Портпаролот на израелската војска Даниел Хагари категорично ја отфрли идејата дека иранскиот напад во текот на ноќта врз Израел бил замислен како форма на демонстрација, без сериозна намера да предизвика штета, јави ДПА.

„Мислам дека Иран сакаше да постигне резултати и не ги постигна“, изјави Хагари. Тој ја опиша употребата на балистички ракети од страна на Иран како јасна ескалација.

Што се однесува до можниот одговор на Израел, воениот портпарол рече: „Ја проценуваме ситуацијата, на кабинетот му го покажуваме планот и подготвени сме да направиме се што е неопходно за да го заштитиме Израел. Земјата е подготвена за понатамошни закани од Иран“, истакна Хагари.

Според него, Иран истрелал околу 300 проектили, од кои 99 отсто биле пресретнати од Израел и неговите сојузници.

Хагари рече дека Франција е меѓу земјите кои учествувале во одбраната од нападот на Иран врз Израел.

„Франција има многу добра технологија, авиони, радари - и знам дека тие придонесоа за патролирање на воздушниот простор“, рече тој, додавајќи дека нема прецизни податоци дали француските авиони собориле некој од проектилите истрелани од Иран.

The post Хагари: Иран имаше намера да постигне резултати appeared first on Република.

Портпаролот на израелските одбранбени сили (ИДФ) Даниел Хагари објави дека во разговор со основачот на Светската централна кујна (WCK), Хозе Андрес, изразил сочувство за смртта на седумината работници на оваа организација во синоќешниот воздушен напад на ИДФ врз Појасот Газа, додавајќи дека ќе се спроведе детална истрага за инцидентот.

Хагари вели дека ИДФ изразува „искрено сочувство до нашите сојузнички нации кои направија и продолжуваат да прават толку многу за да им помогнат на оние на кои им е потребна“.

Тој посочи дека истрагата за нападот е во тек, со цел да се утврдат деталите за нападот и како се случил, пренесува „Тајмс оф Израел“.

-Како професионална војска посветена на меѓународното право, ние сме посветени на темелна и транспарентна контрола на нашите операции, рече Хагари.

Тој посочи дека Механизмот за проверка на факти на ИДФ, независно воено тело одговорно за истрага на конкретни воени инциденти, ќе ги испита околностите околу нападот.

Портпаролот на ИДФ нагласи дека израелската армија во изминатите неколку месеци тесно соработува со WCK за доставување помош на луѓето од Појасот Газа и посочи дека оваа организација е една од првите што му пружила помош на Израел по октомври 7 напад од Хамас.

-Работата на WCK е клучна, тие се на првите линии во борбата за хуманост. Ќе дознаеме што се случило и отворено ќе ги споделиме наодите, изјави Хагари.

Светската централна кујна претходно денеска соопшти дека седум нејзини работници доцна синоќа биле убиени во напад на нивното возило во центарот на Газа, откако помогнале да се достави храна и други залихи во северна Газа кои пристигнале неколку часа претходно, и дека организацијата ги суспендира своите операции во регионот.

Според медиумите меѓу загинатите има палестински возач и хуманитарни работници од Австралија, Велика Британија, САД, Канада

The post Хагари: ИДФ изразува сочувство до WCK, отворена истрага за нападот appeared first on Република.

Израелските одбранбени сили (ИДФ) соопштија дека пронашле докази дека Иран ги финансирал огромниот систем на тунели под Појасот Газа на исламистичката организација Хамас.

Портпаролот на израелската армија Даниел Хагари изјави дека војници откриле документи за финансиски трансфери во периодот од 2014 до 2020 година во вкупна вредност од над 150 милиони долари од Иран до Хамас и до лидерот на исламистичката група во Појасот Газа, Јахја Синвар.

Ова е уште еден пример за тоа како Иран извезува терор на Блискиот Исток. Теророт што Иран го извезува и произведува е глобален проблем, истакна Хагари.

Израелската армија објави фотографии од неколку документи, како и фотографии од коверти и пари, но информациите не можат да бидат независно проверени.

По Исламската револуција во 1979 година, Иран го прогласи Израел за непријател. Заедно со другите милиции како Хезболах во Либан и бунтовниците Хути во Јемен, Хамас е дел од така наречената оска на отпорот, мрежа на групи кои се борат против Израел и добиваат финансиска и материјална поддршка од Техеран.

The post Иран го финансира Хамас: Хагари тврди дека ИДФ има докази за тоа appeared first on Република.

Портпаролот на израелската армија Даниел Хагари упати „итна молба“ до граѓаните на северниот дел на Газа и градот Газа „веднаш“ да заминат на југ.

Во објава на X, Хагари истакна дека ќе можат да се вратат во своите домови кога ќе завршат „интензивните непријателства“.

Тој додаде дека Хамас ги става во опасност нивните животи ставајќи оружје во цивилни области и оти Израел нема да ги заборави бруталните напади на групата на 7 октомври.

Вашиот простор за дејствување се затвора. Движете се кон југ за ваша безбедност, нагласи Хагари.

The post Израелските сили повторно ги повикуваат цивилите во Газа итно да заминат на југ appeared first on Република.

Портпаролот на израелската армија Даниел Хагари денеска изјави дека израелската армија е „подготвена и одлучна“ за следната фаза од војната и дека се чекаат политички инструкции, пренесоа британските медиуми.

Хагари кажа дека Израел учи од искуството на САД на Блискиот Исток, но „нашата војна е на нашите граници, а не на илјадници милји од Израел“, додавајќи дека очекува неколку недели борби.

Портпаролот додаде дека Египет игра клучна улога во преговорите за ослободување на заложниците од Газа, што според него е приоритет за Израел.

The post Хагари: Израелската армија е подготвена за следната фаза од војната, се чекаат политички инструкции appeared first on Република.