Идната година, 7,5 милијарди денари ќе се слеат во Министерството за здравство, односно 334 милиони денари повеќе од годинава. Со предлог буџетот приоритет стануваат здравствената заштита и превенцијата, повисоки плати за сите вработени во здравствениот сектор и сеопфатна трансформација на здравствениот систем, истакна Дафина Стојаноска, пратеник на Пратеничката група на ВМРО-ДПМНЕ.

-Со буџетот за 2025 ќе се набави нова и современа опрема за јавните здравствени установи, а предвидена е и доградба како и реконструкција на болниците. Меѓу нив, општата болница Кичево, Специјална болница за ортопедија и трауматологија „Св Еразмо“ – Охрид и Клиника за хируршки болести „Св. Наум Охридски“ – Скопје. Исто така, ќе продолжи изградбата на Клиничката болница во Штип, а се планираат и градежни активности и реконструкции во Здравствениот дом Скопје, Kлиниката за психијатрија и многу други.

Со новиот буџет приоритет е и финансиската стабилност на фондот за здравство, а со тоа стабилност и на целиот здравствен систем. Идната година фондот ќе има на располагање над 53 милијарди денари, односно 5 милијарди повеќе од годинава, за подобри здравствени услуги, вели Стојаноска

Таа додава:

Во буџетот се планирани и пари за континуирано зголемување на платите во здравството во следните четири години. За до крајот на мандатот, сите здравствени работници да добијат поголеми плати од 40 до 50%.

Почитувани, ова се јасни показатели дека ВМРО-ДПМНЕ се грижи за здравствените работници. Тие да земаат достоинствена плата, да работат во достоинствени услови, а граѓаните конечно да добијат квалитетни и навремени здравствени услуги.

The post Стојаноска: Идната година, 7,5 милијарди денари ќе се слеат во Министерството за здравство appeared first on Република.

„Се покачија платите во образование, веќе вработените ги примија покачените плати. Со овој буџет ќе се покачат платите и на административците и на полицајците и еве денес како што излезе и веста ќе се покачат и на здравствените работници“ , говореше пратеничката на ВМРО-ДПМНЕ Дафина Стојаноска, на вечерашното гостување на Канал 5 телевизија во емисијата „Само вистина“, каде за почеток се зборуваше за поднесените 200 амандмани од СДС меѓу кои  се бара и покачување на плати.

Стојаноска посочи дека заклучно со завршување на мандатот предвидено е да се зголемува процентот во однос на покачување на платите. Напомена дека иако Владата на ВМРО-ДПМНЕ затекнала празна каса на буџет, успешно успеале да ги сервисираат долговите.

„До крајот на мандатот предвидено е до 40% зголемување, а до крај на 2024 година сите здравствени работници ќе примат плус 2 450 денари, а средниот медицински персонал 3 850 денари до крајот на оваа година што за мене е добар знак. Е малку но е добро, ако во ова време навреме начекавме речиси празна каса на буџет со ребалансот се обидовме да изнајдеме средства, да се исплатат тие неисплатени плати од претходната влада во заминување“ , децидна беше Стојаноска.

Стојаноска јасно даде до знаење дека ВМРО-ДПМНЕ и во иднина ќе продолжи да работи во делот на зголемување на процентот на висина на плати, да се создадат услови за истото затоа што граѓаните се на прво место.

„Со овој буџет предвидени се вакви покачувања на плати и тоа за мене е добар сигнал и сметам дека потребно е сите постепено да стануваат задоволни. Ние како ВМРО-ДПМНЕ дел од извршната власт и во иднина ќе се трудиме да не биде толку. Дај боже да биде и повеќе од 40% до крајот на мандатот“, заклучи Стојаноска.

The post Стојаноска: Покачувањата на платите се одговор на домаќинското работење на ВМРО-ДПМНЕ appeared first on Република.

Темата за потрошувачката кошничка стана особено актуелна во последниот период. На ова се осврна и пратеничката Дафина Стојаноска, во вечерашното гостување на поткастот „ВМРО-ДПМНЕ Зборува“, и изрази уверување дека мерките што ги презела Владата предводена од Христијан Мицкоски веќе даваат резултати.

Стојаноска се осврна и на периодот кога ВМРО-ДПМНЕ беше во опозиција и го критикуваше претходниот владин состав.

„Кога ВМРО-ДПМНЕ како опозиција ја критикувавме тогашната власт дека вештачки ги зголемуваа платите, кога ги предупредувавме на она покачување на минималната плата дека Македонија ќе ја направат држава на луѓе со минимални плати, тогаш тие одеа само со популистички мерки, сметајќи дека можеби на тој начин ќе го задржат столчето на власт, но видовме како катастрофално завршија. Затоа што од едната страна вештачки ги покачуваа платите на вработените, а од друга страна нормално дека инфлацијата растеше“, додаде Стојаноска.

Стојаноска ја истакна и независноста на синдикалните организации во Република Македонија.

Потрошувачката кошничка ја креираат Сојузот на синдикати на Македонија, не е тоа партиски извештај што ВМРО-ДПМНЕ го направила, посочи Стојаноска.

Таа сугерираше и на успешните мерки во контекст на економската политика, но и потребата за континуирано следење на истата. Стојаноска укажа и на важноста на дијалогот и соработката помеѓу различните актери.

Во време на владеењето на ВМРО-ДПМНЕ од неколку месеци веќе и двоцифрената инфлација падна на едноцифрена бројка. Одиме разумно, одиме пресметливо со сериозни анализи и средби со сите чинители кои се фактор во ова покачување, рече Стојаноска.

Стојаноска потенцираше дека сегашната Влада работи со јасна стратегија и планира да продолжи со активностите за подобрување на економската ситуација.

Се што е за добробит на граѓаните на Македонија ќе се преземе со широка дебата со сериозни луѓе“, кажа Стојаноска.

Изјавите на Стојаноска рефлектираат позитивен став кон иднината и подготвеноста за конструктивен ангажман во подобрување на економските услови во Македонија.

Економијата во државата ќе застане на стабилни нозе и повеќе нема да се зборува за тоа кој колку крадел, кој колку тендери наместил, кој каков процент зел, туку исклучиво посветено само за нашите граѓани“, заклучи Стојаноска.

The post Стојаноска: ВМРО-ДПМНЕ ги поставува основите за нова економска реалност appeared first on Република.

И Филипче, како претседател на СДСМ, во одбрана на изживувањето на Бугарија врз Македонија, коментира пратеничката Дафина Стојаноска по вчерашното интервју на Венко Филипче.

Христијан Мицкоски и Александар Николоски биле дрски, а Бојко му е најверојатно симпатичен во таквиот однос кон нас. Или заедничките фирми со Заев во Бугарија ги штитат македонските национални интереси?!?
СДСМ во одбрана на предавничките договори.
За среќа, народот на последните избори ја одбрани Македонија од понатамошно девастирање, порача таа.

The post Филипче во одбрана на изживувањето на Бугарија врз Македонија appeared first on Република.

На денешната расправа за ребаланс за буџетот за збор се јави и Дафина Стојаноска, според која, „овој ребаланс ќе биде развоен толку колу што овозможиле расипиниците кои го креирале“.

- Ова е ребаланс, а не буџет, ова е оставштина од вас. Со ова руинирано наследство ќе се снајдеме и веќе се снаоѓаме, ќе ги подмириме сите законски обврски, ќе инвестираме, ќе ги зголемиме линеарно пензиите и нема популистички да ги злоупотребуваме работниците и пезионерите. Ќе го пресметуваме најдомаќински секој денар пред да го потрошиме. Нема веќе договарање тендери во четири очи, недопирливи и над законите, затајување даноци. За само 30 дена се договорени три инвестиции, истакна пратеничката од ВМРО-ДПМНЕ.

Претходно, Митко Трајчулески од СДСМ рече дека со ребалансот не се предвидени средства за пораст на минималната плата, за плати на здравствените и просветните рабтници, за Армијата и полицијата. Како што нагласи, со ребалансот се суспендираат колективните договори и сите барања на синдикатите, а нема пари ниту за работниците и за нивните семејства.

Ова е трет ден од расправата за ребалансот на Буџетот.

The post Стојаноска: Овој ребаланс ќе биде развоен толку колу што овозможиле расипиниците кои го креирале appeared first on Република.

„За прв пат после 10 избори и реконструкции на влади во изминативе 7 години имам можност и чест да зборувам за предлог за Влада и нејзина програма. Одговорноста е една од најбитните компоненти за една личност, за еден народ, за една држава и особено за една власт. Одговорноста значи внимателност, посветеност, сериозност, професионалност, транспарентност, комуникативност, седнување на маса, слушање критики, прифаќање предлози”, истакна пратеничката Дафина Стојаноска на денешната собраниска седница.

Таа продолжи и додаде:

„Народот ни даде доверба и очекува од нас. Народот ја казни аздисаната власт на ДУИ и СДСМ, власт која владееше 7 години како картел и која ништо не реализираше освен што се збогати на сметка на лагите и воведе хаос во институциите, со недоверба во судството и исели нови илјадници граѓани од Македонија и што не направи “најпопуларни” по криминал и корупција”, рече Стојаноска.

Во однос на кадровските решенија таа посочи дека се професионалци.

„Што се однесува до кадровските решенија, Мицкоски избра играчи, смисли стратегија и поставува игра за која сите се екстремно подготвени. Тие се чесни, вредни и посветени. Доволно се компетентни и искусни”, потенцираше Стојаноска.

The post Стојаноска: Народот ја казни аздисаната власт на ДУИ и СДСМ, власт која владееше седум години како картел appeared first on Република.

The post Стојаноска: Одлуките кои ќе ги носи ВМРО-ДПМНЕ нема да бидат избрзани, туку мудро донесени во корист на граѓаните и затоа внимателно се бира кои ќе бидат носители на функции appeared first on Република.

Денес од Пештер, општина Јегуновце го упатувам последниот повик до сите граѓани на Република Македонија на коишто оваа влада им преседна со криминал и корупција, предавства, лошо образование, неквалитетно здравство, ниски плати и пензии, задутре да ја испратат во минатото и да остане запишана во неславната македонска историја, изјави Дафина Стојаноска, носител на изборна единица 6.

Задутре гласајте за бројот 2, за професорката Гордана Силјановска Давкова, за ВМРО-ДПМНЕ и коалицијата Твоја Македонија. Тоа се луѓето кои Македонија ќе ја направат повторно горда и повторно твоја, потенцира Стојаноска.

The post Стојаноска: Оваа власт заминува во историја, а Силјановска Давкова и ВМРО-ДПМНЕ со коалицијата ќе ја направат Македонија повторно горда и повторно твоја appeared first on Република.

Бројот два е да си ја зачуваме историјата и да ја градиме иднината за нашите деца, за горда Македонија и за твоја Македонија, изјави денеска Дафина Стојаноска, носител на Изборна единица 6.

Денес се навршуваат 121 година од смртта на македонскиот великан, Гоце Делчев.

Во тоа име ги повикувам сите граѓани на Република Македонија, кој што ја ценат жртвата на Гоце Делчев, на борците Народно Ослободителната Војна, да го одберат бројот два во чест на Гоце Делчев, на Јане Сандански, на Методија Андонов Ченто.

Бројот два е да си ја зачуваме историјата и да ја градиме иднината за нашите деца, за горда Македонија и за твоја Македонија.

https://www.youtube.com/watch?v=-KQ0jUaOn4s

The post Стојаноска: Во име на Гоце Делчев и борците од НОБ, ги повикувам сите граѓани да го одберат број 2 за да ја зачуваме историјата appeared first on Република.

На Стево и на Таче им се случи народ. Им се случи казна за нивната неработа и за нивното молчење пред криминалите на Али и Артан Груби. Затоа, од срце му честитам на Тетово за победата на 24 април и сум убедена дека на 8 мај ќе се случи уште повеќе народ и уште поголема победа за ВМРО-ДПМНЕ за коалицијата Твоја Македонија и за професорката Гордана Силјановска Давкова, изјави носителката од ВМРО-ДПМНЕ во изборната единица шест, Дафина Стојаноска на митингот во Тетово.

Таа истакна дека СДС и ДУИ 7 години наназад имаа слух само за себе и за своите, никогаш не го слушаа народот.

– Народот ви порачува дека сте му дојдени преку глава. Дека не може да ве трпи. Дека излезе да ве казни. Дека уште повеќе ќе ве казни. Дека заслужувате бетер. Дека ќе ви наплати за сите украдени пари, за сите иселени деца, за сите измалтретирани пензионери, за сите нерасчистени криминали, за сите недолжни жртви заради вашата негрижа и неодговорност, рече Стојаноска.

Стојаноска посочи дека додека ВМРО-ДПМНЕ жестоко критикуваше и предупредуваше за криминалите на ДУИ, додека Ковачевски се задоволуваше со некое ситно процентче што ќе му го доделеше Артан Груби, а народот плачеше и трпеливо го чекаше овој момент.

– Ќе ги казни народот на Македонија за сите солзи, за сите гладни и опљачкани, за сите потценети и навредени од нивната ароганција и алчност. Ќе ги казни, за сите буквално избркани од родните огништа, затоа што избегаа што подалеку од Али-Таче-Артан холдингот, затоа што им ги срушија темелите на домовите и на државата, ама им ги срушија и соништата. Илјадници млади деца се иселија, ама илјадници и милиони се испокрадоа, потенцираше Стојаноска.

Стојаноска нагласи дека време е за последниот и најсилен удар за ДУИ и СДС и ги повика тетовчани на обединување на 8 мај.

– На 8 ми мај народот доаѓа по своето. На 8 мај нема уценети и поткупени. Никој повеќе не им се плаши, ниту ги сака нивните гнасни пари. Нема повеќе сила, ниту пара, која ќе го сокрие криминалот на ДУИ и СДСМ. Време е за слобода и правда. Време е за нов претседател на Република Македонија и за нова влада, изјави Стојаноска.

The post Стојаноска: На Стево и на Таче им се случи народ, им се случи казна за нивната неработа и за нивното молчење пред криминалите на Али и Артан Груби appeared first on Република.

Мора да се обелоденат сите криминали и скандали и да бидеме гласни, а криминалот е тој што треба да биде замолчен, порача носителката на листата за 6 Изборна единица предводена од ВМРО ДПМНЕ, Дафина Стојаноска од народниот собир во Гостивар и од гостиварци побара, како што рече да се обединат и да го зададат последниот удар.

- Не смее да дозволиме малцинство од криминалци да владее со мнозинството. Мафијата стана синоним за ДУИ и за СДСМ. Мафијата царува, додека народот пати. Време е за победа над мафијата. Не им се плашете, казнете ги, порача Стојаноска во нејзиното обраќање.

Таа напомена дека обединувањето околу ВМРО ДПМНЕ е важно и да се гласа за бројот два за да нема, како што потенцира, изгубени гласови во 6-та изборна единица кои, како што рече, помагаат исклучиво за пратеник повеќе од ДУИ.

Стојаноска од гостиварци ја побара поддршката за Гордана Силјановска

- Гласајте за професорката Силјановска Давкова и за листата на ВМРО-ДПМНЕ и коалицијата „Твоја Македонија“. Бидете учесници во историската победа над криминалот и корупцијата, и да си ја вратиме Македонија во рацете на луѓето.

The post Стојаноска: Бидете учесници во историската победа над криминалот и корупцијата appeared first on Република.

„Подолго време наназад, уште пред почетокот на кампањата, се чувствува огромна позитивна енергија која на 24 април се излеа на гласачките места. И вечерва тука, ја чувствувам истата, многу посилно. Можам да кажам дека, заедно со вас, правиме револуција со пенкало. Оваа енергија нека го достигне својот врв на 8 мај. Мора да почнеме поинаку да функционираме и да не молчиме пред неправдите. Мора да се обелоденуваат сите криминали и скандали. Мора да бидеме гласни, за да не станеме невидливи. Криминалот е тој кој треба да биде замолчен. Доста е! Стигнавме до се’ поизвесната победа. Победа врз најкриминалната власт досега. Им благодарам на сите кои ни се приклучија, ни се приклучуваат и допрва ќе ни се придружат. Не смее да дозволиме малцинство од криминалци да владее со мнозинството. Мафијата стана синоним за ДУИ и за СДСМ. Мафијата царува, додека народот пати“, кажа носителот на листата за пратеници на ВМРО-ДПМНЕ во ИЕ6, Дафина Стојаноска и додаде:

Време е да ставиме крај на ова! Не дозволувајте да ве платат или заплашат. Ако ви нудат пари – тоа се ваши пари. Ако ви нудат многу пари – и тоа се ваши пари. Ако ви се закануваат – знајте дека после 8 мај ќе бидете заштитени од новата Влада која ќе ја формира ВМРО-ДПМНЕ. Затоа велам: сега или никогаш! Време е за победа над мафијата. Не им се плашете – казнете ги. Не бојкотирајте – реагирајте! Излезете масовно на гласање и да не дозволиме сценарија за некаква си политичка или финансиска криза. ДУИ и СДСМ најдобро „пливаат“ во време на кризи, додека народот го оставаат да се прпелка на суво. Не’ опљачкаа, не’ понижија и не’ изрезилија насекаде. Поставуваат замки кои, после поразот, треба да ги угушат промените кои народот со душа ги очекува.

Стојаноска повика мултиетнички Гостивар да се обедини околу ВМРО-ДПМНЕ и така сплотени да и го зададат последниот удар на оваа власт.

„Да го казниме Али! Да го казниме Артан Груби! Таче од поодамна е веќе небитен. Мултиетнички Гостивар да се обедини околу ВМРО-ДПМНЕ и така сплотени да и’ го зададеме последниот удар на оваа криминална власт. Прво, ајде сите заедно да гласаме за професорката Гордана Силјановска Давкова, најумната и најдостојната Македонка во моментов, и да бидеме горди со нејзините и нашите успеси, а не – „како до сега“ – со поразителниот лик на Водно кој го изгуби тлото под нозете, кој не’ нарекуваше стока, кој го направи Гоце Бугарин и кој помилува криминалци кои ги трујат нашите деца со дрога“, рече Стојаноска и додаде:

За парламентарните избори, јавно ве повикувам да гласате за бројот 2, за Миле, Дејан, Анета, Ердоган и за мене. Ние сме тие кои стоиме пред вас денес и ви ветуваме дека бројот 2 е за двојна победа над двојното криминално дуо. Бројот 2 е за 4 гласни и борбени пратеници. Пратеници кои никогаш нема да ве изневерат. Излезете на 8 мај и гласајте. Излезете и не го губете гласот за листите кои немаат доволно гласови за пратеник. Изгубените гласови во 6-та изборна единица помагаат исклучиво за пратеник повеќе од ДУИ. Да го испратиме Али во пензија. Доста му беше! Доста му беше уценување и заканување. Али, Груби, Заев и Таче веќе не смеат да ни се повторат. Вие, народот, ја имате историската улога и одлука овој пат. Ние и никој друг! Сега или никогаш!

Стојаноска го повика народот за поддршка на Гордана Силјановска Давкова и ВМРО-ДПМНЕ и коалицијата „Твоја Македонија“.

„Гласајте за професорката Силјановска Давкова и за листата на ВМРО-ДПМНЕ и коалицијата „Твоја Македонија“. Само овие луѓе носат промени. Само овие луѓе можат да ја направат Македонија твоја и горда. Бидете учесници во историската победа над криминалот и корупцијата, и да си ја вратиме Македонија во рацете на луѓето. Да бидеме пример и надеж за младите. Да бидеме храбри и одлучни, какви што се тие, и да им ја обезбедиме иднината тука – во Македонија, ослободена од канџите на мафијашите од ДУИ и СДСМ. Нивниот крај е наш заеднички почеток. Почеток за горда Македонија. Почеток за твоја Македонија. Промените се во твои раце. Број 2 – за двоен пораз над криминалот. Број 2 – за двојна победа на ВМРО-ДПМНЕ со коалицијата „Твоја Македонија“ и Гордана Силјановска Давкова“, кажа Стојаноска.

The post Стојаноска: Мултиетнички Гостивар да се обедини околу ВМРО-ДПМНЕ и така сплотени да и го зададеме последниот удар на оваа криминална власт appeared first on Република.

Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија.

Оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија. Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда, рече Дафина Стојаноска, носител на изборна единица 6

The post Стојаноска: Со платформата 1198 ќе имаме широк дијалог со синдикатите, жестока борба со корупцијата и економска трансформација appeared first on Република.

Носителката во Изборна единица 6 од редовите на ВМРО-ДПМНЕ, Дафина Стојаноска, во емисијата „Аргумент“ на 24ТВ истакна дека СДСМ е реалниот проблем на граѓаните.

Стојаноска потсети дека седум години актуелната власт ништо не направи за доброто на граѓаните и порача дека затоа по 8 мај ќе заминат во длабока опозиција.

Таква енергетска криза која што ја имаше Македонија немаше никаде во регионот. Македонија со такви ресурси, актуелната власт ја направи зависна од увоз на струја“, посочи Стојаноска говорејќи како актуелната власта не направи ништо за справување со енергетската криза туку ја продлабочија.

Стојаноска истакна дека е доцна веќе било што да се слуша од страна на актуелната власт бидејќи имаше доволно време, односно седум години за да покаже храброст и одлучност.

Таа додаде дека власта единствено служеше само за склучување на штетни договори, при што порача - „Аспирациите на ВМРО-ДПМНЕ се што поскоро Македонија да влезе во ЕУ, но не уценети и не условени“.

Очекувам уште поголема излезност на граѓаните на гласање и уште поголемо заокружување двапати на бројот 2“, истакна Стојаноска.

The post Стојаноска: СДСМ е реалниот проблем на граѓаните, таа влада служеше само за склучување штетни договори appeared first on Република.

„Рекордот од Брвеница посебно ме радува, затоа што докажува дека тука – во Брвеница нема никаков проблем со тоа што живеат различни националности, бидејќи сите тие направија избор со кој покажаа дека се задоволни од работата и посветеноста на градоначалникот Јовица, без разлика на неговата партиска или политичка определба. Јовица, ова треба исклучително да го цениш и негуваш, иако сум свесна и имам на дело видено дека токму со личен пример самиот не правеше никаква разлика спрема жителите и населените места. Градеше и помагаше подеднакво секому и секаде. Водеше кампања откако стана градоначалник, а неговото мото на кампањата е само работа, постојан контакт со жителите и покажување слух и внимание за нивните барања. Резултатот го видовме на 24-ти април. Резултатот ќе го видиме и на 8-ми мај“, истакна Дафина Стојаноска, носител на изборна единица 6 од митингот во Брвеница.

Стојаноска додаде дека на актуелнава аздисана власт и’ се случи народ. Не е свесна, кутрата, дека ќе и’ се случи уште повеќе народ. Бројноста и излезноста се пркос на нејзината неспособност и ароганција.

Сме немале понеспособни Влади од последните. Сме немале полоши претставници надвор од Македонија, од овие досегашните. Сме немале толку срам и понижувања видено и доживеано, колку што тоа ни се случуваше изминативе 7 години. Сите вредности ги испревртеа и срушија. Владееја само со моќ и надгласувања. Ги избркаа паметните, за да не слушаат нивни совети и критики. Завладеаја со просечност и потпросечност, со сомнителни дипломи, уште посомнителни тендери и со никаква одговорност. Институциите им служеа како приватни фирми, а министерствата ги претворија во спортски игралишта и игротеки. Аздисаа без мерка и усул. Ете затоа им се случи народ“, рече таа.

Да ве потсетам на програмата „Платформа 1198“ и на проектите кои се однесуваат за општина Брвеница, а тоа се: ново училиште во село Брвеница и доградба на градинката за згрижување на повеќе од 60 деца, спортска сала и градинка во Челопек. Проекти кои вие сте ги побарале, а ВМРО-ДПМНЕ ги пресмета и испланира за наредните 4 години“, истакна Стојаноска.

Таа укажа дека со ВМРО-ДПМНЕ пополека ќе ја врати насмевката на пензионерите, на кои во првата година ќе им ги зголеми пензиите за 5.000 денари.

Време е Македонија да се исправи и да ја започне обновата. Македонија станува твоја, а не заробеник на мафијата. Македонија станува европска, по почитување на закони и нивно имплементирање. Македонија станува светска, затоа што има богата историја и култура. Најважно, Македонија се враќа во рацете на луѓето и суверенот. За тоа ќе се погрижат идната претседателка Силјановска Давкова и идниот премиер Христијан Мицкоски, додаде Стојаноска.

The post Стојаноска: Во „Платформа 1198“ за Брвеница предвидуваме ново училиште во село Брвеница, доградба на градинката за згрижување на повеќе од 60 деца и спортска сала во Челопек appeared first on Република.

Носителот на листа од ВМРО-ДПМНЕ во шестата изборна единица, Дафина Стојаноска со младите од Гостивар организираше спортски настан во чест на, како што вели таа, уставобранителите,.

-Браќата кои гнијат во затвор 7 години, заради неправдата која им ја нанесоа луѓето кои ветуваа правда и мир. Неправдата на уставобранителите нека биде една од причините, заради кои треба да се казни актуелната власт. Време е за нивна правда и слобода! Време е Македонија да биде праведна кон сите луѓе! Време правдата да ја раздаваат чесни судии, а не политичари и корумпирани правораздавачи, истакна Стојаноска.

The post Стојаноска: Време е Македонија да биде праведна кон сите луѓе appeared first on Република.

Носителката на листа од коаилицијата Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.

Дафина Стојаноска истакна дека е време за целосно обединување на сите, без разлика на партиска, верска или национална определба.

-Раката на ВМРО -ДПМНЕ е подадена, време е ДУИ и СДС да заминат во опозиција, истакна Стојаноска.

Вчерашниот мини-митинг во старо Тетово – Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.

The post Стојаноска: Да се обединиме околу ВМРО-ДПМНЕ, за конечно ДУИ и СДСМ да ги испратиме во опозиција appeared first on Република.

Во вечерашното гостување во емисијата „Само Вистина“ на Канал 5 телевизија гостуваше носителката на ИЕ 6 од ВМРО-ДПМНЕ, Дафина Стојаноска, таа истакна дека народот се обединува околу еден кандидат за претседател кој достоинствено ќе не претставува.

„Ние подаваме рака и повикуваме на обединување. Како ВМРО-ДПМНЕ сме обвинувани за антиевропска, за албанофобна партија. Од вчерашните анкети што се направени од изборните резултати докази за нас дека имаат гласано и другите националности што значи дека не е пречка припадноста на друга националност па и на друга политичка партија туку дека народот се обединува околу тоа да имаме еден кандидат за претседател, да имаме претседател на држава кој достоинствено ќе не претставува и чија што една од десетте постулати на нејзината програма е претседател на сите граѓани“, истакна Стојаноска.

Таа додаде дека се презадоволни од она што народот го искажа пред два дена.

„Презадоволни сме од она што народот го искажа пред два дена. Народот конечно се охрабри, на народот не влијаеа сите притисоци од актуелната власт и сите начини кои умешно знаат да ги користат. Овој пат навистина чашата е прелеана. Им се заблагодарувам и честитам на тие што уште во првиот круг излегоа го кажаа својот глас дека повеќе не сакаат да функционира како досега, туку сакаат промени, сакаат нешто што ќе значи слобода, вистинска демократија и вистински европски вредности бидејќи сето ова досега беа само лажни европски вредности, злоупотреба на европско знаме и злоупотреба на вистинските европски вредности“, вели Стојаноска.

Во однос на изборната програма Платформа 1198, Стојаноска истакна дека програмата е изработена врз основа на барањата и предлозите од страна на граѓаните.

„Нашата изборна програма Платформа 1198 нуди исто толку проекти кои се изработени врз основа на барања и предлози кои стигнале од граѓаните со кои сме биле во постојан контакт изминатиов период. Преточени се преку партиски експерти, соодветните делови од програмата и конечно пресметани од експертите по финансии. Сето тоа што е сочинето во програмата е побарано од нас, ние тоа што го имаме во програмата го ветуваме. Видоа граѓаните во изминатите седум години кои што ветуваше и кои што беше во можност дали истото го реализира“, рече Стојаноска.

The post Стојаноска: Народот се обединува околу Силјановска Давкова и ВМРО-ДПМНЕ, се обврзуваме на Платформа 1198 која ќе донесе многу проекти, реформи и иднина за сите appeared first on Република.

Oд срце им се заблагодарувам на сите мои сограѓани и ги повикувам истото да го направат да го направат и во вториот круг, имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата Изборна единица, изјави денеска Дафина Стојаноска, носител на Изборна единица 6.

Во текот на вчерашниот ден направивме анализа од резултатите од првиот изборен ден на претседателските избори и истото покажува дека голем број на нашите сограѓани Албанци, Турци, Роми и Бошњаци го имаат дадено својот глас за нашиот претседателски кандидат Гордана Силјановска Давкова.

Во име на тоа, од срце им се заблагодарувам на сите мои сограѓани и ги повикувам истото да го направат да го направат и во вториот круг имено ВМРО-ДПМНЕ подава рака кон сите, време е, момент е да се обединиме сите околу тоа повеќе да не функционираме како до сега, туку да вложиме да инвестираме во вистинска слобода, вистинска благосостојба и вистински соживот особено за нас особено во шестата изборна единица. Време е заедно да се спротивставиме на криминалот и Македонија да ја направиме своја и горда, истакна Стојаноска.

The post Стојаноска: Време е да се обединиме и повеќе да не функционираме како до сега, туку да вложиме и да инвестираме во вистинска слобода, благосостојба и соживот appeared first on Република.

Од победничко Јегуновце, најпрво се заблагодарувам и им честитам на сите граѓани на Република Македонија, особено на тие од изборната единица шест, затоа што вчера ја направија Македонија горда, рече денеска Дафина Стојаноска, носител на изборна единица 6 за ВМРО-ДПМНЕ.

Вчерашниот датум, 24 април, оваа криминална власт го доби жолтиот картон, а црвениот и следува на 8 мај.

Денес продолжуваме со стисок на рака повеќе и барање на глас повеќе, заедно да се обединиме против криминалот.

Ова политичко зло да го испратиме во пензија и Македонија повторно да ја направиме твоја и повторно горда, порача Стојаноска.

The post Стојаноска: Оваа криминална власт вчера го доби жолтиот картон, а црвениот и следува на 8 мај appeared first on Република.