Министерството за економија и труд со реорганизацијата на институциите имаше најмногу промени во надлежностите, но и и покрај овој голем предизвик во изминатите 100 дена бевме посветени на поддршката на бизнисите и домаќинствата, и на заштитата на животниот стандард на граѓаните, кажа министерот за економија и труд Бесар Дурмиши на трибината: Платформа: 100% посветени на тебе на тема “Проекти, инвестиции и реформи во економијата, финансии и јавна администрација“

Дурмиши кажа дека министерството го затекнал во состојба на целосна дисфункционалност, но изминатите три месеци посветено работел на зајакнување на капацитетите за работа, како и приоритетите кои ќе ни бидат во иднина.

Уште на почетокот во првиот месец од моето раководење со министерството веднаш пристапивме со објавување на Јавните повици од Програмите на Министерството кои не беа објавени, финансиска поддршка која бизнисот ја очекуваше половина година. Со Ребалансот на Буџетот имавме на располагање 120.000.000 денари за две програми: Програмата за поддршка наконкурентноста на преработувачката индустрија и општествената одговорност и Програмата за развој на претприемништвото и конкурентноста на мали и средни претпријатија. Беа објавени повици за финансиска поддршка на мали и средни компании за зголемување на нивната конкуретност, за воведување на нови производи, за развој на малите и средни компании, за занаетчиите, за воведување на ХАЛАЛ, за набавка на машини...итн. Можеби овие средства не се доволни за сите потреби, но значат многу за микро, малите и средни компании, кажа Дурмиши.

Mинистерот информираше дека веќе следната недела ќе почне и со потпишување на договорите за субвенционирање и исплата на средствата за дел од мерките.

Во меѓувреме ја завршивме целата постапка и техничка документација и ја предадовме употребната дозвола за работа на германската компанија Киел во индустриската зона во Тетово, инвестиција која ќе отвори 300 работни места во Полошкиот регион. Нашата посветеност за поддршка на бизнисот и на растот на инвестициите ќе продолжи и понатаму. Во наредниот период до Владата ќе доставиме предлог за измена на Законот за финансиска поддршка на инвестициите, со кои надлежноста за објавување на јавниот повик како и за исплата на средствата согласно овој Закон ќе се префрли целосно во Министерството за економија и труд, кажа Дурмиши.

Потенцираше дека во наредниот период заедно со бизнис заедницата и со коморите ќе отвори и дијалог за подобрување на овој Закон, во насока, финансиската поддршка за фирмите да оди во вистинските раце, кај оние компании кои ќе покажат раст и развој.

Но, додека од една страна спроведувавме мерки за поддршка на бизнисот, во исто време бевме соочени со зголемување на цените на мало. Во таа насока, прво донесовме одлука за замрзнување на маржите за училишниот прибор со што им излеговме во пресрет на домаќинствата кои имаат ученици со намалување на нивните трошоци за оваа намена, и секако во пресрет на почетокот на академската година со оваа мерка излеговме и во пресрет на студентите за трошоци за потребниот школски прибор. Но, не застанавме тука. Во услови на зголемени цени на храната, за да им излеземе во пресрет на граѓаните започнавме една акција, за која што можеме да сведочиме дека е поздравена позитивно од страна на граѓаните, а тоа е „Помалку трошоци – повеќе за вас“. Ја објавивме Есенската потрошувачка кошница и ги ограничивме маржите на 10% и во трговијата на големо и во трговијата на мало на 73 групи на основни прехранбени производи, нешто што е многу важно за сите домаќинства. Оваа мерка ќе продолжи и во наредниот период како божиќна кошница, рамазанска кошница, велигденска кошница, се со цел да им излеземе во пресрет ан граѓаните пред празниците кога има зголемување на цените на основните прехранбени производи, кажа министерот.

Според анализите на Министерството за економија и труд, како што кажа Дурмиши, првичните анализи од терен, кажуваат дека цените на производите од есенската кошничка се намалиле во просек од 5% до 10%, при што кај некои производи намалувањето на цените е помало, или воопшто и го нема (како на пр. лебот, маслото за јадење и млекото), додека кај други производи истото е значително поголемо (на пр. месо, зеленчук и млечни производи (сирење и кашкавал).

Се очекува намалувањето на цените да биде уште поголемо имајќи го во предвид и намалувањето на цените во трговијата на големо, кое допрва треба да се случи во наредните пратки, при достава на производите во маркетите. Искажано во заштеда во пари за едно четворочлено семејство, на месечно ниво заштедата би изнесувала од 690 ден до 1360 ден по семејство, во зависност од начинот на исхрана, како и од изборот на маркети каде што се набавува истата. Во оваа насока е важно да се каже дека стапи на сила и Законот за нефер трговски практики со кој се ограничуваат рабатот и дополнителните трошоци за над 2500 прехранбени производи, од што очекуваме дополнително намалување на цените на храната до крајот на овој месец, додаде министерот.

Министерот кажа дека во делот на трудот како нова надлежност која ја преземавме сакам да кажам дека минатата недела се одржа првата седница на Економско социјалниот совет во новиот состав.

Во рамки на Економско социјалниот совет ќе носиме заеднички одлуки и мерки кои ќе имаат главна цел да се подобри животниот стандард на граѓаните. Проблемите на пазарот на труд остануваат клучен предизвик за нас како Министерство за економија и труд во наредниот период.

Во наредниот период заедно со Агенцијата за вработување ќе креираме мерки кои ќе придонесат решавање на проблемот со невработеноста, како и проблемот со недостаток на стручен кадар кој му е неопходен на бизнисот, кажа Дурмиши.

https://www.youtube.com/live/3HXN80gNKG0?si=3tNOlhmAUg4MyIoO

The post Се очекува намалувањето на цените да биде уште поголемо со намалувањето на цените во трговијата на големо, вели министерот Дурмиши appeared first on Република.

Министерот за јавна администрација, Горан Минчев, учествуваше на првата трибина во рамките на Платформата „100% Посветено за тебе“, одржана во Медија центарот на Владата. На настанот присуствуваше и Есма Адиловиќ Фазлиќ, раководител на сектор за реформа во јавната администрација.

Министерот Минчев ја истакна важноста на новото министерство во реформите на јавната администрација, нагласувајќи посветеност на зголемување на ефикасноста и транспарентноста на истата. Тој ги презентираше новите иницијативи, вклучувајќи системски и ефективни закони, систем заснован на заслуги и формирање на Академија за обука на јавната администрација.

Сакаме да создадеме јавна администрација која ќе ги задоволи потребите на граѓаните и ќе биде во согласност со европските стандарди. Овие реформи имаат за цел да ја модернизираат и професионализираат администрацијата за да се одговори на барањата на нашето општеството, изјави Министерот Минчев.

На трибината присуствуваа и високи претставници од Министерството за финансии, Министерството за економија и труд, Управата за јавни приходи и Царинската управа, што дополнително ја потврди важноста на соработката меѓу различните институции во напорите за подобрување на јавниот сектор.

https://www.youtube.com/live/3HXN80gNKG0?si=dGYOSdWuu0rQm3fV

Платформата „100% Посветено за тебе“ претставува иницијатива на Владата со цел да се осигура транспарентност и отворен дијалог со граѓаните, пружајќи им можност да се информираат за активностите и напорите на владата во првите 100 дена од мандатот.

The post Минчев: Со овие реформи ќе правиме модернизирана и професионална администрацијата appeared first on Република.

Дебата Платформа: 100% посветени за тебе на тема „Проекти, инвестиции и реформи во економијата, финансии и јавна администрација“ на која ќе учествуваат министерката за финансии Гордана Димитриеска Кочоска, директорот на Царинската управа Бобан Николовски, министерот за економија и труд Бесар Дурмиши, в.д директорот на Агенцијата за вработување Сељатин Бељули, министерот за јавна администрација Горан Минчев и раководител на сектор за реформи во јавната администрација Есма Адиловиќ Фазлиќ:

The post ВО ЖИВО: Дебата Платформа: 100% посветени за тебе на тема „Проекти, инвестиции и реформи во економијата, финансии и јавна администрација“ appeared first on Република.

До крајот на септември јавноста може да учествува со сугестии во однос на пет предлог-закони од областа на образованието кои се ставени на владиниот систем ЕНЕР (Електронски национален регистар на прописи).

Министерството за образование и наука повикува јавноста да се вклучи за да се креирааат најквалитетни решенија со кои, како што наведува „ќе се унапредат образовните услуги и ќе се обезбедат повеќе права и можности за чинителите на воспитно-образовниот процес“.

Станува збор за целосно нови предлог-закони за средното образование, за стручно образование и обука и за образование на возрасните, како и закони за изменување и дополнување на Законот за основното образование и Законот за Националната рамка за квалификации.

Предлог-решенијата се изготвени од работни групи формирани со одлука на министерката за образование и наука Весна Јаневска, во кои членуваат претставници на МОН и повеќе други надлежни институции, експерти и стручни лица од наставничката и академската фела.

-Имајќи предвид дека најдобрите и најефективни законски решенија се носат исклучиво преку инклузивен пристап со учество на сите засегнати чинители, МОН ги охрабрува граѓаните да дадат придонес во подобрувањето на законската регулатива во областа на образованието и со тоа активно да учествуваат во градењето поквалитетен образовен систем, наведува МОН во повикот објавен на неговата веб-страница.

Сугестии и предлози за надополнување односно измена на законските решенија може да се доставуваат до крајот на месецов на електронската адреса zakonskaregulativa@mon.gov.mk.

The post До крајот на месецов јавноста може да се вклучи во изработка на пет закони од образованието appeared first on Република.

Борбата против корупцијата треба да се врши секојдневно чекор по чекор и храбро, без страв, порачаа панелистите на вечерашната јавна дебата на тема „Корупција“ што се одржа во Битола, а чиј домаќин и организатор беше граѓанското здружение Про Локал.

Според поранешната претседателка на Државната комисија за спречување на корупција Билјана Ивановска, секој може да стави камче во мозаикот, секој може да даде свој придонес во борбата против корупцијата која може да се спречи ако се пристапи системски и со личен пример.

-За системски пристап, ние подготивме стратегија за борба против корупција, анализа на ризици и дојдовме до заклучок дека најголеми ризични фактори во државата се отуството на интегритет, силното политичко влијание кое е многу присутно, и секако неказнивоста, отуството на одговорност, а тоа е знак на каков степен на зрелост е општеството, затоа што ако некој е зрел тогаш има чувство на одговорност, а ако тоа отсуствува, тогаш имаме неодговорност, посочи Ивановска.

На јавната дебата во Битола, антикорупцискиот активист Герман Филков истакна дека годишно во земјава само од јавни набавки низ корупција дури 400 милиони евра завршуваат во приватни џебови.

-Сите се надеваме дека младите може да направат многу во борбата против корупцијата. Кога ќе ве забоде нешто во очи веднаш да се заинтересирате. Како ќе дознаете дека нешто не е нормално? Кога ќе забележите како некои се однесуваат со нашите, вашите пари. Нашите пресметки кои се објавени покажаа дека годишно во земјава само од јавни набавки дури 400 милиони евра завршуваат ви приватни џебови. Ова е податок за минатата година, а со нив можеа да се изградат 550 современи детски градинки, или 100 домови за стари лица, но и други објекти, нагласи Филков.

Панелистката Деница Чадиковска, уредник за комуникации во ИРЛ потврди дека во нивната редакција секојдневно  од граѓани добиват пријави за корупција затоа што како што рече таа е насекаде.

-Корупцијата не е нешто апстрактно, туку напротив тоа што дишеме загаден воздух, тоа што пиеме нечиста вода, тоа што скоро секогаш се чувствуваме понижени по посета во некоја институција, но корупција е тоа што некому сме дале доверба, а тој ги запоставува обврските, рече меѓудругото Чадиковска.

Јавната дебата ја модерираше новинарот Васко Маглешов, а присуствуваа млади од пелагонискиот регион, учесници во проектот „Зајакнување на луѓето од Пелагонија 2“ кој е поддржан од пелагониските општини и амбасадата на Холандија, информира Емилиа Героска, прв човек на Про Локал – Битола.

The post Дебата: Секој да стави камче во мозаикот во борбата против корупцијата appeared first on Република.

Министерството за образование и наука информира дека на владиниот ЕНЕР систем и на веб страната на МОН објавени се пет предлог закони од областа на образованието и јавноста може да учествува во креирањето на најквалитетните решенија со кои ќе се унапредат образовните услуги и ќе се обезбедат повеќе права и можности за чинителите на воспитно – образовниот процес.

Како што соопштија денеска од МОН, станува збор за целосно нови предлог закони за средното образование, за стручно образование и обука и за образование на возрасните, како и закони за изменување и дополнување на Законот за основното образование и Законот за Националната рамка за квалификации.

Предлог решенијата се изготвени од работни групи формирани со одлука на министерката за образование и наука, во кои членуваат претставници на МОН и повеќе други надлежни институции, експерти и стручни лица од наставничката и академската фела.

Имајќи предвид дека најдобрите и најефективни законски решенија се носат исклучиво преку инклузивен пристап со учество на сите засегнати чинители, МОН ги охрабрува граѓаните да дадат придонес во подобрувањето на законската регулатива во областа на образованието и со тоа активно да учествуваат во градењето на поквалитетен образовен систем, се наведува во соопштението од МОН.

Сугестии и предлози за надополнување/измена на законските решенија се доставуваат на електронската адреса zakonskaregulativa@mon.gov.mk, а можноста е отворена до крајот на септември.

The post Дебата за пет закони од областа на образованието, МОН со повик до јавноста да учествува во изработка на најквалитетни решенија appeared first on Република.

Американската телевизија Си-Ен-Ен ги објави правилата на дебатата на која се согласија кандидатите на претстојните претседателски избори, актуелниот американски претседател Џозеф Бајден и поранешниот претседател Доналд Трамп, која ќе се одржи на 27 јуни.

И двајцата претседателски кандидати ќе се појават на подиум кој ќе изгледа исто, а кој ќе им биде доделен со фрлање паричка, јави Си-Ен-Ен.

Модератори на дебатата, која ќе се одржи во Атланта, Џорџија, ќе бидат водичите на Си-Ен-Ен, Џејк Тапер и Дејна Беш, а Трамп и Бајден за време на дебатата ќе имаат само хартија, пенкало и шише вода.

Микрофоните на кандидатите ќе бидат исклучени за време на дебатата, освен кога ќе им дојде редот да зборуваат, соопшти Си-Ен-Ен, додавајќи дека модераторите „ќе ги користат сите расположливи средства“ за да обезбедат навременост и цивилизирана дискусија.

The post Објавени правилата на дебатата меѓу Бајден и Трамп, која ќе се одржи на 27 јуни appeared first on Република.

Ќе бидам тој ќе ја коригира власта, надзорот над работата на Владата е најбитна функција на Собранието. Ќе ги викаме министрите често за да ги прашаме за решенија за проблемите. Имам идеја, волја, имам многу политичка определба тоа да го направиме, изјави претседателот на Собранието Африм Гаши кој функцијата ја презеде во вторникот.

Во интервју за емисијата „Топ тема“ на ТВ Телма вечерва Гаши истакна дека ќе работи со позитивен пристап и со добрина, консензуално и отворен за соработка со сите партии, вклучително и за опозициските затоа што, рече, во Собранието треба да бидат сите рамноправни.

Ќе го водам Собранието како прв меѓу еднаквите, ќе настојувам да бидам отворен со сите, особено да бидам глас на политичкото малцинство и на опозициските партии за да почувствваат дека Собранието е исто за сите. Раката е широко отворена за соработка, но за тоа требаат двајца, рече Гаши.

На прашањето што ќе биде со незавршените 46 седници од претходниот собраниски состав и 130 акти кои се во процедура, одговори дека ќе разгледаат кои се предлагачите на тие закони, дали ќе останат тие што се предложени од Владата или новата Влада нив ќе ги повлече или ќе се понудат нови решенија.

Ќе разговараме со нив и во координација со сите политички партии што ќе правиме со тие акти, рече Гаши и додаде дека нема да продолжи со праксата тој да одлучува автократски според тоа дали нешто му се допаѓа или не.

-Секогаш има можност за блокада, но јас не размислувам деструктивно, туку проактивно и конструктивно. Ќе настојуваме да има таква енергија и таков пристап. Сакам да ја вратиме довербата на Собранието кај граѓаните и тоа да биде најпочитувана институција во државата. Верувам ќе постигнеме големи успеси и тоа ќе го видиме по четири години. Ќе гоотвориме Собранието – тоа ќе биде агора на дебати, тоа е мојот сон. Дали во тоа ќе успееме зависи и од сите, а ние ќе дадеме се од себе, истакна претседателот на Собранието.

Соопшти дека в понеделник ќе има прва официјална координативна средба со парламентарните партии за да разговара кога би се одржала првата собраниска седница, со кој дневен ред и закони кои се приоритетни. Пред формирањето на Владата, очекува Собранието да го донесе новиот Закон за организација на работата на органите на државната управа и според него да се изгласа новата реорганизирана влада и да бидат избрани нејзините членови.

Мислам дека има слух од сите политички партии и ќе се донесе, претходно пратениците ќе имаат време да го видат и да дебатираат. За овој закон, како и за сите други закони сакам да имаме консензуален пристап, рече Гаши во интервјуто.

Следни за дебата во Собранието би биле измени на Законот за локална самоуправа за да се најде преодно решение, да не се распишуваат избори само за неколку месеци мандат односно до одржувањето на локални избори во целата држава наредната година, во оние општини каде градоначалниците ќе станат министри.

Треба да се најдат законски измени за да не ги тераме гласачите на секои шест или осум месеци да излегуваат на гласање, додаде Гаши.

The post Гаши: Сакам да ја вратиме довербата на граѓаните во Собранието и тоа да биде најпочитувана институција appeared first on Република.

Во кафе-книжарницата „Буква“ денеска во 18 часот во рамките на конференцијата „Стратегии во уметноста“, ќе се одржи дебата за филм и фотографија. За филмот ќе зборуваат Игор Иванов Изи, Дарко Набаков, Јане Алтипармаков, Иван Ивановски, Алек Василевски од Кинотека на македонија, Жарко Иванов од Флип бук и Ана Василевска. Дебата за фотографијата ќе ја водат Кирил Штрков, Зденко Петровски, Тоше Јанев, Дејан Колевски, Димитар Апостолов, Искра Трајчева и Јелена Белиќ.

Дебатата се организира во рамките на 15. сезона на уметничката резиденција „Креативен викенд“. Целта е да се отвори дискусија за уметничката сцена во земјава, да се укаже на слабостите и можните решенија, да се зборува за тоа што недостасува и како би можела да се подобри инфраструктурата којашто им овозможува на уметниците подобар амбиент за нивното творење и поддршка на промоција на нивните дела во Македонија и надвор од неа.

По дебата ќе следи настап на Аксиотомик, lXgram и Добрила.

The post Дебата за филм и фотографија во „Буква“ appeared first on Република.

The post Тимот на Силјановска Давкова: Поканата од наша страна беше веднаш прифатена, за жал тимот на Пендаровски поканата ја одбил на 1 мај appeared first on Република.

Кандидатката за претседател, поддржана од ВМРО-ДПМНЕ, Гордана Силјановска Давкова во претседателската дебата на ТВ21 порача дека не е вулканолог, но предвидува политички вулкан на 8 мај.

Според Силјановска Давкова, тој вулкан ќе го предизвикаат граѓаните.

Се разбира, оние кои што ќе го предизвикаат се граѓаните со своите гласови. Тоа е прекрасен ден, на 9 мај е Денот против фашизмот, денот на победата над фашизмот, Денот на Европа и јас мислам дека граѓаните, како што покажаа во првиот круг, така и во вториот круг ќе го искористат својот гласот по свое“, порача Силјановска Давкова.

https://www.youtube.com/watch?v=aosYT-3CWEs&embeds_referring_euri=https%3A%2F%2Fmk.tv21.tv%2F&source_ve_path=MjM4NTE&feature=emb_title

The post Силјановска Давкова: Не сум вулканолог, но предвидувам политички вулкан на 8 мај, ќе го предизвикаат граѓаните appeared first on Република.

Кандидатката за претседател Гордана Силјановска Давкова во претседателската дебата на ТВ21 порача дека уставните промени нема да го решат проблемот.

Според неа, тие само ќе го продлабочат.

Тој го стави во фиока и со тоа се самопрогласи за американски претседател, којшто на некој начин во џеб ги стави уставните измени, а нема право на тоа. Јас сум за тоа, ги кажав оние кои што можат да предложат уставни измени, тоа тие не го процесуираа инаку ќе се видеше дека слично како и народот, и пратениците внатре, дури и од опозицијата некои мислат слично на мене, дека нема потреба од такви уставни измени на ваков начин“, порача Силјановска Давкова.

https://www.youtube.com/watch?v=pDRluBi0M4I&embeds_referring_euri=https%3A%2F%2Fmk.tv21.tv%2F&source_ve_path=MjM4NTE&feature=emb_title

The post Силјановска Давкова: Уставните промени нема да го решат проблемот, напротив ќе го продлабочат appeared first on Република.

Во првата претседателска дебата пред вториот круг на ТВ21, кандидатот за претседател од ВМРО-ДПМНЕ, Гордана Силјановска Давкова изјави дека треба „да има попретцизни одредби“.

Господинот Пендаровски ги кажа роковите, да така е, 10 дена за претседателот, 20 дена за оној што ќе се обиде односно за мандатарот со програмата и со министрите што можам јас да кажам дека не се прецизни одредбите што се однесуваат на давањето мандат, треба да има попретцизни одредби така вели компаративното уставно право освен тоа во некоја идна измена претседателот треба да има можност исто така бидејќи има голем изборен легитимитет да некому од предложените кандидати за министри да рече дека нема да го прифати, изјави Силјановска Давкова.

https://www.youtube.com/watch?v=TIvvE2ekUt4&embeds_referring_euri=https%3A%2F%2Fmk.tv21.tv%2F&source_ve_path=MjM4NTE&feature=emb_title

The post Силјановска Давкова: Треба да има попрецизни рокови за доделување на мандатот appeared first on Република.

Кандидатот за претседател поддржан од СДСМ, Стево Пендаровски во претседателската дебата на ТВ21 истакна дека повиците за бојкот доаѓаат од опозициската ВМРО-ДПМНЕ.

Според него, тие знаат дека се губитници.

Битно е да се каже дека повиците од бојкот доаѓаат од политичката структура која ја поддржува г-ѓата Силјановска. Тие зборуваат за декуражирање на другата страна, нема да имаат интерес зошто знаат дека се губитници. Од моја страна, ниту некогаш било кажано ни помислено“, додаде Пендаровски.

Тој додаде дека станува збор за уставна одредба која мора да се почитува, и која вели дека 40% од гласачкото тело мора да излезе за да имаме валиден претседател.

The post Пендаровски: Повиците за бојкот доаѓаат од ВМРО-ДПМНЕ оти знаат дека ќе изгубат appeared first on Република.

На ТВ21 се одржа првата дебата за вториот круг од претседателските избори меѓу двајцаta кандидати Стево Пендаровски и Гордана Силјановска-Давкова.

Кандидатката на ВМРО-ДПМНЕ која ја предводи коалицијата „Македонија повторно твоја“, Силјановска Давкова, условувањето на албанските коалиции со уставни измени за формирање влада го смета за беспредметно. Таа вели дека некој за кој, според неа, се знае дека не е победник, не може да издава услови.

Во оваа прилика, возврати кандидатот на СДСМ од коалицијата „За европска иднина“, Пендаровски, порачувајќи и на Силјановска дека истото го прави и првиот човек на ВМРО-ДПМНЕ, Христијан Мицкоски, кој ги условува албанските партии да ја поддржат Силјановска, за потоа заеднички да ја формираат владата.

Вториот круг од претседателските и парламентарните избори ќе се одржи на 8 мај.

https://www.youtube.com/watch?v=IP13P3wRV_0&embeds_referring_euri=https%3A%2F%2Fmk.tv21.tv%2F&source_ve_path=MjM4NTE&feature=emb_title

The post Силјановска Давкова: Губитниците не можат да даваат услови – Пендаровски: Зошто Мицкоски бара гласови за да прави Влада? appeared first on Република.

Нас ни треба вистинска академска дипломатија, а не вазалска дипломатија како што кажа претседателот Пендаровски, рече кандидатот за претседател на Левица, Билјана Ванковска на прашањето за тоа каква дипломатија и е потреба на Македонија.

Според Димитриевски ние сега имаме бизнис-доверителка дипломатија

The post За Ванковска надворешната политика ни е вазалска, а според Димитриевски имаме бизнис-доверителка дипломатија appeared first on Република.

– Стравот пред сѐ доаѓа од лошите резултати и немање желба да се фатиме со вистинските проблеми, доаѓа од незнаењето и единствена флоскула е „Европа ќе нѐ храни, НАТО ќе нѐ брани“ без да преземеме било каков чекор за подобар живот на граѓаните, а тука пред сѐ мисам на целосната реформа во здравството, образование, администрацијата, не може некој да оди на работа, а да зема плата, истакна претседателскиот кандидат Стевчо Јакимовски на почетокот на денешната дебата меѓу сите седум претседателски кандидати.

Во врска со проширувањето на актуелните надлежности на претседателот Јакимовски кажа:

– Чудно е претседателот да назначува директор на Агенцијата за разузнавање и началник на Генералштаб, но не и на Гувернер на НБРМ, истакна Јакимовски кој нагласи дека така ќе се постигне поголема независност, а по истиот принцип претседателот би требало да назначува, не да предлага и членови на Судскиот совет и Уставниот суд.

Јакимовски нагласи дека е против уставни измени со цел внесување на Бугарите во Уставот на Република Македонија.

– Силата на претседателот мора да извира од граѓаните, а не од партиско-политички пазарења. Функцијата претседател мора да биде стабилна и да не падне дури и кога паѓаат владите, а не кога ќе падне Владата, да падне и Претседателот, истакна Јакимовски во врска со предлогот за бирање на претседателот на државето во Собранието.

The post Јакимовски е против уставни измени со цел внесување на Бугарите во Уставот appeared first on Република.

Кандидатот за претседател Стево Пендаровски во предизборното соочување на националниот јавен сервис - Македонска телевизија на седуммината кандидати за претседатели потенцираше дека, за жал, сè уште живееме во поделено општество и дека една од неговите заложби беше да се обиде да го намали овој јаз кој постои со години.

Едно време постоеше огромен јаз меѓу етничките заедници, особено меѓу Македонците и Албанците. Во изминативе 10, 15 години постои јаз меѓу самите Македонци, меѓутоа за жал во тој дел, дел од луѓето не беа подготвени да го направат тој чекор, едни кон други, а еден дел од нив беа инструирани од политичките субјекти да не го прават тоа. Можам да кажам дека во тој дел ни претстои огромна работа, кој било да е претседател во следните пет години затоа што поделено општество по дефиниција не може да ги користи сите потенцијали кои му се на располагање. Само со солидарност едни кон други, само со користење на клучниот потенцијал на 1.8 милиони луѓе кои живеат во Македонија може да напредуваме. Сè друго е заблуда“, рече Пендаровски и додаде дека ако се исклучи една категорија на луѓе, односно припадници на една политичка партија или по кој било основ не може да се напредува.

The post Пендаровски: Една од моите заложби беше намалувањето на јазот меѓу етничките заедници appeared first on Република.

Сите кандидати за шеф на државата ја прифатиле поканата за дебата. Првото и единствено предизборно соочување на сите седуммина кандидати за претседател на државата ќе се одржи вечерва (недела, 21 април 2024 г.) на МРТ 1.

Соочувањето ќе се емитува од 20 часот на првиот канал.

The post Вечерва дебата на сите седум претседателски кандидати appeared first on Република.

Првото и единствено предизборно соочување на сите седуммина кандидати за претседател на државата ќе се одржи утре (недела, 21 април 2024 г.) на МРТ 1 објави „360 степени“.

Сите кандидати за шеф на државата ја прифатиле поканата за дебата. Соочувањето ќе се емитува од 20 часот на првиот канал.

Последен што потврди беше актуелниот шеф на државата и кандидат за втор мандат Стево Пендаровски. Тој, како што соопшти денеска неговиот тим за комуникации, ја прифатил поканата за дебата, иако останува на ставот дека треба да се расчисти случајот со индиции за лажни анкети за рејтинзите на кандидатите и партиите поврзан со Македонската радиотелевизија.

Пендаровски претходно во неколку наврати иницираше т.н. мастер-дебати кои, како што неодамна соопштија од неговиот изборен штаб, нема услови за да се одржат.

Идејата на Пендаровски беше дебатите да се одржат на неутрален терен, а да бидат пренесувани од националните телевизии, како и на социјалните платформи.

Од штабот на Пендаровски тогаш порачаа и дека изминатиот период одржале и состаноци со одговорните лица од националните телевизии и со претставници од изборните штабови на останатите претседателски кандидати со цел, како што рекоа, да се надминат отворените прашања, да се премостат разликите и да се излезе во пресрет на одредени поспецифични барања.

Дел од кандидатите, како што информираа тогаш од штабот на Пендаровски, имале свои услови, од дебатата да се изземат некои од нивните ривали, пред сè Стевчо Јакимовски бидејќи е на „црната листа“ на САД и Билјана Ванковска поради нејзините наративи, но од штабот на Пендаровски нагласија оти тоа не е можно.

The post Утревечер на МРТ 1 – прво и единствено соочување на сите седуммина претседателски кандидати appeared first on Република.