Секогаш сум тука кога е потребно за нашиот народ! Општина Бутел е општина за сите граѓани!Овој немил настан којшто се случи пред неколку дена во населбата Бутел 1 на улицата Хо Ши Мин, во кој беа опожарени две бараки, уште еднаш покажа колку сме силни како народ и колку можеме да се обединиме и да си помогнеме.

За опожарените бараки ќе помогнам максимално. Денес на мој предлог со одлука на советот од моите резерви ослободивме средства за да помогнеме на овие две семејства, а дополниелно се што треба јас стојам на располагање.

Изразувам голема благодарност до сите хумани луѓе, кои веднаш помогнаа на нашите чесни сограѓани.
Јас ќе направам сѐ што е во моја можност, за Каро, неговата фамилија и неговите комшии повторно да имаат топол дом - објави градоначалникот на Бутел, Дарко Костовски.

The post Костовски: Ќе направам сѐ што е во моја можност, за Каро, неговата фамилија и неговите комшии повторно да имаат топол дом appeared first on Република.

Денес заедно со мојот тим остваривме работна средба со министерот за здравство Арбен Таравари  на средбата ги договоривме следните чекори кои ќе не доведат до нова ултра модерна поликлиника во Општина Бутел, информира градоначалникот Дарко Костовски.

-Носител на овој мега проект ќе биде Општина Бутел, додека министерството за здравство сериозно партнерски ќе учествува во истиот, министерот Таравари максимално го поддржи овој историски миг за граѓаните на општина Бутел. Би сакал срдечно да се заблагодарам на премиерот Христијан Мицкоски кој суштински стои зад овој мега проект, истакна тој.

Костовски посочи дека заедно со министерството за здравство формирале работна група која максимално ќе се посвети за што поскоро да ја заврши проектната документација за новата поликлиника.

-Процесот започнува со внимателно планирање и дизајнирање на новата пликлиника. Здравствените центри мора да исполнуваат строги регулаторни и безбедносни стандарди. Новата поликлиника ќе зафаќа бруто површина од околу 3000 м², ќе биде изградена на два ката и ќе има подземен паркинг. Надворешниот дел ќе се обезбеди дополнителен паркинг простор како и партерно и хортикултурно уредување. Изградбата на поликлиника е сложен и повеќеслоен процес кој бара внимателно планирање, координација и усогласеност со прописите за здравствена заштита, вели Костовски.

На граѓаните на општина Бутел ќе им се овозможи широк спектар на здравствени услуги, со што повеќе не ќе мораат да патуваат по дваесеттина километри за да ги задоволат своите здравствени потреби.

-Деталниот урбанистички план кој го донесовме пред извесно време, маркицата за новата поликлиника ја предвидува на местото на старата амбуланта. Со градба почнуваме во првата половина на следната 2025 година, со цело срце го чекам денот кога ќе удриме камен темелник на новата поликлиника. Историски чекори за нашата Општина, напиша градоначалникот.

The post Костовски: Општина Бутел ќе добие нова ултра модерна поликлиника appeared first on Република.

По посетата на Единицата за внатрешни работи Чаир, каде што се запозна со катастрофалната состојба на објектот во кој работат полициските службеници, министерот за внатрешни работи, Панче Тошпковски, ја посети и Општина Бутел, каде што со градоначалникот Дарко Костовски разговарале за овој проблем.

Од негова страна ми беше посочено дека во минатото многу пати овој проблем бил тема на разговор, но од страна на Министерството за внатрешни работи немало конкретно решение. Од тие причини тој заедно со своите соработници од Општина Бутел во рамките на нивните надлежности почнале постапка за определување на парцела за изградба на комплетно нова полициска станица и во овој момент во фаза на завршница е планската документација.

 

Од моја страна беше потенцирано дека со оглед на техничката природа на актуелната Влада и фактот што се наоѓаме во предизборен период, ова прашање ќе биде покренато веднаш штом се формира нова Влада предводена од ВМРО-ДПМНЕ која ќе ги преземе сите чекори со цел граѓаните на Бутел и полициските службеници да добијат нов објект изграден според најсовремени стандарди, бидејќи најмалку што заслужуваат е да работат во нормални и хумани услови“, сопштува Тошковски.

The post Тошковски најави дека во соработка со општина Бутел ќе се гради целосно нова полициска станица appeared first on Република.

Околу илјада луѓе посетивме дома пред изборите и заеднички ја проектиравме нашата програма која што се состои од два дела, а тоа е еден дел со носечки проекти кои што ги има 11 на број и вториот дел за секое населено место посебно ко што слободно можам да речам дека во 90% се реализирани.

Некаде првото тромесечје од пролетта која што доаѓа ќе биде 100%, зборувам за оној втор дел,  а во однос на носечките проекти од 11, седум се или завршени или веќе започнати од коишто 4 се директно врзани да ги реализираме со централната власт за коишто сум сигурен дека барем три од тие четири ќе завршат до крајот на мојот мандат и со тоа можеби ќе добиеме една реализација од 100% или близу 100% што е навистина е нешто што ме прави мене горд и секако и мојот тим, а се надевам и граѓаните на општина Бутел, истакна градоначалникот на општина Бутел, Дарко Костовски на денешната дебата на тема „Локален економски развој“ која е во рамки на настанот „Важно е! Платформа за иднина“ кој е дел од кампањата „Важно е! Од тебе зависат промените.“

https://republika.mk/vesti/skopje/mitevski-so-sredstva-od-budhetot-na-opshtina-petrovets-bez-nitu-eden-denar-od-tsentralnata-vlasta-izgradivme-opshtinska-zgrada-peshachka-i-velosipedska-pateka-ulitsi-vodovodi-kanalizatsii/

Костовски додаде дека голем број на проекти зависат и од централната власт, но од самиот почеток беше јасно дека не може да се смета на неа.

„Од централната власт ни зависат неколку проекти, но не можевме во ниедна смисла да се потпреме на неа. Јас многу добро знаев со што си имам работа и токму заради тоа веднаш од првиот ден, за жал во Бутел малку поспецифично, но покрај тоа што размислував дека треба веднаш да почнеме со реализација на проекти, требаше да се занимаваме со една малце една специфична работа во период од две години ја стабилизиравме. Некако Бутел кога станав градоначалник беше како Чикаго од минатиот век. Хараа одредени банди, криминални групи и токму заради тоа еден од носечките проекти ми беше справување со корупција криминал и изнуда. Внимавајте, не знам дали има некој друг кандидат за градоначалник вакво нешто спомнато, бидејќи многу активно ја следев ситуацијата што всушност се случува во Бутел и затоа не кажав случајно, кога седнав да бидам градоначалник се занимавав со две работи, да се справам со тоа поставувајќи вистински принципи, би рекол вмровски принципи којшто малце ги заборавија во минатото одредени групи, а веднаш потоа да започнеме со реализација на проекти. Ќе се потсетиме сите заедно, верувам ќе се потсетат и останатите, за само 15 дена почнавме да градиме два модерни спортски терени и навистина сум горд заради тоа, а после тоа следуваше една генерално голема спортска револуција“, потенцираше Костовски.

Тој исто така наброја и некои од проектите коишто ги реализирал и како градоначалник е горд на истите.

„Би сакал да споменам сосема на кусо неколку од клучните проекти коишто можеби полесно ќе се одвиваа со поддршка на централната власт, но најдовме сили за една сиромашна општина како Бутел да веќе го започнеме уредувањето на коритото на реката Серава и да се изгради една трим патека, проект којшто ќе чини близу милион евра, изградивме 7 нови паркови, Бутел доби плоштад којшто го носи името „Слобода“, не случајно, бидејќи Бутел се ослободи од одредени криминални структури коишто беа во соработка со претходниот градоначалник. Она што е многу важно е што во финална фаза е изградена градинката во Бутел 1, изградено е основното училиште во Визбегово, на повидок е решавање на еден повеќедецениски проблем, а тоа е водоснабдување на селата Љуботен и Љубанци“, подвлече Костовски и додаде:

„Изградивме два модерни спортско рекреативни центри коишто навистина многу добро изгледаат. Изградивме 11 модерни спортски терени и мислам дека станува збор за многу квалитетно изработени и нема да сокријам, ќе кажам дека голем број од моите колеги ширум Македонија ме консултираа уште од самиот почеток на кој начин се одвива сето тоа. Ова не го кажувам за да се фалам, туку сакам да кажам дека тоа е мојата фела којашто навистина ѝ оддавам посебно внимание. Можеби сме единствена општина на територија на Македонија која што стипендира 60 спортисти директно, а оваа година веќе 100. Сто спортисти мислам дека Агенција за млади и спорт не стипендира толку“.

The post Дарко Костовски: До првото тримесечје од пролетта ќе стигнеме до 100% реализација од програмата за секое населено место appeared first on Република.

Пратеникот Бране Петрушевски е осуден за нанесување „душевна болка“ на пратеникот Дарко Костовски од СДСМ. Двајцата пратеници се сограѓани од Куманово. За првпат во историјата на плурализмот во Македонија, пратеник е осуден за став искажан од собраниската говорница. Пратениците имаат имунитет и не одговараат за искажаното на говорница.

Токму за да се оневозможат ваквите притисоци врз опозицијата, Уставот и Законот предвидуваат имунитет на пратениците за ставови искажани од собраниската говорница.

Но, одамна Уставот и Законите на оваа држава за власта на ДУИ и СДС се само обична хартија за еднократна употреба.

Јавно им кажувам, ниту ќе ме уплашат, ниту ќе ме замолчат, ниту ќе ме запрат да им ги кажувам криминалите дирекно очи.

Уште помалку пак ќе ме присилат да им ги гласам уставните измени.

Напротив, само уште повеќе ме мотивираат.
Нека се подготват наредниот период да преживуваат уште посериозна “душевна болка”, стои во реакцијата на Петрушевски на пресудата.

The post За првпат во историјата на плурализмот во Македонија пратеник е осуден за став искажан од собраниската говорница appeared first on Република.

Градоначалникот на Општина Бутел, Дарко Костовски го осуди вандалскиот чин со кој се уништува урбана опрема.

- Жално е што сè почесто сме сведоци на дивјаштвото врз реквизитите и урбаната опрема која претходно е поставена на местата каде децата и граѓаните најчесто одмараат. Последниот случај е во дворот на ООУ “Ацо Шопов” каде што целосно е уништена урбаната опрема, а оштетен е и летниковецот, објави Костовски.

На овој потег во изминатиот период се вложени над 4.000.000 денари во ново игралиште, нова урбана опрема и ново зеленило.

- Јавно ќе побарам од директорот на основното општинско училиште и до МВР да постапи и најригорозно да го санкционира ваквиот вандалски чин, најави градоначалникот.

The post Уништена урбана опрема во Општина Бутел appeared first on Република.

Денес се навршуваат 22 години од крвавиот 10 Август 2001 година кога кај месноста Љуботенски бачила осум припадници на македонските безбедносни сили ги даваат своите животи за Македонија. Нема да оставиме нивната жртва да биде залудна, а нивното дело заборавено. Да ја цениме нашата слобода, нашата земја и заветот за Македонија. Да се одолжуваме кон хероите на тој начин што нема да ја заборавиме нивната жртва, порача градоначалникот на Бутел, Дарко Костовски.

И бидејќи министерката за одбрана Славјанка Петровска јавно посочи дека се уште чека одобрение од Општина Желино за изградба на споменик за хероите од Карпалак, Општина Бутел и јас како нејзин градоначалник сме подготвени да одстапиме веднаш простор и локација, а министерството и владата да инвестираат во градба на достојно спомен обележје на видно место во општината за паднатите херои од Љуботенски бачила.

Очекуваме одговор. Државата мора да се грижи за своите херои.
Слава им, порача Костовски.

The post Костовски со повик до Петровска: Бидејќи Желино тактизира за споменик за бранителите, изградете споменик во Бутел, веднаш ќе обезбедиме локација appeared first on Република.

Изгубениот случај Данела ги пушти несвесните пиони да шират лажни вести.Гледам дека некои изгубени случаи, платени за тоа, со дебели хонорари се обиднуваат да инсинуираат, подметнуваат и да шират лаги од редовни мои средби со граѓани на Бутел, вели градоначалникот на Бутел Дарко Костовски.

Нема да зборувам за мотивите на таквите лаги дека наводно јас, а претходно претседателот Мицкоски седел позади некое чаирско семејство вработено пред 15тина години во Комунална хигиена, нема да зборувам ниту за нивото на лаги присутно на оваа седница на советот на град Скопје, само ќе кажам доста демагогија, од градоначалничката побегуља, излезете и соберете си го ѓубрето, работете си ја работата.И не се двоумете, јас секогаш ќе бидам со бутелчани, заедно со народот и во секоја нивна мака и барање.Ниту една конструкција нема да го занемари фактот дека Данела ќе остане убедливо најлошиот градоначалник на Скопје, дури многу полоша и од Шилегов што е просто неверојатно.Психолошки помалку стабилната личност пред извесно време во Бутел доби црвен картон, зошто не размисли дека два ќе и бидат премногу.

The post Костовски: Побегуљата Данела да излезе и да си го собере ѓубрето appeared first on Република.

Сите овие луѓе кои што седат тука и сите градоначалници од ВМРО-ДПМНЕ успеаја да покажат дека немаат проблем да дадат жртва, да бидат надвор од удобството на своето семејство, многу ретко да ги гледаат дома и да и да работат многу повеќе од она што ни е работно време и токму затоа се запазени ти резултати кои што се евидентни. И второ, коешто е многу побитно, е несебичноста или чистата љубов за Македонија којашто вистински вмровец секогаш има и токму затоа работи за неа, за разлика од сите политички партии коишто за жал ја немаат и тоа мислам дека е евидентно, истакна во своето обраќање на трибината на ВМРО-ДПМНЕ на тема „33 години ВМРО-ДПМНЕ и Македонија“, градоначалникот на општина Бутел, Дарко Костовски.

Костовски исто така наброја и неколку од реализираните проекти откако тој е градоначалник на општина Бутел каде меѓу другото се изградени голем број на спортско рекреативни центри.

Би почнал со двата носечки проекти кои што пред изборите беа најавувани од мене веќе се реалност и некаде од септември ќе стартуваат и со нивната употреба во целост, а тоа е ново училиште во населеното место Визбегово и нова детска градинка во населеното место Бутел 1 коишто се веќе завршени за година ипол. Досега успеавме да изградиме шест спортско рекреативни центри. Не станува збор за спортски терени туку за спортско рекреативни центри кои што содржат модерно фудбалско игралиште, модерно кошаркарско игралиште, парковска содржина, мини плоштад и детско игралиште и некаде до крајот на третата година од мандатот убеден сум дека секое населено место во општина Бутел ќе добие по еден ваков спортско рекреативен центар. Во овој момент се гради уште еден во населеното место Бутел 1 и за многу скоро, за некој ден ќе почне уште еден спортско рекреативен центар во населеното место Љуботенски Пат кој што ќе го носи името „Бранители“, истакна Костовски.

Тој додаде дека за година ипол се изградени вкупно дванаесет спортски игралишта

Ова се само спортски терени и би сакал да напоменам дека за година ипол сега се изградени дупло повеќе спортски игралишта отколку 32 години наназад на територија на општина Бутел, а до крајот на мандатот ќе има над 25 спортски игралишта територија на општина Бутел“, изјави Косотовски.

The post Костовски: Во општина Бутел се изградени дупло повеќе игралишта за оваа година ипол, отколку 23 години наназад appeared first on Република.

Денес заедно со претседателот на ВМРО-ДПМНЕ, Христијан Мицкоски сме во Бутел на увид во неколку градежни активности. Моментално се наоѓаме на комплексот спортско-рекреативниот центар кој што ќе го носи името „Го сакам Бутел“, рече во изјава за медиумите градоначалникот на општина Бутел, Дарко Костовски.

Во изминатиот период веќе изградивме неколку вакви спортско-рекреативни центри и по поддршката на граѓаните за тоа што го правиме продолживме интензивно да градиме. Ова е веќе во некоја си средна фаза, би рекол и во завршна фаза, како и на останатите места ќе има фудбалско, кошаркарско игралиште, игралиште за најмладите, за децата и еден убав парковски потег каде што ќе може да се рекреираат и повозрасните жители. За неколку дена од сега ќе почнеме со градба на уште вакви два спортско-рекреативни центри во населеното место Љуботенски пат и во населеното место Бутел 1 познато како ударници. Веќе започнавме и еден убав квалитетен проект, конечно општина Бутел ќе добие и нов плоштад, кој што ќе се протега од 2.500 метри квадратни, веднаш позади општинската зграда, проектот е готов, за неколку дена тендерираме, веќе место се зачистува и конечно бутелчани ќе добијат еден простор каде што ќе можат да одржуваат и културни манифестации, во тек на пролетниот и летниот период. Од почетокот на оваа година до сега реализиравме, асфалтиравме 15 улици, некаде до почетокот на есента ќе асфалтираме уште 15 улица, тоа би биле 30 и се надевам дека до крајот на годината ќе бидат можеби и 50-тина улица, што ни одблиску не се случило во минатото на територија на општина Бутел. Исто така би сакал да истакнам почеток на реализација на еден од носечките проекти што беа во предизборна кампања моја, а тоа е уредување, целосно уредување и изградба на ново корито на реката Серава во потегот на село Радишани во должина на 1.500, поточно 1.400 километри и изградба на нова трим патека, конечно општина Бутел да добие едно вистинско место за рекреирање. Проект во вредност од 35 милиони денари кој што општината ќе најде сила да го реализира. Веќе како што напоменав документација е во завршна фаза, проект има. Во текот на вчерашниот ден дојде и измена на проект, требаше да го измениме и за многу скоро ќе го тендерираме - истакна Костовски.

Продолжуваме да го менуваме ликот на територија на општина Бутел интензивно и најголем мотив за тоа ни е поддршката секојдневно од страна на граѓаните и поздравување на сите проекти кои што се реализираат со голема динамика, додава Костовски.

The post Костовски: Во Бутел се гради спортско-рекреативен центар, нов плоштад, се асфалтираат улици, мотив за тоа е секојдневната поддршка од граѓаните appeared first on Република.

Денеска сме овде во Бутел, заедно со градоначалникот Дарко, заедно со луѓето кои што се дел од општинската администрација, со советниците кои што навистина прават нешто, што до сега не се случувало овде во Бутел, односно реализација на голем број проекти кои што му даваат еден нов лик на Бутел, рече во изјава за медиумите претседателот на ВМРО-ДПМНЕ, Христијан Мицкоски.

Посетивме неколку локации, најголемиот дел од проектите кои што се работат и кои што во периодот кој што следи ќе бидат сработени ги кажа Дарко. Навистина претставува импозантно, јас им честитам и ги охрабрувам и им посакувам нормално уште многу вакви проекти, бидејќи мораме да покажеме дека не се сите исти. Мораме да ја вратиме надежта кај граѓаните, мора да поверуваат граѓаните дека не се сите исти како што е оваа влада на ДУИ поддржана од малцинскиот партнер на СДСМ, туку дека има политичари и луѓе кои што си го сакаат народот, си ги сакаат граѓаните и си ја сакаат државата, си ја сакаат Македонија и кои што се ќе направат да го направат тоа што го ветиле. Исклучително сум задоволен и тоа што можам да го констатирам од терен и да заклучам дека Дарко заедно со администрацијата, со советниците тоа што го ветуваше во кампањата на локалните избори во 2021 година во најголема мера го има веќе и завршено, а во најголема мера ќе биде завршено оваа година, би рекол целокупната програма со исклучок можеби на оние големи капитални проекти кои што очекуваме следната влада на ВМРО-ДПМНЕ да помогне, ќе бидат реализирани до крајот на мандатот, а некои работи кои што не беа ветувани ќе бидат исто така реализирани. Мојата порака до владата на ДУИ поддржана од СДСМ е да општинските обврзниците кои што ќе дојдат на дневен ред кои што ги поминуваат сите законски процедури да ги поддржат за да може да се обезбедат дополнителни средства повеќе кои што понатаму ќе бидат искористени за реализација на нови проекти за граѓаните. Не се тоа средства кои што преку сомнителни набавки во четири очи како што тоа го прави владата на ДУИ, поддржана од СДСМ ќе завршуваат во џебовите на политичките криминалци. Тоа се средства кои што се потребни за граѓаните за да можат да се обезбедат потребни услови за живот. Затоа, апелирам до владата на ДУИ поддржана од СДСМ, немојте да го казнувате народот затоа што во Бутел нема градоначалник од ДУИ или од СДСМ. Напротив, помогнете, покажете дека кога е најтешко и покажете дека сепак и ние политичарите знаеме да бидеме над ситуацијата и да помогнеме, бидејќи тоа е формалност. Не е нешто кое што ќе значи многу - истакна Мицкоски.

Уште еднаш ќе ми дозволите на крај да му честитам на Даре и на луѓето кои што се тука со нас и да им посакам уште многу вакви проекти во општина Бутел, додаде тој.

The post Мицкоски: Најголем број од проектите кои Костовски ги вети во Бутел се или веќе завршени или во тек на реализација appeared first on Република.

Денеска сме овде во Бутел, заедно со градоначалникот Дарко, заедно со луѓето кои што се дел од општинската администрација, со советниците кои што навистина прават нешто, што до сега не се случувало овде во Бутел, односно реализација на голем број проекти кои што му даваат еден нов лик на Бутел, рече во изјава за медиумите претседателот на ВМРО-ДПМНЕ, Христијан Мицкоски.

Посетивме неколку локации, најголемиот дел од проектите кои што се работат и кои што во периодот кој што следи ќе бидат сработени ги кажа Дарко. Навистина претставува импозантно, јас им честитам и ги охрабрувам и им посакувам нормално уште многу вакви проекти, бидејќи мораме да покажеме дека не се сите исти. Мораме да ја вратиме надежта кај граѓаните, мора да поверуваат граѓаните дека не се сите исти како што е оваа влада на ДУИ поддржана од малцинскиот партнер на СДСМ, туку дека има политичари и луѓе кои што си го сакаат народот, си ги сакаат граѓаните и си ја сакаат државата, си ја сакаат Македонија и кои што се ќе направат да го направат тоа што го ветиле. Исклучително сум задоволен и тоа што можам да го констатирам од терен и да заклучам дека Дарко заедно со администрацијата, со советниците тоа што го ветуваше во кампањата на локалните избори во 2021 година во најголема мера го има веќе и завршено, а во најголема мера ќе биде завршено оваа година, би рекол целокупната програма со исклучок можеби на оние големи капитални проекти кои што очекуваме следната влада на ВМРО-ДПМНЕ да помогне, ќе бидат реализирани до крајот на мандатот, а некои работи кои што не беа ветувани ќе бидат исто така реализирани. Мојата порака до владата на ДУИ поддржана од СДСМ е да општинските обврзниците кои што ќе дојдат на дневен ред кои што ги поминуваат сите законски процедури да ги поддржат за да може да се обезбедат дополнителни средства повеќе кои што понатаму ќе бидат искористени за реализација на нови проекти за граѓаните. Не се тоа средства кои што преку сомнителни набавки во четири очи како што тоа го прави владата на ДУИ, поддржана од СДСМ ќе завршуваат во џебовите на политичките криминалци. Тоа се средства кои што се потребни за граѓаните за да можат да се обезбедат потребни услови за живот. Затоа, апелирам до владата на ДУИ поддржана од СДСМ, немојте да го казнувате народот затоа што во Бутел нема градоначалник од ДУИ или од СДСМ. Напротив, помогнете, покажете дека кога е најтешко и покажете дека сепак и ние политичарите знаеме да бидеме над ситуацијата и да помогнеме, бидејќи тоа е формалност. Не е нешто кое што ќе значи многу, истакна Мицкоски.

Уште еднаш ќе ми дозволите на крај да му честитам на Даре и на луѓето кои што се тука со нас и да им посакам уште многу вакви проекти во општина Бутел, додаде тој.

The post Мицкоски: Најголем број од проектите кои Дарко ги вети во Бутел се или веќе завршени или во тек на реализација, проектите му даваат нов лик на Бутел appeared first on Република.

Градоначалникот на општината Бутел, Дарко Костовски денес беше присутен на завршувањето на асфалтирањето на улица во селото Љуботен.

„Трудот, посветеноста, работата и држењето до дадениот збор не разликуваат од политичките противници!“, стои во неговиот пост на Фејсбук.

Костовски во својот пост на Фејсбук пишува и дека е решен деценски проблем, нема повеќе заборавени граѓани на општина Бутел.

„ЗАДОВОЛНИТЕ ЛИЦА НА ГРАЃАНИТЕ СЕ НАШИОТ НАЈГОЛЕМ МОТИВ 😊

Денес во Љуботен дадениот збор кон аџија Зејнула, аџија Селим, Расим, Самет, Мухамет но и кон сите граѓани на оваа улица се реализираше. Во најбрзо време пред почетокот на Рамазанските пости ги асфалтиравме улиците кои што им ги ветивме на граѓаните.

Решаваме деценски проблем, нема повеќе заборавени граѓани на општина Бутел❗️

🛣 Со денешното асфалтирање за прв пат е поставен асфалт на краците на улица 5. Ова се краци кои се наоѓа во населеното место Љуботен.

📑 Во наредниот период ќе се проектираат останатите улици кои заедно со жителите на Љуботен ги договоровме како приоритет за ова населено место.

📌 Во изминатиот период се асфалтираа неколку улици кој се опфатени во првата фаза, а продолжуваме со асфалтирање и во наредните денови.

🛣 Се подобрува патната мрежа во сите населени места, а приоритет добија оние места каде што до сега никогаш немало асфалт.

🛠 Градежнто офанзива се одвива со силна динамика. Запазени се сите рокови и ветувањата кон граѓаните.

Еднаков и рамномерен развој на сите населени места.

#ОпштинаБутел✅“, стои во неговиот пост.

The post Костовски од Љуботен: Решен деценски проблем, нема повеќе заборавени граѓани на општина Бутел appeared first on Република.

The post Костовски: Задоволните лица на граѓаните се нашиот најголем мотив appeared first on Република.

Доколку сметаат граѓаните дека треба така да се однесуваме, дека треба да ставиме ограда каде сакаме и да кажеме дека тоа е наше, се враќаме назад 30 години. Во оваа држава има право, има правила, и закони коио би требало да го штитат јавниот, општиот интерес и интересот на сите граѓани, а не само на десет луѓе. Тоа е простор каде што треба да има булевар што припаѓа на сите скопјани и не е тоа ничиј двор , туку е узурпирано земјиште, истакна градоначалничката на Град Скопје Данела Арсовска во денешната изјава за медиумите во врска со барањето за промена на трасата за изградба на новиот булевар „Боца Иванова“ во Општина Бутел.

Градоначалничката Арсовска на официјалното започнување на изградбата на „Мега паркот“ во Општина Чаир, каде што даваше изјава заедно со пратеникот од редовите на ДУИ Изет Меџити и градоначалникот на Чаир Висар Ганиу, тврдењата на градоначалникот на Општина Бутел, Дарко Костовски од минатата недела дека таа ветила дека нема да се гради улица во дворовите од каде што е предвидено да помине булеварот, ги оцени како невистинити.

- Јас во мојата кампања ветив дека ќе ја реализирам програмата за „Модерно Скопје“ во која на 34 страница може да го најдете токму тој проект. Второ, паушални изјави заради собирање поени дека трасата може да помести, е нешто од што пати оваа наша држава веќе 30 години. Македонија не може да се придвижи од тоа што секој си дозволува се што смета дека него лично не му одговара, во случај кога земал и си окупирал 500, 1000 квадрати државно земјиште, да кажува на кој начин треба со истото да се располага и да поместуваст траси, изјави Арсовска.

Таа додаде дека кружниот тек со булеварот „Христијан Тодоровски Карпош“ и друга голема крстосница остануваат неповрзани само заради тоа што, како што наведе, некој земал државно земјиште.

- Јас не знам дали е тоа желбата на граѓаните на Градот Скопје, мислам дека не е. Сметам дека 120.000 граѓани кои на овие избори ја изгласаа програмата на Градот Скопје одлучија дека тоа нема да остане слепо црево на градот односно дека таму некој што им ветувал во изминатите 30 години треба да го реализира. И не верувам дека треба да бидеме поведени од нечии лични интереси и тоа да остане како слепо црево, истакна градоначалничката Арсовска.

Таа исто така го спомна и реализирањето на други поголеми проекти со експроприрани земјишта кои биле веќе приватни и како пример за тоа го наведе булеварот АСНОМ каде што, како што посочи, во 2021 година луѓето биле практично иселувани од своите куќи и местата каде што живеат за да се предвиди на тоа место булевар.

- Сега зборуваме за узурпирано земјиште каде што 10 луѓе си го земале, си граделе, си правеле базени и хациенди и некој тоа треба да го прости, додаде Арсовска.

Во врска со ова прашање, градоначалникот на Општина Бутел, Дарко Костовски, минатата недела во изјава за медиумите тврдеше дека градоначалничката Арсовска лично им ветила на луѓето дека нема да има никаква улица и дека ќе се изгради парк на „Христијан Тодоровски Карпош“.

Како прифатливо решение, според него, би било само дислоцирање на трасата и рече дека  градоначалничката Арсовска, за време на кампањата во 2021 година, им велела на граѓаните дека во овој дел од општината нема да има ниту улица, ниту згради.

The post „Боца Иванова“ е простор за булевар, а не е ничиј двор, скопската градоначалничка ја продолжува војната го градоначалникот на Бутел appeared first on Република.

Градоначалникот на Бутел, Дарко Костовски, по една и пол година признава дека направил грешка што ја поддржал градоначалничката на Скопје, Данела Арсовска, и лично се залагал да добие глас повеќе во вториот круг од изборите.

Во интервју за „Макфакс“ вели дека Арсовска сега, кога ја изгубила поддршката, се пресметува лично со него, па реализира проекти што не се приоритет за граѓаните. Објаснува како улица, за која многумина и не знаат каде се наоѓа, стана главна тема во медиумите и доведе до обвинувања за манипулации, узурпирање државно земјиште, лаги и протести.

Иако улицата Боца Иванова, за која се планира булеварско решение, а за која Град Скопје најави почеток на изградбата, е предвидена и во детаљниот урбанистички план (ДУП) и во Генералниот урбанистички план (ГУП), градоначалникот Костовски ги поддржа граѓаните, кои бараат поместување на трасата.

Ниту ГУП ниту ДУП не се библија и може да се променат. ГУП-от е Устав, но не е библија. Уставот се менува некогаш, ако е потребно, вели градоначалникот.

Во интервјуто објаснува зошто токму сега поведоа инцијатива за бришење маркички за 11 згради, од кои некои се покај новата улица, кажува дали работи по партиска директива, објаснува зошто не ги реализирал ветувањата што ги даде пред да биде избран, ги најави капиталните проекти во Бутел и зборува за преговорите со синџирот маркети „Лидл“.

Видео тука

The post Костовски: Грешка беше што ја поддржав Арсовска, сега лично се пресметува со мене appeared first on Република.

Многу симптоматично зошто Арсовска инсистира да не ја промени трасата, а приватната фирма да ја изгради трасата која вети дека ќе ја ревидира пред изборите. Гледам и Арсовска се чуди како сум можел да бидам против нејзе, нека не се чуди воопшто, јас секогаш ќе бидам на страната на народот и моите сограѓани, вака реагираше градоначалникот на општина Бутел, Дарко Костовски на денешната прес-конференција на градоначалничката на Град Скопје.

Тој ѝ порача на Арсовска дека ниту еднаш не ѝ „посочил дека оваа улица која сега тебе ти е приоритет број 1 од твои лични причини е најголем проблем во нашата општина“.

Постојат многу поголеми проблеми кои треба да се решат. Заборави ли на ветувањата кон граѓаните од Бел Камен и Кучевишка Бара за кои ти лично даде ветувања дека за 82 дена ќе ги решиш нивните проблеми ?! Изгледа ќе да е до карактерот, приватниот интерес и отсуството на способност да се менаџира градот, вели меѓу другото Костовски во објавата.

Арсовска денеска на прес-конференција истакна дека не остапува од изградбата на булеварот „Боца Иванова“.

Според неа, „на дел од трасата десетина семејства ги прошириле сопствените дворови на тоа државно земјиште и со тоа го узурпирале“.

Во оваа држава постои закони. Да не потпаѓаат на политичките игри на политиканти. Овие граѓани мораат да бидат информирани дека одговорноста за узурпација на државно земјиште е нивна. За обвинувањата на градоначалникот Костовски, тој не смее да напаѓа за нешто каде што одговорноста е исклучително негова. Од ова сега не се одзема од никого, тоа е државно земјиште. Не треба да се манипулира со граѓаните, рече Арсовска.

Незадоволните жители од улицата „Хо Ши Мин“ во Бутел пред два дена излегоа на протест за да им укажат на општинските и градските власти дека нема да дозволат изградба на дел од улицата „Боца Иванова“ со која ќе им биде одземен дел од земјиштето што го користат од 1964 година. Протестот на бутелчани денеска беше причина и за вербални меѓуградоначалнички пресметки меѓу Дарко Костовски и Данела Арсовска.

The post Градоначланикот на Бутел до Данела Арсовска: Заборави ли на ветувањата кон граѓаните од Бел Камен и Кучевишка Бара за кои ти лично даде ветувања дека за 82 дена ќе ги решиш нивните проблеми appeared first on Република.

Данела повторно е надвор од реалноста, продолжува да пишува реакции и соопштенија од канцеларија !
Кога Арсовска зборува за право, тоа е исто како кога Осама Бин Ладен би зборел за западни вредности, или Хемингвеј би зборел за градежништво. Ете толку е својствено за Арсовска да збори за право.
Што се однесува за самиот проект најлесно е да се пишуваат соопштенија од канцеларија, веројатно и така е поедноставно да се избега од народот. Но народот на тоа ќе те потсети тогаш кога ќе треба, на избори, до тогаш јас сум заедно со бутелчани да се бориме заедно за решение на секој еден проблем.
Данела, згради во Бутел нема да има, и врати градоначалникот на Бутел, Дарко Костовски на градоначалничката на Скопје, Данела Арсовска.

The post Костовски ѝ врати на Арсовска: Данела повторно е надвор од реалноста appeared first on Република.

Градот Скопје нема да се впушта во коменитрање на политиканти и политизирање на секоја деструктивна и блокирачка активност во организација на ВМРО-ДПМНЕ и градоначалниците кои доаѓаат од редовите на оваа партија. Трасата на улицата Боца Иванова е предвидена со Генералниот урбанистички план, и во целата своја должина се простира на земјиште кое е во државна сопственост. Во овој дел законот е јасен и дециден, и нема простор за политички манипулации, се вели во соопштението од Град Скопје.

Неправото, не може да произведе право, па оттаму, граѓаните на градот Скопје не може да бидат спречени во своите права за своите даноци да не добијат соодветни услуги, нова инфраструктура и безбедно сообраќајно решение. Неправото на неколкумина, не може да го дерогира правото на сите. Што се однесува на наводни ДУП-ови за изградба на згради на потегот на оваа траса, апелираме до градоначалникот на општина Бутел конечно да ги научи своите ингеренции. Детален урбанистички план носи општината, а не градот Скопје. Тоа што Дарко Костовски ветувал дека на тој дел на улица Боца Иванова ќе легализира земјишта на кои ќе вцртува маркици за изградба на згради, кои сега поради реконструкцијата на улицата нема да биде возможно е негов проблем, а никако проблем на градот или на граѓаните на градот Скопје, велат од Градот

Оттаму додаваат дека на овој појас Градот Скопје воведува забрана за изградба и предвидува целиот овој потег да биде зелен појас.

Од Градот аоелираат граѓаните да не дозволуваат да бидат изманипулирани и инструментализирани за остварување на бизнис интересите на неколкумина политиканти и бизнисмени, затоа што на крајот, одговорноста е на оној кој узурпира државно земјиште, а не на политиканите.

The post Арсовска контра Костовски: Негов проблем е што ветувал легализација на земјишта на кои ќе вцртува маркички за згради appeared first on Република.

Во Бутел нема простор за урбаната мафија. Нема да дозволам во Општина Бутел повторно да дивее урбаната мафија, исто така нема да дозволам мирните граѓани на оваа општина да бидат третирани како криминалци. Баба Невена, Чичко Мустафа и Чичко Кирил не се криминалци, тие се чесни жители кои никогаш немале проблеми со законот, истакнува Дарко Костовски, градоначалник на општина Бутел.

Во неговиот Фејсбук статус тој пишува:

Денес со задоволство се приклучив кон протестот кои го организираа жителите на Улица Хо Ши Мин, за време на кампањата пред изборите им дадов збор дека ќе се борам со урбаната мафија и ќе дадам се од себе да го зачуваат нивниот мирен начин на живот.

Имено, незадоволните жители протестираа против решеноста на Градоначалничката Данела Арсовска по секоја цена да изгради улица кој поминува веднаш до нивните домови, уште се позагрижени, бидејки жителите мислат дека сето ова се реализира за да се изградат згради согласно план донесен во минатото.

Градоначалничката Данела Арсовска за жал не е достапна за овие загрижени граѓани, повеќе од еден месец не успеваат да направат средба со неа.

Во оваа прилика сакам да ја потсетам градоначалничката дека од овие граѓани за време на кампањата јас лично сум побарал глас повеќе за неа, со цел да не дојде до ваква или слична ситуација.

1. Денес Општина Бутел испрати допис до Град Скопје со кој ја поддржа граѓанската иницијатива со која од градот Скопје се бара трасата на градската улица да биде поместена, или во договор со граѓаните да се изнајде прифатливо решение.

2. На првата седница на советтот на Општина Бутел јас лично ќе потегнам прашање за поништување на маркиците за згради во овој дел на општината.

Граѓаните се над сите останати интереси!

The post Костовски: Нема да дозволам во Бутел да дивее урбаната мафија, Арсовска да ја промени трасата на градската улица appeared first on Република.