лажел и манипулирал треба да имаш доблест и образ.

Предметот „дечевски ниви“ се однесуваше на купување земјиште од ЕВН Електрани за изградба на фотоволтаични централи, кое наводно било платено 40-тина пати поскапо од реалната пазарна цена. Осомничени за измама беа двајца управители од компанијата, како и уште пет други лица кои се гонеа за помагање.

Истрагата на скопското обвинителството се фокусираше на тоа дека двајцата управители ги довеле во заблуда членовите на Управниот одбор за да се донесе одлука за купување на земјиштето по нереални цели.

Објаснувањето од обвинителството упатува на тоа дека токму членови на Управниот одбор, пред сè, претставникот на државата која има 10 отсто удел во ЕВН, се оние кои го направиле пресвртот. Првичните искази беа клучни за старт на постапката, односно тврдеа дека не би гласале за одлуката за купување доколку ја знаеле точните податоци за земјиштето, односно дека станува збор за шуми.

https://republika.mk/vesti/makedonija/zaglavija-traktorite-od-delchevskite-nivi-propadna-lagata-na-sdsm-za-izmislenata-afera-vo-koja-sakaa-da-gi-involviraat-mitskoski-i-vmro-dpmne/

Обвинителството јасно утврди дека нема случај. Народски кажано бил оформен предмет на лажен исказ или предмет со намера само за да се наштети на ВМРО-ДПМНЕ и претседателот Христијан Мицкоски.

„Делчевските ниви“ почнаа да ја брануваат јавноста пред околу две години кога во 2021 пратеникот од ВМРО-ДПМНЕ, Јован Јаулески ја информираше јавноста дека Финансиската полиција упаднала во неговиот дом и врши претрес. Всушност, претресот беше во домот на татко му како вработен во ЕВН.

Истрагата опфати купопродажба на 48 парцели чија пазарна вредност обвинителството ја процени на речиси 35.000 евра. Меѓутоа, тие биле продадени на ЕВН Електрани за 1,6 милиони евра По правосилноста на одлуката за запирање на постапката, ќе бидат одмрзнати и парите кои беа замрзнати на сметките на до неодамна осомничените продавачи.

Станува збор за парцели во Делчевско и Беровско, кои биле во сопственост на четворица од вкупно седумте осомничени во истрагата. Кога Петровска говореше за случајот излегува дека кажувала само лаги, поточно клевети.

„Јавноста е запознаена дека Управата за финансиска полиција има отворено предистрага за нелегално финансирање на политичка партија. Станува збор за голем скандал.

Според јавно објавените информации преку препродажба на ниви по десеткратно повисока цена обезбедени се милионски средства, на нелегален, криминален начин. Постои основано сомневање дека на крајот овие црни пари завршиле во белиот дворец“, рече тогаш Петровска.

The post И „Делчевските ниви“ се уште една од лагите на СДСМ appeared first on Република.

„Делчевски ниви”, уште една распрсната лага на СДС, Ковачевски и нивните апологети, истрагата се прекинува од обвинителството на Ковачевски затоа што нема докази, велат од ВМРО-ДПМНЕ.

СДС, Ковачевски и нивните апологети конструираа случај каде што го нема, партискиот наратив се сведуваше на лаги за некаков криминал во таканаречениот случај „Делчевски ниви”.

Сега откако ЈО го затвори предметот, заради немање на докази за криминал, сите обвинувања на СДС паднаа во вода, се испостави дека лажеле со цел да нанесат штета на ВМРО-ДПМНЕ со измислени афери.

Очекуваме Ковачевски со истиот жар и интензитет со кој што лажеше за некаков криминал, сега и да се извини, подвлекуваат од партијата

The post Дали Ковачевски ќе се извини за лажната афера „делчевски ниви“? appeared first on Република.

Надлежен јавен обвинител од Основното јавно обвинителство Скопје донесе Наредба за запирање на истражната постапка против седум лица, од кои две осомничени дека како соизвршители сториле кривично дело – Измама во службата од член 355 став 4 во врска со став 3 и став 1 од Кривичниот законик, додека останатите им помогнале во извршувањето на делото.

Станува збор случајот познат како „Делчевски ниви” за земјиште во Делчевско што го купила „ЕВН електрани“ 40 пати поскапо од пазарната вредност.

https://republika.mk/vesti/makedonija/zaglavija-traktorite-od-delchevskite-nivi-propadna-lagata-deka-vo-lazhnata-afera-se-vklucheni-mitskoski-i-vmro-dpmne/

Постапката, како што информираат од ОЈО Скопје, е запрена поради сменети искази на членови на Управниот одбор на ЕВН, за што веќе е оформен и предмет за давање на лажен исказ.

На двајцата првоосомничени им се ставаше на товар дека во текот на 2021 година заеднички,  во вршење на службата, со намера за друг да прибават противправна имотна корист, ги довеле во заблуда  членовите на Управниот одбор на оштетеното правно лице – ЕВН Македонија АД Скопје, а потоа и овластено лице да извршат незаконита исплата во постапка за купување недвижен имот – земјиште со намена за изградба на фотонапонски волтаици. Притоа не ги почитувале и ги заобиколиле интерните постапки во работата на правните лица, не ги извршиле неопходните претходни проверки кои што биле должни да ги извршат и со тоа делувале ЕВН АГ АВСТРИЈА, во својство на доминантен акционер во ЕВН Македонија АД Скопје да ја оцени како исплатлива-погодна и да ја одобри инвестицијата за купување недвижен имот, односно вкупно 48 катастарски парцели во неколку катастарски општини.

– Основ за поведување на постапката за кривично дело, чие битие се заснова на доведување во заблуда на овластените лица да извршат незаконита исплата, беа првичните искази на членовите во Управниот одбор на ЕВН Македонија АД Скопје, кои тврдеа дека не би гласале за одлуката за купување доколку ги знаеле фактите во врска со дел од предметните парцели, поточно дека се работи за земјишта-шуми, земјишта со непристапен пат и земјишта кои се наоѓаат во заштитено подрачје, информираат од ОЈО Скопје.

Надлежниот јавен обвинител во текот на постапката ја прибра целокупната документација поврзана со носењето на одлуките и со склучувањето на договорите за купување на парцелите, која беше предмет на вештачења. Дополнително, беа извршени распити на сите лица кои имаа определени сознанија.

– Меѓутоа, во текот на истражната постапка, членовите на Управниот одбор го сменија својот исказ и изјавија дека откако ги разгледале прибраните докази сметаат дека не биле доведени во заблуда и не биле измамени од осомничените во поглед на постапката и дека повторно би го одобриле купувањето на предметниот имот. Членот на Управниот одбор на ЕВН Македонија АД Скопје именуван од страна на Владата изјави дека правното лице не е оштетено преку дејствијата на осомничените и дека во случајот нема незаконита исплата. Имајќи ја предвид изјавата на застапникот и воедно заштитникот на државниот капитал во правното лице ЕВН Македонија АД Скопје,  која во конкретниот случај е круцијална за докажување на заблудата како обележје на кривичното дело, јавниот обвинител во предметот донесе одлука за запирање на истрагата, велат од ОЈО Скопје.

Со оглед на тоа што во дел од исказот пред јавен обвинител застапникот на државниот капитал презентираше и лажни факти во поглед на извршените претходни проверки на земјиштето кое било предмет на купопродажба, Основното јавно обвинителство Скопје за овој дел од исказот оформи предмет со кој поведува постапка против овој сведок за кривично дело – Давање лажен исказ од член 367 од Кривичниот законик.

– Тој исказ пред јавниот обвинител, иако обвинителството смета дека е лажен, не влијае во конкретната постапка која е запрена, бидејќи членовите на Управниот одбор во текот на постапката се премислија  и сега категорично негираат дека биле во заблуда или измамени за да одобрат купување на земјиштата, информираат од ОЈО Скопје.

The post OJO за случајот „делчевски ниви“: Ќе има обвинените за давање лажен исказ appeared first on Република.

Се вадат ли афери за дневно-политички интереси?! Се оцрнуваат ли имиња, се уништуваат ли кариери за лични и партиски интереси? Се користат ли лажни афери за уцени да се добие нешто?!

Се распрсна уште една лага од кујната на СДСМ поврзана со лидерот на ВМРО-ДМНЕ. т.н афера „Делчевски ниви“ која власта ја форсираше е запрена од страна на Основното јавно обвинителство кое во петокот донесе одлука да запре истрагата за овој случај поради недостик на докази.

По анализата на кривичната пријава, исказите на сведоците, исказите на осомничените како и сите обезбедени материјални докази во текот на истражната постапка, се констатира дека од конкретната истражна постапка не произлегоа ниту материјали, ниту вербални докази кои би потврдиле основано сомнение дека делата кои им се ставаат на товар на осомничените се кривични дела за кои се гони по службена должност, односно произлезе дека пријавените не презеле дејствија кои ги сочинуваат битијата на пријавените кривични дела, стои во констатацијата на обвинителството.

Истрагата на скопското обвинителството се фокусираше на тоа дека двајцата управители ги довеле во заблуда членовите на Управниот одбор за да се донесе одлука за купување на земјиштето по нереални цели.

Членот на Управниот одбор на ЕВН ’Македонија‘ АД Скопје именуван од страна на Владата изјави дека правното лице не е оштетено преку дејствијата на осомничените и дека во случајот нема незаконита исплата“, велат од ОЈО Скопје за Радио Слободна Европа, нагласувајќи дека неговиот исказ бил круцијален бидејќи тој е заштитник на државниот капитал во случајот.

„Делчевските ниви“ станаа предмет и на партиски препукувања – СДСМ ја прозиваше ВМРО-ДПМНЕ поради поврзаноста на дел од инволвираните со партијата и прашуваше дали парите завршиле во „Белиот дворец“.

ВМРО-ДПМНЕ, пак, негираше дека има каква било врска со предметот, а Христијан Мицкоски „охрабруваше“ ист третман од обвинителството да добијат сите продавачи на парцели и најавуваше тужби за клевета.

И медиумите кои се под контрола на СДСМ постојано објавуваа натписи во кои се тврди дека случјот води директно до Мицкоски. Беа демантирани дури и од омилениот обвинител на власта Гаврил Бубевски. Тој минатата година во интервју беше јасен дека парите од предметот се на сметките на продавачите а не во ВМРО-ДПМНЕ.

Парите или се орочени или се останати на сметките-велеше Бубевски.

https://republika.mk/vesti/makedonija/bubevski-potvrdi-parite-od-predmetot-delchevski-nivi-se-na-smetkite-na-prodavachite-a-ne-vo-vmro-dpmne/

„Преку препродажба на ниви по десеткратно повисока цена обезбедени се милионски средства, на нелегален, криминален начин. Постои основано сомневање дека на крајот овие црни пари завршиле во Белиот дворец“, обвини тогаш Славјанка Петровска од СДСМ.

Завршиле ли парите во Белиот дворец за кој говори Славјанка? Ќе одговара ли некој за обидите за дескредитирање на личности и директните обвинувања кои беа адресирани до лидерот на ВМРО-ДПМНЕ, Мицкоски, и уште неколкумина околу него?!

Истрагата опфаќаше купопродажба на 48 парцели чија пазарна вредност обвинителството ја процени на речиси 35 000 евра (2 146 723 денари). Меѓутоа, тие биле продадени на ЕВН Електрани за 1,6 милиони евра (99 431 060 денари). По правосилноста на одлуката за запирање на постапката, ќе бидат одмрзнати и парите кои беа замрзнати на сметките на до неодамна осомничените продавачи.

The post Заглавија тракторите од „Делчевски ниви“: Пропадна лагата на СДСМ за измислената афера во која сакаа да ги инволвираат Мицкоски и ВМРО-ДПМНЕ appeared first on Република.

Во истрагата ќе видиме што сè е купено. Меѓутоа, претежно парите или се орочени или се останати на сметките, вели шефот на скопското обвинителство Гаврил Бубевски за т.н. случај „Делчевски ниви“.

Случајот “Делчевски ниви“ кој СДСМ има голема потреба да го претстави како политички е всушност ветер во магла, со кој политичката партија на власт се обидува да купи политички поени на штета на лица вработини во странската комапнија „ЕВН“ и одредени продавачи на земјиште.

Шефот на Основното јавно обвинителство (ОЈО) Скопје, кое го води случајот, Гаврил Бубевски, во интервју за порталот „А1он“ вели дека во случајот „Делчевски ниви“ парите од продажбата на земјиштето завршиле кај продавачите и во најголем дел од парите од продажбата стојат на сметките. Ова е важно во случајот дотолку повеќе што СДСМ од почетокот се обидува да го наметне како политички монитан случај во кој парите од купо-продажбата на земјиштето наводно завршиле како средства за финансирање на предизборна кампања на ВМРО-ДПМНЕ.

Станува збор за наводен случај за кој се пишува уште од лани, на штета на македонски државјани вработени во странска компанија, која во случајот се води за оштетена иако самата ЕВН не пријавила дека е оштетена или дека нејзини вработени на каков било начин ѝ наштетиле со неправилно работење. Напротив, на почетокот на годината ЕВН даде изјава за “А1он” со која потврди дека компанијата нема никаква штета во овој случај.

Имено, се работи за земјиште во Делчевско што ги купила „ЕВН“ наводно многу поскапо од пазарната вредност. Лицата што го продале земјиштето на компанијата ги добиле на подарок три недели претходно. За случајот постапуваше Управата за финансиска полиција, која пред една недела поднесе кривична пријава до ОЈО Скопје кое отвори истрага.

На прашањето дали постојат индиции дека пари од оваа купопродажба завршиле во ВМРО-ДПМНЕ, Бубевски во интервјуто за „А1он“ одговара дека истрагата ќе покаже каде завршиле дел од парите односно што е купено со нив, но и посочува дека најголемиот дел од нив сè уште стојат на сметките.

Тие пари завршиле кај продавачите, натаму каде завршиле, сè уште се истражува. Голем дел од паричните средства, да не речам и претежен дел, сè уште стојат и на сметки и имаме трага што е купено со нив. Значи претежен дел од тие пари се на сметките на физичките лица кои ги продале нивите на ЕВН. Во однос на дневнополитичките работи, не можам да коментирам, сметам дека тоа е од дневен карактер натпревар помеѓу политичките партии кој е полош, а не кој е подобар вели Бубевски во интевјуто.

Тој вели дека е можно да се поднесе обвинение до средината на јули односно пред почетокот на судската ферија, но сепак нагласува дека друг обвинител го води случајот. Материјалните докази, според неговата изјава, се прибрани, остануваат вербалните докази односно собирање на искази од сведоци на обвинителски записник, како и одредено вештачење.

Бубевски во интервјуто појаснува што значи дека земјиштето е дадено на дар. Тоа не значи дека е подарено бесплатно на крајните купувачи, туку дека со таа форма на договор се избегнати некои правни чекори во купо-продажбата.

Бубевски вели дека на дародавателите, односно луѓето, физичките лица, кои им го продале земјиштето на ЕВН електрани, им е дадена реалната сума за тоа земјиште.

Парите завршиле на сметките на дародавателите, вели шефот на скопското обвинителство.

Овој случај го заврте вниманието на јавноста не по својата осетливост, ами по обидот на СДСМ да го исполитизира. На мета на владејачката партија се лица вработени во странска фирма кои се доведуваат во врска со ВМРО-ДПМНЕ.

За овој случај претседателот на ВМРО-ДПМНЕ Христијан Мицкоски најави дека ќе поведе постапка пред судските органи. Тој е подготвен да поднесе кривична пријава против СДСМ доколу владејачката партија не се извини за конкретниот случај.

Коментирајќи ги изјавите на Социјалдемократскиот сојуз во врска со аферата која тие ја нарекоа „Криминални парцели“, во врска со случајот со продажба на земјиште во Делчевско, а во кој наводно се вклучени блиски лица до ВМРО-ДПМНЕ, лидерот на опозициската партија, Христијан Мицкоски, денеска истакна дека тоа се лаги и измислици.

Со тоа, додава Мицкоски, СДСМ ја дефокусира јавноста од тешкиот живот и инфлацијата бидејќи се плашат и знаат оти ВМРО-ДПМНЕ ќе ја формира следната влада.

Јас сум навикнат околу мене да се конструираат лаги, измислици и невистини. Четири и пол години сум претседател на ВМРО-ДПМНЕ и најчесто тие што тоа го конструираат завршуваат со судски пресуди и треба да се извинат. Така беше многупати во минатото така е и сега и така ќе биде во иднината, рече опозицискиот лидер.

Нормално, вели Мицкоски, уплашени се дека ВМРО-ДПМНЕ е партија која што ќе ја формира следната влада и знаат дека ќе треба да одговараат за криминалот, па сега, како што додава, се обидуваат да растураат пердуви и да конструираат лаги и измислици и да ги поврзуваат со мене.

Опозицискиот лидер посочи дека верува во пресумпција на невиност, но исто така, додаде дека секој што згрешил пред законот, макар и родена сестра или брат, ќе одговара.

https://republika.mk/vesti/makedonija/mickoski-vmro-dpmne-kje-ja-formira-slednata-vlada-i-sekoj-koj-se-ogreshil-pred-zakonot-kje-odgovara/

Од сето ова се поставува прашањето дали Основното јавно обвинителство Скопје отвори истрага против седум лица кои ги сомничи за сторени кривични дела во случајот со продажба на земјиште во делчевско, само за да надува балон за случај кој ќе служи за дефокус од нешто друго?

The post Бубевски потврди: Парите од предметот „Делчевски ниви“ се на сметките на продавачите, а не во ВМРО-ДПМНЕ appeared first on Република.