Вечерва на стадионот Сан Сиро во Милано се среќаваат Интер и Црвена звезда. Дуел кој привлекува големо внимание кај фудбалските фанови во регионот.

И Интер и Звезда имаат навивачи во Македонија, а она што најмногу ги поврзува двата клуба е Дарко Панчев кој настапуваше за двете екипи. Во Интер не остави некој поголем траг, но затоа во дресот на белграѓаните дојде до европската титула.

Владимир Југовиќ, Синиша Михајловиќ, Дејан Станковиќ, Немања Видиќ се играчи кои исто така со успех настапуваа за двата клуба.

The post Дарко Панчев единствениот Македонец кој играл и за Црвена звезда и за Интер appeared first on Република.

Првата авторизирана биографија на легендарниот фудбалер Дарко Панчев ќе биде промовирана денеска, на 25 септември (среда), во 19 часот, во „Литература.мк“ во „Дајмонд мол“. Автор е доајенот на спортското новинарство Зоран Михајлов, а книгата е издание на „Арс Либрис“, дел од „Арс Ламина – публикации“.

Промотори на книгата ќе бидат проф. д-р Љубомир Кекеновски и поранешниот фудбалер и соиграч на Панчев, Васил Рингов, а модератор ќе биде уредничката Бисера Бендевска.

Во изданието, Михајлов открива познати и помалку познати случувања, факти и анегдоти за Панчев, за неговиот подем, за постигнувањата и за неговата личност, почнувајќи од неговото детство, преку ангажманите во ФК Вардар и ФК Црвена звезда, па сѐ до европската фудбалска авантура. Во книгата се открива за животот на Панчев и надвор од зелениот терен…

„Македонската Кобра, како што го знаат нашиот Дарко Панчев лаиците и оние поупатените, го разбранува фудбалскиот свет во своето време и на величествен начин – од Вардар преку Црвена звезда – во 1991 година стигна до титулата прв стрелец на Европа, освојувајќи ја ’Златната копачка‘ на популарниот ’Екип‘ и на брендот за спортска опрема ’Адидас‘. Со 34 постигнати гола и со освоените титули со Звезда – европски и светски клупски првак, и ’Сребрена топка‘ во изборот на реномираниот француски спортски весник ’Франс фудбал‘ за втор најдобар играч во Европа, иако според мнозинството од фудбалскиот свет ја заслужил ’Златната топка‘ – Панчев стана една од најинтересните фудбалски појави, не само на Стариот Континент, туку и во светот“, вели Михајлов во книгата.

Во книгата е поместен избор од 40 фотографии од приватната архива на Панчев, кои прикажуваат важни моменти од неговата кариера и од неговиот живот.

Публикацијата е збогатена и со искази за Панчев од челниците и легендите на Звезда, од неговите соиграчи, современици, претставници од спортската и од научната фела.

The post Промоција на авторизираната биографија на легендарниот фудбалер Дарко Панчев од Зоран Михајлов appeared first on Република.

Првата авторизирана биографија на легендарниот фудбалер Дарко Панчев излезе од печат во идание на „Арс Либрис“, дел од „Арс Ламина – публикации“. Книгата, чиј автор е доајенот на спортското новинарство Зоран Михајлов, ќе биде промовирана на 25 септември (среда), во 19 часот, во „Литература.мк“ во „Дајмонд мол“.

Промотори на книгата ќе бидат проф. д-р Љубомир Кекеновски и поранешниот фудбалер и соиграч на Панчев, Васил Рингов, а модератор ќе биде уредничката Бисера Бендевска.

Во долгоочекуваната книга, Михајлов открива познати и помалку познати случувања, факти и анегдоти за Панчев, за неговиот подем, за постигнувањата и за неговата личност, почнувајќи од неговото детство, преку ангажманите во ФК Вардар и ФК Црвена звезда, па сѐ до европската фудбалска авантура. Во книгата се зборува и за животот на Панчев и надвор од зелениот терен...

Македонската Кобра, како што го знаат нашиот Дарко Панчев лаиците и оние поупатените, го разбранува фудбалскиот свет во своето време и на величествен начин – од Вардар преку Црвена звезда – во 1991 година стигна до титулата прв стрелец на Европа, освојувајќи ја „Златната копачка“ на популарниот „Екип“ и на брендот за спортска опрема „Адидас“. Со 34 постигнати гола и со освоените титули со Звезда – европски и светски клупски првак, и „Сребрена топка“ во изборот на реномираниот француски спортски весник „Франс фудбал“ за втор најдобар играч во Европа, иако според мнозинството од фудбалскиот свет ја заслужил „Златната топка“ – Панчев стана една од најинтересните фудбалски појави, не само на Стариот Континент, туку и во светот“, вели Михајлов во книгата.

Во книгата е поместен избор од 40 фотографии од приватната архива на Панчев, кои прикажуваат важни моменти од неговата кариера и од неговиот живот. Публикацијата е збогатена и со искази за Панчев од челниците и легендите на Звезда, од неговите соиграчи, современици, претставници од спортската и од научната фела.

Најславниот и најуспешниот фудбалер на Македонија, Дарко Панчев, е роден на 7 септември во 1965 година, во Скопје. Благодарејќи на неговите голгетерски способности и вродениот рефлекс за скротување на топката во шеснаесетникот, тој се здобива со прекарот Кобра, како што е познат и до денес во фудбалскиот свет. Решетејќи ги мрежите на звучните клубови во Првата југословенска лига како играч на Вардар, успева да стигне до врвот на лигата во сезоната 1986/87 година, по што станува привлечен за клубовите од т.н. „Голема четворка“: српските Црвена звезда и Партизан, и хрватските Динамо Загреб и Хајдук. Но, најбрза во трката за неговиот потпис е белградска Звезда, каде што ќе го достигне зенитот во својата кариера – освојување на тронот на клупска Европа и тоа токму со неговиот победнички погодок во пенал-рулетот против Олимпик Марсеј, и добивањето на „Златната копачка“ и на „Сребрената топка“. Потоа настапува и за гигантот Интер од Милано, за Лајпциг, Фортуна Диселдорф и за Сион, каде што ја завршува својата кариера. Бележити се и неговите настапи за југословенската репрезентација и за репрезентацијата на Македонија по осамостојувањето, станувајќи нејзин прв капитен. Тој е прогласен за Фудбалер на векот во Македонија.

Ова е трета книга на неуморниот спортски новинар и коментатор Зоран Михајлов (р. 1945 година) по „Спортски стории: записи, настани и сеќавања“ (издание на „Арс Либрис“) и монографијата за борачот Шабан Сејдиу (коавтор). Во својата 60-годишна кариера присуствувал на најголемите спортски случувања , меѓу кои и на рекордни 15 олимпијади и притоа ги афирмира настапите на македонските спортисти и ја информира македонската јавност за тамошните случувања.

„Оваа биографија што ја подготвував со задоволство, буквално ќе ја долови кариерата на нашиот најдобар фудбалер. Колку тој беше ценет и почитуван од своите колеги, а и од легендите во другите спортови, ќе имате можност да прочитате низ овие редови, што ќе останат како документ за една знаменита македонска личност. Тој беше вистински афирматор на својата земја, затоа што преку него и неговите постигнувања многу луѓе во светот дознаа за Македонија. И до денес, Панчев е единствениот Македонец кој успеал да освои две високи индивидуални признанија во својот спорт, „Златната копачка“ и „Сребрената топка“ – во изборот за најдобар фудбалер на Европа. Затоа, името Дарко Панчев е врежано со златни букви во нашата фудбалска и национална историја“.

The post Спортскиот новинар Зоран Михајлов напиша книга за легендарниот Дарко Панчев appeared first on Република.

Јуни, топло лето 1992 година, војните во Хрватска и Босна се разгоруваат. Една репрезентација, како никогаш сплотена чека абер од Нион, но и од Њујорк дали ќе и дозволат да игра на Европското првенство во Шведска.

Она што го заработи на квалификациите како една од најуспешните не и се дозволува да го покаже на терените.Причина-ембаргото кон тогашна Југославија. И на неколку дена пред стартот на првенството стигна аберот да се пакуваат за назад и оти политиката е поважна од фудбалот.Навистина тажно.

Таа репрезентација во која главни играчи беа нашите Дарко Панчев, Илија Најдоски и Вујадин Станојковиќ беше главен фаворит за европската титула. Kаков тим беше тоа со Дејан Савичевиќ, Синиша  Михајловиќ, Југовиќ, , Пикси, Мијатовиќ….

Треба да се напомене дека неколку дена пред стартот на ЕП Панчев се повлече, а оставка даде и селекторот Осим.

Но, сега УЕФА е на друга мака, кој да дојде на местото на Југославија.Изборот падна на Данска која беше во истата квалификациска група со „сините“. Данските играчи ги собирале буквално од одмор биидејќи не им било ни на крај на памет дека ќе играат на ЕП.

Данска воа тоа време имаше добра репрезентација предводена од браќата Лаудруп и голманот Шмајхел. И како во најлудите соништа, меч по меч дојдоа до финалето во кое ја совладаа Германја.

И чуда се случуваат зарем не?

The post Репрезентација на Југославија 1992 година: Европските шампиони на кои политиката не им дозволи да ја покорат Европа appeared first on Република.

Интернет страницата Totally со помош на  алгоритам пресмета колку би изнесувале денешните трансфери фудбалот.

Она што е интересно за нас е што нашиот фудбалер Дарко Панчев е на десетото место со трансферот од Црвена Звезда во Интер во 1992 година.

Денешниот трансфер би изнесувал 169 милиони евра. Секоја чест.

The post Трансферот на Панчев во Интер десети најскап во историјата на фудбалот appeared first on Република.

Во Србија во тек е предизборна кампања, а една објава на социјалните медиум од познатиот водител и новинар Иван Иванвоиќ привлече внимание и кај нас.

Името на македонската фудбалска легенда, Дарко Панчев се најде на изборниот список во Србија и тоа со адреса на живеење во Вождовац.

Potpuni spektakl na Banjici !
Darko, Darko, Darko … pic.twitter.com/SHrmpNJvcl

— Ivan Ivanović (@veceivan) December 14, 2023

The post Во Србија на изборите може да се гласа и за Дарко Панчев! appeared first on Република.

Легендата Дарко Панчев вели дека би се вратил во фудбалот само ако има некоја сериозна понуда.Тој во интервју за „Новости“ вели дека во денешно време фудбалот е зависен од финансиите и оти клубовите од регионот тој најмногу го чуствуваат.

„Не сакам да работам само за да работам. Фудбалот денес е многу зависен од парите. Па, ако има финансиски добар момент да се изгради добар тим, тогаш можам да размислам да се вклучам некаде за да помогнам да се изгради добра екипа. Секаде падна квалитетот, но пак велам, фудбалот зависи од пари. Не можете да купите добри играчи, бидејќи тие чинат многу, а треба да се натпреварувате со најдобрите, што е многу тешко. Не знам колку време ќе треба за се да биде на подобро ниво-вели популарната Кобра.

The post Панчев би работел само онаму каде што има добри пари appeared first on Република.

Пред 32 години на денешен ден легендите на македонскиот фудбал Дарко Панчев и Илија Најдоски ја освоија светската клупска титула триумфирајќи со белградска Црвена звезда над чилеански Коло Коло во финалето на Интерконтиненталниот куп.

Шест месеци по историскиот триумф над Олимпик Марсеј во Бари во финалето на Купот на европските шампиони, Црвена звезда на 8 декември 1991 година во Токио го совлада јужноамериканскиот првак со 3-0 (1-0) и ги обедини титулите европски и светски првак.

Двоен стрелец беше Владимир Југовиќ (19 минута, 58), а печат на победата стави најдобриот европски стрелец во сезоната 1990/91, Дарко Панчев во 72 минута.

Панчев и Најдоски беа дел од триумфот на Црвена звезда чиј дрес во финалето на Националниот стад во Токио пред 60.000 гледачи го носеа и Милојевиќ, Радиновиќ, Белодедиќ, Васиљевиќ, Ратковиќ, Југовиќ, Михајловиќ, Стошиќ и Савичевиќ.

The post Денот кога Панчев и Најдоски станаа светски шампиони: Триесет и две години од светската титула на Црвена звезда appeared first on Република.

Документарниот филм за македонската фудбалска легенда, Дарко Панчев - „Патот на Кобрата до ѕвездите“, е прогласен за најдобар филм за личност во спортот на 12. меѓународен фестивал за спортски филмови во Златибор.

Панчев доби ѝ признание за животно дело за исклучителен придонес во спортот, а наградите во негово име ги подигнаа сопругата Маја и ќерките Надица и Марија.

Прекарот „Кобра“ за Дарко Панчев се однесува исклучително за фудбалот, бидејќи во играта се истакнуваше со недостижно брзи потези кои продуцираа неповториливи голови. Во неговиот реален живот, надвор од фудбалската магија, тој е стандард, мерило за наклонетост и пријателство, прво во семејството и секаде каде што животот го носи, како плима на добрина. Затоа го препорачуваме овој филм како лек против актуелната стварност, која е во сериозен недостаток на основни човекови вредности“, истакнаа членовите на жирито на фестивалот.

На фестивалот награден беше и филмот „Среќна 13-ка“, во продукција на МРТ, кој беше посветен на ликот на Благоја Георгиевски - Буштур. Режисерот Тони Ристовски го прими признанието за најдобра режија.

На фестивалот во Златибор учествуваа преку 40 филма, од 20 земји.

The post Документарецот за Дарко Панчев доби наградата за најдобар филм на Филмскиот фестивал „Златибор 2023“ appeared first on Република.

Најдобриот македонски фудбалер Дарко Панчев е воодушевен од добрите игри на Црвена звезда пред стартот на Лигата на шампионите.

-Го гледав натпреварот против Фиорентина, навистина изгледа добро. За сето ова време што Звезда доминира и освојува титули, секогаш напредува и се подобрува. Одлично е што Звезда е директен учесник во Лигата на шампионите, не само за клупскиот и српскиот фудбал, туку и за фудбалот во регионот, но и за нас во Македонија. Терзиќ одлично си ја врши работат тоа се одразува и на теренот, но и на резултатите. Ќе уживаме во новата сезона – вели Панчев за „Информер“.

The post Панчев: И за нас во Македонија е важно што Звезда игра одлично appeared first on Република.

На вчерашната промоција на филмот Дарко Панчев дојде како што му доликува- со сопругата Маја и двете ќерки. Тие израснаа во вистински убавици и пленеа на настанот организиран во чест на нивниот татко.

Надица има 23 години и студира германски јазик а помладата Марија е средношколка.Оние кои ги познаваат велат дека важат за скромни и вредни девојчиња, посветени на школувањето.

The post Ова се ќерките на Дарко Панчев appeared first on Република.

Синоќа се одржа регионалната промоција на документарниот филм за најголемата фудбалска звезда на Македонија Дарко Панчев. Многумина сакаа да бидат видени во друштво на шампионите на Европа од 1991 година, идоли на многу деца од тоа време.

И навистина речиси целата генерација му направи чест на Дарко и дојде во Скопје. Драган Стојковиќ Пикси, Дејан Савичевиќ, Драгиша Биниќ, голманот Стеван Стојановиќ, Маровиќ, Драгиша Биниќ, како и нашите Илија Најдоски, Бошко Ѓуровски и Драган Канатларовски.

Документарецот дело нa Спорт Клуб телевизија од Србија го покажа Дарко од неговото детство на улица „Пушкинова“  во Кисела Вода, почетоците во Вардар, титулата 1987 година, преминувањето во Црвена Звезда и станувањето на европски и светски шампион, преминот во Интер како и настапите за македонската и репрезентацијата на Југославија.

The post Европските шампиони од 1991 година дојдоа во Скопје за Дарко Панчев appeared first on Република.

Денеска во Хотел Александар палас, со почеток во 20 часот, ќе се одржи промоција и светско премиерно емитување на документарниот филм посветен на нашата гордост и фудбалска легенда, Дарко Панчев.

Ова е филм за подемот на македонскиот спортски бренд Панчев до европскиот и до светскиот трон, со многу сведоштва и лични импресии од времето на неговата кариера.

The post Денеска промоција на документарецот за Дарко Панчев appeared first on Република.

Во понеделник во Александар Палас, со почеток во 20 часот, ќе се одржи промоција и светско премиерно емитување на документарниот филм „Патот на Кобра до ѕвездите“, посветен на нашата гордост и фудбалска легенда, Дарко Панчев.

Под генерално покровителство на Универзитетот за туризам и менаџмент, сега со ново име Универзитет Скопје, овој филмски документ со историска вредност за македонскиот спорт е соорганизација и копродукција на Спорт клуб телевизија, Спортско радио 90,3 и Спорт нетворк продукција. Настанот е од затворен карактер.

„Историја испишуваат многу луѓе, јас сум почестен што заедно со Дарко Панчев создадовме документарен филм за идните генерации. Ова е филмски проект за македонската спортска историја. Дарко Панчев е македонска ѕвезда, кој ја заслужува целата слава“, порача ректорот проф. д-р Аце Миленковски.

„Патот на Кобра до ѕвездите“ е филм за подемот на македонскиот спортски бренд Дарко Панчев до европскиот и до светскиот трон. Панчев е еден од најдобрите голгетери на светот во осумдесеттите и на почетокот на деведесеттите години на минатиот век и еден од најпознатите македонски спортисти во историјата. Тој е носител на Златната копачка за најдобар стрелец во Европа и на Сребрената топка за најдобар фудбалер. Прогласен и за фудбалер на Македонија на 20. век, вистинска гордост на македонскиот спорт.

„За мене е секако чест и задоволство што кариерата ќе ми биде претставена и на ваков начин на филмско платно. Ми беше задоволство да соработувам со продуцентите на филмот, и се надевам дека ќе ѝ се допадне на целокупната македонска и балканска јавност“, истакна Панчев.

Од Спорт клуб рекоа дека создале филм за детството на Дарко, неговиот раст и фудбалски развој за патот до успехот, и не само според неговите сеќавања, туку и сеќавањата на многу други личности, негови блиски и од неговото окружување.

„Дарко е многу благодарен соговорник, но и многу незгоден затоа што се сеќава на многу детали. Просто е неверојатно како Дарко се сеќава на сѐ од неговата фудбалска кариера, затоа и со самото тоа ни беше навистина лесно, но во исто време малку и понапорно да собереме сѐ   на едно место, и во секој случај, да создадеме, мислам, навистина прекрасен документарен филм, кој засекогаш ќе сведочи за една големина каква што е Дарко Панчев“, истакнаа од Спорт клуб творците на документарниот филм за македонскиот фудбалер на векот.

Филмот, преку гостувања на истакнати спортски и јавни личности, како и на самиот Панчев, ја раскажува неговата животна приказна на фудбалските терени, до врвот на светскиот фудбалски трон. Снимањето е направено на повеќе локации во Скопје, Белград, Сараево, Загреб, Букурешт, Подгорица, во времетрање од два месеца со повеќе од 40 личности од светот на фудбалот, културата и од јавниот живот.

The post „Патот на Кобра до ѕвездите“- Светска премиера на документарен филм за Дарко Панчев appeared first on Република.

Фудбалскиот клуб Црвена звезда пред 31 година стана светски клупски првак.

Во Токио, во Интерконтиненталниот куп, Црвена звезда убедливо со 3:0 го совлада шампионот на Јужна Америка, Коло Коло од Чиле. Светската титула го заокружи еден од најсветлите периоди во историјата на црвено-белите, но и на југословенсиот клупски фудбал.

Дел од оваа победа беа Македонците Илија Најдоски и Дарко Панчев.

Со победата против Коло коло, Звезда, на денешен ден пред 31 година ги обедини двата најважни фудбалски трофеи во клупското натпреварување, откако шест месеци претходно го совлада Олимпик Марсеј по изведувањето пенали и стана европски првак.

Пред 60.000 гледачи во главниот град на Јапонија головите ги постигнаа Владимир Југовиќ во 19. и 58. минута, односно Дарко Панчев во 72. минута.

https://www.youtube.com/watch?v=2QH7URTxfao

The post Панчев и Најдоски пред точно 31 година со Црвена звезда станаа светски шампиони appeared first on Република.

Легендарниот играч на Црвена звезда, Дарко Панчев, е уверен дека Србија ќе се снајде добро на ова Светско првенство во Катар.

Тој предвидува тежок почеток на српската селекција, бидејќи очигледно смета дека Бразил на чело со Нејмар е вистинска сила, но верува во тимот на поранешниот соиграч Драган Стојковиќ.

За Хрватска рече дека ќе се пласираат во четвртфиналето, како победник на турнирот предвиде Бразил или Франција, а за најдобар стрелец и најдобар играч на Светското првенство ги номинираше Килијан Мбапе и Нејмар.

Но на прашањето кое ќе биде најголемото изненадување на турнирот во Доха, тој рече -

Шпанија или Србија!

The post Панчев е убеден дека Србија далеку ќе стаса на СП appeared first on Република.

Доајенот на спортското новинарство, Зоран Михајлов е автор на првата авторизирана биографија на Дарко Панчев, која наскоро ќе биде пуштена во продажба, најавија од издавачката куќа „Арс Ламина“.

На денешен ден, 7 септември, во 1965 година, во Скопје е роден најславниот и најуспешниот фудбалер на Македонија – Дарко Панчев. Благодарение на своите голгетерски способности и вродениот рефлекс за скротување на топката во шеснаесетникот, тој се здобива со прекарот Кобра, како што е познат и до ден-денес во фудбалскиот свет. Решетејќи ги мрежите на звучните клубови во Првата југословенска лига како играч на Вардар, успева да стигне до врвот на лигата во сезоната 1986/87 година, по што станува привлечен за клубовите од т.н. „Голема четворка“: српските Црвена звезда и Партизан, и хрватските Динамо Загреб и Хајдук. Но, најбрза во трката за неговиот потпис е белградска Звезда, каде што ќе го достигне зенитот во својата кариера – освојување на тронот на клупска Европа и тоа токму со неговиот победнички погодок во пенал-рулетот против Олимпик Марсеј, и добивањето на Златната копачка за најдобар стрелец во Европа. Потоа настапува и за гигантот Интер од Милано, за Лајпциг, Фортуна Диселдорф и за Сион, каде што ја завршува својата кариера. Бележити се и неговите настапи за југословенската репрезентација и за репрезентацијата на Македонија по осамостојувањето, на која ù беше првиот капитен. Тој е прогласен за Фудбалер на векот во Македонија.

The post Спортскиот новинар Зоран Михајлов ја напиша авторизираната биографија на Дарко Панчев appeared first on Република.

Дарко Панчев во интервју за Индекс“ се потсети на натпреварот на „Максимир“ со кој почнаа нередите во Југославија, за испуштената шанса да станат европски шампиони во 1992 година, за навивачите на Звезда меѓу кои и Аркан...

Да, логично е дека го познавав Аркан со оглед на тоа дека беше водач на Делиите. Имаше слични типови на водачи , но да, се чини дека сепак тој беше малку поинаков. Само една година подоцна беа воведени санкции за Југославија и забрана за заминување во Шведска на ЕП, по што Данците го зазедоа местото и стигнаа до титулата. - Бевме први во тие квалификации, на седум натпревари постигнав 10 гола. Момците одиграа феноменално, да не беа тие санкции, сигурен сум дека убедливо ќе го освоевме првенството. Сите бевме неправедно казнети, кога ќе помислам на сите тие играчи и прекрасни момци, срцето ми се кине. Ми остави голема лузна - вели Панчев

The post Панчев се познавал со Аркан appeared first on Република.

Македонската легенда Дарко Панчев во интервју за „Индекс.хр“ направи споредба со стадионите на Динамо, Црвена Звезда и на Хадук со Градскиот стадион на кој играше Вардар.

Тие стадиони, исто како и клубовите, беа и другите брендови на Белград, Загреб и Сплит. Кај нас се е поинаку. Градскиот стадион во Скопје беше стадионот на Вардар повеќе од половина век. Пред неколку години беше направен пробив. Стадионот е модернизиран и постигнат е напредок во сите критериуми. Сепак, Вардар веќе нема никаква врска со тој стадион. Веќе не ни игра на него. Како е можно? Неверојатно, но вистинито - вели Панчев.

The post Панчев жали зошто Вардар не игра на „Градски“ appeared first on Република.

Откако Дарко Панчев во изјава за германските медиуми го „чепна“ најдобриот македонски фудбалер, Горан Пандев, истакнувајќи дека со струмичанецот, Македонија губела и од Андора, Пандев за „Фокус“, само кратко порача:

Нема што да кажам. Се гледа дека на човекот му е многу мака што Македонија играше на Европското првенство и бараж за СП.

Тој уште еднаш го пофали пристапот на нашите репрезентативци во изминатите два натпревари.

Дечките изгинаа 180 минути и секоја чест за нив. Заслужија да одат на СП, но тоа ќе биде во следните години. Јас пред три години кажав дека оваа репрезентација е најдобрата во историјата на македонскиот фудбал, додаде струмичанецот.

https://republika.mk/sport/fudbal/panchev-so-pandev-vo-timot-gubevme-i-od-andora-na-milevski-treba-da-mu-se-dade-chetirgodishen-dogovor/

The post Пандев: Се гледа дека на Панчев му е мака за успесите на Македонија appeared first on Република.