Вчера околу 12.20 часот во СВР Тетово било пријавено дека во с. Жеровјане патничко возило „венто“ со тетовски регистерски таблици, управувано од Ј.Ф.(92) од с. Жеровјане, удрило во пешаците И.С.(65) и О.С.(69) од с. Жеровјане и М.З.(66) од с. Теново.

Во незгодата со тешки телесни повреди се здобиле Ј.Ф. и пешакот О.С., додека И.С. и М.З. се здобиле со телесни повреди, констатирани во Клиничка болница Тетово.

Увид на лице место извршила увидна екипа од СВР Тетово.

The post 92-годишник прегази тројца пешаци, сите се во болница appeared first on Република.

Полицијата информираше за настан што се случил вчера во Куманово, кога малолетни деца го начекале својот 70-годишен дедо со повреди на главата.

Во текот на вчерашниот ден во СВР Куманово од Општата болница Куманово било пријавено дека кај нив бил донесен А.П.(70) од Куманово со повреда во пределот на главата.

Полициски службеници од СВР Куманово излегле на местото на настанот и извршен бил увид и притоа бил извршен службен разговор со неговите двајца малолетни внуци.

Тие појасниле дека откако нивниот дедо не им отворил врата, се посомневале дека нешто не е во ред и насилно ја отвориле вратата и влегле во домот при што го пронашле нивниот дедо со повреда на главата.

А.П. бил препратен во Комплексот клиники „Мајка Тереза“ во Скопје и се преземаат мерки за расчистување на случајот, соопшти МВР.

The post 70-годишен дедо заврши во болница, внуците велат откако не им отворил, насилно влегле во домот и го пронашле со повреда на главата appeared first on Република.

Дедото на убиената Данка Илиќ, Милан за српските медиуми порача дека семејството ќе даде официјална изјава кога истрагата на Обинителството ќе заврши, но дека за него лично, сè уште има искра дека Данка е жива, бидејќи сè уште нема трага од телото на неговата двегодишна внука.

Иако се уште сум во шок, сепак има искра во мене, вели тој.

Се надева и дека истрагата ќе ја тргне дамката од неговото семејство и гласините дека ја продале.

https://republika.mk/vesti/balkan/denot-koga-slushnavme-deka-se-raboti-za-ubistvo-site-zavrshivme-na-intenzivna-nega-veli-dedoto-na-danka/

Во меѓувреме, утрово Вишото јавно обвинителство во Заечар од притвор се донесени Срѓан Јанковиќ и Дејан Драгијевиќ, осомничени за убиството на девојчето.

Тие денска ќе бидат сослушани. Нивниот притвор изминува на 3 мај.

Вчера мајката на Дејан Драгијевиќ беше донесена во обвинителството и го искористи правото да не сведочи.

Срѓан Јанковиќ (50) од Лука и Дејан Драгијевиќ (50) од Злот, се осомничени за убиството на Данка Илиќ од Бор, по чие тело непрекинато се трага веќе 13 денови. Српски медиуми јавија дека тие ќе бидат испратени и на психијатриско вештачење.

The post Дедото на Данка: Поради едно нешто уште имам искра надеж дека е жива appeared first on Република.

Дедото на двегодишната Данка Илиќ, Милан за „Нова.рс“ вели дека сите им изразуваат сочувство, но дека сè уште не може да поверува дека нивното девојче е мртво.

Тешко ни е, денот кога слушнавме дека ги фатиле убијците и дека всушност се работи за убиство сите завршивме на интензивна нега. Не знам како, иако чудовиштата признаа, живеам во надеж. Сè додека телото не биде пронајдено, има некаква трошка надеж, искра, дека таа е жива. Детето не е игла, мора да се најде, дали некој дел од облеката, или нешто друго ако го направиле. Вака, дека ништо не можат да најдат, дека овие чудовишта ги возат од едно место на друго… Ужас, вели дедото на Данка.

Тој вели дека многу се плаши од тоа што убијците и го направиле на Данка, откако и го одзеле животот кој штотуку започнал.

Не ги познавам тие луѓе, никогаш не сум ги видел. Не ми е јасно дали е можно овие нелуѓе да го направиле тоа, па уште го опишувале. Нема такво нешто на земјата, јас не сум паметен. Барем да ја оставеле кога ја удриле, или што и да е, основно е кога ќе се случи такво нешто, несреќа, несреќа, да помогне. Ако не се во можност, повикајте помош, викајте. Никогаш немаше да ги обвинам ако ситуацијата беше таква да ја удрат и итно да ја однесат во болница, но вака… Не му посакувам зло на никого, па ни на нивните семејства, но овој горе си ја врши работата како што треба. Мислев дека сум најсилниот, дека можам да го носам семејството, но почнав да пукам, вели Милан Илиќ.

Додава дека тие како семејство се надеваат дека ќе го најдат телото на Данка за да можат барем да ја погребаат.

Да има каде да може да и се запали свеќа, да знаеме каде почива. Денот кога исчезна беше последен пат кога ја видов. Со сопругата отидовме да се грижиме за Данка и нејзиниот брат, додека Ивана отиде во општината да заврши нешто. Инаку, сопругата често ги чувала и се навикнале на неа. Некогаш кога ќе не видат децата трчаа прво кај баба, но тој ден Данка истрча да го гушне дедо. Јас всушност и велам на жена ми во тој момент: „Ај, ќе падне снег“. Неверојатно ми е“… Игравме, се шегувавме и кога ќе се сетам на сето тоа, само ми е се потешко и потешко. Не се чувствувам добро кога ќе ја видам нејзината слика на интернет и на телевизија, солзите сами доаѓаат и само се прашувам дали е можно…, низ солзи раскажува тој.

Милан истакнува дека е благодарен на сите луѓе, на полицијата и на МВР што постојано прават напори да ги расветлат сите околности, но додава и дека му е тешко да шпекулира.

Немам зборови да им се заблагодарам на сите луѓе што пребаруваат овде, полицајците даваат 1000 отсто од својата сила. Повеќе не гледам телевизија бидејќи не можам да ја поднесам количината на лаги и измислици. Ми пречи и тоа што одредени медиумски личности излегоа со теории на заговор против моите деца, неверојатно е колку тие страдаа. Исто така некои таканаречени детективи кои се појавуваат на телевизија и велат дека син ми должи, дека е коцкар, дека сум алкохоличар… Тој човек не не ни познава. Страшно е колку луѓето се подготвени да го искористат овој тежок случај, заклучи соговорникот.

The post Денот кога слушнавме дека се работи за убиство, сите завршивме на интензивна нега, вели дедото на Данка appeared first on Република.

На социјалните мрежи е објавена фотографија од медалот на дедото на сегашниот претседател на Украина, Володимир Зеленски, за заслуги како војник на Црвената армија во борбите против нацистите во Втората светска војна.

Во дипломата пишува дека на 22 февруари 1944 година е издадена наредба за одликување на помладиот поручник Семјон Иванович Зеленски со Орден Црвена звезда за храброст покажана во борбата против германските нацисти.

На тој ден, Црвената армија го ослободи градот Кривој Рог, родниот град на Володимир Зеленски, кој е внук на одликуван херој на Црвената армија.

За разлика од својот дедо, Володимир Зеленски и неговата власт се обидуваат да го избришат секој спомен на Црвената армија од Украина, со отстранување на спомениците на нејзините команданти и херои и менување на имињата на улиците именувани во нивна чест. Затоа, пак, за возврат, на секој чекор се слават луѓе коишто во Втората светска војна се бореа рамо до рамо и во рамки на нацистичките сили против истата таа Црвена армија.

The post Ова е орденот што дедото на Зеленски го добил од Црвената армија за борба против нацистите appeared first on Република.

Полицијата вчера во Прилеп приведе 69-годишен маж, постапувајќи по претходна пријава дека извршил обљуба врз неговата малолетна внука.

По целосно расчистување и документирање на случајот ќе биде поднесена соодветна пријава, објави МВР во дневниот билтен.

The post Хорор во Прилеп: Дедо си ја силувал внуката appeared first on Република.

77-годишен струмичанец се обидел да ја силува неговата 64-годишна сосетка.

– На 29.09.2023 во 15.30 часот во Струмица полициски службеници од СВР Струмица го лишиле од слобода Р.П.(77) од струмичко, поради тоа што на 27.09.2023 се обидел да изврши обљуба врз 64-годишна жена, негова сосетка, соопшти МВР.

The post 77 годишен дедо се обидел да ја силува својата сосетка appeared first on Република.

Манекенката Кристина Мендонса повторно го привлече вниманието на јавноста на социјалните мрежи.

Поточно, нејзиното видео стана популарно откако видно среќен дедо влета во кадар за време на снимањето.

Иако видеото првично беше објавено во 2019 година, оваа година доживеа голема популарност благодарение на социјалната мрежа „Редит“, каде повторно „излезе на површина“.

Како што можете да видите, Кристина снимаше видео за Инстаграм, покажувајќи го своето ново бикини, а при тој процес налета видно среќен дедо кој, ни се чини, случајно влезе во кадарот.

„Изгледаше како да го имал својот најдобар ден“, коментирала манекенката за „Јаху њуз“, додавајќи дека намерно го објавила видеото, бидејќи сака нејзиниот Инстаграм профил да остане автентичен, реален, без лажни моменти.

 

View this post on Instagram

 

A post shared by Kristina Mendonca (@kristinamendonca)

The post Дедо стана сензација на мрежите: Влета во кадар на манекенка и покажа чии „облини“ се подобри appeared first on Република.

Основното јавно обвинителство Скопје донесе наредба за спроведување истражна постапка против 63-годишен скопјанец за кого постои основано сомнение дека сторил три кривични дела „Задоволување полови страсти пред друг“ од член 190 од Кривичниот законик. Едното полово дејствие, како што се наведува, тој го извршил пред дете кое наполнило 14 години.

Како што соопшти денеска Јавното обвинителство, јавниот обвинител до судија на претходна постапка од Основниот кривичен суд Скопје поднесе предлог за определување мерка притвор за осомничениот. Од ЈО посочуваат дека постојат околности што укажуваат на опасност од криење, односно дека осомничениот ќе се даде во бегство, постои оправдан страв дека ќе ја попречува истрагата со влијание врз сведоците и вештаците, како и особени околности кои го оправдуваат стравот дека ќе го повтори кривичното дело.

Судот го прифати предлогот на обвинителството и на осомничениот му определи притвор во траење од 30 дена.

Јавното обвинителство информира дека осомничениот на 24 јули, патувајќи со воз, во близина на Скопје, во еден од вагоните се доближил и започнал да допира малолетно девојче, родено 2006 година кое патувало со возот. Девојчето, како што се наведува во соопштението, вознемирено се преместило на друго седиште, по што осомничениот продолжил кон друг вагон.

Осомничениот потоа седнал спроти други две жртви и започнал да се самозадоволува на јавно место.

Оштетените видно исплашени си ги зеле своите работи, го напуштиле вагонот и го пријавиле. Во возот влегле овластени службени лица, кои го привеле осомничениот и го однеле во полициска станица, стои во соопштението.

The post Дедо мастурирал во возот за Скопје, нападнал и девојче appeared first on Република.

Бил Гејтс стана дедо. Ќерката на ко-основачот на „Мајкрософт“, Џенифер Гејтс, на социјалните мрежи објави дека се породила. Таа и нејзиниот сопруг Најел Насар станаа родители на девојче.

Испраќаме љубов од нашето здраво мало семејство, напиша Џенифер покрај фотографијата од босите стапала на нејзината ќерка.

Таа е во брак со Насар од 2021 година.

Во ноември 2022 година, Џенифер откри дека е бремена и објави фотографии од својот труднички стомак. „Благодарна“, напиша тогаш со фотографија на која позира со сопругот.

 

View this post on Instagram

 

A post shared by Jennifer Gates (@jenniferkgates)

The post Бил Гејтс стана дедо appeared first on Република.

Вчера околу 16.00 часот, полициски службеници од СВР Скопје го привеле В.С.(80) од Скопје затоа што физички нападнал полициски службеници кои извршувале службени дејствија и агресивно се однесувал кон неговата 72-годишна сопруга.

Како што соопштија од МВР, по документирање на случајот ќе биде поднесена соодветна пријава.

The post Приведен 80-годишник: Нападнал полицаец и агресивно се однесувал кон сопругата appeared first on Република.

Актерот Пирс Броснан стана дедо по четврти пат, на момчето Џексон Елија Броснан. Момчето се родило пред шест дена, а среќниот дедо веста ја сподели на Инстаграм.

Џексон Елија Броснан, роден во 15:06 12.11.2022. Благословено да си, мое драго внуче, добредојде. Честитам, мои драги Шон, Сања и Марли, напиша тој на Инстаграм.

Синот на Пирс, Шон е во брак со Хрватката Сања Баниќ со која ја имаат ќерката Марли Меј (7).

The post Пирс Броснан стана дедо по четврти пат appeared first on Република.

Вистинска драма сред бел ден се случила во Скопје во текот на вчерашниот ден. Надлежните власти на МВР информираат дека дедо откако прво се скарал со маж, го натепал синот на лицето со кое претходно се расправало.

На 04.09.2022 во 15.00 часот во Полициското одделение Сарај било пријавено дека во угостителски објект во с.Сарај, скопско, по претходна расправија на Р.С.(85) и Д.П.(32), двајцата од Скопје, Р.С. физички го нападнал малолетниот син на Д.П., стои во соопштението на МВР.

По целосно документирање на случајот ќе биде поднесен соодветен поднесок, додаваат оттаму.

The post Дедо претепал малолетник во угостителски објект appeared first on Република.

Убиство ја потресе утрово Битола кога татко бранејќи ја својата ќерка од насилството на поранешниот сопруг го застрелал зетот.

Убиениот рано утрото упаднал во домот на таткото на неговата поранешна сопруга и и се заканувал држејќи во рацете мачета. Таткото во тој момент го извадил оружјето и пукал, по што неговиот поранешен зет починал на лице место. Според полицискиот извештај, екипата на Итната медицинска помош само ја констатирала смрт. Убиениот пред извесен период се вратил од одлежување на казна затвор и ѝ бил добро познат на полицијата со дебело криминално досие.

Денеска во Битола, полициски службеници од СВР Битола го лишиле од слобода Т.Ѓ. (62) од Битола затоа што околу 05.55 часот во претсобјето од неговата куќа со пиштол пукал и го погодил С.С.(44) од Битола, кој починал на местото. Според пријавеното, претходно С.С. со употреба на сила влегол во куќата на Т.Ѓ. и со остар предмет се заканувал на ќерката на Т.Ѓ, која е негова поранешна сопруга“, стои во извештајот на СВР Битола.

Увид на местото на настанот извршиле Јавен обвинител и екипа од СВР Битола. По наредба на Јавен обвинител телото на починатиот било дадено на обдукција.

The post Во Битола, дедо го застрелал поранешниот зет, откако тој му влегол дома со мачета да ја нападне ќерка му appeared first on Република.

Момчило Бајагиќ Бајага (61) пред два месеци станал дедо.

Неговиот син Марко добил ќерка во декември, а за наследничката го избрале името Сара.

Бајага за ова не зборуваше во јавноста, но сега ја потврди веста за „Новости“ и откри дека од моментот кога станал дедо, станал поопуштен во животот.

Така е, станав дедо. Имам прекрасна внука Сара и сега сум поопуштен во животот. Далеку од тоа да кријам дека станав дедо, едноставно избегнувам да зборувам за мојот приватен живот, изјави Бајага.

The post Бајага стана дедо appeared first on Република.

Вчера во 07.43 часот во Полициското одделение Новаци, Ј.М. пријавила дека во с.Добрушево, битоско, во текот на ноќта во помошна просторија настанал пожар во кој починал нејзиниот дедо А.М.(94), соопшти МВР.

Лекар од Итната медицинска помош констатирал смрт. Извршен бил увид од увидна екипа од СВР Битола.

По насока на Јавен обвинител телото на починатиот било предадено на семејството.

The post Внука пријавила дека во пожар починал нејзиниот дедо appeared first on Република.