Управата за јавни приходи ги повикува сите даночни обврзници да ги достават потребните документи до своите сметководители и навремено да ги поднесат ДДВ-04 пријавите за изминатиот даночен период. Крајниот рок за поднесување на ДДВ-04 пријавата е 25 ноември 2024 година (понеделник).

-Досега, поднесени се само 615 ДДВ пријави од очекуваните 7.399, што претставува само 8,31% од вкупниот број на даночни обврзници. Ова покажува дека значителен број на обврзници сè уште не ја исполниле својата законска обврска, информираат од УЈП.

Управата за јавни приходи апелира до сите даночни обврзници да ги исполнат своите законски обврски навремено, за да избегнат казни и дополнителни финансиски трошоци.

Навременото поднесување на ДДВ-04 пријавата, велат, е од исклучителна важност за правилното усогласување со даночните прописи, одржување на финансиската стабилност на бизнисите и за развојот на економијата.

The post УЈП: Поднесете ги ДДВ–04 пријавите навреме, избегнете стрес и дополнителни трошоци appeared first on Република.

Наместо денеска, до утре (26 јули) е крајниот рок за поднесување на даночните пријави ДДВ-04 за даночните периоди 1 април 2023 - 30 јуни 2023 и за 1 јуни 2023 - 30 јуни 2023 од месечните и тримесечните обврзници за ДДВ.

Управата за јавни приходи соопшти дека дополнителниот рок од еден работен ден е поради отежнато функционирање на системите во УЈП предизвикано од прекин на електрично напојување во зградата каде што е сместена Генералната дирекција на Управата.

-Согласно Законот за даночна постапка, а со цел одбегнување на отежнатото поднесување на даночните пријави преку системот е-Даноци заради настанатите технички проблеми, Управата за јавни приходи ги известува даночните обврзници и сметководителите дека се продолжува рокот за поднесување на ДДВ-04 пријавите за еден работен ден, информира УЈП.

The post Се продолжува рокот за поднесување на ДДВ-04 пријавите до 26 јули appeared first on Република.