Претпладнево во 10:10 часот во СВР Струмица било пријавено дека во Дојранско Езеро се удавил маж. Според информацијата од полицијата, машкото лице скокнало во водата од чамец, пливало неколку метри, по што се удавило.

Полициски службеници од ОВР Гевгелија се на местото на настанот. Запознаен е јавен обвинител од Основното јавно обвинителство Велес, а повикани се нуркачки екипи за пронаоѓање на лицето, информираа од СВР Струмица.

Засега не се соопштува идентитетот на удавениот, а повеќе детали од полицијата најавуваат за подоцна.

The post Трагедија во Дојран, се удави маж appeared first on Република.

Две трагедии се случиле на 06.07 во Грција, откако 54-годишен турист од Србија се удавил на плажата во Платамона, а се удавил и маж во Паљури.

Како што пренесува српски „Телеграф“, Србинот од морето бил извлечен без свест и засега не се познати причините за смртта. Телото е пренесено во Солун на обдукција.

Се претпоставува дека мажот доживеал срцев удар додека сè уште бил во вода. Сè се случило некаде околу 18 часот, а спасувачите веднаш се обиделе да му помогнат, го реанимирале, но веќе било доцна, пишуваат грчките медиуми.

Човекот со возило на Брза помош бил пренесен во најблиската болница, но лекарите можеле само да констатираат смрт.

На плажата кај Паљури, на првиот крак на Халкидики, вчера загина 78-годишен маж.

Како што јавија грчките медиуми, Капетанијата на пристаништата Неа Муданија вчера наутро била известена дека 78-годишен државјанин бил извлечен во бессознание од плажата Паљури во општина Касандра. Тој бил пренесен во болница, каде што починал. Обдукцијата ќе ја утврди и причината за смртта во овој случај.

The post Турист од Србија загина на плажата во Платамона, трагедија со смртни последици и во Паљури appeared first on Република.

Македонецот Милош од Скопје, благодарение на брзата реакција успеа да спаси давеник од водите во Грција.  Како што објави „Вечер“, во текот на вчерашниот дена во Грција, нашиот државјанин спаси Французин кој се давел во морето на една од плажите на острвот Крф.

Станувало збор за повозрасен граѓанин, отприлика 80-годишен кој штом влегол во морето, по кратко време почнал да се дави, но за среќа го забележал скопјанецот Милош, кој со семејството се наоѓал на плажата.

Со син ми и сопругата одмаравме на плажа. Имаше и други туристи, претежно Англичани. Во еден момент моето 9 годишно синче почна да вика дека некој дедо се дави во морето. Не размислував ниту момент. Скокнав во морето и допливав до човекот кој веќе беше полусвесен.  Го фатив силно под пазувите и пливав со него до обалата. Беше омалаксан, тежок и не зборуваше ништо. Успеав да го довлечам до обала, го легнав на плажата, а тој не мрдаше воопшто, вели за весникот Вечер, 33 годишниот Милош од Скопје кој со семејството е на одмор на острвот Крф.

Милош во разговорот истакнал дека дедото бил на плажа сам со сопругата која веднаш притрчала видно исплашена и немоќно гледала што се случува.

Јас и мојата сопруга му укажавме прва помош, се освести, а во меѓувреме неговата сопруга се јави на некого на телефон, дојде едно возило и го однесоа. Жената не знаеше англиски и само ни викаше “ мерси, мерси…, вели Милош и додава дека го зачудил односот на другите луѓе на плажата кои со прст не мрднале „а човек пред очи ќе им се удавеше. Но, се е добро, кога добро ќе се заврши“.

The post Македонец спаси давеник на плажа во Грција appeared first on Република.

Кристина Миладиновиќ од Здружението на спасители на вода на Србија во утринската програма на „Курир ТВ“ зборуваше кога е предоцна спасувачот на плажа да реагира, кои се грешките што ги правиме кога ќе видиме давеник и дали морето навистина е толку непредвидливо.

Таа се осврна конкретно на случајот во кој таткото самоиницијативно, односно инстинктивно тргнал да го спаси своето 8-годишно дете, по што се удави, трагедија која неодамна се случи на плажата Лагониси на Ситонија.

Тоа е голем проблем, зошто и покрај природната желба да помогнеме, кога не сме обучени за тоа се ставаме и самите во опасност. Спасувачите се водат по принципот дека никогаш не смееме да ги загрозиме нашите животи за да спасиме некого, бидејќи во такви ситуации може наместо еден да има два смртни случаи. Најдобро е да се повика стручна помош или да се посегне по предметот за кој ќе се држи давеникот, а контактот лице в лице да се избегнува, рече Миладиновиќ.

Таа објаснува дека во тој момент, давеникот не гледа во вас личност која сака да помогне, туку ве гледа како спас, односно како нешто на кое може да се фати и да се качи.

Потенцираше дека има многу луѓе кои не се свесни за потенцијалните ризици што ги носи водата со себе.

The post „Не смеете да го правите ова, ќе се удавите и вие“: Спасувачката Кристина открива што да правите кога ќе видите давеник appeared first on Република.

Триесетгодишен турист од Крагуевац, Србија, се удавил на плажа на Лефкада додека пливал со пријателите. Според локалната полиција, тој бил извлечен на брегот и веднаш пренесен во болница, но лекарите можеле само да констатираат смрт.

Телото е пренесено во Одделот за судска медицина во Патрас со цел да се изврши обдукција.

Како што пренесуваат српските медиумит, тој бил на море со својата девојка и двајца пријатели.

Грчкиот остров е познат по плажите на кои има огромни бранови, кои често знаат да бидат кобни.

The post 30-годишен турист се удавил на Лефкада appeared first on Република.

Мажот кој се удави околу 11:30 часот во водите на Дојранското Езеро, непосредно пред Градската плажа, е жител на Штип на возраст од 42 години.

Ова се првични информации од МВР, од каде информираат дека денеска околу 11:30 часот било пријавено во СВР Струмица дека во Дојран едно лице паднало од педалинка во езерото и се удавило, а за настанот бил известен јавен обвинител.

https://republika.mk/vesti/crna-hronika/se-traga-po-davenik-vo-dojranskoto-ezero/

Според информацијата од Центарот за управување со кризи (ЦУК), настанот се случил кога лицето било качено на педелинка што најверојатно се превртела, а лицето не знаело да плива, а засега нема податок дали имал безбедносен елек.

Во информацијата од ЦУК се додава дека местото на настанот било блиску до брегот и било обезбедено од припадници на МВР, кои ги известиле сите институции и побарале помош од специјалните нуркачки единици од МВР Тигри за да се спроведе акцијата за пронаогање на телото.

The post МВР излезе со детали за удавениот маж во Дојранското Езеро appeared first on Република.

Регионалниот Центар за управување со кризи (ЦУК) Струмица информира за давеник во Дојранско Езеро, кој исчезнал во водата кон пладне. Лицето не е пронајдено и е непознато.

Настанот се случил кога лицето било качено на педелинка што најверојатно се превртела, а лицето не знаело да плива. Засега, нема податок дали имал безбедносен елек. Телото се уште не е пронајдено заради тоа што во езерото има многу трски, алги,а и слаба е видливоста - до еден метарм длабочина. Местото на настанот било блиску до брегот и било обезбедено од припадници на МВР, кои ги известиле сите институции и побарале помош од специјалните нуркачки единици од МВР Тигри за да се спроведе акцијата за пронаогање на телото, информираа од ЦУК.

Додаваат дека на лице место се ТППЕ и СВР Гевгелија.

The post Се трага по давеник во Дојранското Езеро appeared first on Република.

Пронајдено е телото на 29 -годишното момче кое исчезна во водите на вештачкото езеро Глажња во општина Липково.

После петдневна потрага храбрите нуркачи од армиските специјалци „Волци“ и полициските специјалци „Тигри“ го пронајдоа телото на 29-годишното момче кое пред шест дена исчезна во водите на вештачкото езеро Глажња, изјави директорот на Центарот за управување со кризи Стојанче Ангелов.

Потрагата траеше неколку дена и во неа беа вклучени специјални нуркачки тимови на „Тигрите“, а потоа и на армиските „Волци.“ Во пребарувањето беа вклучени и нуркачки и уште еден тим на Дирекцијата за заштита и спасување кои со чамец го пребаруваа езерскиот брег. Изминативе денови  беа вклучени и доброволни друштва и екипи кои со воден дрон го пребаруваа вештачкото езеро.

Длабочината на езерото, кое на некои места достигнува и до 40 метри, и заматеноста на водата го отежнуваа пребарувањето. Извесен период и АД Водостопанство „Кумановско- липковско поле“ го стопираа темелниот испуст за да им се помогне на екипите во пребарувањето и да не се создаваат струи во езерото.

Младиот жител на липковското село Никуштак исчезна во водите не езерото на 30 јули годинава, во попладневните часови.

The post Пронајдено телото на 29-годишникот кој се удави во вештачкото езеро Глажња appeared first on Република.

Во попладневните часови денеска во Центарот за управување со кризи во Куманово, пријавено е дека едно лице кое влегло во езеро да се бања, му се изгубило трага.

Во горна Брана – Глажња лицето со иницијали Ф.Р од село Никуштак на возраст од околу 30 години, влегол во езерото и истиот не се вратил назад од езерото.

The post Се трага по 30-годишник, влегол во езеро и не се вратил appeared first on Република.

Во водите на Охридското Езеро во близина на плажа во Струга вчера бил најден давеник.

СВР Охрид соопшти дека по направениот увид било утврдено дека се работи за 67-годишна жена од Ресен.

Во ОВР Струга, вчера во 15 часот и 25 минути е пријавено дека, во водите на Охридското Езеро, во близина на плажа во Струга, забележано е безживотно тело. Од извршениот увид, констатирано е дека се работи за Ф.С.(67) од Ресен, појасни портпаролот на СВР Охрид Стефан Димоски.

Доктор од Здравствениот дом и Итната медицинска помош од Струга, констатирале смрт без траги на насилство. По наредба на јавен обвинител, врз телото на починатата ќе биде извршена обдукција.

The post Жена се удави во Охридско Езеро appeared first on Република.

Забележано тело на давеник во Вардар кај Карпош.

Како што информираат од МВР, на 15.01.2023 во 11.52 часот во СВР Скопје било пријавено дека во близина на пешачки мост на подрачјето на Карпош, во водите на река Вардар е забележано тело на давеник.

Полициски службеници и екипа од противпожарната единица Скопје излегле на местото, известени се ЦУК и ДЗС и се преземаат мерки за пронаоѓање и вадење на телото односно расчистување на случајот, велат од МВР.

The post Забележано тело на давеник во Вардар кај Карпош appeared first on Република.

Телото на давеникот кое е извлечено од водите на Вардар од тим на МВР е идентификувано од страна на роднините на лицето кое се фрли во реката од мостот „Близнак“ на булевар „Србија” и е утврдено дека станува збор за него, информира Центарот за управување со кризи (ЦУК).

Согласно дојавата од граѓани на 112 во ЦУК и координација на ЦУК со МВР и со Брза помош, попладнево е пронајдено лицето кое се фрли од мостот „Близнак” на булевар „Србија” во реката Вардар. Удавениот човек е лоциран на околу два километра низводно од истоимениот мост. Телото на давеникот е извлечено од тимот на МВР, направена е идентификацијата од страна на роднините на настраданиот и е утврдено дека се работи за лицето по кого се трагало, се наведува во објвата на веб страницата на ЦУК.

Како што претходно информираа од Центарот, по направената координација со МВР, ДЗС, локалните самоуправи Гази Баба, Аеродром и Град Скопје, како и Црвениот крст, со чамец се вршеше потрага низводно по течението на Вардар во ширина на пресекот на струјата на речното корито од страна на специјализираните единици на МВР.

The post МВР потврди: Tелото пронајдено во Вардар е човекот што скокна од мостот „Близнак“ appeared first on Република.

Центарот за управување со кризи (ЦУК) информираа дека во водите на Вардар попладнево е пронајдено тело, кое најверојатно е на лицето кое вчера се фрли во реката од мостот „Близнак“ на булевар „Србија”.

Согласно дојавата од граѓани на 112 во ЦУК и во координација со МВР и со Брзата помош, попладнево е пронајдено лице, кое е најверојатно е она коешто си го одзеде животот вчера, фрлајќи се од мостот „Близнак“ на булевар „Србија” во реката Вардар. Удавениот човек е лоциран на околу два километра низводно од мостот, соопштија од ЦУК..

Според Центарот, телото на давеникот е извлечено од тимот на МВР и понатаму ќе се постапува согласно процедурите за вакви случаи и дополнително ќе следи идентификација и потврда на случајот.

За дополнителни информации или детали ќе ве известиме согласно добиените информации, додаваат од ЦУК.

Како што претходно информираа од Центарот, по направената координација со МВР, ДЗС, локалните самоуправи Гази Баба, Аеродром и Град Скопје, како и Црвениот крст, денеска со чамец се вршеше потрага низводно по течението на Вардар во ширина на пресекот на струјата на речното корито од страна на специјализираните единици на МВР.

The post Во Вардар пронајдено тело на давеник, најверојатно е човекот што скокна од мостот „Близнак“ appeared first on Република.

Игор Петрушевски од Скопје е нуркачот кој почина во Хрватска откако му се слошило додека нуркал во близина на островот Вис, објави нуркачкиот клуб Амфора од Охрид.

Петрушевски е татко на две малолетни деца.

Нуркач од Македонија починал во Хрватска откако му се слошило додека нуркал во близина на островот Вис, објавија хрватските медиуми.

Сплитскиот весник Слободна Далмација објави дека станува збор за човек на средни години кому му се слошило во близина на малото островче Равник каде што и пред десетина години имало слична несреќа со загинат нуркач.

Несреќата се случила околу 11 часот вчера.

The post Нуркач од Скопје, татко на две деца го загуби животот кај островот Вис appeared first on Република.

Седумдесет и седум годишно лице било пронајдено удавено пред хотел на Охридското крајбрежје.

СВР Охрид денеска соопшти дека вчера околу 15 часот и 15 минути случајот бил пријавен во полиција.

– Во СВР Охрид е пријавено дека на плажа пред хотел на охридското крајбрежје, од водите на Охридското Езеро бил извлечен Р. М. (77) од селото Пласница, Македонски Брод. По извршена реанимација, од страна на Итна медицинска помош кај лицето била констатирана смрт, без траги на насилство, изјави портпаролот Стефан Димоски.

По наредба на Јавен обвинител, телото било предадено на семејството.

The post Давеник изваден од Охридското Езеро appeared first on Република.

Давеник утрово е пронајден во водите на Охридското Езеро, кај карпите меѓу плажите „Горица 2“ и „Горица 3“.

Според првичните информации, се работи за несреќен случај со трагични последици. Рибар од Охрид се лизнал од карпата од која рибарел.

Случајот за МИА го потврди портпаролот на СВР Охрид Стефан Димоски, посочувајќи дека полициски екипи се на местото на незгодата и вршат увид.

Телото на давеникот го забележале случајни минувачи и пријавиле во полиција .

The post Несреќа кај Горица, почина рибар по лизгање од карпа appeared first on Република.

Полицијата, по добиена пријава, денеска спаси 64-годишен маж од водите на реката Вардар, на вливот на реката Лепенец, информираат од Министерството за внатрешни работи.

Денеска во 12:45 часот по добиена пријава во СВР Скопје дека на вливот на реката Лепенец во реката Вардар има машко лице во водата, веднаш се преземени мерки и активности и лицето е извадено, односно спасено од водата од страна на полициски службеници од Полицисиката станица за општа надлежност Карпош, информираат од Министерството за внатрешни работи.

Подоцна било утврдено дека станува збор за 64-годишен маж од Скопје, кој претходно самиот се фрлил во реката, а инаку е пациент на болницата во Бардовци.

Од страна на Итната медицинска помош лицето е пренесено во ГОБ „8 Септември“.

The post Спасен маж од водите на Вардар, на вливот на Лепенец appeared first on Република.