Од 30 октомври до 3 ноември во Упсала, Шведска се одржа еден од најголемите танцови натпревари Mega Dance Weekend, елитен настан со традиција од шест години на кој учествуваа 3375 танчери од повеќе европски земји.

Во склоп на натпреварот се одржа и Европско првенство во латино-aмерикански танци на Светската уметничка танцова федерација – WADF каде боите на Македонија ги бранеа танчерите на најтрофејното студио кај нас Dancers United.

Воодушевувачки е успехот на танчерите од Dancers United, репрезентацијата на Македонија која со своите 13 танчери беа на врвот во своите категории.

Пред сѐ е привилегија и предизвик да се биде дел од ова елитно натпреварување, а тоа што танчерите на Dancers United го покажаа на оваа европска сцена го потврдува фактот дека Македонија ги има едни од најдобрите танчери.

Танчерите на Dancers United од Европското првенство освен со огромното искуство, почит, восхит се вратија и со 11 златни, 9 сребрени и 5 бронзени пехари.

„Секој натпревар е големо искуство за нас како тренери, танчери и за мене како судија. Со голема радост ги прифаќаме поканите да учествуваме на сите позначајни меѓународни, светски и европски првенства. Ова Европско првенство во Шведска беше само уште еден показател дека танчерите од Dancers United се на врвно ниво, рамо до рамо со најдобрите во светот на танцот.

Многу сме горди што од нашето студио излегуваат светски и европски прваци, нашите резултати покажуваат дека Македонија веќе е велесила во светот на танцот, задоволството е уште поголемо што интересот за нашите танчери секоја година сѐ повеќе се зголемува, тие се веќе препознатливи како квалитетни танчери со неверојатна техника, знаење, креативност, атрактивност, вештини, костимографија…“ – изјави Сара Кочан официјален судија од Македонија на Европското првенство во Упсала, Шведска.

Во периодот кој следува танчерите на Dancers United ќе учествуваат на уште четири натпревари од кои три се меѓународни, во Романија, Хрватска и Србија, а на крајот од годината ќе бидат и на натпреварот Christmas Dance Competition 2024 во Велес.

На 3 Декември, Меѓународниот ден на лицата со попреченост, танцовото студио Dancers United ќе ја одржи својата 10-та јубилејна инклузивна танцова претстава во Македонскиот народен театар, со која танчерите ја слават различноста преку танц, музика и уметност.

Ова се официјалните резултати од Европското првенство:

Мини Кидс:

Су Али

• 1во место Латино шоу група деца
• 1во местоЛатино шоу соло Мини Кидс
• 1во место: Самба, Чачача, Румба, Пасо Добле, Џајв соло Мини Кидс девојки

Луна Дариа Кочан

• 1во место Латино шоу група деца
• 2ро место Латино шоу соло Мини Кидс
• 2ро место: Самба, Чачача, Румба, Пасо Добле, Џајв соло Мини Кидс девојки

Деца:

Емили Нера Кочан

• 1во место Латино шоу група деца
• 4то место Латино шоу соло деца
• 3то место: Самба, Чачача, Румба, Џајв
• 10то место Пасо Добле соло деца девојки

Ена Ефендилер

• 1во место Латино шоу група деца
• 6то место Латино шоу соло деца

Ада Ефендилер

• 1во место Латино шоу група деца
• 5то место Латино шоу соло деца

Јуниори 1:

Нина Спасовска

• 1во место Синхро Латино група јуниори девојки
• 3то место Латино шоу група јуниори
• 5то место Латино шоу соло јуниори
• 2ро место: Самба, Чачача, Румба
• 5то место: Џајв, Пасо Добле соло јуниори девојки

Нина Андоновска

• 1во место Синхро Латино група јуниори девојки
• 3то место Латино шоу група јуниори
• 1во место Латино шоу дуо јуниори
• 8мо место Латино шоу соло јуниори девојки
• 8мо место Румба
• 15то место Чачача
• 19то место: Самба, Џајв соло јуниори девојки

Тима Муминовиќ

• 1во место Синхро Латино група јуниори девојки
• 3то место Латино шоу група јуниори
• 1во место Латино шоу дуо јуниори
• 19то место Румба
• 24то место Самба
• 27мо место Чачача
• 28мо место Џајв соло јуниори девојки

Јуниори 2:

ИлинаТалеска

• 1во место Синхро Латино група јуниори девојки
• 3то место Латино шоу група јуниори
• 4то место Латино шоу соло јуниори
• 5то место: Чачача, Самба, Румба
• 7мо место: Џајв, Пасо Добле соло јуниори девојки

Ангела Николиќ

• 1во место Синхро Латино група јуниори девојки
• 3то место Латино шоу група јуниори
• 1во место Латино шоу соло јуниори
• 1во место Пасо Добле
• 4то место Џајв
• 6то место Румба
• 7мо место: Самба, Чачача соло јуниори девојки

Јована Несторовска

• 1во место Синхро Латино група јуниори девојки
• 3то место Латино шоу група јуниори
• 9то место Латино шоу соло јуниори
• 16то место Румба
• 17то место: Џајв, Самба
• 18то место Чачача соло јуниори девојки

Гала Пановска

• 1во место Синхро Латино група јуниори девојки
• 3то место Латино шоу група јуниори
• 17то место Пасо Добле
• 19то место Румба
• 26то место Самба
• 28мо место Чачача соло јуниори девојки

Лилјана Стојанов

• 1во место Синхро Латино група јуниори девојки
• 3то место Латино шоу група јуниори
• 10то место Пасо Добле
• 23то место: Чачача, Самба
• 24то место Џајв соло јуниори девојки

The post Танчерите на „Dancers United“ на пиедесталот на Европското првенство во Шведска appeared first on Република.

Танчерите на Dancers United освоија вкупно 25 медали на Светското првенство во латино танци коешто се одржа во Варшава, Полска од 27 до 29 април.

Танчерите освоија седум златни, десет сребрени и осум бронзени медали во повеќе категории – од најмалите – мини кидс до младинци и возрасни.

Освен што покажуваат дека сме на вистинскиот пат и го потврдуваат нашиот успех во латино танците на светско ниво, дополнително ја засилува нашата посветеност кон танцот и понатамошното вложување во идните поколенија танчери. Ја претставивме нашата држава на највисоко ниво, а Македонија секоја година сè повеќе и повеќе станува силен конкурент на светската сцена на што сме особено горди, вели Сара Кочан од Dancers United, која беше официјален судија од Македонија на шампионатот.

WADF Warsaw Championship 2024 за Dancers United ќе биде забележан како натпревар на кој целиот тим има минимум по еден златен медал. Учестуваа 22 држави, а македонскиот тим имал поддршка од Министерството за култура.

Ова се наградените:

Златен медал
–Passion and Youth – Група Синхро Танц Латино – Младинци и Возрасни
–Vintage Chic – Група Латин Шоу – Јуниори
– Bringing the disco Back – Група латин шоу – мини кидс
–The DS Crew Carribean – Инклузивна мала група
–Over the Rainbow – The DS Crew – Инклузивна голема група
– Willy Wonka, Су Али – Соло латин шоу мини кидс
– Coco Chanel, Нина Спасовска – Соло латин шоу јуниори 1

Сребрен медал
– Suit & Slay – Група латин шоу – Младинци & Возрасни
– Анастасија Бановиќ и Никола Дамовски – Самба – Парови Младинци & Возрасни
– Анастасија Бановиќ и Никола Дамовски – Џајв – Парови Младинци & Возрасни
– Анастасија Бановиќ и Никола Дамовски – Румба – Парови Младинци & Возрасни
–Су Али – Џајв – Соло Мини кидс
–Су Али – Ча ча ча – Соло Мини кидс
–Су Али – Самба – Соло Мини кидс
– ABBA – Ангела Николиќ & Михаела Филипова -Латин шоу дуо – Младинци & Возрасни
– The White Rabbit – Луна Дариа Кочан – Соло латин шоу мини кидс
– Emiy in Paris – Емили Нера Кочан Соло латин шоу деца 1

Бронзен медал

– Ангела Николиќ – Пасо Добле – Соло јуниори 1
– Анастасија Бановиќ и Никола Дамовски – Ча ча ча – Парови Младинци & Возрасни
– Луна Дариа Кочан – Џајв – Соло Мини кидс
– Луна Дариа Кочан – Самба – Соло Мини кидс
– Анастасија Бановиќ и Никола Дамовски – Пасо добле – Парови Младинци & Возрасни
– Јоана Поп Арсовска – Румба – Соло мини кидс
– Rapunzel – Јоана Поп Арсовска – Соло латин шоу мини кидс
– Athena and Medusa – Нина Андоновска & Тима Муминовиќ , Дуо латин шоу јуниори

The post Танчерите на Dancers United освоија 25 медали на Светското првенство латино танци appeared first on Република.

Пред десет години, танцовото студио Dancers United ширум ги отвори вратите за лицата со попреченост, силно верувајќи дека секој заслужува шанса да танцува.

Нашата верба, велат, надеж, трпение и многу работа со поддршка на родителите, институциите, медиумите вродија со голем напредок во комплетната слика за лицата со попреченост на што сме навистина горди.

Како почна нашата инклузивна група, кои беа нивните први чекори во танцот, нивната прва кореографија, како напредувавме и до каде стигнавме, каде сè настапувавме, се натпреваруваме, какви успеси постигнавме, како нашите танчери станаа посамоуверени и посвесни за своите способности и каква енергија споделувавме и добивавме ќе имате можност да видите на РЕТРОСПЕКТИВНАТА инклузивна претстава која ќе се одржи во Музејот на македонската борба на 05.12.2023(вторник) со почеток од 20 часот. Во нашата сплотеност, креативност и поддршка ќе можете да се уверите и преку заедничките кореографии на инклузивната група со танчерите од јуниорските и младинските групи, велат од Dancers United.

Инклузивната претстава е дел од програмата на Министерството за култура на проекти од национален интерес.

Влезот е бесплатен.

Ви благодариме на сите што силно ја поддржувате инклузијата, велат од тимот на Dancers United.

The post Инклузивна танц претстава на Dancers United: Заедно сме посреќни, похрабри, посилни и посамоуверени! appeared first on Република.

„Dancers United“ со голема забава во клубот одбележа 10 години присуство на танцовата сцена.
Салите во клубот беа комплетно исполнети со сите поранешни, сегашни и идни танчери кои уживаа во енергијата која ја има само „Dancers United“.

Пред присутните гости свое емотивно обраќање имаше Сара Кочан која пред 10 години со својот вереник, сега сопруг Нермин Кочан ентузијастички, но со големи визии го отвориле клубот.

Се радувам што од бетон, Dancers United прерасна во место кое сега има душа, место каде се танцува, другарува, помага, има и се шири само љубов. Во своето 10-годишно постоење, „Dancers United“ успеа да оформи извонреден танчарски кадар. Изминатата деценија во континуитет активно работевме на создавање, промоција и презентација на танцовата уметност кај нас, како и на нејзин пласман на светската танцова сцена. Целото свое знаење и искуство кое успеваме да го пренесме на нашите членови ни возврати со многу државни, европски и светски титули на кои сме посебно горди. Највлијателната одлука која ја донесовме е да ги отвориме вратите за специјалната група наменета за лица со Даунов синдром со што ја остваривме целта, нашиот клуб да биде место за сите, изјави Сара Кочан по што го најави големото изненадување за сите кои сакаат да танцуваат.

По повод големиот јубилеј, студиото ќе додели 5 стипендии на 5 талентирани танчери.

Стипендиите комплетно ќе ја покријат целата членарина за следната 2024 година, учество на сите национални натпревари на кои тие се дел, како и меѓународен натпревар кој вклучува котизации, превоз, престој и костими.

Сите кои што се заинтересирани да бидат дел од „Dancers United“ ќе можат да аплицираат до крајот на месец октомври, за што дополнително ќе бидете информирани.

И како круна на своето десетгодишно постоење Dancers United го најави следниот голем предизвик, организација на голем меѓународен танцов натпревар DIAMOND Dance Competition кој ќе се одржи во април следната година.

The post Инклузивното танц студио „Dancers United“ прослави 10 години постоење и доделува 5 ексклузивни стипендии appeared first on Република.