Најмногу ме загрижува тоа што се случува во регионот со големата кашлица, нешто што го има во соседните земји неминовно е да дојде и кај нас, вели микробиологот, професор Никола Пановски во разговор за „Телма“. Вели дека во Србија, па дури и во Хрватска како членка на Европската Унија, до тој степен е навлезено антиваксерството, што ни Македонија не би можело да се рече дека е далеку од тоа, без оглед што деновиве расте бројот на оние кои се вакцинираат. Доказ за тоа, според Пановски, се некои само навидум урбани општини и епидемијата со морбили која не беше така одамна и која може пак да се случи.

Гледав резултати во Шуто Оризари, скопска општина немаше ниту еден случај на морбили, кога беше епидемијата. Зошто? Затоа што е најголем степен на вакцинација во Македонија. Порачувам баш од ова место, општина Центар и општината во која живеам Карпош, големите интелектуалци под наводници да се огледаат на своите сограѓани од Шуто Оризари. Посебна порака до кумановците и струмичаните кои имаат најнизок степен во Македонија, зборам на републичко ниво, а поздрав до прилепчани кои имаат единствено заедно со Кочани кои имаат 98% имунизација, значи 3% над она што го бараме за имунизација. Самиот факт дека во Шуто Оризари каде најмногу може да се пренесува болеста, заради начинот на живеење и субстандардни услови, голем број на деца ја примија вакцината за морбили, се надевам и за црната кашлица постигнала успех, нека им служи на овие „големите“ интелектуалци, некои доктори на науки итн, што расправаат прикаски и нека се погледнат во огледало, вели Пановски.

Важно е родителите да бидат свесни дека и кога ќе ги вакцинираат своите деца и ќе ја добијат потврдата со која може да посетуваат градинка веднаш да не ги носат во градинка.

И како што беше со Ковидот, што медицински е неоправдано, го вакцинираме денеска и истиот ден му даваме потврда што е глупост. Тој не е заштитен, никој не е заштитен после боцкањето. За некоја болест треба месец, два, најмалку три недели за да стекне имунитет. Значи сега ќе го боцнеме и ќе го пуштиме во градинка, а ниту треба да го примат таму, треба да помине време за бебето или детето да добие имунитет, вели д-р Пановски.

The post Д-р Пановски: Големите „интелектуалци“ од Центар и Карпош да се угледаат на Шуто Оризари за вакцинацијата appeared first on Република.

Основното јавно обвинителство Скопје до надлежниот суд поднесе Предлог за издавање казнен налог против едно физичко и едно правно лице, кои се обвинети за три кривични дела – Злоупотреба на лични податоци од член 149 од Кривичниот законик.

Како што соопштуваат од ОЈО, обвинетиот 34-годишник, како одговорно лице во правното лице, во периодот од ноември 2022 до април 2023 година, спротивно на условите утврдени во член 10 и член 96 од Законот за заштита на лични податоци, без согласност на тројца оштетени лекари, ги користел нивните лични податоци – слика, име и презиме за он-лајн продажба на два производа.

Личните податоци на секој од оштетените лекари биле злоупотребени како тие со својот професионален авторитет да ги рекламираат и препорачуваат чаевите Паразол (Parazol) и Хипертеа (Hypertea), кои на територијата на државава ги увезувало и дистрибуирало обвинетото правно лице. Лажните интервјуа и постови, преземани и споделувани на повеќе веб страници и социјални мрежи, со здравствени тврдења и лажни медицински препораки за овие производи кои оштетените никогаш не ги дале, обвинетиот ги искористил за незаконита обработка на личните податоци и директен маркетинг, велат од ОЈО.

Надлежниот јавен обвинител му предложи на Судот да ги огласи за виновни и одговорното лице да го казни со единствена парична казна од 70 дневни глоби со висина на дневната глоба од 30 евра во денарска противвредност, а правното лице да го казни со единствена казна од 300.000 денари.

Согласно предлогот на обвинителството, обвинетите по пресудата ќе треба да ги надоместат трошоците на постапката, а секој од оштетените лекари ќе има можност во граѓанска постапка да си го оствари своето имотно-правно побарување за нанесената штета со злоупотребата на личните податоци.

The post 2.100 евра казна за скопјанецот што ги користеше докторите за лажни реклами appeared first on Република.

Врвниот микробиолог, д-р Никола Пановски, во гостување на Канал 5, изјави дека скандалот на Онкологија нанесува голема штета на македонското здравство, а граѓаните ја загубија довербата, која може да се поврати само ако целосно се расветли случајот и има одговорност.

МВР и ОЈО требаше порано да влезат на онкологија бидејќи подолг период има информации за злоупотреби за кои известуваа и дел од медиумите. Има елементи кои укажуваат дека повеќе лица биле вмешани во скандалот. Тоа не би било возможно без знаење на надлежните на клиниката, финансии и сметководство, смета д-р Пановски.

Според него, лошата ситуација во македонското здравство е резултат, пред сè, на партизацијата.

Партиското поставување директори на клиники е сериозен проблем и дополнително придонесува за ваквите лоши состојби. Се поставуваат целосно несоодветни кадри, со несоодветни струки за директори на клиники. Потребен е целосен ремонт и департизација, но притоа мора да се има предвид дека тоа нема да биде возможно без жртви, вели д-р Пановски.

The post Пановски: МВР и ОЈО требаше одамна да влезат во Онкологија appeared first on Република.

Доколку детето нема симптоми на инфекција или болест, а со брис од нос и грло се пронајде бактерија, не треба да прима антибиотик, објаснува проф. д-р Никола Пановски, микробиолог од Институтот за микробиологија за „Деца.мк“.

Има само една ситуација, дополнува професорот, кога во ваков случај детето треба да прима антибиотик.

 Ако детето не е болно, не се дава антибиотик. Никако. Има само еден случај кога може да се препише. Тоа се прави ако се најде стрептококус пиогенес или бета хемолитичен стрептокок од групата А, а детето е склоно кон инфекции од него, или има други лица во околината склони кон инфекции. Но, оваа бактерија ретко се наоѓа кај деца до 3 години. Во ниту еден друг случај не се дава антибиотик, објаснува проф. Пановски.

The post Д-р Пановски: Само во еден случај на детето му се даваат антибиотици доколку има бактерија appeared first on Република.

Претседателот на Алијанса на Албанците, Арбен Таравари на социјалните мрежи објави предупредување до јавноста дека негова слика е злоупотребена и ставена на препарат за слабеење.

Таравари, од институциите побара да спроведат истрага за случајот.

„Како лекар, длабоко сум загрижен за ширењето лажна реклама во мое име за производ за слабеење, за којшто се тврди дека придонесува за губење на телесната тежина.

„Ги повикувам луѓето да бидат исклучително внимателни кога наидуваат на вакви содржини, коишто во дадени околности дури може да предизвикаат и големи штети по нивната здравствена состојба.

Мој приоритет отсекогаш бил грижа за здравјето и благосостојбата на граѓаните. Сите граѓани треба да имаат пристап до точни и веродостојни информации кога станува збор за нивното здравје и благосостојба.

Ги повикувам институциите да преземат мерки против ваквите лажни реклами коишто не само што можат да ги доведат потрошувачите во заблуда, туку и да предизвикаат сериозни здравствени ризици“, напиша познатиот доктор и политичар на својот фејсбук профил.

Во корона кризата кога микробиологот Никола Пановски ја доби довербата на народот со тоа што одлучи да ја следи Хипократовата заклетва и му служи на јавното здравје и тој стана жртва на ваквите реклами. Микробилогот на својот профил на фејсбук објави дека е жртва на интернет реклама и демантира дека рекламира чај за паразити, лек или лековито средство.

Еве и мене ми дојде редот. Се видов со слика и текст. И до сега сум реагирал за да ги заштитам моите колеги. Група хохштаплери и криминалци од најдолен вид, со години, преку социјалните мрежи злоупотребуваат угледни доктори, професори, дел постојат, дел се измислени. Неовластено користат нивни фотографии, нивното име и титула, постираат нешто што тие не го кажале, па потоа продолжуваат со измислени пациенти, како тоа средство им помогнало итн. На крајот производот го продаваат онлајн, за висока цена. Неовластено се богатат злоупотребувајќи го нашиот углед стекнат со децении. Јавно лажат!, апелираше д-р Пановски, кој беше револтиран од институциите во држвата што со години не преземаат ништо против лажните реклами во интернет просторот.

The post Кој ги користи популарните лекари за профит: Ликот на д-р Таравари злоупотребен како и ликот на д-р Пановски appeared first on Република.

По двегодинишен прекин на работата поради корона кризата, од септември минатата година повторно почна со работата Комисијата за унапредување на правата на пациентите формирана од Град Скопје. Секој пациент кој смета дека му е прекршено одредено право, може да се обрати кај Комисијата, рече на денешната прес-конференција претседателот на Комисијата, д-р Никола Пановски.

Секој граѓанин може да ја исконтактира Комисијата преку веб страницата на Град Скопје, каде има поставено линк со логото на Комисијата и на линкот има меил, формулар и телефонски број.

Инаку, оваа Комисија е формирана во 2011 година и беше составена од девет члена. Надлежности на оваа Комисија, како што посочи д-р Пановски, се во делот на унапредување на правата на пациентите и нивна заштита, разгледување на поплаки, предлагање мерки за подобрување на заштита на правата на пациентите од надлежните органи, подготвување и издавање извештај за заштита на правата на пациентите што ќе биде на дневен ред на 23 февруари, но и издавање информации. Во моментов, Комисијата е составена од 11 члена.

Пановски напомена дека ќе имаат соработка со комисиите од општините, но како што потенцираше, половина од општините во државата уште немаат комисии. Тој додаде дека имаат амбициозна програма, а во блиска иднина планираат средба во Министерството за здравство.

Тој рече дека секој граѓанин може да се обрати до Комисијата, а разговараат и со здруженијата на пациентите за тие да им укажат на пациентите да се обратат и да поднесат претставки доколку им се нарушени правата.

Незгодно е да ја одбиете поплаката на жител кој не е од Скопје, тука постои таа дилема, најверојатно би го упатиле до соодветната општина, но доколку на пример станува збор за студент од друга општина кој живее во Скопје, би го разгледале неговото барање. Што се однесува до претставки, те што ги имавме ги одговоривме, не беа директно, беа повеќе совети или прашања од пациентите каде да се обратат, рече д-р Пановски.

Претседателот на Здружението на бубрежно болни граѓани „Нефрон“, Душко Ѓорѓиев кој беше претседател на Комисијата од 2019 година, рече дека од самото формирање на Комисијата сите претставки биле разгледани и биле решени. Како што рече, ниту еден пациент не излегол незадоволен.

Од самото формирање на Комисијата направивме промоција за да се доближиме до пациентите и да им се укаже на можноста на кој начин да се обратат. Се обративме до здруженијата да ги сублимираат своите проблеми, и решавајќи проблем кој ја тишти одредена целна група, практично решаваме проблеми на самите пациенти. Имавме доволно претставки во моите два мандати. Сите беа разгледани, се разговараше таму каде Комисија беше во дилема дали крешењето на право се однесува на одредена специјалност. Но, секаде каде ќе видиме дека има кршење на правото на пациентите ние ќе реагираме, додаде Ѓорѓиев.

The post Секој пациент кој смета дека му е прекршено право, да се обрати кај Комисијата, порача д-р Пановски appeared first on Република.

И покрај тоа што практично не постојат мерки за заштита, состојбата кај нас и во светот е релативно стабилна, вели во разговор за „Локално“ д-р Никола Пановски, микробиолог и поранешен директор на Фондот за здравство околу ситуацијата со коронавирусот.

За сојот ХBB 1.5, попознат како Кракен, кој е подвид на сојот Омикрон, Пановски вели дека ќе го зголеми бројот на нови случаи.

Тој е најпренослив коронавирус познат досега. За среќа, изгледа дека не е поопасен. Затоа, постарите и оние со коморбидитети треба да избегнуваат гужви, да носат маски во продавници, банки, автобуси, помладите и здравите да живеат нормално, а ако имаат респираторна инфекција, било каква, да се изолираат пет дена, апелира тој.

Пановски најави и подобар зимски период за земјава во однос на коронавирусот, во споредба со ланската година ова време.

Се очекува да имаме зима полесна од претходните две, слична на оние години кога имало посериозни инфекции со грип, сега со корона, грип и други вируси заедно, под услов вирусите на грип да не бидат многу вирулентни, а за сега не се, укажува микробиологот.

Засега не е регистриран случај на новиот сој во Македонија.

The post Д-р Пановски: Кракен е најпренослив сој досега, но изгледа не е поопасен appeared first on Република.

Професорот Никола Пановски им порача на заболените од ковид-19 повеќе да не трошат пари за тестирања, бидејќи тоа повеќе не е потребно.

Микробиологот вели дека во моментов бројот на заболени е 10 пати поголем од официјалната статистика, а многу од младите не ни знаат дека биле заразени.

Нема потреба граѓаните сами да се тестираат и да прават трошоци, туку да се изолираат неколку дена. Нема никаков ефект освен финансиска загуба од тестирање, иако е точно дека некои бараат изолација за да добијат боледување. Кога би бирал меѓу ковид и ангина, сега би одбрал ковид. Така да мислам дека тестирањето не значи ништо, рече Пановски за телевизија Сител.

Тој се согласува со Комисијата за заразни болести, дека не треба да се враќаат дел од задолжителните мерки и дека граѓаните се веќе свесни за сопствената заштита.

Гледам дека некои луѓе носат маски, што не беше случај пред три недели. Болниците се се уште празни и нема нешто што треба да се одложува. Што ако го одложиме две недели, прашува Пановски.

The post Д-р Пановски: Меѓу ковид и ангина сега попрво би избрал ковид appeared first on Република.

Епидемиолошката сосотојба во земјата е стабилна, со континуран пад на бројот на новозаразени, хоспитализирани и починати, вели во разговор за „Локално“, проф.др. Никола Пановски. Според него следен чекор кој бил треба да биде превземен од надлежните би требало да биде комплетно укинување на сертификатите и незадолжително носење маски во училиштата.

Според мене веќе требаше да бидат олеснети овие две мерки. Сертификатите прво, тие според мене се неетички уште кога се донесоа. Имено, забрануваат слободно движење на здрави луѓе. При епидемија треба да се забрани движење на болни. Второ, нивна цел е да ги натераат на присилна вакцинација лицата со вакцина кој е доброволна и за која самите присилно натерани лица наведуваат пред да ја примат, дека ја примаат доброволно и на сопствен ризик. Сосема неетички, и правно прилично сомнително. Трето, нивната цел била да се заштитат вакцинираните од невакицинираните!!! Поголема антикампања за вакцините не сум сретнал. Значи толку се добри вакцините, што вакцинираниот се плаши од невакцинираниот да не го зарази. Четврто, откога се виде дека и вакцинираните и невакцинирати и прележаните го шират вирусот подеднакво, особено кога се појави омикронот, образложението се измени. Сега е, да го заштитиме здравјето на невакцинираните, да не се инфицираат. Зошто да не се инфицираат, ако се млади, здрави, веќе прележани, со антитела итн. Не го пуштаме Новак Ѓоковиќ во Австралија да не ги зарази Австралијанците сега се промени во не го пуштаме за да го заштитиме од зараза. Ете со вакви невидени небулози се уште се расправаме, објаснува микробиологот.

The post Д-р Пановски: Сертификатите и маските за учениците веќе требаше да се укинати appeared first on Република.

По појавата на омикрон варијантата во Македонија евидентно е зголемување на бројот на реинфекции, односно повторно заразување со вирусот, особено поради фактот што станува збор за многу повирулентен сој кој го заобиколува имунитетот кај луѓето стекнат или по природен пат, со прележување на болеста или пак имунитетот од вакцинацијата против ковид. Само во последната недела од јануари Институтот за јавно здравје известува за 1.558 пријавени реинфекции, скоро идентично во однос на неделата претходно. Што се однесува пак од почетокот на епидемијата на корона вирусот, во земјава се регистрирани 6.494 реинфекции од кои 17 се втори реинфекции, што значи дека едно лице и по трет пат е заразено со вирусот.

Во однос на тоа зошто некои луѓе се заразуваат по неколку пати со корона вирусот, „Фактор“ поразговара со професорот Никола Пановски.

Станува збор за сосема различни соеви на вирусот и тие са главната причина што некој поединец може повторно и повторно да се зарази. Токму затоа и вакцините на почетокот имаа ефикасност од над 90 проценти, а со секоја појава на нова варијанта нивната ефикасност опаѓа. Кога заборуваме за омикрон видот, вакцините едвај штитат 30 отсто, појаснува познатиот микробиолог.

Многу поважен момент според Пановски е тоа што огромен број од луѓето кои прележале ковид и повторно се заразени не завршуваат во болница и не го оптоваруваат здравствениот систем на тој начин.

The post Пановски обајсни зошто толкав број на луѓе заболуваат по вторпат appeared first on Република.

Вакцините на почетокот имаа ефикасност од над 90 проценти, но со секоја појава на нова варијанта на коронавирусот, ефикасноста на вакцините опаѓа, вели микробиологот Никола Пановски за Фактор.

Се појавија сосема различно соеви на коронавирусот и токму тие се главната причина поради што поединци повторно се заразуваат иако веќе еднаш ја прележале болеста. И вакцините на почетокот имаа ефикасност од над 90 проценти, а сега, со секоја појава на нова варијанта, нивната ефикасност опаѓа. За сојот омикрон, на пример, вакцините едвај штитат 30 проценти. Сепак, важен момент е тоа што огромен број од луѓето кои прележале корона и сега повторно се заразени, не завршуваат во болница и не го оптоваруваат здравствениот систем. Тоа е така затоа што многу посилен имунитет стекнуваат луѓето кои веќе еднаш го прележале вирусот, отколку оние кои само се вакцинирани, а никогаш не се заразиле – објаснува д-р Пановски.

Тој додава дека само вакциналниот имунитет не е доволен.

За жал, кај нас „некои глави“ тврдат дека вакциналниот имунитет е подобар, што според мене е трагикомично. Според науката, супер имунитет имаат луѓето кои прво биле заразени, а потоа се вакцинирале. На толку многу мутации, особено со омикрон, само прележаноста едноставно „не важи“, особено за луѓето кои се заразиле во 2020 година или лани пролетта. Изминат е долг период, а со текот на времето имунитетот опаѓа. Овој сој ги заразува сите, но многу е важно што оние кои претходно биле болни, а потоа и се вакцинирале, ќе поминат многу полесно – посочува д-р Пановски за Фактор.

The post Проф. д-р Пановски: Реинфицираните со омикрон стекнуваат најсилен имунитет appeared first on Република.

Новиот министер за здравство Беким Сали јавно преку социјалните мрежи ги покани докторите Драган Даниловски, Никола Пановски и Вело Марковски да бидат дел од новата Комисија за заразни болести,а доколку не можат да бидат дел од Комисијата, Сали им предлага да станат дел од неговиот тим на советници.

Пановски строго му возврати на Министерот за здравство, Беким Сали, дека никогаш нема да биде дел од негова Комисија, а воедно упати и бесплатен совет.

Прво да ги тргнат сертификатите, па потоа да се разговара за комисија од која никогаш нема да бидам. Ова е мој бесплатен совет. Официјален советник на министер не би бил. Никогаш нема да сме доволно вакцинирани, и вакцинирани шират болест така да вакцини не ни штитат. Од тука не гледам потреба од сетрификатите. Против сум сертификати тоа е срам на 21 век, одговoри Пановски во утринско гостување во емисијата „Здраво Македонијо“.

The post Д-р Пановски: Сертификатите се срам на 21-от век appeared first on Република.

Пандемијата не е толку страшна, ако не живеете во Македонија, смета микробиологот д-р Никола Пановски, кој во гостувањето кај Жарко Димитриоски во „Еден на Еден“, ја спореди смртноста во светот со онаа кај нас.

Смртноста во светот деновиве премина 5,5 милиони смртни случаи. Кога светот би бил како Македонија ќе беа 33 милиони умрени. Значи, пандемијата не е толку страшна, ако не живеете во Македонија, рече Пановски, посочувајќи дека смртноста во Македонија шест пати повисока.

Пановски го коментираше и работењето на поранешниот министер за здравство Венко Филипче во време на пандемија, што да очекуваме во следниот период со коронавирусот, сертификатите, но се осврна и на поопуштени теми како случајот Ѓоковиќ/Австралија Опен, возењето на велосипед, приватниот живот...

https://youtu.be/6-rnpueTAQg

The post Д-р Пановски: Пандемијата не е толку страшна, ако не живеете во Македонија appeared first on Република.

Детската амбасада Меѓаши, микробиологот д-р Никола Пановски и доктор Злате Мехмедовиќ бараат да се преиспита одлуката за почеток на второто полугодие со физичко присуство. Тие на дебата организирана од детската амбасада дискутирале за одлуката на Владата за претстојниот почеток на второто полугодие.

Експертите се против владината одлука второто полугодие да почне на 1 февруари со физичко присуство. Според експертите и понатаму децата треба носат маски во училниците. Тие додаваат дека сите светски истражувања покажувале дека маската не влијае врз здравјето на децата.

Веројатно најдобро ќе беше да се почне со онлајн од 1-ви февруари во наредните две недели, а понатаму да се дискутира откако ќе видиме како ќе се одвива епидемиолошката состојба, смета д-р Мехмедовиќ.

Микробиологот Пановски, пак, смета дека е добро одложувањето на второто полугодие и дека добро е на почетокот и помалите ученици да носат маски кои се подисциплинирани, меѓутоа кога ќе затопли, контролирано треба сите да се заразат.

The post Д-р Пановски: Кога ќе затопли, контролирано треба сите деца да се заразат appeared first on Република.

Д-р Никола Пановски вели дека омикрон варијантата тешко дека некој ќе ја избегне, но болеста полесно поминува кај оние кои веќе прележале ковид и кои се вакцинирале против корона вирусот.

Во гостувањето во емисијата Студио 10 на ТВ 24, професорот посочува дека дури една третина од тестирањата се асимптоматски случаи.

Бројот на денови за изолација треба да биде 7 дена, многу малку ќе придонесеме за ширење на болеста, и најважно е тоа што болеста кај прележаните и вакцинираните полесно поминува. Доколку некој праша дали ќе биде заштитен од омикрон тоа е многу тешко бидејќи сите ќе го прележиме. Некој на нога ќе го помине, особено што според податоците на Институтот за јавно здрвје покажуваат дека 30 проценти од тестираните досега се асимптоматски случаи. Замислете колку луѓе има кои што одат на работа, не се тестираат и се позтивни. И ако го промениме прагот на излоација, тогаш треба да се затворат сите установи, појаснува професорот Пановски.

Според него делта варијантата се уште доминира во Македонија, бидејчи, како што вели, стапката на смртност поради компликации од ковид во Македонија е високо на врвот во светски рамки.

-Делта доминира. Останува дека нашата смртност е далеку прва во светот. Тука има влијание вакцината, начинот на лекување. Процентот на починати, пред се заради протоколи и правилно лекување и стекнатите искуства се гледа дека се намалува во светот. Моментално имаме четири милиони дневно заразени. Кривата оди нагоре. Имаме околу 10.000 смртни случаи на ден. Процентот на починати во светот е помал. Мислам дека се заштитени оние кои се прележани во пеиридот ноември декември и ако примиле во истиот период трета доза, нагласи професорот.

The post Д-р Пановски: Смртоноста од ковид во болниците во Македонија е далеку прва во светот appeared first on Република.

Докторот Никола Пановски смета дека не треба да се изнесуваат само лоши страни од КОВИД-19 туку и некои охрабрувачки зборови за да не се доведе со зголемена депресиja.

Делта сојот не замина. Се надевам дека овие 26 од вчера се делта сојот. Делта сојот доминира, а нашата смртност е недалеку од онаа во светот. Смртноста е помала во однос на заразеност. Заради правилно лекување смртноста се намалува. Колку што се заразуваат доклу и оздравуваат. Заштитени се оние што прележале делта сој и што се вакцинирани со трета доза. Најбитно е колку од тие ревакцинирани и смртни случаи се од тие вакцинирани. Претседателот на светската здраствена организација не кажува ништо добро, ништо охрабрувачко, а тоа води во депресија - изјави Никола Пановски во емисијата Студио 10.

The post Пановски: Заштитени се оние што прележале делта сој и што се вакцинирани со 3-та доза appeared first on Република.

Либералдемократската партија предлага во Комисијата за зарани болести да членуваат д-р Никола Пановски и д-р Драган Даниловски, двајцата лекари кои неуморно во текот на последниве две години од почетокот на пандемијата алармираат и споделуваат совети и препораки за граѓаните и совреме предупредуваат на епидемиолошката состојба во земјава, објави Нова ТВ.

Во ЛДП велат дека ако денеска на владината седница стане збор за новиот состав на Комисијата за заразни болести тие ќе ги достават своите предлози, но исто така ќе го информираат и новиот министер за здравство Беким Сали за нивниот предлог.

Во Комисијата за заразни болести треба да членуваат стручњаци кои недвосмислено ќе можат да се носат со сите предизвици на ковид пандемијата и да предлагаат мерки за заштита на населението од заразни болести поттикнати пред се од епидемиолошката состојба во земјава, а не од какви било политички влијанија или калкулации, порачуваат од ЛДП.

The post ЛДП предлага д-р Пановски и д-р Даниловски да влезат во Комисијата за заразни болести appeared first on Република.