Небојша Стефановиќ во времето кога тој беше министер за полиција наплаќал долгови за семејството на Дарко Шариќ, а за тоа наводно земал и голема провизија, дознава „Република.рс“ од извори  од истрагата.

Министерот наводно им ветил на соработниците на наркобосот дека ќе помогне да му ги вратат 11-те милиони евра што државата му ги одзеде на Шариќ.

Според информациите од истрагата, Стефановиќ за услугите од Шариќ добил луксузен часовеник проценет околу 17.000 евра.

The post Небојша Стефановиќ наплаќал долгови за Дарко Шариќ! appeared first on Република.

Колумбиските власти откриле операции на три балкански картели во земјата. Станува збор за криминални групи предводени од Дарко Шариќ, Милета Миљаниќ и Дејан Стојановиќ - Кека, кои војуваат меѓу себе!

Џебовите на корумпираните службеници кои работат во колумбиските пристаништа и аеродроми се полни со банкноти кои ги плаќаат гангстерите од Балканот, чиј бизнис во Колумбија расте заедно со кокаинот кој ја преплавува Европа, се вели во текст објавен на порталот „Елколумбијано“.

https://republika.mk/vesti/balkan/hacienda-od-nekolku-milioni-evra-poglednete-ja-kukjata-na-darko-sharikj-balkanskiot-el-chapo/

Според податоците добиени од полицијата и меѓународните агенции за борба против наркотици, не станува збор за една единствена организација од Балканот, туку за група криминални банди, кои се меѓусебно непријателски настроени.

Клановите се составени од шверцери на дрога и поранешни војници од поранешна Југославија. Затоа ги нарекуваат југословенска мафија. Во Колумбија се откриени операции на три картели: групата Шариќ, групата „Америка“ и групата на Кека - пишува „Елколумбијано“.

https://republika.mk/vesti/balkan/ova-e-spisokot-na-smrtta-na-klanot-amerika/

Извори од полицијата за овој портал објаснуваат дека балканските картели во Колумбија почнале да се однесуваат „срамежливо“ во првата деценија на 21 век, речиси секогаш во соработка со италијански нарко шверцери.

Во последните пет години тие зајакнаа и сега испраќаат свои делегати директно да преговараат за производство, транспорт и испорака на кокаин. Тие купуваат од поранешни припадници на ФАРК, ЕЛН, Кланот дел Голфо, „Ла Офисина“, Управниот одбор за трговија со дрога и независни мрежи - наведува порталот.

Криминалците кои доаѓаат во Колумбија се претежно од Србија, Албанија, Хрватска или Босна и се населуваат во главните градови како Меделин, Богота, Кали, Баранкиља и Картагена. Тие се претставуваат како инвеститори, а всушност ги координираат зделките за наркотици.

За да извлечат дрога, претпочитаат да изнајмуваат чартер летови на аеродромите во главните градови или да ја камуфлираат во контејнери што ги напуштаат пристаништата Санта Марта, Баранкиља и Картагена - изјавил за овој весник полициски агент за борба против наркотици.

https://republika.mk/vesti/balkan/vodachot-na-klanot-amerika-ostanuva-vo-zatvor-iako-trebashe-da-izleze-na-sloboda/

Еден од тие „инвеститори“, кој јавно се претставуваше како наследник на синџир хотели во Холандија, е Црногорецот Иван Армуш, кој беше уапсен во април 2021 година во Картагена, откако на неговата едрилица беше откриен половина тон кокаин!

Ширење на украинската мафија поради војната

Марија Велез де Берлинер, советник во Пентагон и професор на Универзитетот Џорџ Вашингтон, за „Елколумбијано“ вели дека покрај кланот Шариќ, групата на Кека и групата „Америка“, колумбиските власти мора да бидат внимателни и со ширењето на украинската мафија.

Како што се наведува, еден од главните нарко босови е Семјон Могилевич, за кого американската влада нуди награда од пет милиони долари.

По војната во Украина, се повеќе бегалци од оваа земја се обидуваат да добијат азил во САД, а нарко клановите ја користат тешката ситуација и се подготвени веднаш да им обезбедат „вработување“.

The post Балканските нарко кланови војуваат во Колумбија: Групата на Шариќ, кланот Америка и групата на Кека се борат до смрт поради кокаинот appeared first on Република.

Син на еден висок функционер на ДПС и син на еден од клучните луѓе во црногорското правосудство се споменати во документите на ЕУРОПОЛ, поврзани со комуникацијата преку апликацијата СКАЈ кој му бил доставуван на Дарко Шариќ.

Оваа апликација, меѓу другите, ја користеле и синот на Весна Меденица, како и Дарко Шариќ и неговата криминална група.

Постои основано сомнение дека син на висок функционер во правосудството бил посредник во набавката на шифрирани телефони меѓу криминалните групи во Црна Гора.

Се сомнева дека апликацијата, односно криптата, лицето ја набавило од лица од криминалното милје за 25.000 евра.Освен него, во транскриптите се споменува и син на висок функционер на ДПС на Мило Ѓукановиќ.

The post Човек од доверба на Ѓукановиќ му набавувал криптирани Скај телефони на Шариќ appeared first on Република.

Врските меѓу шефот на нарко кланот Дарко Шариќ и црногорскиот кавачки клан со кој раководи Радоје Звицер се многу силни.

Освен што ги застапува истиот адвокат Дејан Лазаревиќ, кој сега е уапсен со Шариќ, овие две криминални групи ги поврзува минатото и меѓусебната соработка додека Шариќ беше главниот наркобос на Балканот.

Миша Радуловиќ, попознат како Миша Банана, еден од најблиските соработници на Шариќ, но и Драган Дудиќ Фриц до 2010 година беа главната врска на которските морнари кои работеле со кокаин и Дарко Шариќ.

Исто така, Дарко Шариќ и неговата група биле меѓу првите кои го поддржале „кавачкиот клан“, особено ако се земе предвид дека по бегството на Шариќ, неговата група била цел на Јовица Вукотиќ лидерот на Шкраљарците.

The post Силни се врските меѓу Шариќ и Кавачкиот клан appeared first on Република.

Смртта на Милан Миловац (47) познат како „цигла“, во Еквадор од организирана криминална група, која, според Обвинителството за организиран криминал, ја формирал Дарко Шариќ, се уште е обвиткана во мистерија.

Тој беше тешко ранет на 13 ноември 2020 година, пред салата каде што тренираше. Тој бил префрлен во болница, од каде на 11 јануари следната година бил пуштен на домашно лекување, за наредниот ден да му се слош и по два дена почина во својот дом.

Шариќ се договорил со Петро Ќосиќ да го „докусури“ ранетиот Миловац во болница, па дури и да го убие полицаецот кој се грижел за неговата безбедност.

Според обвинителот, за тоа биле подготвени да платат дополнителни 70.000 евра. За Миловац - 50.000, а шефот на обезбедувањето бил проценет на 20.000 евра.

Се тврди дека Мануел Вулиќ бил ангажиран да го спроведе планот за ликвидација на Миловац во Еквадор. Постапката против него и Ќосиќ, наречен Сарач, се води во Хрватска, каде што беа уапсени речиси истовремено со Шариќ во Белград. Во барањето за истрага се наведува дека тие се обвинети за убиство на „цигла „на подмолен начин и од непромислена одмазда“.

The post Kaко Шариќ наредил да го убијат Миловац во Еквадор appeared first on Република.

Дарко Шариќ од Плевља, кој беше уапсен за шверц на 5,7 тони кокаин од Јужна Америка, наводно имал седум шифрирани и сателитски мобилни телефони кои ги користел за организирање криминал.

За тие апарати платил  500.000 евра, а позната личност ги доставила во неговата  ќелија, пишува „Ало.рс“.

Телефоните имале шифрирани апликации Sky и Ana, кои на корисниците им нудат највисоко ниво на заштита на содржината.  Шариќ ги користел овие уреди и платформи од 2014 година до повторното апсење за да организира убиства и шверц на големи количества дрога од Јужна Америка во Европа.

Шариќ скапо ги плати телефоните, надевајќи се дека полицијата нема да му влезе во трага на пораките што тој ги разменил со своите соработници на слобода, особено затоа што содржината по извесно време била избришана.

Сепак, тоа беше само мамка која Шариќ ја гризна како и многумина пред него. Европол и Евроџастис успеале да ја пресретнат комуникацијата што тој ја имал од ќелијата со членовите на неговата група цели осум години што резултирало со негово апсење .

The post Шариќ криптираните телефони ги платил половина милион евра appeared first on Република.

Последните сознанија во врска со истрагата за апсењето на Дарко Шариќ водат до заклучок дека тој од затвор ги координирал акциите на криминалниот клан на Вељко Беливук.

Како што се дознава, Шариќ издавал наредби преку апликацијата Скај, која била главно средство за комуникација на кланот Беливук-Миљковиќ.

Сите тие биле дел од озогласениот Кавачки клан на чие чело е Радоје Звицер.

The post Шариќ бил вистинскиот шеф на Веља невоља appeared first on Република.

Екипата на Дарко Шариќ на апликацијата Скај ги имале прекарите „Корлеоне“, „Кронос“ и „Феникс“.Преку оваа заштитена апликација го договориле убиството на Милан Миловац Цигла во Еквадор.

Миловац беше убиен во Еквадор во класична „сачекуша.

Оваа група ги имала сите детали за движењето на Миловац во Еквадор, дури и колку време поминува во теретана секој ден, кои автомобили ги вози, а потоа биле ангажирани две лица да го ликвидираат.

– Планот беше да го убијат во болница, како и да ги елиминираат полицајците кои го обезбедуваат. За ова ангажирале Колумбијци, а планот не се реализирал бидејќи еден од нив бил уапсен. Миловац потоа бил пуштен на домашно лекување.

Починал поради компликации на 11 јануари 2021 година – стои во документот на хрватското обвинителство

The post Ова е пријателот на Шариќ од Евкадор за кој од затвор наредил да го ликвидираат appeared first on Република.

Нарко босот Дарко Шариќ е осомничен за организирање убиства на територијата на Србија и Црна Гора и во моментот се одвива апсење во неговата.Шариќ е во домашен притвор и носи наногица.

Тој од дома преку пет сателитски телефони и апликација Скај организирал некои убиства на територијата на Србија и Црна Гора.

Апсењето е дел од  голема меѓународна акција на Европол и покрај Шариќ се апси и  неговиот адвокат Дејан Лазаревиќ и  неколку полицајци.

The post Србија го уапси нарко босот Шариќ кој и онака беше дома appeared first on Република.

Нарко босот Дарко Шариќ, кој е во притвор од март 2014 година, кога му се предаде на српското правосудство, денеска за прв пат по долго време се појави во јавноста.

Спортски облечен, речиси незабележливо  влезе во зградата на Специјалниот суд  каде на самиот влез оставил документи и телефон и продолжил кон судницата.

Шариќ ја соблече маската пред судницата, па по неколку години присутните можеа одблиску да видат како изгледа сега.

The post Го покажа лицето: Вака денеска изгледа нарко босот Дарко Шариќ appeared first on Република.

По седум години поминати зад решетки, Дарко Шариќ од неодамна е пуштен во домашен притвор со наногица Одлуката ја донесе Апелацискиот суд во Белград, по што однесен во куќата на неговата сопруга Лана Поповиќ.

Шариќ за малку можеше да биде убиен во затвор набрзо по апсењето во 2014 година од поранешниот член на „земунскиот клан“ Сретко Калиниќ (40), познат и по прекарите Звер и Касапин. Убиството го спречиле затворските чувари, но истиот ден Калиниќ итно бил префрлен од белградскиот притвор во затворот Забела во Пожаревац.

Инцидентот се случил кога случајно се сретнале додека се шетале. Калиниќ се обидел да го нападне Шариќ, а бидејќи е познат како суров убиец, прашање е што ќе се случело доколку стражарите не реагирале брзо и не спречеа поголем инцидент.

The post Еден од водачите на Земунскиот клан се обидел да го убие Дарко Шариќ во затвор appeared first on Република.