Кралското семејство на Данска објави дека четирите внуци на кралицата Маргарета Втора ќе ги загубат титулите како принцови и принцези на 1 јануари 2023 година – и вели дека тоа е во согласност со „другите кралски куќи“.

Овој потег се однесува на вториот син на кралицата, принцот Јоаким. Принцот Николај, принцот Феликс, принцот Хенрик и принцезата Атина од следната година веќе нема да бидат принцови. Наместо тоа, тие ќе ги користат титулите гроф или грофица и од следната година нема да бидат нивни височества, туку нивни екселенции.

Овој потег нема да влијае на децата на најстариот син на Марагрета и престолонаследник, Фредерик, кој има два сина и две ќерки со сопругата, принцезата Мери.

Во соопштението на данската кралска куќа се вели: „Одлуката на кралицата е во согласност со слични прилагодувања што ги направија другите кралски куќи во последниве години. Кралицата сака да создаде рамка за четирите внуци за да можат да ги обликуваат сопствените животи, без да бидат ограничени со посебните размислувања и должности што ги вклучува формалната припадност на данската кралска куќа како институција“.

Сите внуци ги задржуваат своите места во наследството.

The post Данската кралица им ги одзеде титулите „принц“ на четворица внуци appeared first on Република.

Данската кралица Маргарет Втора, која ја обедини и модернизираше данската монархија, викендов ја прославува педесетгодишнината од стапувањето на тронот, но одбележувањето ќе биде нешто поскромно поради смртта на британската кралица Елизабета Втора.

Осумдесет и двегодишната кралица, позната по својот уметнички талент, страсно пушење и сива пунџа, е првата жена на данскиот трон.

Таа е вториот монарх со најдолг стаж во данската историја, а по смртта на Елизабета Втора, нејзина далечна роднина, сега е и европски монарх со најдолг стаж.

Маргарет Втора се искачи на тронот во 1972 година кога поддршката за данското кралско семејство беше во опаѓање, но за време на нејзиното долго владеење таа придонесе за враќање на угледот.

The post Данската кралица Маргарет Втора го слави својот златен јубилеј, педесетгодишнината од стапувањето на тронот appeared first on Република.