Потпретседателката на САД и демократски претседателски кандидат, Камала Харис, им порача на приврзаниците на митинг во американската сојузна држава Невада дека го поддржува укинувањето на данокот за бакшиш за угостителските работници, откако републиканскиот претседателски кандидат Доналд Трамп го стори тоа порано во обид да ги придобие свработените во услужните дејности.

Харис и нејзиниот потпретседател, гувернерот на Минесота, Тим Валц, во саботата ја завршија повеќедневната турнеја меѓу државите со средба во Невада, западна држава која може да одигра клучна улога на претседателските избори на 5 ноември.

Камала Харис на митингот вети дека доколку биде избрана за претседател ќе продолжи да се бори за работничките семејства, вклучително и за зголемување на минималната плата и намалување на цените.

The post Камала Харис поддржува укинување на данокот на бакшиш за угостителство и услуги appeared first on Република.