Новото раководство на Клиниката за онкологија на чело со проф.д-р Игор Стојковски воведе двосменско работење во дневната болница. Целта е намалување на гужвите во дневната болница што беше мапирано како еден од најгорливите проблеми, како и подостоинствен третман на оваа вулнерабилна група пациенти во оваа институција каде се третираат најлолем број од малигните заболувања и единствена на терциерно здравство од овој вид.

Пациентите до 20 часот во втора смена отсега ќе може да ја добијат оваа здравствена услуга во дневната болница.

Инаку, Клиниката за онкологија активно учествува во активностите за отворање онколошко одделение и обезбедување терапија за пациентите со малигни заболувања во ГОБ „8 Септември, каде се очекува амбулантно поликлничката дејност во областа на онкологија да профункционира за неколку недели, а целта е дисперзирање на терапијата и растоварување на работата на Клиниката за онкологија.

The post Новото раководство воведе двосменско работење во дневната болница на Клиниката за онкологија appeared first on Република.

Онколошки конзилиум, составен од лекари специјалисти онколози ќе продолжи да функционира и конзилијарно ќе одлучуваме за терапијата. Сметам дека за сите пациентки кај кои ќе биде индицирано ќе ја добиваат соодветната и потребната терапија, изјави денеска проф. д-р Игор Стојковски, новоназначениот директор на Универзитетската клиника за онкологија.

Денеска во посета на Клиниката беше министерот за здравство Арбен Таравари. Д-р Стојковски одговари на новинарско прашање дали во иднина ќе продолжи да функционира советот од 12 лекари кој ќе одлучуваат за терапиите и дали во иднина ќе има дополнителна контрола за терапијата, со цел да не се крати на биолошката терапија која дава најдобри резултати и сите да добијат терапија каква заслужуваат.

The post Советот од 12 лекари ќе продолжи да функционира, конзилијарно ќе одлучуваме за терапијата на пациентите, најави директорот на Онкоогија д-р Стојковски appeared first on Република.

Д-р Игор Стојковски од денеска е назначен за директор на Универзитетската клиника за радиотерапија и онкологија во Скопје.

Доктор Стојковски е шеф на отсек на Одделението за малигни тумори на ЦНС, коскени тумор и кожа на Клиниката за онкологија. На оваа функција е од 2013 година, а претходно работел како шеф на отсек на Одделението за малигни тумори на главата и на вратот.

Од 1997 до 1998 година работи како лекар – волонтер на Универзитетската клиника за радиотерапија и онкологија во Скопје, а од 2000 до 2004 година како лекар на специјализација на оваа Клиника. Од 2018 до 2023 година бил доцент на Катедрата за онкологија со радиотерапија при Медицинскиот факултет во Скопје ,а од 2023 година е вонреден професор на овој факултет.

На почетокот на септември минатата година, беа извршени претреси на оваа Клиника и во два приватни стана по објавите во медиумите за злоупотреба на биолошката терапија за пациентите. Беа одземени компјутери и документација, а почна и истрага на Обвинителството. Во Собранието беше формирана и анкетна комисија со цел да се утврди одговорност, но таа заврши без офоцијални заклучоци. По случајот на Онкологија, на оваа Клиника за в.д. медицинскиот директор беше назначена Виолета Клисаровска.

The post Игор Стојковски е новиот директор на Клиниката за онкологија appeared first on Република.