Светската премиера на „Сношти минав” за тенор, гудачки оркестар и пијано од Дарија Андовска ќе се случи вечерва во Токио. Композицијата е напишана за нашиот светски реномиран тенор, Благој Нацоски, кој ќе ја изведе заедно со Tokyo Vranec Chamber Orchestra, под диригентската палка на нам веќе многу познатиот љубител на македонска музика, Казухиро Котецу, на концертот по повод 30 години дипломатски односи помеѓу Македонија и Јапонија.

Исто така вечерва, во Скопје е светската премиера на „Со маки сум се родила” за сопран, флејта и пијано од Дарија Андовска. Композицијата е напишана за Altus New Breath ансмблот, кој е на релација Франција – Македонија, а ќе ја изведат Гонца Богоромова-Краповски – сопран, Елена Стојческа – флејта и Маријана Николоска – пијано.

Дарија Андовска е една од најплодните, најреномираните и најизведуваните македонски композитори на светските подиуми. Таа е редовен професор на Факултетот за музичка уметност – Скопје при УКИМ, каде моментално ја извршува функцијата декан.

The post Премиера на две композиции на Дарија Андовска во Токио и Скопје appeared first on Република.

Вечерва, 4 септември ќе се случи светската премиера на најновата композиција од Дарија Андовска во Сараево, Босна и Херцеговина, во изведба на No Borders Orchestra, под диригентската палка на маестро Премил Петровиќ.

Станува збор за нејзината најнова композиција „Apoptotic Bodies” за гудачки оркестар и фиксен медиум, напишана по нарачка на No Borders Orchestra за нивниот Turning Point Tour.

На оваа турнеја, покрај историските ремек-дела на A. Schoenberg, G. Mahler и R. Strauss, ќе се изведат 4 нови композиции, нарачани од страна на No Borders Orchestra од едни од најреномираните и истакнати композитори од регионот: Нина Перовиќ (Црна Гора), Давор Бранимир Винче (Хрватска), Марко Никодијевиќ (Србија) и Дарија Андовска (Македонија).

Со тоа почнува балканскиот дел на турнејата, која веќе на 6 септември продолжува во Нови Сад.

Се очекува оваа програма да се сними и издаде на носач на звук од Deutsche Gramophon.

Веќе на 12.9.2024, во MC Gallery во Њујорк, Иван Наумовски – баритон и Ана Гацева – пијано, во рамките на својот рецитал, ќе изведат 4 композиции од циклусот “Песни од татковината“ на Андовска.

Дарија Андовска е една од најплодните, најреномираните и најизведуваните македонски композитори на светските подиуми, таа редовен професор на Факултетот за музичка уметност – Скопје при УКИМ, каде моментално ја извршува функцијата декан.

The post Светска премиера на најновото дело од Дарија Андовска, заедно со најреномираните композитори од регионот appeared first on Република.

Препишувале децата на државна матура.

А што очекувавте?

Што да се очекува од деца,
чии родители (секоја чест на исклучоците)
вршат притисоци, од прво одделение па натаму,
за повисока оценка наместо да работат со децата?

Што да се очекува од деца,
чии родители (секоја чест на исклучоците)
никогаш не им дале доверба и одговорност,
туку напротив, ги пишуваат нивните домашни задачи?

Што да се очекува од деца,
чии родители (секоја чест на исклучоците)
од матурските прават свадби, им купуваат скапи автомобили зашто завршиле задолжително образование?

Што да се очекува од деца,
чии родители (секоја чест на исклучоците)
ќе ги вработат благодарние на нивните врски,
а не поради тоа што децата инвестирале во себе, го научиле и ќе го научат?

Од дома почнува сè.

Фејсбук статус на професорката Дарија Андовска

The post Дарија Андоновска: А, што очекувате од деца чии родители им купуваат скапи автомобили зашто завршиле задолжително образование? appeared first on Република.

Вчеравечер, на 24 февруари,  во концертната сала Solquin во Луцерн, Швајцарија, на завршниот концерт на Академијата за современа музика 2023, имаше светска премиера имаше делото „Songs of winds, roots and scattered storms" од македонската композиторка Дарија Андовска, во изведба на извонредната македонска пијанистка Ана Велиновска, за која е напишана оваа композиција и на која ѝ е посветена.

[caption id="attachment_613086" align="alignnone" width="1504"] Пијанистката Ана Велиновска[/caption]

Изведбата на композицијата предизвика одушевување и овации кај публиката.

Во рамките на концертот беа изведени и композиции на едни од најголемите композитори во 20 тиот и 21-виот век, како Salvatore Sciarrino, Toshio Hosokawa, Eliot Carter, Sofia Gubaidulina, Győrgy Kurtág.

Ана Велиновска во моментот е на докторски студии во Белгија и е една од најбараните пијанисти во Европа, специјализирани за изведба на современа музика, а настапува на најважните и најголеми фестивали од оваа област.

Дарија Андовска е една од најплодните и најизведуваните македонски композитори во светот, редовен професор на Факултетот за музичка уметност во Скопје при УКИМ и на функцијата декан од октомври 2022 година.

The post Светска премиера на дело од Дарија Андовска во Луцерн, Швајцарија appeared first on Република.

Жестока реакција деканката на Факултетот за музичка уметност Дарија Андовска за неодговорноста на институциите која кулминира со прерано згаснатиот живот на Благојче од Битола.

Никој не треба и НЕ СМЕЕ да умре за да ви текне дека лекот за болните е приоритет. Одроди, изроди… Нека му е светол патот и споменот на прерано починатиот Благојче (да, вие од Владата сте виновни за неговата смрт, директно). Неговата смрт стана спас за болните од цистична фиброза. Повторно демаскирање на селективните ‘борци за човекови права’, кои си молчат оти удобно се ухлебени – за тоа им била ‘борбата’, се потврдува по не знам кој пат. Одроди, изроди…“, коментира Андовска на Фејсбук.

The post Андовска: Никој не смее да умре за да ви текне дека лекот за болните е приоритет appeared first on Република.

Во Белград, вечер на свеченото отвoрање на 31-то издание на фестивалот International Review of Composers ќе биде изведена композицијата „даМар“ за соло виола и гудачки оркестар од македонската композиторка Дарија Андовска.

Селекторката и реномирана композиторка, проф. д-р Бранка Поповиќ, од над 370 композиции, пристигнати на конкурсот за годинашното издание на Меѓународната трибина на композитори во Белград, Србија, ги избрала најдобрите и најинтересни 50 композиции од автори од Србија, Северна Ирска, Црна Гора, Белгија, Јужна Кореја, САД, Италија, Хрватска, Аргентина, Португалија, Тајван и само една композиција од Македонија – „даМар”.

На отворањето на фестивалот, на кое ќе бидат доделни и наградите, ќе настапи Саша Мирковиќ и Ансамблот „Метаморфозис“, кои се добитници на наградата “Александар Павловиќ” од Сојузот на композитори на Србија, за особен придонес и афирмација на српската музика.

На 23 август, оваа година, Саша Мирковиќ и Ансамбл „Метаморфозис“ ја изведоа композицијата “даМар” од Дарија Андовска и на фестивалот Пантопија во Берлин, Германија, како единствена македонска композиција на нивниот репертоар.

Дарија Андовска е редовен професор на Факултетот за музичка уметност, каде од 1 октомври е и декан на факултетот.

The post Во конкуренција од над 370 композиции од цел свет, селектирана „даМар“ на македонската композиторка Дарија Андовска appeared first on Република.

Демонстрантите ја прескокнаа оградата дојдоа очи во очи со полицијата. Замотана во македонско знаме девојка се доближи и го бакна полицискиот штит. Пораката што ја испратија до припадниците на МВР кои го обезбедуваат објектот на Владата е да ги спуштат штитовите, бидејќи како што порачаа демонстрантите тие не треба да се плашат и треба да се заедно со граѓаните кои се присутни на протестот против прифаќањето на францускиот предлог.

-Заедно сме, не се плашете. Сакаме заедно со вас да ја спасиме државата, им порачаа демонстрантите на полицајците.

Македонија секогаш била тука за вас, бидете и вие тука за Македонија и за вашите браќа и сестри Македонци. Многу е тешко да се зборува кога сме онемени од бес , од немоќ и од болка. Она што мене ме натера да зборувам е цитатот од Гоце Делчев од пред 120 години каде тој вели: „Ослободувањето на Македонија се крие во внатрешното востание, оној кој мисли дека поинаку ќе се ослободи од Македонија се лаже и себе и другите. Ова е ослободувањето на Македонија, вие сте ослободувањето на Македонија, Македонија е жива, Македонија ќе опстои, истакна Дарија Андоновска, професорка на Факултетот за музичка уметност

The post Бакнеж за спас на државата: Не плашете се, им порача Дарија Андовска на полицајците appeared first on Република.

Македонија секогаш била тука за вас, бидете и вие тука за Македонија и за вашите браќа и сестри Македонци. Многу е тешко да се зборува кога сме онемени од бес , од немоќ и од болка. Она што мене ме натера да зборувам е цитатот од Гоце Делчев од пред 120 години каде тој вели: „Ослободувањето на Македонија се крие во внатрешното востание, оној кој мисли дека поинаку ќе се ослободи од Македонија се лаже и себе и другите. Ова е ослободувањето на Македонија, вие сте ослободувањето на Македонија, Македонија е жива, Македонија ќе опстои, истакна Дарија Андоновска денешниот протест „Ултиматум-Не благодарам“.

Андоновска во текот на своето обраќање посочи дека не е слобода некој да ти кажува како да се нарекуваш и некој да ти го одзема јазикот и историјата.

-Знаете ли што му кажал бугарскиот полицаец на Раде Јовчевски Корчагин пред да го убие? Еве ти ја слободата и човечките правдини. Тоа, таа реченица ја добиваме еве 80 години подоцна завиткана во европски целофан, спинувана и декорирана од домашните квинслинзи. Ова ли е таа слобода? Ова ли се тие човечки правдини? Епа не, едено големо НЕ. Не е слобода некој да ти кажува како се нарекуваш, не е слобода некој да ти ја одзема историјата, јазикот. Јазикот е нашата татковина, истакна Андоновска.

Андоновска посочи дека Македонија ќе биде дел од ЕУ со својата македонска историја, култура и идентитет и никако поинаку

-Замислите што ќе учат нашите деца дека сме Бугари, дека јас сум Бугарка, дека мојата мајка и татко биле Бугари? НЕ. И за ваква ли слобода, за ваква Македонија се бореле генерации и генерации во векови, во крв потопена земја, во црно завиена. За ова ли се бореле? За ваква ли слобода, за вакви човечки правдини. Не вака во ЕУ. Да, во ЕУ со основните човекови права, право самоидентификација, право на сопствена историја, право на сопствен јазик, да во Европа како Македонци од Македонија, со македонска култура, македонска историја, македонски идентитет. Така да во ЕУ, никако поинаку. И нека престане власта да се заканува со меѓуетнички тензии, ние сме браќа и сестри живееме заедно . И ова не е последниот воз, за последниот воз слушаме со децении наназад, за големи работи се размислува долго. Браќа и сестри Македонци, Македонците се борат за своите правдини, да живее Македонија, порача Андоновска.

The post Андовска: Македонија ќе биде дел од ЕУ само со својата историја, култура, идентитет и никако поинаку appeared first on Република.

Проф. м-р Дарија Андовска од Факултет за музичка уметност денеска посвети статус на актуелните случувања околу чевствување на ликот и делото на Гоце Делчев

Како што Егејска Македонија нагло стана Македонија во 1988, така и добрите соседи нагло покажаа интерес да го слават Гоце Делчев. Дури и на википедија на англиски веќе е претставен како Бугарин, во пакет со налудничавите идеи дека Македонец е територијална, а не етничка припадност и оттаму демек логиката за “Македонија на Македонците”. Ќе прашав зошто сакаат (ма инсистираат) да го слават и што тој придонел за бугарската држава, кога е “Македонија на Македонците”, ама небулозата така ја имаат завиткано да помислиш дека си глуп. А оно уствари они се тие со територијални претензии и со анахрони идеи во 21 век. Гоце Делчев е роден во Кукуш, Егејска Македонија, Македонец кој се борел за македонските интереси (за разлика од денешниве ни владари). Македонците го слават. Добрососедите може само да гледаат.

The post Професор Дарија Андовска: Македонците го слават Гоце Делчев, добрососедите може само да гледаат appeared first on Република.