Управата за јавни приходи излезе со известување за корисниците на МојДДВ врзано со ажурирање на податоците.

Ажурирање треба да направат само оние корисници кои во изминатиот период направиле промена на својата банка или трансакциска сметка, потенцираат од УЈП.

Според евиденцијата на Управата, 5.487 лица немаат точни податоци за своите трансакциски сметки и мора да ги ажурираат своите податоци за да ја добијат исплатата.

Корисниците на МојДДВ кои не правеле промени на банка и имаат точни податоци не треба да менуваат или ажурираат ништо! Вашите податоци се точни и исплатата се реализирана автоматски. Исплатата на повратот на МојДДВ за третиот квартал 2024 година е при крај. Законскиот рок за исплата е 30.11.2024 година, соопшти Управата.

По завршувањето на редовната исплата за третиот квартал, УЈП најави дека ќе започне со исплатата и за корисниците кои имале неажурирани податоци во претходните квартали.

The post УЈП со важно известување за корисниците на МојДДВ appeared first on Република.

Поднесувањето на даночните пријави за данокот на додадена вредност се одвива непрекинато и без застој. Во текот на вчерашниот ден, 523 даночни обврзници ја поднеле даночната пријава - образец ДДВ-04 и ја исполниле даночната обврска за пријава на ДДВ за даночниот период 01.07.2024-31.07.2024 година, информираат од Управата за јавни приходи (УЈП).

Како што посочуваат, во Скопје од очекувани 3.462 до денеска ДДВ-04 пријава поднеле 815 даночни обврзници или 23,54 отсто, во Битола од очекувани 735 до сега даночни пријави поднеле 109 даночни обврзници или 14,83 отсто, во Прилеп од очекувани 650 до сега даночни пријави поднеле 93 даночни обврзници или 14,31 отсто, во Струмица од очекувани 719 до сега даночни пријави поднеле 135 даночни обврзници или 18,78 отсто, во Тетово од очекувани 728 до сега даночни пријави поднеле 210 даночни обврзници или 28,85 отсто, во Штип од очекувани 823 до сега даночни пријави поднеле 174 даночни обврзници или 21,14 отсто, во другите даночни одделенија во државата од очекувани 290 до сега даночни пријави поднеле 59 даночни обврзници, или 20,34 отсто.

На државно ниво до денеска од вкупно 7.407 даночни обврзници даночната обврска за пријава на ДДВ за даночниот период 01.07.2024-31.07.2024 година до сега ја исполниле 1.595 даночни обврзници, односно 21,53 отсто.

Од Управата за јавни приходи апелираат и ги повикуваат сите даночни обврзници и сметководители со време да ја исполнат даночната обврска.

The post УЈП: Поднесувањето на ДДВ-04 се одвива без застој appeared first on Република.

Исплатата на Мој ДДВ за второто тримесечје од годинава, која граѓаните со нетпрнеие ја очекуваат, сепак нема да се случи идната недела. Од Управата за јавни приходи, прецизираат дека нивната најава за поврат на ДДВ била погрешно разбрана и дека таа не се однесува за поврат на ДДВ за граѓаните, дознава Република.

Во соопштението кои тие го објавија на страницата на УЈП стои дека се работи за поврат на ДДВ, а не за Мој ДДВ.

Управата за јавни приходи известува дека од следната седмица преку Министерството за финансии ќе започне исплатата на повратот на ДДВ. Имено, веднаш по назначувањето на нов директор во УЈП е формирана Комисија за унапредување на процесите за ДДВ. Од причина што УЈП нема воспоставено централизирано управување со повратот на ДДВ кое ќе обезбеди конзистентност на анализите и пристапите на регионалните дирекции, исто така не користи систем за автоматско вкрстување на податоци за цели на анализа на ризици, а воедно во дел од регионалните дирекции не се пополнети работните позиции чија одговорност е одобрување на повратот на ДДВ, меѓу другите свои задачи, оваа Комисија направи детална анализа и издвои барања за поврат кои претходно биле одобрени, а за кои Комисијата процени дека има одреден степен на ризик и треба да се изврши инспекциска контрола кај даночните обврзници. За останатите износи, кои претходно биле одобрени и доставени за реализација, од следната седмица ќе се врши исплатата на повратот. Враќањето на вишокот на влезниот ДДВ е легитимно право на даночните обврзници, но ДДВ повратот е подложен на злоупотреби и измами, какви што се случуваа во изминатиот период. Со формирање на Комисијата започнуваме со редизајнирање на внатрешниот процес за управување со ДДВ во УЈП, почнувајќи од првиот чекор - регистрацијата за цели на ДДВ, со цел процесот да биде ефективен и во однос на заштита на буџетските приходи од злоупотреби и во однос на сигурноста на даночните обврзници кои точно пријавуваат и ги побаруваат средствата од вишокот влезен ДДВ. Паралелно преку Комисијата и надлежните единици во структурата во Генералната дирекција веќе отпочнуваме со централизиран мониторинг и координација на повратот на ДДВ, за да може од прв ден да обезбедиме унифицираност и конзистентност во оперативното постапување во регионалните дирекции, стои во соопштението кое минатата недела гои објави УЈП.

Оттаму нагласуваат дека се работи за погрешно толкување на јавноста на помот „поврат на ДДВ“, иако никаде во соопштението не стои дека повратот на ДДВ се однесува на Мој ДДВ.

The post Исплатата на Мој ДДВ ќе почека: Од идната недела ќе има поврат на ДДВ за фирмите appeared first on Република.

Управата за јавни приходи денеска соопшти дека од следната седмица преку Министерството за финансии ќе започне исплатата на повратот на ДДВ.

Како што стои во соопштението, веднаш по назначувањето на нов директор во УЈП е формирана Комисија за унапредување на процесите за ДДВ.

- Од причина што УЈП нема воспоставено централизирано управување со повратот на ДДВ кое ќе обезбеди конзистентност на анализите и пристапите на регионалните дирекции, исто така не користи систем за автоматско вкрстување на податоци за цели на анализа на ризици, а воедно во дел од регионалните дирекции не се пополнети работните позиции чија одговорност е одобрување на повратот на ДДВ, меѓу другите свои задачи, оваа Комисија направи детална анализа и издвои барања за поврат кои претходно биле одобрени, а за кои Комисијата процени дека има одреден степен на ризик и треба да се изврши инспекциска контрола кај даночните обврзници. За останатите износи, кои претходно биле одобрени и доставени за реализација, од следната седмица ќе се врши исплатата на повратот, појаснвуаат од УЈП.

Враќањето на вишокот на влезниот ДДВ, се додава, е легитимно право на даночните обврзници, но ДДВ повратот е подложен на злоупотреби и измами, какви што се случуваа во изминатиот период.

- Со формирање на Комисијата започнуваме со редизајнирање на внатрешниот процес за управување со ДДВ во УЈП, почнувајќи од првиот чекор - регистрацијата за цели на ДДВ, со цел процесот да биде ефективен и во однос на заштита на буџетските приходи од злоупотреби и во однос на сигурноста на даночните обврзници кои точно пријавуваат и ги побаруваат средствата од вишокот влезен ДДВ, се вели во соопштението.

Паралелно преку Комисијата и надлежните единици во структурата во Генералната дирекција, се подвлекува во соопштението, веќе се отпочнува со централизиран мониторинг и координација на повратот на ДДВ, за да може од прв ден да се обезбеди унифицираност и конзистентност во оперативното постапување во регионалните дирекции.

The post Следната седмица преку Министерството за финансии ќе започне исплатата на повратот на ДДВ appeared first on Република.

„УЈП ги призна информациите на ВМРО-ДПМНЕ дека постоело поврат на ДДВ со лажни фактури, што правела Лукаревска и која е нејзината улога во аферата?

УЈП преку брифинзи на одредени медиуми ги призна информациите на ВМРО-ДПМНЕ дека постои лажен поврат на ДДВ преку кој се одливале милиони од државната каса во приватни џебови.

Целата оваа афера е во надлежност на заменик претседателката на СДС и директорка на УЈП Сања Лукаревска

Каков претседател, таков заменик претседател.

Вистинското прашање е што правела Лукаревска? Каква е нејзината врска со оваа афера?

Кои се омилените фирми на власта кои влечеле милиони евра фиктивно од државниот буџет?

Дали меѓу нив има фирми блиски до СДС и ДУИ?

Нема сегмент од каде оваа криминална банда не краде.

Овие клептомани ќе украдат дете од мајка, а не пак да го чуваат државниот буџет.

Европскиот фронт, неевропски краде. Никогаш не било полошо. Важно е да ги поразиме“, се вели во соопштението на ВМРО-ДПМНЕ.

The post ВМРО-ДПМНЕ: УЈП призна дека постоело поврат на ДДВ со лажни фактури, што правела Лукаревска и која е нејзината улога во аферата? appeared first on Република.

Намаленото ДДВ во Грција од 24 на 13 отсто за транспортот и туристичките пакети, воведено во периодот на пандемијата веројатно ќе се задржи, со оглед на тоа што според грчките медиуми, вклучено е во буџетот за 2024 година, јави дописничката на МИА од Атина.

Намаленото ДДВ се однесува на билетите за воз, авион, траект и за јавниот и такси превоз, како и на туристичките пакети и цените во хотелите.

Вонредната мерка воведена во 2020 година е во сила до крајот на годинава, меѓутоа од 1 јануари, се чини дека нема да има промени и цените ќе останат исти.

Дополнително, според информациите во грчките медиуми, намаленото ДДВ на кафето ќе биде продолжено за шест месеци, до средината на 2024 година, додека пак од 13 на 24 отсто ќе се зголеми данокот на додадена вредност на безалкохолните пијалаци во кафулињата и рестораните.

Одлуките на грчката Влада официјално ќе бидат вклучени во буџетот за следната година што утре се очекува да биде доставен во грчкиот Парламент.

The post Добра вест: Грчката Влада ќе го задржи намаленото ДДВ за транспортот и туристичките пакети? appeared first on Република.

По бурните реакции во јавноста, се враќаат старите цени во аптеките. Витамините, суплементите, додатоците за исхрана за раст и развој на децата, мултивитаминските препарати кои содржат витамини Б, Д и Е, магнезиум, пробиотиците, кои требаше да се даночат со 10, се враќаат на 5%, велат од фармацевтската комора за Сител.

Од комората велат дека согласно одлуката, 10% ДДВ ќе има само кај два вида таблети за џвакање со вкус на јагода и портокал.

Додаваат дека чаевите со 18% ДДВ остануваат на 18.

Со 5% повторно се продаваат урдата, замрзнатото тесто, црниот бибер, црвениот пипер, бебешките каши, адаптираното млеко за доенчиња, хербалните чаеви, наполитанките, вафлите, растителниот кашкавал, останати одредени видови кашкавали, лутеница, конзервираното цвекло и феферони.

Овие продукти се најдоа на листата со илјадници други чие ДДВ скокна од 5 на 10% со образложение дека се луксузни или пак, дека не се здрави.

„Лускузни“ остануваат: чипсот, мајонезот, сите видови апетисани, компоти, тропското овошје, сончогледот, мастиките, најголем дел од зачините и уште стотици други производи.

Цигарите, за кои имаше информација дека треба да поскапат од вчера, ќе имаат нови цени од јануари, кога една кутија ќе се продава пет денари поскапо.

Во вторник, пак, на владина седница ќе се разгледува предлог-одлуката за зголемени давачки при увоз на возила. Според планот, повисока даночна стапка ќе имаат луксузните и возилата кои повеќе загадуваат.

Извор: ТВ Сител

The post Владата пак се предомисли: Нема повисоко ДДВ за витамините appeared first on Република.

Министерот за економија Крешник бектеши денеска повтори дека производите наведени во Одлуката за „гарантирана цена“ нема да бидат опфатени со предвиденото зголемување на данокот на додадена вредност (ДДВ). Доколку има какви било технички грешки, рече Бектеши, ќе се корегираат.

Тој уште еднаш потсети дека листата на производи со зголемен ДДВ е предлог на Министерството за финансии и на неа, истакна, со месеци работеле стручни луѓе.

Според Бектеши, сепак, повеќето производи остануваат со пет отсто ДДВ.

Доколку има какви било технички грешки, ќе се корегираат, а и веќе се корегирани целосно. Направено е и повеќе од тоа по предлог на медиумите и на граѓаните. Листата се прошири и повеќето од производите остануваат со пет отсто ДДВ. За останатите производи, како е утврдено да одат од пет до 10 отсто и кои се критериумите, би ве замолил да се обратите до Министерството за финансии. За нас, како Министерство за економија, е важно основните прехранбени производи, тие кои се на листата за замрзнати цени и со ознаката „гарантирана цена“ да останат на пет отсто ДДВ и тоа ќе биде така, нагласи Бектеши, одговорајќи на новинарски прашања по работниот состанок во Стопанската комора.

Тој, како што рече, се уште не проверил дали листата е објавена.

Денеска имав други состаноци, немав прилика да проверам, но, секако Одлуката е донесена во Владата, имаше соопштение од Министерството за финансии, од Министерството за економија и од Владата. Најверојатно денеска или најдоцна утре би требало да се објави согласно можностите на службениците, нагласи министерот.

Пред два дена Владата донесе Одлука за прецизирање на прехранбените производи кои имаат најниска стапка на ДДВ. Согласно Одлуката, со повластената стапка од пет отсто се даночат најголем дел од основните прехранбени производи меѓу кои: урдата, замрзнатото тесто, бебешките каши и адаптираното млеко за доенчиња, одредени видови кашкавали, лутеница, хербални чаеви, бибер, црвен пипер, вафли и наполитанки, конзервирано цвекло, феферони.

The post Бектеши: Повеќето производи остануваат со пет отсто ДДВ appeared first on Република.

Министерот за економија Крешник бектеши денеска повтори дека производите наведени во Одлуката за „гарантирана цена“ нема да бидат опфатени со предвиденото зголемување на данокот на додадена вредност (ДДВ). Доколку има какви било технички грешки, рече Бектеши, ќе се корегираат.

Тој уште еднаш потсети дека листата на производи со зголемен ДДВ е предлог на Министерството за финансии и на неа, истакна, со месеци работеле стручни луѓе.

Според Бектеши, сепак, повеќето производи остануваат со пет отсто ДДВ.

Доколку има какви било технички грешки, ќе се корегираат, а и веќе се корегирани целосно. Направено е и повеќе од тоа по предлог на медиумите и на граѓаните. Листата се прошири и повеќето од производите остануваат со пет отсто ДДВ. За останатите производи, како е утврдено да одат од пет до 10 отсто и кои се критериумите, би ве замолил да се обратите до Министерството за финансии. За нас, како Министерство за економија, е важно основните прехранбени производи, тие кои се на листата за замрзнати цени и со ознаката „гарантирана цена“ да останат на пет отсто ДДВ и тоа ќе биде така - нагласи Бектеши, одговорајќи на новинарски прашања по работниот состанок во Стопанската комора.

Тој, како што рече, се уште не проверил дали листата е објавена.

Денеска имав други состаноци, немав прилика да проверам, но, секако Одлуката е донесена во Владата, имаше соопштение од Министерството за финансии, од Министерството за економија и од Владата. Најверојатно денеска или најдоцна утре би требало да се објави согласно можностите на службениците - нагласи министерот.

Пред два дена Владата донесе Одлука за прецизирање на прехранбените производи кои имаат најниска стапка на ДДВ. Согласно Одлуката, со повластената стапка од пет отсто се даночат најголем дел од основните прехранбени производи меѓу кои: урдата, замрзнатото тесто, бебешките каши и адаптираното млеко за доенчиња, одредени видови кашкавали, лутеница, хербални чаеви, бибер, црвен пипер, вафли и наполитанки, конзервирано цвекло, феферони.

The post Повеќето производи остануваат со пет отсто ДДВ, вели министерот Бектеши appeared first on Република.

Здружението „Студентски отпор правда“ реагира на зголемувањето на ДДВ-то за прехранбените производи и бара Владата да ја преиспита одлуката.

Во реакцијата се наведува дека со зголемувањето на цената на храната не ќе можат со 140-те денари што ги добиваат како субвенциониран студенски оброк да ги задоволат основните потреби за храна во текот на денот.

-Животот е се поскап, нашите родители мака мачат со ниските плати кои ги остваруваат на месечно ниво да ни обезбедаат соодветен живот, а згора на тоа куповната моќ на 140 денари субвенциониран студентски оброк се намалува, велат од Здружението.

Од здружението се надеваат дека ќе се намали ДДВ-то на храната и со тоа, како што наведуваат во соопштението, студентите повторно ќе може да си дозволат попристоен оброк во текот на денот.

The post „Студентски отпор правда“ бара преиспитување на одлуката за ДДВ-то за прехранбени производи appeared first on Република.

Вицепремиерот за економски прашања Фатмир Битиќи смета дека граѓаните најмногу реагираат за зголемувањето на ДДВ-то од 5 на 10 отсто за 10 прехранбени производи од вкупно 2.000 групи на производи кои се опфатени со одлуката и вели дека нема никаков проблем Владата уште на наредната седница во вторник да направи измена на одлуката за тие производи.

Има одредена реакција за одредени продукти. Штом ја добиеме таа листа на продуктите веќе во вторник кога имаме закажана седница на Влада може да се ревидира одлуката. Но, сметам дека досега реакциите се од прилика за 10 до 15 продукти, не гледам голем проблем за 10-ина продукти да има корекција, рече Битиќи во одговор на новинарско прашање пред почетокот на Економскиот форум „Од криза до решенија: Станавме ли поотпорна економија денес?“ во организација на Фајнанс тинк.

Знам, посочи, дека граѓаните имаат навики на храна, но одредени продукти ако во овој момент ги сметаме дека треба да бидат во стапката од 10 отсто оставаме простор да се ревидираат ако се дел од секојдневната исхрана на граѓаните.

Навистина не влегуваме во дефинирање што е луксуз, за кого е луксуз. Може да е пропуст во еден момент, може да не е. Од реакциите што ги гледам од вчера граѓаните најчесто реагираат за 10 производи од 2.000 групи на производи коишто се опфатени со одлуката. Затоа сметам дека за 10 производи нема никаков проблем да направиме измена на одлука, рече Битиќи.

Не е вистина, додаде, дека има зголемување на цена за илјада производи и тоа го кажувам и цврсто стојам на тоа затоа што се опфатени 358 категории на производи.

Дел од нив се опфатени со мерките за намалување на цените и без разлика што има зголемена даночна стапка кај одредени производи ќе останат на истата референтна цена која што спаѓа под одлуката така што нема да биде толкаво покачувањето. Врз основа на она што наслушнав досега има три одлуки на одредени производители со иста цена да останат продуктите коишто се со ревидирана цена, дел се зголемуваат. Ги поттикнувам сите стопански комори, сите производители, па и граѓаните до соодветните институции да пратат предлози за кои производи да испаднат во предлог-одлуката за изменување на стапката на ДДВ и соодветно ќе го направиме тоа, прецизира Битиќи.

Посочи дека константно се носат мерки за да се ублажи инфлацијата, која, како што кажа има тренд на намалување и до крај на годината во делот на храната ќе стигне на ниво од 5 отсто.

Јас би сакал таа да е на ниво на нула отсто, но тоа не е возможно затоа што во еврозоната инфлацијата е скоро на иста стапка како и во Македонија, потенцира Битиќи

The post Битиќи: Уште на следната владина седница може да се ревидира одлуката за зголемување на ДДВ-то за десетина прехранбени производи appeared first on Република.

Во соседните земји листите на производи со ДДВ се многу појасни со опис точно така како што очекувате во маркетите да ги најдете. За жал Македонија ова го прави преку тарифни броеви во царинска тарифа што е работа за експерти, за граѓаните и оние кои работат во маркетите ќе биде сложено за примена, оцени претседателот на Извршниот одбор на Здружение на советници Павле Гацов.

Гацов на денешната конференција пред почетокот на денешната дебата „Ефектите на финансиската и енергетската криза врз политиките и граѓаните“ посочи дека очекува во најскоро време да се случат промени во одлуката.

Очекувам за брзо време, бидејќи одлуката од денеска е во сила, да се случат промени во одлуката и беше најавена промена, веројатно вторник или среда ќе биде објавена измена што ќе ги прифати овие некои производи што наводно се луксузни, а не се, зборувам за основни прехрамбени производи или оние што се во групата на гарантирани цени кои, исто така се опфатени делумно со ова зголемување од 5 на 10 проценти - рече Гацов.

Одговорајќи на новинарско прашање за капиталните инвестиции, рече дека постојано се претставува политичка зрелост и економска сила, но дека при реализацијата вистината е поинаква.

Ние постојано кај капиталните расходи во планирањето натфрламе во обид да се претставиме политички зрели, економско силни, но во реализацијата се покажува вистината. Немаме капацитетност, беше најавен тимски пристап дека ќе има обид преку тимовите, сето тоа да се реализира на ниво на сите буџетски корисници. Засега нема најава за таква работа - посочи тој.

Гацов рече дека моментално даночната реформа е пресилен збор, оти како што појасни тој ништо реформско не се правело во овој дел.

Даночната реформа е пресилен збор, ние не направивме ништо реформско, се боревме едноставно. Даночна реформа е прогресивно оданочување, исклучување или воведување на некој во системот и во режимот на оданочување, но според мене вистинска реформа Македонија би направила со борбата со сивата економија - порача Гацов.

The post Гацов: За разлика од кај нас во соседните земји листите на производи со ДДВ се многу појасни appeared first on Република.

Почна исплатата на Мој ДДВ за второто тромесечје од годинава.

Многу граѓани беа изненадени од приливот на средства на своите сметки, со оглед дека вообичаено со исплатата се почнуваше некаде од втората недела во месецот.

Висината на средствата кои ќе им „легнат“ на сметка на граѓаните секако зависи од тоа колку сметки успеале да соберат и скенираат, а максималниот износ кој може да го добијат од повратот на ДДВ е 2.100 денари.

The post Проверете си ги сметките: Почна исплатата на Мој ДДВ за второто тромесечје од годинава appeared first on Република.

Пратеникот и член на Извршниот комитет на ВМРО-ДПМНЕ, Миле Лефков денеска гостуваше во „Тема на денот“ во централниот дневник на Сител телевизија, каде што меѓу другото разговараше и за законите кои се дел од, така наречената даночна реформа, законот за зголемување на ДДВ за прехранбените производи и Законот за солидарен данок кои се во собраниска процедура по скратена постапка без можност за дискусија на пошироката јавност.

Лефков посочи дека со законот за зголемување на ДДВ-то, иако власта уште ја крие листата со производи за кои ќе го дуплираат данокот, а со тоа ќе следи и покачување на нивната цена и за кои викаат дека се луксузни, се и наполитанките и бисквитите.

Додаде дека со даночната реформа која што тие ја протуркуваат, најпрвин ставаат европско знаменце и оди директно во Комисијата за европски прашања, што значи носат даночна реформа без општа расправа и без можност во таа да се вклучи пошироката јавност со што се враќаме во најцрните времиња на комунизмот каде што власта сака да го присвои и оној профит што го прават поуспешните, а при тоа заобиколуваат било какви интервенции во сивата економија.

Лефков истакна дека во Македонија имаме огромна, така наречена, неформална или сива економија, а ние сме и единствената држава во која директорот на Управата за јавни приходи е и партиски потпретседател, а тоа едно со друго не оди.

„Од друга страна имаме дуплирање на ДДВ за прехранбените производи. Владата на СДС и ДУИ е толку ненаситна во нивното трошење што во изминатите седум години потрошија 30 милијарди евра, огромен буџет над пет милијарди евра и тие сега сакаат да го дуплираат ДДВ кое што го плаќаат граѓаните за купување на наполитинки и на бисквити. Ако веќе е толку достапна листата, зошто не беше достапна пред расправата во комисијата за европски прашања, а истата ја кријат“, заклучи пратеникот Лефков.

The post Владата ја крие листата на прехранбени производи кои ќе поскапат со покачувањето на ДДВ appeared first on Република.

Овие закони во парламентот дојдоа со повторна злоупотреба на европското знаме, можностите се ограничени, односно се лимитирани. А тоа значи дека дебатата би била на Комисијата за европски прашања лимитирана во рамките на три дена. Оваа злоупотреба веќе претставува и станува пракса на оваа влада, што е многу погрешно и спротивно на тоа знаме и на тие вредности кои ги злоупотебувале, изјави претседателот на ВМРО-ДПМНЕ, Христијан Мицкоски по денешната средба со СКМ.

Тој посочи дека разговарале и со претседателот на Стопанската комора во детали за сите овие три закони, данок на ДДВ, проширувањето на опфатот во самиот предлог закон за измена на законот за ДДВ, персоналниот данок и условно кажано данок за солидарност.

-Во рамките на дискусијата што ја водевме предложивме, во понеделник на 24 јули е на дневен ред закажана Комисијата за европски прашања ќе побараме јавна расправа, бидејќи е добро јавноста да биде запознаена со аргументите од сите страни кои овие закони ги опфаќаат.

Очекуваме дека од страна на мнозинството во парламентот ќе биде прифатена оваа иницијатива на ВМРО-ДПМНЕ, да во рамките на следната недела имаме јавна расправа на која ќе можат стопанските комори, но и сите оние кои се погодени од носењето на овие закони, да дојдат и да го кажат својот став, своето мислење.

Не сме оптимисти, но се надеваме, дека ќе наиде на согласност од страна на мнозинството и тоа што ќе биде изнесено како теза на таа јавна расправа доколку се случи, тогаш министерството за финансии и владата ќе го земат предвид и ќе биде дел од нивните политики.

Во спротивно чувството на бизнисот но и нашиот став е дека компаниите кои се дисциплинирани и кои и досега ги плаќаат своите обврски и го полнат буџетот дополнително се оптоваруваат на сметка на оние компании кои не се дисциплинирани и се дел од сивата економија и не ги плаќаат своите обврски во буџетот, нагласи Мицкоски.

The post Мицкоски: Ќе побараме јавна расправа за измените во законите за ДДВ, персоналниот данок на доход и данокот на солидарност appeared first on Република.

Секогаш е задоволство кога се разговара со луѓето кои се дел од реалниот сектор, бизнисот. Денеска сме овде во Сојузот на стопански комори на Македонија, разговараме за тоа што на буквално шверцерски начин се носи во парламентот, а тоа се оние три закони кои дополнително ќе го оптоварат бизнисот. Нема да му помогнат на бизнисот, туку дополнително ќе го оптоварат. Зборуваме за Законот за ДДВ, потоа Законот за персоналниот данок и условно како што во јавноста беше промовирано тоа е Законот за солидарност, изјави денеска претсеателот на ВМРО-ДПМНЕ Христијан Мицкоски по средбата со Сојузот на стопански комори.

На овој начин, вели тој, се оптеретуваат оние кои се успешни и оние кои создавале профит во услови на криза. На овој начин не се намалува сивата економија, односно не се казнуваат оние кои не ги почитуваат своите обврски кон државата, не ги плаќаат своите даноци кон државата, туку ги сокриваат и се дел од онаа неформална сива економија, туку се казнуваат оние коишто своето работење редовно си го пријавуваат, се успешни и во услови на криза успеале да создадат профит и тој профит денеска го оданочуваме под името Закон за данок за солидарност.

Мора јавноста да знае дека ова е се, само не солидарност и ако обидот на владата да пристапи кон граѓаните со тоа што ќе ги оданочи овие кои заработиле и потоа тие пари ќе завршат кај оние кои им недостасуваат, не е точно. Тоа е лага. Овие пари ќе завршат кон проекти кои се сомнителни и во тендери во 4 очи, во приватни џебови, односно во дупка која оваа криминална и неспособна влада ја создава во буџетот.

Второ се повикуваат на искуство во Европа, а искуството во Европа вели да постои еден таков данок кој се случуваше за време на енергетската криза, но тој данок беше Виндфол профит. Тоа би значело профит кој се случил ненадејно односно се зголемила цената на енергенсите, вашата производна цена останала иста или се намалила и профитот станал екстремно голем, тогаш е логично, тој кој создал таков случаен, ненадеен, непланиран профит да дел од својата заработка ја сподели на оние кои книжат загуба. Кај нас таков случај немаме. Тоа е суштината, тоа е она што е погрешно во рамките на политиките на оваа власт.

Ние цениме дека требаше да ги запознаеме компаниите дека изминативе неколку месеци работевме со владата посветено, разговаравме во рамките на парламентот, ги аргументиравме нашите позиции, не наидовме на разбирање, ниту од соодветниот министер, ниту од страна на владата и еднострано ги повлекоа овие закони и потоа ги изменија.

Ако претходно велеа дека ќе зафаќаат околу 80, 90 милиони евра, сега и тоа е коригирано, останува станува збор за 140 милиони евра и тие ќе треба да ги зафатат од успешните компании и ги вратија назад вчера на шверцерски начин пред завршување на самата седница со европско знаме.

Така работеше оваа влада изминативе 6 години, уште неколку месеци ќе работи, а потоа следат избори и одговорност за сето ова кое се случи во Македонија, посочи Мицкоски.

The post Мицкоски: Измените во законите за ДДВ, персоналниот данок на доход и данокот на солидарност, не му помагаат на бизнисот, туку го оптеретуваат appeared first on Република.

Здружението на потрошувачи „Солидарност“ бара парламентарното мнозинство да го прифати амандманот со кој се предвидува ДДВ-то за пелетите да остане 5 отсто во спротивно најавува дека ќе пристапи кон протести пред Министерството за финансии.

Како Здружение на потрошувачи сме особено загрижени за последните случувања во поглед на зголемување на цената на пелетите. Имено Владата сака да изврши зголемување на ДДВ-то на овој енергенс од 5 на 18 отсто што неколку месеци пред започнување на грејната сезона дополнително ќе го оптовари џебот на граѓаните. Нашето Здружение бара додека не е доцна парламентарното мнозинство да го прифати амандманот поднесен од една од пратеничките групи со кој се предвидува за овој енергенс стапката на ДДВ да остане 5 отсто. Доколку не се излезе во пресрет и не се прифати нашето барање ќе пристапиме кон протести пред Министерството за финансии, велат од Здружението.

Со прифаќање на амандманот, додаваат, ќе се излезе во пресрет на над 50.000 домаќинства кои ги користат пелетите за затоплување во зимскиот период и би се заштедиле минимум околу 6.000 денари по домаќинство.

Посочуваат дека поскапување на цената од 13 отсто значи плус 2.000-2.500 денари по тон, а секое домаќинство во текот на една грејна сезона, како што велат, троши од три до четири тони пелети.

The post Здружението на потрошувачи „Солидарност” најавува протест ако се зголеми ДДВ-то на пелетите appeared first on Република.

Неспособната власт предводена од ДУИ и СДС повторно удира по џебот на граѓаните. Наместо помош за граѓаните преку намалување на даноци, субвенционирање на основни потреби на граѓаните, криминалците на власт предложуваат зголемување на ДДВ-то за купување на пелети од 5 на 18 проценти, велат од ВМРО-ДПМНЕ.

Од партијата истакнуваат дека по враќањето на ДДВ-то за електрична енергија на 18%, овој пат државата ќе мавне повторно по џебот на обичниот граѓанин.

-Ова ќе биде сериозен удар за и така малиот и скромен буџет на граѓаните. Над 50 илјади фамилии во државата кои користат пелети како огревно средство во зимскиот период, сега ќе мора да платат за 3 пати повисоки давачки кон државата за престојната зима.

Според пресметките секое семејство во зимскиот период со купување на пелети од својот буџет ќе треба да издвои плус над 6000 денари, за давачки кон државата преку зголеменото ДДВ од повластеното 5 на 18%.

Дали и преку оваа одлука на Владата, се носи со единствена цел, огромен профит за фирми блики од ДУИ и СДС кои тргуваат со ова огревно средство.

Владата на ДУИ и СДС треба веднаш да ја повлече оваа одлука. Граѓаните не треба да бидат изложени на уште поголеми давачки во оваа криза, стои во партиското соопштение.

The post Се зголемува и ДДВ за купување на пелети од 5 на 18 отсто appeared first on Република.

Министерот за финансии Фатми Бесими денеска, како одговор на новинарско прашање, рече дека нема да има легислативни интервенции и дека ДДВ-то на сметките за електрична енергија за домаќинствата и малите потрошувачи на регулираниот пазар ќе се зголеми од 10 на 18 отсто од 1 јули, односно од утре, како што е законски предвидено.

Во тој дел веќе се презентирани даночните инструменти. Намалувањето на ДДВ-то беше една фаза во првичната енергетска криза со негово намалување од 18 на 5 отсто. Потоа тоа се зголеми на 10 отсто и враќањето на 18 проценти беше пролонгирано до јуни оваа година. Сега има нова методологија од Регулаторната комисија за енергетика за обликот на кризата со која се мотивира штедењето на потрошувачката со воведување на четири блок тарифи, рече Бесими на денешниот настан во канцеларијата на ЕУ.

Министерот рече дека како компензација, Владата ќе продолжи да ги субвенционира трошоците за производство и снабдување на електрична енергија. Според Бесими, тоа ќе биде еден вид на компензација за зголеменото оданочување.

Владата како сопственик на ЕСМ на Управниот одбор му даде насоки за цени пониски од цената на чинење и тоа значи дека ќе продолжиме со субвенционирањето. Нема да одиме со намалување на даночните давачки, туку со таргетирани мерки, додаде тој.

The post Од утре поскапо ДДВ на сметките за електрична енергија appeared first on Република.

Потпретседателката на ВМРО-ДПМНЕ Гордана Димитриеска- Кочоска во интервјуто за „Република“ ја искоментира состојбата на буџетот. Според неа,во буџетот ќе фалат околу 200 милиони евра поради намалена наплата на ДДВ. Она пак што го полни буџетот се придонесите затоа што овие плати колку и да имаат помала вредност од претходните години сепак поради тоа што се повисоки придонесите се на поголем износ.

https://republika.mk/vesti/ekonomija/dimitrieska-kochoska-so-graganskata-obvrznitsa-sakaat-da-gi-isperat-tsrnite-pari/

Ако планираните приходи за 2023 година требало да бидат поголеми за 16 проценти во однос на минатата година реализацијата покажува дека заклучно со мај тие се за 14 проценти помали, односно не го полниме буџетот како што треба. Најмногу не полниме во буџетот кај ДДВ-то кое на исто ниво како минатата година ниту пак ќе го остварат планираниот БДП. Ако економијата продолжи да се движи по истата линија ќе имаме 200 милиони евра помала наплата на данокот на додадена вредност што ќе фалат во буџетот.Од друга страна имаме поголема наплата на данокот на личен доход и на данокот на добивка но тие можат да наплатат околу 40 милиони евра. Значи 160 милиони евра повторно фалат.Она што го полни буџетот се придонесите затоа што овие плати колку и да имаат помала вредност од претходните години сепак поради тоа што се повисоки придонесите се на поголем износ. Расходите исто така одат со позабрзана динамика отколку планираното.Биле планирани 16 пораст во однос на лани а поранале 20 проценти.Најголем раст имаме кај капиталните инвестиции од 280 милиони евра а тука влегуваат парите кои ги префрлиле на Државни патишта за Коридор 8 за казнени пенали и плус парите за ЕСМ.И во едниот и во другиот случај не станува збор за капитални инвестиции што значи дека имаме повторно зголемување на непродуктивни расходи кои во суштина на долг рок ја уништуваат фискалната политика. Кога ќе дојде време за ребаланс повторно ќе скратат од капиталните инвестиции, и тоа што го планираа ќе мораат да го скратат.

https://republika.mk/vesti/ekonomija/dimitrieska-kochoska-so-graganskata-obvrznitsa-sakaat-da-gi-isperat-tsrnite-pari/

https://www.youtube.com/watch?v=7MxvszmEPN8

The post Димитриеска-Кочоска: Во буџетот ќе фалат 200 милиони евра поради намалена наплата на ДДВ appeared first on Република.