- Со две победи над Вудард Дарел од САД и Андреу Петрос од Кипар, македонскиот таеквондист Дејан Георгиевски викендот обезбеди финале и сребро на светскиот Г1 куп во Букурешт, Романија.

- Во финалето се сретнавме добро познатиот репрезентативец на Франција Ел Омар, до сега четири пати сме успеале да го добиеме, но денеска беше негов ден. Одиме по зацртаната патека, олимписките игри во Лос Анџелес 2028 се наш следен предизвик. Чекориме по највисоките светски олимписки стандарди, тоа е критериум кој го поставивме и живееме за да го негуваме.
За Македонија со срце! – објавија од Македонската таеквондо федерација.

Амбициите на Георгиевски се обезбедување норма за следните олимписки игри во Лос Анџелес во 2028 година.

The post „За Македонија со срце“: Георгиевски освои сребро на светскиот куп во Букурешт appeared first on Република.

Дејан Георгиевски со две доминантни победи над Насо Марко од Италија и Плонис Артсиом од Белорусија дојде до финале на Тирана Опен Г1. Во финалето македонскиот таеквондист тесно загуби од Сотириос од Грција и освои сребрен медал.

Во финалето Македонецот се бореше со мала повреда која се надеваме дека за многу скоро ќе ја санираме. Убав почеток со значајни бодови за олимпискиот ранкинг, објави Борче Костовски, тренерот на Георгиевски.

Важно да се истакне дека Дејан го елиминира белорусинот Плонис кој на олимписките квалификации за Париз го спечи нашиот репрезентативец да обезбеди норма.

The post Дејан Георгиевски со сребро ја отвори новата олимписка сезона appeared first on Република.

Од Македонската таеквондо федерација потсетуваат кои тројца македонски таеквондисти до сега успеале да совладаат олимписки шампиони.

Дејан Георгиевски го совлада олимпискиот шампион Радик Исаев од Азербејџан на квалификации пред ЛОИ во Токио.

Филип Додевски го совлада олимпискиот шампион Чеик Сисе од Брегот на слоновата коска на Г1 турнир во Албанија.

Мила Релиќ ја совлада олимписката шампионка Џејд Џонс од Британија на ЛОИ во Париз.

Сепак, додаваат од МТФ водечка круна останува олимпиското сребро од Токио како најголем спортски резултат во независна Македонија.

Во иднина се надеваме на слични или поголеми резултати од македонското олимписко таеквондо.
Македонското олимписко таеквондо како носечки државен спорт има уште многу што да каже, потенцираат тие.

The post Oва се тројцата македонски таеквондисти кои досега успеале да совладаат олимписки шампиони appeared first on Република.

Македонскиот таеквондист Дејан Георгиевски освои сребрен медал на Г1 турнирот во Букурешт, Романија, откако го откажа настапот во финалето поради повреда на раката.

Георгиевски оствари три убедливи победи со резултат 2-0 во рунди против Белгиецот Мануел Полет, Украинецот Андриј Харбар и Турчинот Емре Кталмиш.

Речиси две рунди Георгиевски се бореше со повредена рака против Кталмиш, но успеа да победи и да се закити со сребрениот медал.

Овој спортски или олимписки подвиг кој го покажува Дејан Георгиевски ни од блиску не е забележан од како Македонија е самостојна држава, за само два месеци тој од четири настапи на официјални олимписки турнири Г1, освои четири медали, и тоа две златни и две сребрени“, соопшти Македонската таеквондо федерација.

The post Дејан Георгиевски освои сребрен медал во Букурешт appeared first on Република.

Дарко Костовски преку статус на Фејсбук објави дека денеска Дејан Георгиевски остварил три фуриозни победи на Загреб ОПЕН Г1.

„ЗЛАТООО 🥇🦁

Две злата за Дејан Георгиевски на Г1 за еден месец 🥇🥇, сериозен чекор напред кон нова олимписка историја Париз 2024 !

Македонски бренд со олимписка класа невидена кај нас.

Денеска три фуриозни победи на Загреб ОПЕН Г1

➡️Прва борба победа против Марко Насо од Италија

➡️Втора полуфинална борба победа против Патрик Переира Кардосо од Бразил

➡️Трета финална борба фуриозна победа против Брајан Зондероп

ЗА МАКЕДОНИЈА ❤️🦁

Слава на Господ 😇, стои во неговиот пост на Фејсбук.

The post Дејан Георгиевски со две злата за за еден месец, денеска три фуриозни победи на Загреб Опен Г1! appeared first on Република.

Македонскиот таеквондист  и олимписки херој Дејан Георгиевски освои злато на Г1 турнирот Тирана Опен, во Албанија. Овој златен медал е многу вреден кон остварувањето на една голема цел, а тоа е олимписка норма за Георгиевски и пласман на ЛОИ во Париз следната година.

ЗЛАТОООООО 
ЗЛАТЕН МЕДАЛ ЗА ЛАВОТ НА Г1 ТИРАНА ОПЕН !
Дејан Георгиевски златен медал со две доминантни победи над Филипов Александар ( Израел ) 2:0 и во финале над Ел Омар ( Франција ) 2:1
СИЛЕН ЧЕКОР НАПРЕД КОН НОВА БЛЕСКАВА ИСТОРИЈА ЗА МАКЕДОНСКИОТ СПОРТ, ОЛИМПИСКИТЕ ИГРИ ВО ПАРИЗ 2024 !
ЗА МАКЕДОНИЈА ! 
Слава на Господ  
Класата е вечна, соопшти неговиот тренер Дарко Костовски.

The post Ново злато за Дејан Георгиевски appeared first on Република.

Најдобриот македонски таеквондист, Дејан Георгиевски ќе се бори за медал на Европските игри во Краков, Полска откако во полуфиналето славеше против Шпанецот Иван Гарсија Мартинез со 2-0.

Македонецот кој на патот до финалето ги совлада Италијанецот Матија Молин со 2-0 и Украинецот Андри Харбар од 2-1, беше подобриот противник против Шпанецот добивајќи ја првата рунда со 4-2 и втората со 8-3.

Во финалето Георгиевски за противник ќе го има Британецот Луис Канингхем.

The post Македонски таеквондист Дејан Георгиевски ќе се бори за европско злато appeared first on Република.

Најдобриот македонски таеквондист Дејан Георгиевски имаше успешен настап на престижниот „Президент куп Г2“ во Истанбул, освојувајќи бронзениот медал.

Георгиевски го обезбеди медалот со сигурна победа во четврт-финалето против домашниот претставник Демирчиоглу со 2-0, по што во полуфиналето во израмнета борба загуби од актуелниот олимписки првак Сисе од Брегот на Слоновата Коска со 0-2.

Георгиевски, кој на Летните олимписки игри во Токио во 2021 година, го освои сребрениот медал во категоријата над 80 килограми, со успешниот настап на Купот во Истанбул се стекна со нови бодови за олимписка норма за Игрите во Париз в година.

The post Таеквондистот Георгиевски освои бронза на „Президент купот“ во Истанбул appeared first on Република.

Градоначалникот на Бутел и тренер на европскиот шампион во теквондо Дејан Георгиевски се обрати во јавноста по повод вчерашното прогласување на најдобрите спортисти од страна на Агенцијата за млади и спорт.

На манифестацијата за најдобар спортист беше прогласен Владимир Егоров во борење.

ДАЛИ МОЖЕБИ ВИ ПРЕЧИМЕ ЗАТОА ШТО СЕ ШТО ПРАВИМЕ Е ЗА НЕА, ДАЛИ МОЖЕБИ ВИ ПРЕЧИ НАШАТА ЉУБОВ ПРЕМА МАКЕДОНИЈА, ТАА ЉУБОВ Е НОСИТЕЛ НА НАЈГОЛЕМИОТ СПОРТСКИ УСПЕХ ВО НЕЗАВИСНА МАКЕДОНИЈА !
Вечерва во налик на приватна забава со еден куп намерни грешки, убивање на национален дух, пазарџиски договори и елементарно незнаење се одржа изборот за најдобар спортист на Македонија во организација на АМС 😇
Најнапред како за пример би посочил дека на ниту еден избор за најдобар спортист од како што постојат до денес, еве не мора подалеку да ги земеме околните држави, Србија, Хрватска, Бугарија, Словенија па и Југославија никогаш не се ни споредувале неолимписките успеси со олимписките а камо ли грешно да се одлучи. ВРВЕН СПОРТСКИ РЕЗУЛТАТ Е ОНОЈ КОЈ ШТО Е ПОСТИГНАТ ВО ОЛИМПИСКИ СПОРТ. Секогаш, ама баш секогаш најдобрите спортисти, тренери во погоре споменатите избори за најдобри спортисти доаѓале од олимписки спортови. Што и да додадам понатака е илузорно.
На годинешниот избор за најдобар спортист два врвни резултати кои се мечуваа беа првата историска бронза од финално ГРАНД ПРИ на Дејан Георгиевски и европското злато на Егоров во Борење. Два резултати кои во секоја смисла на зборот се за врвна почит и тука дилема нема. Нијанси можеби решаваат кој е поголем.
Дејан Георгиевски е наш домашен производ, кој работел, тренирал, тагувал, се радувал тука под домашни македонски услови, чист македонски производ кој покажа дека и од нашите македонски услови може да се покорат олимписките велесили како САД, Кореа, Куба, Британија и тн. Македонски спортист кој во континуитет е во самиот врв на еден олимписки спорт, пример кој досега го немало во самостојна Македонија.
Егоров е врвен борач, со апсолутно респектабилни успеси, но е натурализиран македонец со првично Руско државјанство, човек кој не излегол од македонските школи за борење, спортист кој практично нема ништо со македонскиот спорт. Човек кој живее, работи, тренира секаде само не во Македонија.
Иако Дејан Георгиевски беше прворангиран, вечерва Владимир Егоров беше прогласен за спортист на годината и искрено му честитаме.
Но, она што сакам да го истакнам е тоа дека Дејан Георгиевски и Владимир Егоров имаа слични резултати, едниот домашен наш производ другиот не, нашиот производ не е прогласен за најдобар и оваа година како лани, да се разбереме не треба никој да го прогласува за ние да знаеме дека Дејан е најдобар не само годинава, туку во олимписката историја на независна Македонија.
Зошто Дејан не треба да е и оваа година најдобар спортист!?
Каква порака вечерва се испрати на младите македонски спортисти кои сонуваат за врвни олимписки резултати, кој повеќе се цени нашиот домашниот спортист или некој што нема допир со Македонија!?
Да имаше драстична разлика помеѓу резултатот на Егоров со вториот резултат по него, разбирливо би било, но вака !?
Уште еден парадокс, Дејан Георгиевски бронза финале ГРАНД ПРИ олимписки спорт, европски шампион на клупско европско првенство, Филип Додевски петти на светско првенство во олимписки спорт, Дејан прворангиран спортист за најдобар спортист годинава, а Борче Костовски нивниот главен тренер не беше ниту номиниран за најдобар тренер оваа година, кој толку се исплаши и зошто и оваа година Борче Костовски да биде најдобар тренер во Македонија!?
Не е првпат да не минираат, во 2017 на Дејан Георгиевски му го оспорија првото злато на европско првенство во олимписки спорт за Македонија како независна држава.
Сето ова изгледа ќе мораме да го засениме со уште еден, или можеби два олимписки медали иако до олимписките игри во Париз оние кои сега бираат веќе ќе бидат минато и искрено се надевам дека многу работи во македонскиот спорт коренито ќе се променат!
Одиме понатака, ЗА МАКЕДОНИЈА ! 😇

The post Костовски: За оваа неправда кон Георгиевски и Костовски ќе мора да ви вратиме со уште две олимписки медали appeared first on Република.

Изборот на борачот рускиот порач со македонски пасош, Владимир Егоров, за најдобар спортист на Македонија за 2022 година ја подели домашната јавност, со оглед на неговиот статус на натурализиран спортист, а еден од тие што најжестоко реагираа беше Дарко Костовски, тренерот на сребрениот олимпиец во таеквондо, Дејан Георгиевски.

Тој потенцира дека бронзата на неговиот пулен од Гранприто во Саудиска Арабија и европското злато на Егоров се речиси идентични успеси, но Дејан е апсолутно македонски производ додека Владимир е производ на руската школа. Костовски се надева само кога од Лои 2024 во Париз ќе се вратат со еден или два олимписки медали, тогаш Агенцијата за млади и спорт (АМС) ќе нема дилеми околу тоа кого ќе избере за најдобар.

„Вечерва во налик на приватна забава со еден куп намерни грешки, убивање на национален дух, пазарџиски договори и елементарно незнаење се одржа изборот за најдобар спортист на Македонија во организација на АМС.

Најнапред како за пример би посочил дека на ниту еден избор за најдобар спортист од како што постојат до денес, еве не мора подалеку да ги земеме околните држави, Србија, Хрватска, Бугарија, Словенија па и Југославија никогаш не се ни споредувале неолимписките успеси со олимписките а камо ли грешно да се одлучи. ВРВЕН СПОРТСКИ РЕЗУЛТАТ Е ОНОЈ КОЈ ШТО Е ПОСТИГНАТ ВО ОЛИМПИСКИ СПОРТ. Секогаш, ама баш секогаш најдобрите спортисти, тренери во погоре споменатите избори за најдобри спортисти доаѓале од олимписки спортови. Што и да додадам понатака е илузорно.

На годинешниот избор за најдобар спортист два врвни резултати кои се мечуваа беа првата историска бронза од финално ГРАНД ПРИ на Дејан Георгиевски и европското злато на Егоров во Борење. Два резултати кои во секоја смисла на зборот се за врвна почит и тука дилема нема. Нијанси можеби решаваат кој е поголем.

Дејан Георгиевски е наш домашен производ, кој работел, тренирал, тагувал, се радувал тука под домашни македонски услови, чист македонски производ кој покажа дека и од нашите македонски услови може да се покорат олимписките велесили како САД, Кореа, Куба, Британија и тн. Македонски спортист кој во континуитет е во самиот врв на еден олимписки спорт, пример кој досега го немало во самостојна Македонија.

Егоров е врвен борач, со апсолутно респектабилни успеси, но е натурализиран македонец со првично Руско државјанство, човек кој не излегол од македонските школи за борење, спортист кој практично нема ништо со македонскиот спорт. Човек кој живее, работи, тренира секаде само не во Македонија.

Иако Дејан Георгиевски беше прворангиран, вечерва Вчадимир Егоров беше прогласен за спортист на годината и искрено му честитаме.

Но, она што сакам да го истакнам е тоа дека Дејан Георгиевски и Владимир Егоров имаа слични резултати, едниот домашен наш производ другиот не, нашиот производ не е прогласен за најдобар и оваа година како лани, да се разбереме не треба никој да го прогласува за ние да знаеме дека Дејан е најдобар не само годинава, туку во олимписката историја на независна Македонија.

Зошто Дејан не треба да е и оваа година најдобар спортист !?

Каква порака вечерва се испрати на младите македонски спортисти кои сонуваат за врвни олимписки резултати, кој повеќе се цени нашиот домашниот спортист или некој што нема допир со Македонија !?

Да имаше драстична разлика помеѓу резултатот на Егоров со вториот резултат по него, разбирливо би било, но вака !?

Уште еден парадокс, Дејан Георгиевски бронза финале ГРАНД ПРИ олимписки спорт, европски шампион на клубско европско првенство, Филип Додевски петти на светско првенство во олимписки спорт, Дејан прворангиран спортист за најдобар спортист годинава а Борче Костовски нивниот главен тренер не беше ниту номиниран за најдобар тренер оваа година, кој толку се исплаши и зошто и оваа година Борче Костовски да биде најдобар тренер во Македонија !?

Не е првпат да не минираат, во 2017 на Дејан Георгиевски му го оспорија првото злато на европско првенство во олимписки спорт за Македонија како независна држава.

Сето ова изгледа ќе мораме да го засениме со уште еден, или можеби два олимписки медали иако до олимписките игри во Париз оние кои сега бираат веќе ќе бидат минато и искрено се надевам дека многу работи во македонскиот спорт коренито ќе се променат !

Одиме понатака, ЗА МАКЕДОНИЈА!“, напиша Костовски.

The post Дарко Костовски за изборот на најдобар спортист на АМС: Дали ви пречи нашата љубов кон Македонија и сѐ што правиме за неа? appeared first on Република.

Во светската спортка елита, таму каде што му е местото на „соколот“! Имаме нова спортска историја, за првпат во Македонија имаме бронза од финално Гран При во олимписки спорт! Го имаме спортистот на годината, сподели градоначалникот на општина Бутел и еден од тренерите на таеквондистот Дејан Георгиевски, Дарко Костовски.

Дејан Геоегиевски на лична покана учествуваше на финално ГРАНД ПРИ во Саудиска Арабија, Деки со три победи над Мартинез од Шпанија (актуелен сребрен медалист од СП) победа со доминација, над Икарио од Бразил (прв носител на турнирот) победа со доминација, и над Душебаев од Казакстан дојде до историска бронза и нови 33 исклучително значителни бодови за олимписката норма ! Финалниот турнир ГРАНД ПРИ е најелитен таеквондо турнир веднаш после олимписките игри, на истиот имаат право да учествуваат само 16 најдобро рангирани во Светот, во олимпискиот официјален ранкинг по категорија. БРАВО ЈУНАК!, напиша Костовски.

The post Меѓу светската елита кај што му е местото! Нов медал за Дејан Георгиевски appeared first on Република.

Најдобриот македонски спортист за минатата година, таеквондистот Дејан Георгиевски, остана без посакуваниот медал на Светското првенство (СП) во Мексико.

Тој успешно стартуваше, но во вториот настап неочекувано загуби од кинескиот натпреварувач Жаоксианг Сонг со 2-0 во рунди. Претходно, тој стартуваше со триумф над Колумбиецот Валтер Салдариага со 8-5 (2-0) во категоријата за потешки од 87 килограми, но тоа беше се што направи.

Георгиевски освои сребрен медал на ланскиот ЛОИ во Токио, но не успеа да повтори барем сличен успех на собирот на најдобрите во Гвадалахара.

The post Георгиевски елиминиран во осминафиналето на СП во Мексико appeared first on Република.

Теквондистите Дејан Георгиевски и Филип Додевски од теквондо клубот „Бутел“ од Г2 турнирот во Тирсана се враќаат со злато и сребро.
Дејан Георгиевски со две убедливи победи, во финалето го демолираше олимпиецот и медалист од СП Иван Трајковиќ од Словенија.
Филип Додевски две ефективни победи и исклучително тесен пораз во финале од Сулејманов Азербејџан.

The post Злато за Дејан Георгиевски, сребро за Филип Додевски appeared first on Република.

По повод Денот на независноста на Република Македонија – 8 Септември, претседателот Стево Пендаровски денеска на свечена церемонија ги одликуваше со Орден „8 Септември“ македонските спортисти Оливера Наковска-Бикова, Бранимир Јовановски, Шабан Трстена и Дејан Георгиевски.

Оливера Наковска-Бикова е одликувана со Орден „8 Септември“ за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува бројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата.

Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен.

Шабан Трстена доби Орден за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација.

Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

На доделувањето на наградите присуствуваа премиерот Димитар Ковачевски, претседателот на Собранието Талат Џафери, вицепремиерот задолжен за економски прашања, координација на економските ресори и инвестиции Фатмир Битиќи, министрите Олвер Спасовски, Љупчо Николовски и други претставници од Владата.

Пред присутните беше прикажан видеоматеријал за биографијата и заслугите на Оливера Наковска – Бикова, Бранимир Јовановски, Шабан Трстена и Дејан Георгиевски.

Оваа награда е повод за понатамошни успеси, рече Наковска-Бикова.

Бранимир Јовановски рече дека со полно срце е на врачувањето на наградата и посочи дека утре се навршуваат 30 години откако го освоил златниот медал во Барселона во 1992 година. Во тоа време, како што рече, бевме млада држава и тој успех беше проследен со многу интересни натписи…

Сите медали прават чест и предизвикуваат наплив на емоции, нагласи Јовановски.

Посочи дека спортистите се водат со неколку девизи во животот, меѓу кои и „Не е важно колку пати ќе паднеш, туку колку ќе станеш и што ќе научиш од тоа паѓање“.

Шабан Трстена ги поздрави двајцата тренери без кои, како што рече, јас немаше да бидам денес тука. Тоа се Насе Насев, кој не е присутен од здравствени причини и клупскиот тренер Ајру Синали, кој е сега починат.

Јас сум еден од тие спортисти што сум добил многу признанија од пет континенти. Земав признанија и од поранешна Југославија. Сум зел многу признанија и за мојата држава, но ова признание е нешто посебно затоа што го добив од мојата татковина, од мојот народ кој се радуваше за нашите успеси. Затоа овој орден ќе биде посебен во мојата спортска душа бидејќи го добив од името на народот. Горд сум за тоа што дадов се од себе, 20 години да се борам со најелитни спортисти од големите држави и покажав дека може и една мала нација, една мала држава може да ги победи и големите држави. Нека ни е со среќа нашата независност, рече Трстена.

Дејан Георгиевски им го честиташе празникот 8 Септември на сите граѓани и соопшти дека сребрениот медал од Олимписките игри во Токио покрај негова, е и заслуга и на неговите тренери Борче и Дарко Костовски, на неговите клупски другари, на семејството и на Господ.

Сепак, овој медал припаѓа на целиот македонски народ кој ме дочека гордо на плоштадот. И верувајте јас и мојот тим даваме се од себе да го повториме тој магичен миг од Олимписките игри во Париз во 2024 година, рече Георгиевски.

The post Спортистите Наковска-Бикова, Јовановски, Трстена и Георгиевски одликувани со Орден „8 Септември“ appeared first on Република.

Претседателот Стево Пендаровски утре по повод Денот на независноста – 8 Септември, на свечена церемонија ќе одликува со oрден „8 Септември“ четворица македонски спортисти.

Оваа година со орден „8 Септември“ ќе бидат одликувани:

Оливера Наковска-Бикова, за својата извонредна, богата и успешна спортска кариера во параолимпиското и во спортското стрелаштво. Наковска-Бикова постигнува многубројни успеси на натпревари во стрелачки спортови. Таа е повеќекратна државна шампионка и апсолутна рекордерка на Република Македонија во дисциплината воздушен пиштол. Во оваа дисциплина го освојува златниот медал на Летните параолимписки игри во Лондон, со што придонесе за меѓународна афирмација и за угледот на државата.

Бранимир Јовановски, за извонредните резултати во својата 20-годишна спортска кариера. Тој е првиот македонски параолимпиец кој освоил златен медал на една параолимпијада. Во текот на својата кариера, покрај златниот параолимписки медал, освоил и други сребрени, златни и бронзени медали на разни европски првенства и на меѓународни натпревари. Значаен е неговиот огромен успех како тренер и како селектор, а избран е и за најдобар тренер на македонската репрезентација во стрелаштво за лица со попреченост. Неговиот придонес за меѓународна афирмација и за угледот на државата е огромен.

Шабан Трстена, за освојувањето златен медал во борење на Летните олимписки игри во 1984 година, запишувајќи се со златни букви во историјата на македонскиот и на светскиот спорт како најмлад олимписки шампион, како и за освојувањето на сребрениот медал на Олимпијадата во Сеул во 1988 година и на бронзениот медал на Светскиот шампионат во борење во 1982 година. Трстена е повеќекратен младински и сениорски првак на Југославија. Тој е прогласен за спортист на XX век на Република Македонија. Шабан Трстена е пример како со извонреден успех може да се стане симбол на својата земја и на таков начин да се придонесе за нејзина меѓународна афирмација.

Дејан Георгиевски, за постигнување историски најголем и повеќекратен успех во сферата на спортот од независноста на нашата држава. Со освојувањето на сребрениот медал на Олимписките игри во Токио во теквондо, е прогласен за најдобар спортист на Република Македонија за 2021 година. Воедно, тој е добитник и на неколку сребрени и бронзени медали, со што придонесува за меѓународна афирмација и за угледот на државата.

По повод одбележувањето на Денот на независноста, делегација од Кабинетот на претседателот ќе положи цвеќе на вечните почивалишта на поранешните претседатели на државата, Киро Глигоров и Борис Трајковски, во Алејата на великаните на Градските гробишта Бутел во Скопје.

The post Геогриевски, Трстена, Бикова и Јовановски ќе бидат одликувани со орденот „8 Септември“ appeared first on Република.

Нашиот најдобар теквондист Дејан Георгиевски се закити со титулата европски шампион на Европското клупско првенство во Талин.

Заради добриот ранкинг нашиот натпреварувач во првото коло беше слободен, потоа со две убедливи победи го освои првото место во категорија 87+ килограми.

Најрвин запиша победа против Египќанецот Шериф Каири Амр славејќи со 21:17 во првата и 7:5 во втората рунда, а потоа триумфираше и против Милош Пилиповиќ од Норвешка со 6:1 во првата и 12:5 во втората рунда.

Ова е трет медал за теквондо клубот „Бутел“ од Европско клупско првенство, две злата и едно сребро. Останатите борци од ТК Бутел беа солидни, но денеска за нив не беше денот.

Во женска конкуренција, пак, златен медал освои Мила Рељиќ од скопскиот теквондо клуб „Тигри“. Рељиќ константно бележи добри резултати на турнирите, а еве сега сиот досегашен вложен труд се исплати и со освојување на европска титула.

Нашата теквондистка на Европското клупско првенство беше првопласирана во категоријата сениорки -62 килограми, а до златото стигна после четири борби.

Најпрвин ги победи натпреварувачките од Италија, Украина, па претставничката од Египет, која е членка на европски клуб и во финалната борба Мел Мина од Еквадор, која тренира во Тортоса, Шпанија, поради повреда ја предаде борбата. И пред две недели беше совладана Мел Мина во финалето во Израел.

The post Машко и женско злато за Македонија: Георгиевски и Рељиќ европски клупски шампиони во теквондо appeared first on Република.

Македонскиот таеквондист Дејан Георгиевски ќе мора да се задоволи само со бронзен медал од Медитеранските игри. Тој не настапи во полуфиналето поради стомачен вирус.

– Дејан Георгиевски за жал денес ќе застане на бронзен медал од медитеранските игри во Алжир, иако уште од утрово јас и брат ми бевме во дилема дали воопшто да настапи Деки заради високиот ранкинг првата борба беше слободен, за втората борба иако речиси без сила тој во негов натчовечки стил собра сили настапи и ја победи првата борба, со тоа обезбеди бронза за Македонија. За кусо требаше да биде полуфиналната борба на МИ 2022, заради доброто на нашата олимписка икона ќе мораме да го прекинеме денешниот поход.Деки денес имаше исклучително силна дехидратација поради високо интензивен стомачен вирус, соопшти Дарко Костовски, еден од тренерите на Дејан Георгиевски.

Во 2018 година Георгиевски освои сребрен медал на Медитеранските игри во Шпанија, а на овие Игри беше прв фаворит за златото. 

The post Остана без злато: Георгиевски го откажа полуфиналето поради стомачен вирус appeared first on Република.

Македонскиот таеквондист Дејан Георгиевски се пласира во полуфиналето на Медитерански игри во Алжир.

Медалистот од последната Олимпијада, денес во четвртфиналната борба на Игрите во Оран, во категоријата +80 кг помеѓу го победи Ахмад Мохамад од Египет со 20:18.

Македонецот против себе имаше одличен противник кој по две рунди имаше водство (14:12). Георгиевски во последната рунда влезе самоуверено и одлучно да стигне до победата и успеа во својата намера.

Претходно во текот на денот, македонската таеквондистка Сања Поповска загуби од Ашракат Дарвиш (Египет) во категоријата -57 кг. во 1/16финалето.

The post МИ 2022: Таеквондистот Георгиевски избори полуфинале appeared first on Република.

Македонскиот медитерански тим со вкупно 114 членови од кои 77 спортисти вечерва продефилира на отворањето на годинешните Медитерански игри во Оран (Алжир).

Сребрениот олимпиец Дејан Георгиевски, еден од нашите најголеми адути за златен медал и каратистката Симона Заборка беа знаменосци на отворањето пред преполните трибини на стадионот.

Медитеранскиот тим брои 114 членови од кои 77 се спортисти што е убедливо најголема бројка на наши спортисти на еден ваков спортски самит. Македонија има претставници во ракомет и одбојка (мажи и жени), таеквондо, џудо, карате, борење, пливање, стрелаштво, атлетика и мечување. Натпреварите на игрите почнуваат утре, а први од нашите спортисти кои ќе настапат ќе бидат каратистите, како и женската одбојкарска репрезентација која по десет години пауза се враќа на големите настани.

Извор: Спорт1.мк

The post Георгиевски и Заборска го развеаа македонското знаме во Оран appeared first on Република.

Најдобриот македонски таеквондист, Дејан Георгиевски, се закити со бронзен медал на престижниот „Гран при 2022“ во Рим, искачувајќи се на победничкиот пиедестал на најсилно рангираниот турнир во олимписко таеквондо по олимписките игри и светските првенства.

Актуелниот олимписки вицешампион, како носител во првото коло беше слободен, по што нанижа победи над Италијанецот Роберто Бота (2-1) и Маикон Сеиквира од Бразил (2-0).

Георгиевски во дуелот за пласман во финалето по неизвесна борба беше поразен од олимпискиот првак Сисе од Брегот на Слоновата коска, но го освои првиот Гран при медал во историјата на македонското таеквондо.

Георгиевски сега го очекува настап на Медитеранските игри во Алжир, по што во септември ќе настапи на Гран при турнирот во Париз, како дел од подготовките за Олимписките игри 2024 во француската престолнина.

The post Бронзен медал за Дејан Георгиевски на Гран при 2022 во Рим appeared first on Република.