Кина се обидува да ги намали даноците за купување дом, со цел да се зајакне фискалната поддршка за секторот за недвижности.

Регулаторите подготвуваат предлог, со кој се предвидува во големите градови како Шангај и Пекинг да се намали данокот за купувачите до еден процент од сегашното ниво од три отсто.

Во обид да се зајакне секторот за недвижнини кинеските власти минатиот месец најавија зголемување на достапните кредити за незавршени станбени проекти на повеќе од 500 милијарди долари.

Пекинг изминатите месеци објави низа мерки насочени кон зајакнување на економската активност, вклучително и олеснување на некои ограничувања за купување дом.

Секторот за недвижнини изминатите две децении забележа раст, а долго време сочинуваше околу една четвртина од бруто домашниот производ на Кина.

The post Кина планира намалување на даноците за купување на дом appeared first on Република.

Директорката на Управата за јавни приходи Елена Петрова во текот на вчерашниот ден оствари две одделни работни средби со претставници на сметководителите од Институтот на сметководители и овластени сметководители на Македонија (ИСОС) и Комора на сметководители на Македонија (CAM).

Во рамки на средбите една од главните теми беше дека навремено поднесување на ДДВ пријавите во законскиот рок, но и точното пријавување без дополнителни исправки на пријавите, како и плаќањето на точен износ на данок во законскиот рок е заеднички предизвик и за Управата за јавни приходи и за самите сметководители односно компании. Ова се најважните компоненти за даночниот рејтинг на една компанија се согласија сите и во таа насока разговараа и за предлогот на компаниите за објавување “бела листа” на даночни обврзници, за што директорката истакна дека Управата за јавни приходи во следниот период ќе најде можност да го обелоденува даночниот рејтинг и да ги промовира позитивните примери за одговорно даночно однесување.

Се истакна и тоа дека услугите на сметководителите кон нивните клиенти, во најголем дел се поврзани и зависат од процесите во Управата за јавни приходи, и сметководителите очекуваат од УЈП да добиваат конзистентни пристапи, унифицирани пракси, навремени услуги, соработка во регулацијата на овластувањата за поднесување даночни пријави и биланси и сл.

Состаноците завршија со заклучоци за формализирање на соработката меѓу УЈП и овие здруженија на сметководителите во претстојниот период. На овој начин првенствено УЈП ќе стекне сигурност дека даночните обврзници добиваат кредибилни совети и услуги од сметководителите за точно исполнување на даночните обврски.

Воедно, УЈП ќе има партнер при имплементирањето на одржливи дигитални услуги според практичните потреби и можности на директните корисници

The post Навремено и точно плаќање данок, заедничка цел на УЈП и сметководителите appeared first on Република.

The post Реформа на процесите на УЈП – ќе се открива неплатен данок и ќе се подобрат услугите за граѓаните appeared first on Република.

Идната влада на ВМРО-ДПМНЕ ќе воведе паѓање на даноците за поголеми инвестиции и подобар стандард. Идната влада на ВМРО-ДПМНЕ акцент ќе стави на економијата, која мора да има брз раст, со цел државата брзо да напредува и да се развива, со што ќе се развиваат сите други сектори, велат од партијата.

Идната влада на ВМРО-ДПМНЕ ќе воведе најнизок данок на добивка во Европа, кој ќе биде скалест, и ќе биде мотив плус за домашните компании да се шират и растат. Имено според новата мерка компаниите кои ќе остварат добивка помеѓу 20 и 30 милиони евра ќе платат данок од 8%, компаниите кои ќе остварат добивка од 30 до 50 милиони евра ќе платат данок во висина од 6%, додека тие кои ќе имаат добивка поголема од 50 милиони евра ќе плаќаат данок на добивка од 5%.

Оваа мерка ќе биде мотив плус за македонските компании да вложуваат во својот раст со цел да стигнат во поповолната категорија за оданочување, но и силен сигнал за големите мултинационални компании своите седишта да ги отворат или преместат тука.

Оваа мерка ќе овозможи во Македонија да дојдат сериозни меѓународно етаблирани компании, додаваат од ВМРО-ДПМНЕ.

The post Идната влада на ВМРО-ДПМНЕ ќе воведе паѓање на даноците за поголеми инвестиции и подобар стандард appeared first on Република.

Криминалните зделки на власта немаат крај. Власта упорно молчи за 4 милиони долари што припаѓаат на граѓаните на Македонија, велат во партиското соопштение од ВМРО-ДПМНЕ.

Димитар Ковачевски додека воведува нови даноци поради празната државна каса, не одговара на јавноста каде се 4 милиони долари од поделбата на имотот на поранешна Југославија што и припаднаа на Македонија.

Македонија додека тоне во сиромаштија и се измислуваат нови даноци, Ковачевски не одговара зошто Љубомир Фрчкоски не ги враќа парите во државниот буџет.

Власта три дена молчи и не одговара зошто Љубомир Фрчкоски не ги префрла 3 милиони и 400 илјади американски долари од сметката на Постојаната мисија на Македонија при ОН во државниот буџет? Досега 3,4 милиони веќе се префрлени на сметка на Мисијата на Љубомир Фрчкоски, а се очекуваат уште 600 илјади американски долари.

Јавноста има право да знае зошто Димитар Ковачевски молчи за скандалот?

Димитар Ковачевски нека смогне сили и јавно нека им каже на граѓаните за што се планирани овие пари.

ВМРО-ДПМНЕ ги повикува истражните органи во државата веднаш да побараат објаснување зошто 4 милиони долари не се вратени во Буџетот на Македонија!, стои во соопштението на партијата.

The post ВМРО-ДПМНЕ: Власта упорно молчи за 4 милиони долари што припаѓаат на граѓаните на Македонија, а воведува нови даноци поради празната државна каса appeared first on Република.

The post Стоилковски: Ковачевски наметнува нови даноци заради празната државна каса, Фрчкоски не му враќа 4 милиони долари, а нема санкции? appeared first on Република.

Кога ние зборуваме за приходи, ќе имаме толку раст на приходи, толку милиони евра нови приходи, јас мислам дека тоа е сулудо, дека ваков Буџет ние не можеме да правиме баш дека е кризна годината. Ако го видиме ние пописот на населението, ако видиме како наши пријатели и роднини се иселуваат од државата, ние знаеме дека имаме пад на јавната потрошувачка. Бидејќи секој еден поединец или секое едно семејство кое што се иселило од Република Македонија и отишло да живее во странство, тоа веќе не плаќа данок, не троши струја, не купува во маркети, не се шиша кај бербер, не оди во кафулиња и во ресторани. И ако цело време ни се иселуваат луѓето, немаме нови странски инвестиции кои што ќе имаат додадена вредност и ќе плаќаат нови даноци, сулудо да ние да очекуваме зголемени и тоа многу зголемени приходи“, истакна Љупчо Пренџов, пратеник од редовите на Коалицијата за „Обнова на Македонија“ при гостување во емисијата „24 Отворено“.

Пренџов додаде тоа сето се шминка во предлог буџетот се со цел да се земаат нови кредити и повеќе државата да се задолжува. Власта секоја година има една проекција за приходи и многу капитални иневстиции и потоа кога ќе дојде јуни/јули или пак август тогаш истата власт има друга проекција и сето тоа првото што им било предвидено се намалува и забавува.

Според НБРМ второто сценарио е раст од 1.8% и НБРМ е државна институција. Значи второто лошо сценарио е раст од 1.8%. Државата се наоѓа во катастрофална економска состојба“, нагласи тој.

Пратеникот во текот на емисијата исто така посочи дека заменик претседателот на СДСМ, Лукаревска кажа дека од први јануари ќе има целосно нов даночен систем. И тоа подразбира дека ќе има промена на многу законски решенија.

Утре е први декември, 30 дена пред да отпочне месецот јануари, а во Собранието нема стигнато ништо. Ниту има предлог на закон, ниту како ќе изгледа, ниту пак ние пратениците знаеме каков ќе биде даночниот систем од први јануари, ниту фирмите како ќе работат после први јануари, ниту пак граѓаните знаат што ќе се случува на први јануари. И тоа мене ми покажува една многу голема несериозност, некомпетентност и неспособност на луѓево кои што ни ја овдат државата. И сметам како втор заклучок дека треба да побараме како пратеници тоа да се одложи за после први јануари бидејќи на општеството му треба сериозна дебата кога имаме структурно,вертикално и робусно менување на даночна политика“, укажа Пренџов.

The post Пренџов: Лукаревска најавува од први јануари дека ќе има целосно нов даночен систем, но до пратениците досега не стаса ниту еден предлог закон appeared first on Република.

Решенијата за наплата на данок на имот на граѓаните кои не живеат во Охрид, но имаат станови е три пати зголемена. Од општина Охрид за Алфа телевизија појаснуваат дека измената на законотза даноци на имот е изгласана во Парламентот на 7-ми јули 2021-со примена на истата од 1-ви јануари 2022-ра.

Законот ја направи таа измена да се зголеми не стапката, туку сумата практично за три пати повеќе да се плаќа данок на имот за стан во кој што не се живее, или имот кој го поседувате а сте надвор од општина Охрид,популарно кажано во народот се брои како луксуз таквиот имот нели, вели Томе Џамтоски портпарол на Општина Охрид за Алфа телевизија

Од општина Охрид потенцираат дека во градот има од 10 до12.000 станови кои во текот на годината се празни. За да докажат дека не ги издаваат на други, сега ќе мора да приложат документ заверен на нотар, само така ќе се спасат од високите давачки на данок на имот. Туристичките работници се децидни- во општинската каса фалат најмалку 300.000 евра годишно, пари кои би се обезбедиле од наплата на туристичка такса која сега не ја плаќаат оти становите кои преку лето ги издаваат, никаде не се евидентирани.

The post За три пати е зголемен данокот на имот за станови во Oхрид за оние кои не живеат таму appeared first on Република.

Предлог-концептот на даночни реформи главно се базира на проширувањето на даночната основа врз основа на намалувањето на сивата економија. Не се работи за реформи за зголемување на даноците, вели министерот за финансии Фатмир Бесими во интервју за МИА.

– Апсолутно ниту еден предлог што е на маса, не зборува за номинално зголемување на даночните стапки коишто се во законот. Напротив, во законските решенија, ако зборуваме за ефективната даночна стапка, за дел од интересните групи и граѓани посебно за ниско доходовните, ќе има ситуации каде даночното отповарување може да има надолна линија, истакнува Бесими.

Во видео интервјуто што во целост ќе биде објавено утре, министерот нагласува дека се работи за концепт, а не за предлог-законски решенија коишто Владата одлучила да ги донесе.

– Јас лично сум свесен дека една ваква тема ќе предизвика голем интерес во јавноста, а и одредени критики. Подготвен сум да ги слушнам тие критики и да најдеме соодветни решенија. За вакви важни прашања подобро да имаш дебата и да немаш на крај решение, отколку да одиш со решение без дебата. Значи се работи за суштинска дебата, а темата не е нова, се дискутира веќе две години и ние сме отворени за дискусија, вели Бесими.

Во однос на критиките во јавноста дека сега не е вистинскиот момент за една ваква реформа имајќи предвид дека се соочуваме со глобална економска и енергетска криза, според Бесими нема поволно време за даночни реформи, туку има значајни реформи кои ќе овозможат одржлив економски раст, конкурентност на домашната економија и подобар квалитет на живот на граѓаните.

Во интервјуто, министерот за финансии говори и за предлог решението за оданочување на каматите на депозитите и за прашањето за прогресивниот данок, а се осврнува и на новиот пакет антикризни мерки.

The post Дали власта се пишмани за зголемувањето на даноците? appeared first on Република.

Зголемувањето на даноците е катастрофална мерка на Владата Откако ова го најавија ние сме во комуникација со реалниот сектор и тој во моментов, во тешката ситуација во која се наоѓа и поради економската криза, размислува или да затвори или да направи даночна евазија, вели потпретседателот на ВМРО-ДПМНЕ, Александар Николоски.

Тој во неговото гостување на Канал 5 телевизија во емисијата „Жешко политичко лето“ истакна дека со ваквата даночна реформа, наместо повеќе во буџетот ќе има се помалку средства, затоа што со зголемувањето на давачките за данок и со зголемените сметки за струја, нема да можат профитабилно да работата, што ќе доведе и до илјадници луѓе да останата на улица без работа.

„Економијата ја водат луѓе кои што и немаат познавање од јавниот сектор и имаат познавање само од оној научен, условно кажано, дел кој што се однесува на статистика, но не на реалната економија. Откако министерот за финансии најави дека ќе зголемува даноци, бевме во комуникација со реалниот сектор. Реалниот сектор размислува за две работи, или да затвори, што би значело илјадници луѓе оставени на улица, што значи помалце даноци затоа што тие нема да работат и во буџет нема да приходуваат или размислуваат како да направат даночна евазија, односно да најдат начин да не плаќаат даноци, што ќе значи зголемување на сивата економија и повторно помалку средства во буџетот. Значи, од двете варијанти со зголемување на даноци, во буџетот ќе има помалце наместо повеќе средства како што планираат од владата“, рече Николоски.

Тоа што ние сметаме дека е правилно, додаде Николоски, е дека граѓаните не треба да се оптеретуваат со дополнителни давачки во една ваква криза, кога основните производи одат по четири- пет пати нагоре.

Посочи дека даноците треба да се кратат со цел на бизнисот да му се даде шанса да има рамен терен за игра, да може да отвара нови работни места, да вработува луѓе и на тој начин да расте економијата.

Ако на владата и фалат финансиски средства место дополнително да ги даночи оние што редовно плаќаат данок, нека намали со криминалните тендери во четири очи и нека ја спушти сивата економија на европскиот стандард од 20%, која што во моментов во Македонија достигна 40% и така ќе има доволно пари во буџетот за сервисирање на сите потреби.

„А, доколку на владата и фалат средства во буџетот, еве два совети од мене. Прво, да намалат со криминалните тендери кои што ги прават секој ден, тендерите во четири очи и прво да ја сузбијат сивата економија која што во Македонија повторно оди на 40% од ДБП. Само да ја спуштат сивата економија на 20% од БДП, колку што е стандардот во Европската унија, каде што сакаат да одат и каде што сакаме да одиме, ќе немаат никакви проблеми со буџетот. Ама не го прават тоа и удираат по оние кои што се чесни и кои што плаќаат данок, штитејќи ги оние кои што се нечесни и кои што не плаќаат“, рече Николоски.

The post Николоски: Зголемувањето на даноците е катастрофална мерка на Владата appeared first on Република.

ВМРО-ДПМНЕ во континуитет укажуваше дека раскалашеното трошење на државните пари од стана на Владата на ДУИ и СДСМ ќе не чини многу во годините кои доаѓаат.

Истата Влада што петта година по ред се покажа како НАЈНЕУСПЕШНА во независна Македонија, која покрај продажбата на националните интереси не успеа да ја ублажи длабоката рецесија во 2020 година, не успеа да ја ограничи инфлацијата во 2022 година, не успеа да ја ублажи енергетската криза – за три години ќе креира нов долг од 2,9 милијарди евра, колку што за 10 години креираше претходната влада предводена од ВМРО-ДПМНЕ, соопштија од опозициската партија.

Долгот во последните три години е поради раскалашено и неодговорно трошење на државните пари, при регистрирани историски максимални суми за договорни услуги, сомнителни зделки пратени со криминали и корупција, а при најниски капитални расходи и отсуство на инфраструктурни инвестиции. Изговорот дека парите беа потрошени за кризите е издишан балон, зошто да беше така, немаше да имаме најдлабока рецесија по онаа од осамостојувањето, немаше да имаме една од највисоките стапки на инфлација во Европа, немаше да имаме енергетска несигурност и несигурност за храна.

И сега, ова неодговорно креирање на долгот Владата планира да го пренесе на товар на граѓаните и на бизнисот, без притоа да започне од сопствениот двор. Оваа Влада нема никаков кредибилитет да се фали со даночни реформи во услови кога не престанува да вработува партиски војници во јавната администрација и не престанува да троши историски високи суми на стоки и услуги. Доказ за тоа е последниот ребаланс на буџетот за 2022 година.

Најавената даночна реформа од министерот за финансии е само фарса во отсуство на вистинска битка за собирање на средства во државниот буџет. Даночната реформа преку која се најавува проширување на даночната основа со измени во даноците на добивка, личен доход и додадена вредност ќе собере околу 50 милиони евра годишно. Но, ако навистина сака да собере средства во буџетот, Владата треба да почне од сивата економија од која годишно губи од 200-250 милиони годишно приходи од ДДВ, данокот на добивка и останати даноци. Дека вистинската битка не се води, доказ е тоа што петта година по ред оваа Влада ја држи во фиока „Стратегијата за формализација на неформалната економија“. Петта година по ред нема никаква активност на ова поле. Зар до сега не требаше да се заинтересира оваа Влада кои општини не плаќаат даноци, а добиваат високи трансфери од државниот буџет како „награда“ за нивната неуспешност? Праведниот пристап на оданочување нека започне од тие што не плаќаат данок, а не со изговор дека оваа Влада тоа го прави преку прогресивниот данок на доход. Рамниот данок се докажа и покажа како успешен во сузбивање на сивата економија и собирање на значајни средства во државниот буџет.

Уште повеќе, несоодветната даночна реформа и несоодветниот тајминг за нејзино имплементирање ќе удри по штедењето на населението, кое во последниот период е значајно намалено заради намалениот расположлив доход во услови на висока инфлација и ниски номинални, а негативни реални каматни стапки. Ова ќе преставува удар на ликвидноста на банкарскиот систем и за идното кредитирање на бизнисите и населението. Несоодветносто укинување на одредени даночни ослободувања и укинувањето на повластениот третман за одредени категории приходи кај индивидуалните даноци може да се пренесе врз финалните цени, кои во денешни услови вртоглаво растат, а со тоа уште повеќе да ја подгрее инфлацијата, стои во партиското соопштение.

The post Фискалната раскалашеност Владата ја пренесува на грбот на граѓаните и на бизнисот appeared first on Република.

The post Даноците да не се зголемуваат, а прашањето за референдумот ќе се знае на крајот од август appeared first on Република.

Тоа се мерки со кои Путин сака да ги намали последиците од западните санкции за агресија врз Украина. Имено, во документот се наведува дека Русија во наредниот период ќе примени неколку мерки во економскиот сектор, а една од нив е зголемувањето на данокот на луксуз.

По заминувањето на голем број автомобилски компании од Русија, цените на автомобилите нагло пораснаа. Цените на домашните автомобили пораснаа во просек за 20 отсто, а на странските од 30 на 40 отсто - се наведува во документот, со напомена дека тоа се однесува на Audi, Aston Martin, Bentley, BMW, Ferrari, Jaguar, Lamborghini, Land Rover, Maserati. , Мерцедес, Порше и Ролс-Ројс. Исто така, Путин донесе мерка во врска со стапката на корпоративниот данок на доход.

The post Путин потпиша антикризни економски мерки, една од нив е зголемувањето на данокот на луксуз appeared first on Република.

Грчкиот премиер Кирјакос Мицотакис, денеска најави „ново храбро и трајно” намалување за 13 отсто на годишниот данок на сопственост на недвижнини, одлука, која како што рече, е праведна за општеството и корисна за економијата, јави дописничката на МИА од Атина.

Мицотакис објасни дека намалувањето значи дека Грците ќе платат 860 милиони евра помалку во споредба со 2018 година и 350 милиони евра помалку во 2022 година.

Тој додаде дека со промените осум од десет граѓани ќе плаќаат уште понизок данок, некои ќе платат ист износ, а за околу 6 отсто ќе има зголемување, со оглед на тоа дека реалната вредност на имотот во некои области е двојно или тројно зголемена.

Мицотакис рече дека новата иницијатива се заснова на конзистентната економска политика што ја следи Владата и овозможува соодветни дополнителни мерки за олеснување, но и дека станува збор за реален потег што не ги надминува буџетските граници.

Секој чекор напред мора да се прави на начин што нема да доведе до два чекори назад. Така, нашата држава остана исправена и се разви во текот на двегодишната криза. Така, ќе се справи и сега со привремените глобални турбуленции, рече грчкиот премиер.

Истакна дека поради меѓународната енергетска криза, што носи и покачувања на цените, државата продолжува да покрива дел од покачувањата на сметките за струја, паралелно воведува и намалување на даноците, се со цел да се поддржи расположливиот приход на сите домаќинства и повтори дека од 1 мај ќе се воведе и второ зголемување на минималната плата.

The post Мицотакис најави намалување за 13 отсто на данокот на сопственост на недвижнини appeared first on Република.