Д-р Игор Г. Николов утринава одржал конструктивна средба со д-р Димитар Ангелески, директор на Медицинскиот симулациски центар во Скопје. На средбата се разговарало за идните планови за развој на оваа оваа установа, која е исклучително важна.

Како што објави на својот профил на социјалните мрежи д-р Николов, Медицинскиот симулациски центар во Скопје е особено важен во делот од процесот за стекнување практични вештини, неопходни за стекнување на називот доктор на медицина, потоа за процесот на полагање на практичниот дел од стручниот испит и дел од процесот на стекнување практични вештини за стекнување стручно звање специјалист и супспецијалист и тн кои задолжително се изведуваат во Медицинскиот симулациски центар.

Убеден сум дека под водство на д-р Димитар, ќе бележи напредок,развој и надградба оваа установа која се основа како установа согласно Законот за установи и тоа со удели - Министерство за здравство, Универзитетот ,,Св.Кирил и Методиј"-Скопје, Медицински факултет при Универзитет "Гоце Делчев" во Штип, Државниот универзитет во Тетово и Лекарската комора на Македонија, објави д-р Николов.

The post Д-р Николов во посета на Медицинскиот имулациски центар во Скопје appeared first on Република.

Радиолошките технолози се дефицитарен кадар во сите здравствени системи во регионот. Задржувањето на овие кадри во здравствениот систем е она за кое што сите се стремиме, порача проф. д-р Игор Николов, советник за здравство на премиерот Христијан Мицкоски на 11-иот Конгрес на Здружението на радиолошки технолози на Македонија (ЗРТМ).

Имав чест да го отворам 11-тиот Конгрес на радиолошки технолози на Македонија со меѓународно учество. Радиолошките технолози се дефицитарен кадар во сите здравствени системи во регионот. Заради тоа инвестициите во преносот на знаење размени на искуства треба да бидат приоритет на сите. Задржувањето на овие кадри во здравствениот систем е она за кое што сите се стремиме. Час поскоро се потребни постдипломски студии за оваа група на здравствени работници, рече Николов.

За Зоран Бајовски, претседател на Здружението на радиолошки технолози на Македонија,на Конгресот учествуваат околу 220 медицински лица од медицински центри заради радиодиагностика, радиотерапија и нуклеарна медицина од Македонија, Хрватска, Србија, Босна и Херцеговина, Словенија, Република Српска и Романија.

Овие два дена ќе ги презентираме технолошките достигнувања во регионот. Ќе има предавања од областа на планирањето и спроведувањето на зрачен термин, MRI CT дијагностика, ангиографија и CT-Pet дијагностика, рече Бајовски.

Дамир Циприќ, претседател на Друштвото на радиолошки технолози од Хрватска, објасни дека Хрватска го применува европскиот модел на образование и дека Хрватското здружение стои на располагање за прилагодување на македонскиот образовен систем.

Ова го поткрепува и фактот што првата официјална посета на премиерот Мицкоски е на хрватскиот колега, каде е потпишан Меморандум за соработка во областа на образованието. Политичарите го направија своето, останува да го имплементираме, рече Циприќ.

На Конгресот ќе се организира и донаторска вечер, поддржана од Винарија Тиквеш. Собраните средства ќе бидат донирани на Универзитетска клиника за детски болести, оддел Онкологија, Скопје.

Здружението на радиолошки технолози на Македонија (ЗРТМ) е член на европското здружение EFRS и европското здружение во радиотерапија ESTRO school.

The post Мора да ги задржиме радиолошките технолози, тие се дефицитарен кадар во сите здравствени системи во регионот, изјави д-р Игор Николов на Конгресот на здружението во Охрид appeared first on Република.

На покана на Здружението „Раст“, д-р Игор Николов заедно го одбележува Светскиот ден за подигнување на свесноста за растот кај децата.

Со пациентските здруженија имаме одлична соработка и наша заедничка цел е зголемување на свесноста за рана дететкција и третман, порача тој.

The post Д-р Николов: Со пациентските здруженија имаме одлична соработка и наша заедничка цел е зголемување на свесноста за рана дететкција и третман appeared first on Република.

Со нефункционирање на хируршките сали на Хируршките клиники во комплексот „Мајка Тереза“ загрозен е 'рбетот на здравствениот систем и најлошо е што не се преземаат никакви мeрки, ова е веќе состојба и трае половина месец, рече доктор Игор Николов, претседател на Комисијата за здравство на ВМРО-ДПМНЕ на гостување во емисијата „За или против“ што се емитува на телевизија Алфа.

Според Николов треба да се изготви план како да се излезе од оваа ситуација, бидејќи од ова најмногу страдаат пациентите.

https://republika.mk/zivot/zdravje/trigodishno-dete-mesto-na-operatsija-prateno-doma-vo-gips-poradi-haosot-na-kliniki/

Ова води само кон зголемување на бројот на пациенти кои чекаат хируршки зафат. А што прават оние кои се уште се надлежни, наместо да работат, тие се грижат за функциите. Демири не знае дали ќе ја врши функцијата министер или функцијата пратеник, или пак што прави и каде е заменичката за здравство Манолева, укажа Николов.

Николов рече дека во оваа ситуација надлежните не покажаа дека владеат со ситуацијата, односно дека се над неа.

Гледаме дека во овој половина месец на нефункционирање на хируршките сали нема реорганизација на системот, нема ротација на хирурзи и друг медицински персонал со цел да се намалат листите за чекање за интервенции кои и онака се долги, нема ниту основна информација како и каде се третираат најкомплексните случаи, како ќе се надмине овој проблем и слично, рече Николов.

Доктор Николов посочи дека компресорската станица требало да се смени пред три години.

Но, очигледно тогаш поважни биле аплаузите и градење култови на сметка на решавање суштински проблеми. Ефектите од ваквите штетни политики се на долг рок. Ние сме во ситуација во која останавме без нов клинички поради раскинување договор, ниту имаме основно одржување на постојниот Клинички, ама имаме најава за плаќање 20 милиони евра пенали за неизградба на новиот клинички и раскинување на договорот, кажа Николов.

The post Николов: Власта на заминување со нефункционирањето на хируршките сали го загрози на здравството, ова ќе се надмине само со професионален пристап appeared first on Република.

Нашето знаење од Франција да биде пренесено во Скопје. Тука има веќе високо ниво на експертиза, но може секогаш да биде подобро - порачува професор д-р Зијад А. Маси, познатиот нефролог кој работи во болницата Амброаз Паре кој деновиве престојуваше во Македонија.

Секогаш сум среќен кога сум во Скопје, Македонија. Нашата соработка со македонските колеги во областа на нефрологијата почна пред 40 години, во соработка со професорот Нинослав Ивановски. Потоа тоа продолжи со помладата генерација, со Огнен Ивановски, кој е сега професор по урологија, и со професорот по нефрологија Игор Николов. Тие ги почнаа нивните докторати кај нас, во мојата истражувачка единица во Париз, во Амиен. И продолжуваме со соработката, имавме два ограничени проекти. Продолжуваме со поддршката што ја даваме, со објавување на трудови и со покани - вели професорот од Универзитетот Paris Saclay во разговор за Република.

[caption id="attachment_763987" align="alignnone" width="1280"] Од излагањето на проф. д-р Зијад А. Маси на Конгресот во Скопје[/caption]

Професорот смета дека соработката меѓу Универзитетите е од големо значење за нашата земја:

Ова е важно бидејќи универзитетот во Скопје, особено медицинскиот факултет, треба да бидат поддржани и во иднина од нас. Во иднина би сакале новата генерација да дојде повторно во нашата лабораторија, во нашето истражувачко одделение, и да дозволиме да го пренесат сето знаење што го имаме ние, да го донесат во Скопје, каде што веќе има високо ниво на експертиза, но секогаш може да биде и подобро. Би биле среќни да ја организираме оваа соработка, меѓу двата универзитети и со нашето истражувачко одделение. И ќе бидеме среќни да ја прошириме соработката, со покуси престои на млади луѓе кои ќе дојдат и ќе учат клиничка пракса кај нас, покрај ангажман со истражувачката работа.

Професор д-р Зијад А. Маси деновиве беше во Скопје на Конгрес по нефрологија. Д-р Игор Николов, доктор на Клиниката за нефрологија, вонреден професор на Медицинскиот факултет вели дека професорот честопати доаѓа во Македонија поради соработката меѓу Универзитетите.

[caption id="attachment_763981" align="alignnone" width="1000"] Професор д-р Зијад А. Маси и д-р Игор Николов[/caption]

Професор д-р Зијад А. Маси доаѓа честопати во Македонија поради соработка на научно и на здравствено ниво. Наши доктори присуствуваат во Франција од каде се влечат знаења и искуства. Се обидуваме да развимеме соработка меѓу Универзитетите и таа соработка да има континуитет, да ја продолжиме и во иднина. Повеќемина доктори биле на престој во Франција благодарение на што кај нас се донесени нови методи и техники, не само од областа на нефрологијата, туку во многу различни области од медицината. Се надевам и верувам дека таа соработка ќе продолжи и понатаму. Идната стратегија е да се користат европските искуства и да се донесат тука. Неопходно е да имаме размена на знаење и искуства вели д-р Николов.

The post Францускиот д-р Зијад А. Маси во Скопје: Нашето искуство да го пренесеме во Македонија appeared first on Република.

Ние ќе направиме се за да ја вратиме довербата во здравствениот систем, која очекувано е изгубена минатиот период, посебно заради се што се слуша во јавноста, истакна д-р Игор Николов, претседател на Комисијата за здравство на ВМРО-ДПМНЕ на дебата Здравствена платформа за иднина на тема „Концепт за здравство“ што се одржа во Штип.

Почетокот за ова ќе биде апликација на стручност,апликација на протоколи за лекување според кои секој пациент треба да биде соодветно насочен низ одредените нивоа на здравствениот систем.Треба да ја надградиме дигитализацијата што последниве години застана, треба да ги надградиме протоколите и следливоста.

Главниот проблем заради недовербата и во последниот скандал е дека некој одлучил да ја укине следливоста на третманот и тоа да биде индивидуално во зависност од тоа дали се допаѓате на некој или не.
Тие работи никогаш не смее да се повторат и верувам дека со воспоставување на вакви правила ќе почне враќањето на довербата во системот’, посочи д-р Николов одговарајќи на прашање како ќе се врати довербата на граѓаните во здравството, за да не се повторат случаи како тој на онкологија со лечењето со физиолошки раствор,добивањето несоодветна терапија и тн.

The post Д-р Николов: Ќе ја вратиме довербата во здравствениот систем appeared first on Република.

За здравството во последните седум години има само една констатација, а тоа е „никогаш не било полошо“.Власта на СДС и ДУИ го уназади здравствениот систем особено јавното здравство, редеше скандали, наместо инфраструктура ги полнеше своите џебови, а заборави и на граѓаните. Не само што нема прогрес во ресорот што живот значи, туку имавме и враќање на неколку децении наназад, истакна Игор Николов, претседател на Комисија за здравство на ВМРО-ДПМНЕ.

-Зад себе по 7 години оставија само деградација на здравствениот систем и кадар кој е демотивиран од непотистичките, исполитизирани вработувања, без критериуми, а спремени само за кадри блиски до власта. Зад себе по 7 години оставија само деградација на здравствениот систем, заборавија на граѓаните и нивните потреби за модерен здравствен систем.

Што се случуваше?

Минатата година за состојбите во здравството власта предводена од СДС и ДУИ доби најблаго кажано шлаканица од Брисел. Извештајот на ЕК беше негативен и констатираше основна негрижа и назадување особено во јавното здравство.

Наместо изградба на нов клинички центар кој требаше да биде веќе готов граѓаните, поради неспособноста и следењето на личните и партиски интереси на СДС и ДУИ, ќе плаќаат отштета. И тоа станува збор за отштета од речиси 20 милиони евра која ќе треба да се плати со народни пари.

Во 2021 година во септември изгоре модуларната болница во Тетово, направена со изолација од пурпена, имаше 14 мртви пациенти и нула одговорност.

Власта на СДС и ДУИ имаше обиди за приватизација на биохемиските лаборатории, за приватизација и концесија на Итна медицинска помош, дури и за ГОБ „8 Септември“. И сето тоа со една цел за лични потреби и лични профити.

Власта на СДС и ДУИ остави печат и со низа нетранспарентни тендери кои одговараат на само еден понудувач. Нетранспарентни беа посебно набавките на лекови за ретки болести.

На почетокот на 2023 година падна системот на Фондот за здравствено осигурување со што беше загрoзена безбедноста на личните податоци на осигурениците и пациентите. Не се исплаќаа рефундации за лекови, боледувања, а проблем настана и со платите на медицинскиот персонал.

Сведочевме на скандалот на Онкологија за кој власта прозборе на крајот на септември минатата година. Како Комисија за здравство уште во април предупредувавме за случувањата. Сумирано, на Клиниката за онкологија се работело без протоколи, без стручни колегиуми, без систем на следливост кој намерно бил елиминиран, за што едноставно страдаат пацентите, единствено тие додека некој профитира во Министерството за здравство и ФЗО.

Никогаш не било полошо и затоа ќе ги поразиме. Ветувањата останаа само на на хартија. „Ќе“ епохалните проекти од „рубриката не се случило” денес се само синоним за лаги, манипулации, и неработа во овие 7 години, како и маргинализација на овој ресор.

Ветија ревизија на Позитивна листа на лекови, а нема ниту абер од новите модерни лекови на Позитивна листа. Во моментов на клиниките кои се круцијални во здравствениот систем недостасуваат основни лекови. Се чини дека подготвуваат Позитивна листа по терк на фармацевстските компании блиски до СДС и ДУИ, додека во соседството гледаме како едноставно се додаваат модерни лекови на позитивните листи.

Ветија реформа на примарната здравствена заштита, ја стартуваа и така ја оставија.

Ветуваа и ослободување од партиципација за болничко лекување за пациентите, ветуваа основање на фонд за лекување во странство на деца до 18 години. Но, сето остана во рубриката „Ќе, никогаш не се случило“.

Едно е јасно, од назадување во сите сегменти во здравството, особено во јавното здравство и нереализација на проектите и „Ќе“ и „Ќе“ пустошот пустош навистина е доволно!

Никогаш не било полошо, време е да ги поразиме! Доста е од „Ќе“ влада, доста е од „Ќе“ здравство.

Наш приоритет е итно рестартирање на здравствениот систем!

The post Николов: За седум години СДС и ДУИ на власт во здравството има само корупција и непотизам appeared first on Република.

Во Кавадарци се одржа Петтата академија за здравство на тема примарно здравство и превентивна медицина во организација на Централната комисија за здравство на ВМРО-ДПМНЕ и експерти од областите.

Академијата претставува одличен спој на струка, знаење, квалитет на експертите од фелата и невладин сектор чие присуство и фидвек се од непроценливо значење.

Свои поздравни обраќања на настанот имаа и потпретседателот на ВМРО-ДПМНЕ, Александар Николоски и градоначалникот на Кавадарци Митко Јанчев.

Д-р Игор Николов, претседател на Централната комисија за здравство на ВМРО-ДПМЕ истакна дека Петтата академија за здравство на тема примарна и превентивна медицина се организира со цел да се добијат повеќе податоци за примарното здравство со кои ќе се креираат политики за унапредување во оваа област.

-Овој пат посебен акцент ставаме на јавното здравје, превенцијата, превентивните скрининг методи и како да ги заштитиме нашите граѓани.
Денеска вклучивме експерти од овие области со предавања, а добиените информации ќе бидат потребни за понатамошното дејствување и креирање политики, особено за примарното здравство и примарната медицина. Превенцијата за која сметаме дека претставува и ќе претставува приоритет следејќи ја пораката “Подобро е да се спречи, отколку да се лечи” и практично треба да се дејствува во тој правец, истакна д-р Николов, потенцирајќи дека примарната медицина, матичните лекари, семејната медицина и семејните лекари ќе бидат приоритет на идната влада предводена од ВМРО-ДПМНЕ.

Д-р Гордана Ѓорчева-Камчева, радиолог во Општата болница во Кавадарци и претседател на Комисија за здравство на ВМРО-ДПМНЕ во Кавадарци ја истакна важноста од разработувањето на различни теми и предизвици во секој град од аспект како на здравствените работници, така и граѓаните.

-Денешната тема е тема за примарното здравство и матичните лекари и лекарите за семејна медицина и превентивната медицина со цел изнаоѓање решенија на проблемите за на крајот да бидат задоволни и граѓаните и здравствените работници, заклучи д-р Ѓорчева-Камчева.
Инаку, акцент на Петтата академија беше ставен на актуелната состојба и предизвиците на примарното здравство и превентивна медицина, важни начела при практикувањето на примарната здравствена дејност и едукативен дел со фокус на аерозагадување – приоритетен јавно-здравствен и еколошки проблем.

Исто така, беа опфатени и темите за значењето на примарната здравствена заштита и здравјето на работниците – современи предизвици, како и стратегиски менаџмент во јавното здравство и улогата на медицинските сестри – лидери во здравството.

Дополнително, додадена вредност на Петтата академија беа предлозите и иницијативите на Здружение лекари за семејна медицина и НВО за трансплантација и продолжуваме со ваквиот пристап до заедничко изнаоѓање најдобри решенија во интерес на пациентите, здравствените работници и целиот здравствен систем.

The post Превенцијата и примарната медицина ќе биде приоритет на идната Влада предводена од ВМРО-ДПМНЕ appeared first on Република.

Многу сум благодарен за формирарањето на оваа анкетна комисија заради една причина - луѓето можеа да видат дека покрај докторите како пружачи на здравствени услуги, има цела една екипа на одлучувачи кои се невидливи, а од кои што зависат многу, многу работи. Таа екипа на одлучувачи се наоѓаат во Министерството за здравство, во Фондот за здравствено осигурување, во МАЛМЕД и сите институции кои што треба да го следат здравствениот систем. И тука видовме дека се пишувани извештаи за работата на Клиниките и на Клиниката уште во 2019 година, истакна доктор Игор Николов, претседател на Комисијата за здравство на денешната трибина во Виница посветена на скандалот „Диво месо“, а која е во рамки на кампањата „Важно е! Од тебе зависат промените“.

Д-р Николов потенцираше дека не само што алармирала седмата сила, туку алармирале одредени контролори, инспектори и служби кои што се пратени од овие институции каде што се дадени препораки и корективни мерки кои што треба да се спроведат и да се направат, но тоа не е спроведено.

Прашањето е кому му одговарало овие корективни мерки и ваквата состојба се остави да трае долго време и тоа е легитминото прашање на кое веројатно анкетната комисија ќе помогне или ќе го отвори патот на ова Обвинителство да резултира со расчистување на оваа афера. Уште еднаш апелирам да не се заврши на расчистување на оваа афера и да не се заврши аферата со "кабелот е крив", потенцираше доктор Николов.

Тој појасни дека ако се прочитаат извештаите и забелешките кои доаѓаат од повеќе институции јасно е дека нема вистинска евиденција на влез и излез на лекови, дека нема вистинско одржување и никој не поставува прашање тумор бродовите што не одржувале состаноци и не одлучувале за пациентите, туку тоа било оставено на индивидуални одлуки.

Во дадената ситуација секако може да се лоцира проблемот. Втората работа е зошто 4 или 5 години откако е воведена оваа терапија, не бил корегиран и не бил отстранет, заклучи Николов.

The post Д-р Николов: Кому му одговарало да нема системско решение и корективни мерки – апелирам на расчистување на аферата на Онкологија и да не се заврши со „кабелот е крив” appeared first on Република.

Членот на Извршниот комитет, доктор Игор Николов на денешната трибина насловена „Здравство“ во рамки на акцијата „Пораки од реалниот живот – Ова е Македонија за сите“  која се одржа во просториите на ВМРО-ДПМНЕ зборуваше и за состојбите во македонското здравство и за организацијата и за менаџментот на здравствените установи.

Николов посочи дека и покрај огромен број на вработени административни службеници во здравството и здравствените институции, работите требаше да одат сами од себе, а наспроти тоа пациентите се соочуваат со долги листи и планови на чекање.

„Реално, докторите чувствуваат дека на толку административни работници, работата треба само од себе да оди, а тоа за жал не е случај, за жал, листите за чекање се долги, плановите за чекање се долги и се се пролонгира“, рече Николов.

Тој додаде дека една од работите што треба да се спомене и што е поврзана со Фондот за здравствено осигурување, е позитивната листа, затоа што актуелната гарнитура дојде на власт со најава дека ќе направат модерна позитивна листа и дека ќе имаме модерни лекови.

„Се случи, да позитивната листа не е мрдната последните седум години нула, а  вкупно 11 години. Зошто тоа се случува, не може да се каже, веројатно се нема некаков интерес за да се коригира таа позитивна листа, а веројатно тоа немање на интерес потекнува од повеќе канали или повеќе места,  или пак повеќе центри на моќ кои што имаат интерес да остане оваа стара позитивна листа. Така да, нашите пациенти се лечат со лекови од 95-та година, а сето тоа да резултира со не соодветно, односно немодерно лекување“, истакна Николов.

Посочи дека касниме со инфраструктурата во здравството, но и со позитивната листа на лекови на кои им е поминат рокот, а владата и министерството за здравство ништо не прават.

„И ова оди во прилог на онаа инфраструктура, ако касниме со инфраструктура и е поминат рокот, на позитивната листа и е поминат рокот, се отвора прашањето што чека министерството за здравство и владата последниве седум години и што прави“, додаде Николов.

Запрашан, дали со сето ова може да се каже дека на здравството во Македонија му е поминат рокот, додаде дека имаше такви дебати дека имаме здравство со поминат рок.

The post Д-р Николов: Здравството со оваа власт е со „поминат рок“ – долги листи на чекање, позитивна листа на лекови од 1995 appeared first on Република.

Најголемиот проблем во моментов е недостаток на медицински персонал и несоодветна инфраструктура, рече доктор Игор Николов, претседател на Комисијата за здравство на ВМРО-ДПМНЕ на гостување во емисијата За или против што се емитува на телевизија Алфа.

Инфраструктурата во здравството ни е со поминат рок. Ни се случија стратешки грешки, се стопираше градбата на клинички Мајка Тереза и се планираше некој мегаломански проект од кој нема ништо, а за оној неизградениот Мајка Тереза постои арбитражна постапка и засега побарувањето или пеналите кои треба да ги плати државава се 18 милиони евра - рече Николов.

Николов посочи дека и клиничкиот во Штип е незавршен и таму треба да се плаќа еден вид на пенали.

Клиничкиот во Штип наликува на автопатот Кичево Охрид почната изградбата, но застаната. Зошто? Нема одговор и Владата не го повлекла одобрениот кредит и сега има побарувања или има загуби. Поточно неградењето на нов клинички во Штип и болница во Охрид носи само штета за не изградбата од околу 40 милиони евра - кажа Николов.

Според него сето ова нанесува големи штети на јавното здравство и сите заминуваат од истите.

Персоналот или во приватното здравство или во странство. Не можам да се сетам за некаква капитална инвестиција во здравството, можам да се сетам само за донации, а се повеќе се бараат и донации за лекување - вели Николов.

Тема за актуелниот министер за здравство, укажа тој, е разрезување на медицински директори од кои бенефит имаат граѓаните.

Потоа тема беше паркинг на Клинички во Скопје, но и од тоа нема ништо. Или неинвестирањето во инфраструктурата не доведува во тешка состојба - посочи Николов.

Од друга страна има и други небулози се најавува укинување на организациски директори во клиниките, а во меѓу време министерот назначува нови.

The post Николов: Стратешките грешки ги чинат граѓаните многу, не изградбата на клиничкиот во Скопје и Штип засега чини околу 40 милиони евра appeared first on Република.

Македонија кубури со секаков вид на медицински кадар. За медицинскиот кадар нема континуирана обука. Претходно престојуваа во познати здравствени центри и искуството го пренесуваа во Македонија. Но, сега од тоа нема ништо. Сите заминуваат или во приватно или во странски здравствени центри, рече доктор Игор Николов, претседател на Комисијата за здравство на ВМРО-ДПМНЕ на гостување во емисијата За или против што се емитува на телевизија Алфа.

Според Николов има повеќе модели да се задржи медицинскиот кадар, но оти не се прави ништо од актуелната Влада.

Моделите за зачувување на кадарот ние ги разгледуваме како Комисија за здравство. Еден е давање стипендии за специјализации на пример. Потоа ќе бидат обврзани знаењето да го применуваат во нашите здравствени институции. Второ, мора да има протоколи за пренос на знаење. Една процедура да не ја прави еден тим, туку да подготвува и друг тим - вели Николов.

Тој укажа и на праксата со тоа што заминуваат лекари некои процедури да не се прават во јавното здравството.

Бевме сведоци, процедури и искуство од јавно да се префрлат во приватно здравство или услугите се преместени од приватното во јавното здравство се разбира за оние кои можат да платат, а здравството треба да е достапно за сите. Граѓаните плаќаат здравствено осигурување - посочи доктор Николов.

Николов укажа дека е исклучително лоша состојбата и за пациентите говорат лошите извештаи на Државниот завод за ревизија.

Ако ДЗР нотира дефицит на лекови, застарена позитивна листа тоа се знае за што зборува. Но можеби евентуално некому ова му одговара. Но трпат граѓаните - рече Николов.

Николов се осврна и на фактот што нема лекови ниту за лицата со ретки болести.

Се прават некои напори, но тоа воопшто не е доволно. Или сите пациенти речиси имаат проблем не само оние со цистична фиброза, туку и лицата со дијабет за нив исто нема од новите лекови, онколошките пациенти исто се соочуваат со проблем и за нив нема нови лекови - рече Николов укажувајќи дека она што се гледа е само едно арогантно однесување кога станува збор за здравството, или и за медицинскиот персонал и за пациентите.

The post Николов: Оваа влада не прави ништо за здравството, се однесува арогантно и кон медицинскиот персонал и пациентите appeared first on Република.

И во овие изминати 100 дена од назначувањето на четвртиот по ред министер за здравство, во Владата на ДУИ и СДСМ уште еднаш се потврди дека за оваа однародена власт, секторот здравство е ставен на маргините и никогаш не бил приоритет.

https://republika.mk/vesti/makedonija/ministerstvoto-za-zdravstvo-za-lekuvaneto-na-kosovtsite-ova-i-porano-funktsioniralo-graganite-so-zdravstveno-nema-da-se-podredeni/

Политички пазар и калкулации при избор на директори, немање пристап до здравствена услуга за пациентите, деградирање на здравствените работници, здравство кое само повремено се закрпува со донации. Видовме дека дури и за кревети во клиники и болници се чекаат донации. При отворање на хируршка сала направена со кредит, поважно е кој бил поканет да сече лента отколку тоа кој ќе остане да работи на клиниката, ова денеска преку прес-конференција го истакна Игор Николов од ВМРО-ДПМНЕ.

Една од главните причини за свесното поткопување на јавното здравство е НУЛА инвестиции во човечкиот потенцијал, па секој ден сме сведоци како директори со години ги молат надлежите институции да им обезбедат согласности за вработување. Ниту по цели две години нема решение за проблемот за недостиг на 100-тина здравствени работници во штипската клиничка болница, исто толку недостасуваат и во битолската болница, 10 специјалисти недостасуваат на Институтот за радиологија каде се вршат дијагностички процедури, а третманот на пациентите е клучно да започне во што порана фаза. Наместо тоа заради недостиг на кадар граѓаните со месеци чекаат да дојдат најпрво до термин, па потоа и да дојдат до резултат, а речиси и да не постои здравствена установа во која нема недостиг на медицински сестри. Целосно отсуство на стратегија за кадар кој лекува, а со ваквиот несериозен пристап штетата ќе биде на долг рок ако се земе во предвид дека за готов специјалистички кадар се потребни и до неколку години. Додека нема пристап до здравствени услуги и нашите граѓани не можат да дојдат до здравствена услуга, властите иако без решенија за проблемите на нашите граѓани кои плаќаат осигурување секој месец без разлика дали користат или не здравство, одлучија повеќе да се грижат како лица од други држави да плаќаат за услуга како и македоснките граѓани. Нејасно е колку оваа мерка ќе ги чини македонските граѓани и како ќе се дојде до тие пари во македонското здравство и како македонските пациенти ќе се лекуваат во здравството - вели Николов.

Тој додава дека низата на проблеми, стратешки грешки не се намалува и покрај назначениот четврт министер за здравство. Токму поради тоа оваа влада мора да замине што поскоро и да започне процес на обновување на различните сегменти во државава.

The post Николов: Граѓаните на Македонија кои го финансираат здравството не можат да најдат лек и термин за преглед, ама Меџити ќе ги лечел лицата од странство appeared first on Република.

Помина точно година и пол откако надлежните институции Министерството за здравство и Владата и на дело потврдија дека не преземале апсолутно ништо и не мрднале со прст барем да ја намалат штетата по државниот буџет за најголемата стратешка грешка во здравството, а тоа е прекинувањето на договорот за Клинички центар Мајка Тереза, смета Игор Николов од ВМРО-ДПМНЕ.

Согласно информациите во медиумите, побарувањата за раскинување на договорот за градба на клинички центар се всушност пенали од околу 18 милиони евра или 2 и пол пати повеќе од цената на чинење на Педијатриска болница, како онаа во Козле на пример.

За прекинување на договорот во тек е арбитражна постапка, за која постои некаква информација која треба да оди на седница на Влада, но овој процес е целосно нетранспарентен, а целата процедура е заглавена на релација Министерство за здравство – Влада. Во меѓувреме премиерот и министерот за здравство, не замајуваат со укинување на директори во рамки на кампусот клиники Мајка Тереза.

Нејасно е ако за подготовка на една обична информација до Влада е потребно една година,  колку време ќе им е потребно за вистински да се заложат да ја намалат штетата по државниот буџет?

Затоа конкретно прашуваме:

Кој индивидуално и институционално ќе ја преземе одговорноста за ваквото неодговорно однесување со кое свесно се нанесува штета по државниот буџет посебно што станува збор за милионски суми пенали за неградба на клинички центар во Скопје?

Зошто ниту една институција не се заложи да го заштити буџетот на Македонија ниту пак се обидува да ја намали оваа штета?

https://www.youtube.com/watch?v=WI6wXKBcY8s&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Во изминативе седум години сведоци сме на разнебитување на јавното здравство. Со ветувањата се одеше до таму што беше најавен мегаломански проект за 500 милиони евра во Веле поле, за денес да видиме нула резултати како од ова, така и од низа други ветувања во здравството.

Со ваквиот пристап, уште еднаш се потврдува фактот дека оваа влада на СДС-ДУИ има пари да плаќа пенали за неградба на еден ваков капитален проект, но нема пари за лекување на пациенти.

Бараме сериозен пристап и транспарентност, наместо молк каков што сега гледаме за оваа постапка, затоа што на крај казната изразена во милионски суми ќе се плаќа од џебот на секој еден граѓанин.

Во меѓувреме, граѓаните не можат да најдат основен лек, не се наоѓа термин за специјалист, листите на чекање за интервенции се огромни, а граѓаните  не стигнуваат до здравствена услуга, секојдневно врвен и искусен персонал заминува од јавното здравство.

Позитивната листа не е сменета 11 години, граѓаните одат по лекови во соседните држави, апаратите во здравствените установи не работат, граѓаните молат по социјалните мрежи за да соберат пари да се лечат во странство.

Низата на проблеми, стратешки грешки и слично, е огромна. Токму поради тоа оваа власт мора да замине што поскоро и да почне процес на обновување на здраството како круцијален сегмент во државата.

The post Најголемата стратешка грешка на СДСМ во здравството е прекинувањето на изградбата на Клиничкиот центар appeared first on Република.

Позната е изреката на еден политичар кој доаѓа токму од Струмица, кој велеше дека судството ќе го распупи. Е па судството го распупија, а здравството го растурија. Што се случи минативе 7 години? Многу, многу, многу стратешки грешки, рече вонредниот професор, доктор Игор Николов, претседател на Комисијата за здравство на ВМРО-ДПМНЕ на вечерашната трибина „Политики за рестартирање на рaспаднатиот здравствен систем“ која како дел од акцијата „Ова е Македонија за сите“ денеска се одржува во Струмица.

Како најголема стратешка грешка од сите Николов ја посочи одлуката за прекинување на градбата на новиот клинички центар.

За оваа стратешка грешка нашите граѓани сега ќе плаќаат пенали од околу 18 милиони евра или колку што чинеше една Педијатриска болница како онаа во Козле, додаде Николов.

Доктор Николов се осврна и на низата грешки кои се направени од оваа власт која го растури здравството.

Позитивната листа, таа не е променета повеќе од 11 години. За да се внесат модерни лекови на листата се нема ниту желба ниту волја. Сега граѓаните купуваат лекови во соседните држави. Ова нешто ВМРО-ДПМНЕ во првите месеци од власта ќе го промени и веднаш ќе почне процедура за ревизија и модернизација на позитивната листа. Дијабетичарите, немаат сензори за мерење гликемија, нема лентички за мерење гликемија. Нема средства за ослободување на пензионерите со најниски пензии од партиципација. А ветуваа бесплатно здравство. Три акцелератори не се во функција оној во Скопје, во ГОБ „8-ми Септември“ и оној во Битола, рече Николов.

Николов посочи дека лекарите секојдневно сведочат на проблемите на граѓаните.

„Листите на чекање никој не ги спомнува, а повеќе од очигледно е дека тие се предолги. Листите на чекање по короната се огромни, рече Николов.

Докторот се осврна на случаите во болницата во Битола,болницата во Прилеп.

По се што се случи не видовме никакви корективни мерки. Едноставно ништо не се прави за здравството, заклучи Николов.

https://www.youtube.com/live/4PiXOJpfd_w?feature=share

The post Николов: Судството го распупија, ама здравството го растурија appeared first on Република.

Претседателот на Комисијата за здравство на ВМРО-ДПМНЕ, доктор Игор Николов, реагира дека за нов директор на Клиниката за Токсикологија и Ургентниот интернистички центар се назначува лекар по семејна медицина.

Д-р Николов вели дека таков човек нема искуство да раководи со работата на таска сериозна здравствена институција што може да предизвика ризик и за пациентите.

Никогаш не работел во болница ниту клиника. Дали ќе биде после министерска грешка или лекарска грешка, прашува д-р Николов.

The post Д-р Николов: Нов директор на Ургентен интернистички центар е лекар по општа медицина, после ќе биде министерска или лекарска грешка? appeared first on Република.

Не е проблемот само со лекови со ретки болести, нема лекови и за некои многу чести болести. Веројатно станува збор за административно одолговлекување, на пациентите ништо не им значи кога ќе им кажете во тек е тендерска постапка. Дополнително потребно е да има брза постапка за лекови за одредени дијагнози, тоа не е реализирано изминатите седум години не знам зошто би се реализирало за следните осум месеци, рече доктор Игор Николов, претседател на Комисијата за здравство на ВМРО-ДПМНЕ на гостување во денешната емисија Детектор што се емитува на телевизија Сител.

Николов се осврна и на случајот со родилката во Струга на која непотребно и беа извдни органи, со женета во Прилеп која почина од рутински зафат киретажа и слично.

Недозволиво е да има вакви случаи. За да се избегнат истите, потребни се корективни мерки. Требаше да сме сведоци на корективни мерки, беа потребни детални извештаи кои треба да ги прават посебни комисии. Јавноста не видела ниту еден извештај за споменатите случаи, посочи Николов.

Проблем во здравството е што медицинскиот кадар е незадоволен и медицинските работници се повеќе заминуваат надвор.

Нема никаква активност за задржување на младите лекари во земјава. Нема едукации по што би биле задолжени да работат во јавното здравство. Нема никакви активности ниту за задржување на медицинкскиот кадар во земјава воопшто, кажа Николов.

Доктор Николов укажа дека приоритет на граѓаните, како и на медицинските лица, е да има нов клинички центар.

Власта на СДСМ направи стратешка грешка со прекин на договорот за изградба на клинички центар во Скопје. Тоа сега ќе треба да се плаќа, ќе се плаќа казна која не знаеме ни колку ќе чини. На пример, да го имавме тој клинички немаше граѓаните да се лечат во модуларни болници, заклучи Николов.

The post Д-р Николов: Власта ништо не направи за јавното здравство за седум години, не верувам дека може да се смени нешто за 11 месеци appeared first on Република.

Нефролозите д-р Владимир Пушевски и д-р Игор Николов, изминатава недела во соработка со дигестивните хирурзи д-р Караѓозов и д-р Џамбаз, воведоа нов “он сајт” пристап за поставување на перитонеален катетер, кај пациенти кои што имаат потреба од перитонеална дијализа.

Овој начин на поставување на перитонеален катетер за прв пат e воведен во нашата земја. Предноста на методата е тоа што за пациентите не е потребна општа анестезија и целата процедура се изведува во само во локална анестезија, што дава еден комодитет на пациентот. При тоа намален е ризикот за оние пациенти кои што покрај бубрежна болест имаат повеќе други болести. Овој тип на дијализа се изведува преку перитонеумот. Перитонеумот е серозна мембрана која ги покрива внатрешните абдоминални органи (висцерален лист) и ја обложува внатрешната површина на абдоминалниот ѕид (париетален лист), а просторот помеѓу овие два листа е перитонеална празнина. Перитонеалната празнина содржи помалку од 100 мл течност, но може да се прилагоди на 20 пати поголема зафатнина без поголеми субјективни потешкотии за пациентот.

Пациентите на кои што не им работат бубрезите треба или да се трансплантираат или да одат на дијализа. Дијализата може да се изведува во центар за дијализа, а доколку пациентот е на перитонеална тој можат да ја изведуваат дома сами. Предноста е голема кога дијализата се изведува дома во домашни услови. За овој тип на дијализа во домашни услови, потребна е соодветна подготовка, а таа опфаќа поставување на перитонеален катетер (во општа анестезија или од сега само со локална анестезија). Потоа, покрај поставувањето на перитонеален катетер потребна е и обука за автономно изведување на истатата. Тимот на нефролози не информираше дека после обука спроведена во Турција д-р Владимир Пушевски од УК Нефрологија Скопје, ја отпочнал подготовката за воведување на овој нов пристап и на Клиникта за Нефрологија. По поставувањето на катетерот со новиот онсајт пристап, пациентот продолжува да изведува перитонеална дијализата во домашни услови, нема потреба од игли и боцкање на васкуларен пристап при што пациентот има можност да работи и да си ги извршува своите работни обврски или да работи од дома.

Целта која што ја имаат нефролзите е да им ја олеснат дијализата на пациентите и колку може повеќе да се приближи оваа метода до нив. Бројот на пациенти на кои што им е потребна дијализа расте од ден на ден и тоа претставува дополнително оптеретување, за пациентите, за нивните семејства и за здравствениот систем. Перитонеалната дијализа претставува метода која е поедноставна за да се пружи подобар квалитет на живот кај пациентите, а воедно претставува метода за дијализа кај пациентите кои што се подготвуваат и чекаат да бидат трансплантирани.

Со развојот на оваа метода значително ќе се подобри квалитетот на живот на пациентите, истата ќе можат да ја вршат во домашни услови и во исто време да си ги извршуваат своите животни и професионални обврски.

The post На Клиниката за нефрологија воведен нов пристап за поставување на катетер за перитонеална дијализа appeared first on Република.

Почина пацинетка од сепса, се заразила при рутинска операција во прилепската болница. Заразени се уште неколку пациенти. Почина Благојче од Битола чекајќи го лекот „трикафта“ за цистична фиброза. Зборуваме за македонското здравство во 21 век со доктор Игор Николов, претседател на Комисијата за здравство на ВМРО-ДПМНЕ.

Проблемите во јавното здравство не се од денс, но како дозволивме да ни умираат луѓе при рутински зафати и од болести за кои има лек?

Николов: Причината за овие случаи би ја барал во дисфункционалноста на системот. Да се размисли каква аномалија довела до ваква трагична состојба, особено да се постават прашања до Државниот здравствен инспекторат, кој ги контролира здравствените институции. Од него треба да потекнат предлози за корективни мерки за вакви архаични бактерии да не се појавуваат во системот. Прилепската болница е регионална болница со сериозен капацитет и затоа мора добро да се испита што точно се случило. Во ДЗИ има новоназначени раководители коишто не сме ги виделе речиси една година и да ги запознаеме и да ги видиме со нивната активност. За жал, имаме впечаток дека се делат раководни функции на коишто се поставуваат луѓе кои се оправдуваат на некаква бирократска процедура за што и да се случи.

Здравствените работници излегоа на протест. Бевте ли на протестот? Што бараат белите мантили од здравствените бироктрати?

Николов: Здравствените работници излегоа на протест на повик на Синдикатот за да ги побараат ветувањата што им беа дадени претходно. Тој беше најавуван уште во ноември како предупредувачки протест, но заради одредени ветувања на министерот за здравство тој се одложи. Денешниот протест покажа дека здравствените работници се прилично загрижени за состојбите во системот и од начинот на којшто се менаира исплатата на здравствените услуги. Бевме сведоци на доцнење, на ветувања за мотивација, односно покачување на личниот доход на средниот медицински персонал, медицинските сестри, болничарите... кои не веруваат дека ќе им се оствари тоа ветување. Денеска видовме сериозни протести коишто ги манифестираа повеќе здравствени организации. Јас секако бев со моите колеги.

На хероите од корона кризата им беше ветено покачување на платите од 10% годишно. Од Синдикатот велат дека токму тоа покачуање ги одлучило изборите пред 3 години. Но, добивте едвај 5%. Медицинските сестри сè уште ги чекаат ветените 2000. Ќе бидат ли лекарите антихерои на следните избори?

Николов: Интимното чувство на здравствените работници е дека се излажани. Во короната за херои беа прогласувани младите лекари, специјализантите, медицинските сестри, болничарите, техничарите, лекарите кои беа во првата линија. Бевме сведоци дела општеството се потпра на овие луѓе. Тогаш бевме ценети. Видовме многу храбри приказни, многу млади колеги, но и повозрасни, кои бескомпромисно се вклучија во битката со ковид 19. Но, во постковид периодот чувството на здравствените работници е дека тие се веќе непотребни и од т.н. херои чувствуваат дека се претвораат во антихерои, луѓе кои некакво покачување од 2000 денари треба да си го бараат на протести.

Овој протест се одржа поради надменото однесување на ФЗОМ. Морам да го повторам начинот на којшто ни се сервира дека сме биле под напад, но никој не сакаше да даде информација што се случува. Овој молк отвори сомнеж кај здравствените работници дека повеќе не му се потребни на ова општество и се поголема бројката на персонал кој заминува од јавното здравство.

Во короната видовме дека без јавно здравство не се функционира. Но, јасно е дека се урива јавното здравство. Лекарите заминуваат во приватните болници или во странство. Кој го уништива јавното здравство и кој се има корист од тоа? Дали со овие услови - неуслови и со хотелски цени луѓето свесно се туркаат во приватните болници?

Николов: Неколку илјади медицински сестри и доктори ја напуштиле државата и тоа е сериозно прашање на коешто треба многу да се работи. Здравствениот систем е комплексен систем на којшто треба многу да се работи. Дисфункционалноста на овој систем му годи единствено на приватното здравство. Ние не сме против приватното здравство, но не смее процентот на приватното здравство во здравствениот систем да надмине одредена бројка, зашто тогаш се загрозува функционалноста на целиот здравствен систем. Не можеме без приватно здравство, но не можеме ни без јавно здравство. Потребен е баланс меѓу овие два системи, коишто мора да ги направиме да бидат комплементарни.

Без специјализантите не се може, но, Фондот и клиниките немаат пари за нив. Од една страна се распишува оглас за специјализанти, од друга страна на клиниките им велат само кукате и без вас можеме. Кој си поигрува со младите лекари? Свесно ли ги испраќаме во Германија?

Николов: Без младите лекари не можеме да очекуваме дека ќе имаме здравствен систем. Младите лекари треба да стекнат искуство, а можат да го стекнат само доколку постои систем на пренос на знаење. Преносот на знаење е најдобар кога специјализантите работат и кога се мотивирани, односно соодветно платени за таа работа. Во моментов исплатата на специјализантите зависи од одлука на Управниот одбор на ФЗОМ. Помошниот медицински персонал мора да биде дообучен. Мора да им се посвети внимание и на средните медицински училишта за да вадиме компетентен кадар. Нашите компетентни кадри, за жал, заминуваат главно во странство. Се плашам дека ќе се соочиме со период кога нема да имаме комептентни кадри во здравството.

Пациентите се жалат од храната на сите клиники и од хигиенските услови на некои клиники. Единствено не се жалат од персоналот, но се свесни дека една сестра не може да опслужи еден, па дури два, три оддели. Од друга страна, во клиничките лавиринти викендот почнува во четврток попладне. Во петоците и да не можете да најдете лекар, па целата работа ја завршуваат неколку сестри на клиника. Обезбедување има, но секој може да влезе и да им се заканува на медицинските сестри и на лекарите. Сите овие работи ќе ги наследи ВМРО-ДПМНЕ. Подготвени ли сте за тоа? Од каде ќе почнете? Имате ли капацитет за еден мандат да ги помрднете работите од оваа точка?

Николов: Идната власт на ВМРО-ДПМНЕ ќе има два приоритети. Инфраструктурно подобрување и зајакнување на системот и кадровско зајакнување. За безбедноста - тоа е отворено инфраструктурно прашање. Нашите болници се павилјонски  и обезбедувањето е многу тешко кога не е под еден покрив, кога не се влегува на една врата. Кога во моментот немаме ургентен центар, незадоволството на граѓаните доаѓа од тоа што немаме ургентен центар. Да дојдат на едно место каде што би се направиле соодветните испитување и потоа би се распределиле на која клиника треба да лежат и на која специјалност ѝ припаѓаат. Во последната година имаме оправдување зошто немаме ургентен центар, а тоа е дека се реновира Клиниката за токсикологија. Немаме ургентен центар затоа што немаме инфраструктура, нема нова зграда. Инвестирањето во инфраструктурата и во кадрите ќе бидат приоритет. Мора да се заврши Клиничката болница во Штип и мора да се доведе во напредна фаза Клиничкиот центар во Скопје. Кадровското зајакнување мора да се состои во стимулирање на кадрите и оние кои сакаат да останат, да бидат задржани во системот. Мора да се инвестира во едукација и во образование. Без едукација здравствениот систем не може да напредува. Во последните пет години сите едукации и одења во странство на лекарите се прекинати. Сведоци сме дека дека наместо лекари, организационите директори одат на конгреси за обука. Тоа е чиста злоупотреба.

The post Инвестирањето во инфраструктурата и во кадрите ќе бидат приоритет во здравството на новата влада на ВМРО-ДПМНЕ appeared first on Република.

Какво ни е здравството, подобро нека не служи здравјето. И порано сме можеле да се увериме дека македонското здравство е на смртна постела, но изгледа овојпат е во терминална фаза. Што се случува во светот на белите мантили? Пари во Фондот има, но лекови нема, кадарот се одлева, синдикатите штрајкуваат, ни умираат пацинети.

Со доктор Игор Николов од Комисијата за здравство на ВМРО-ДПМНЕ зборуваме за состојбите во македонското здравство.

Што претставува ФЗОМ во здравствениот систем? Што му се случува во моментов?

Николов: Фондот за здравство се јавните пари, парите на осигурениците кои ги изделуваат од секоја плата. Со тие пари државата го чува јавното здравје. Здравствениот систем се состои од три столба: приматели на услуги, осигурениците, даватели на услуги, лекарите и некој којшто ги плаќа тие услуги. Многу е важно да функционира ФЗО, затоа што со тоа се остваруваат правата на осигурениците, објаснува д-р Николов зошто е многу важно да се обезбеди соодветна и навремена заштита на Фондот.

Што значи да се пролеат личните информации на болен од срцеви заболувања, од карцином или пак од ХИВ? Кој може да има корист и каква корист може да има од овие податоци?

Николов: Доколку лекарската тајна биде пробиена, се загрозуваат човековите права. Бидејќи последниве две недели се случува некаков хакерски напад, за кој не знаеме дали се пробиени само податоците за исплатата на трошоците на пациентите кон здравствениот систем, или и нивните дијагнози, односно медицински истории за што се направени тие трошоци, се отвора прашањето дали е загрозена медицинската тајна на осигурениците. Сетоа тоа отвора многу етички прашања. Да се дознае медицинската тајна на пациент кој можеби е болен од ХИВ, можеби има хепатит Б, да се дознае медицинската историја на жени, на мажи, можат да имаат многу последици врз социјалното живеење. Не знаеме дали се загрозени човековите права и дали се преземени овие податоци, но со овој молк кој траеше повеќе од две недели и со прочитаното објаснување во кое директорката бегло ни објаснуваше дека усепале да го победат хакерот, не се создава доверба дека нешто е заштитено.

Потребно е да понесат одговорност, веднаш да поднесат оставки двајцата директори, доколку не можат тие да поднесат оставки, потребно е да поднесе оставка тој што ги донел на тие позиции, затоа што се работи за несериозен пристап, затоа што има некомпентентен пристап и несериозно, бахато однесување.

Информациите што ги добиваме за нападите на системот се процедени и отвораат можност за многу шпекулации. Никој не знае што точно се случува, само нагодуваме. Дури вчера владата усвои сет мерки за подобрување на безбедноста на информациските системи кои ќе се имплементираат во најкраток рок. Колку доцниме?

Николов: Некому здравјето да му зависи од итна медицинска интервенција и ние да чекаме две недели некој да поднесе сет на мерки за заштита. Дали досега имале сет на мерки и зошто досега не биле активирани, трба да прашаме. Ние континуирано сме бомбардирандека има некакви сајбер напади, зарем мерките требаше да се преземат откако се случи белјата? Зарем требаше да се мобилизираме да набавиме лекови откако имаме жртви поради недостигнот на тие лекови. Мора да има сериозен пристап во здравството, а јас тоа не го гледам.

Пациентите кои се лекуваат болнички не можат да платат за услугите. При исписот потпишуваат изјави дека ќе се вратат да платат кога ќе проработи системот. Кој ќе им ги надомести трошоците на пацинетите кои не се од Скопје? На кој начин клиниките ќе си ги покријат трошоците додека да се среди системот?

Николов: Токму тоа е прашањето. Кој ќе им го плати повторното доаѓање во Скопје на пацинтите? Дали тие трошоци ќе бидат покриени од Фондот? Тие дополнителни трошоци повлекуваат дека некој трба да преземе одговорност. Луѓето беа зачудени од изјавите што треба да се потпишуваат.

Во месецот кога ги запознаваме ретките болести почина пациент со цистична фиброза. По низа префрлања на вината меѓу премиерот, министерот за здравство, министерот за финасии и Фондот, се дојде до половично решение. Што значи одлуката на Малмед дека издава одобрение за увоз на лекот „трикафта“? Ќе го добијат ли лекот сите заболени? Кога ќе се гласа за измените на потребните закони за да им се овозможи лекување на овие пациенти? Дали ќе гласате?

Николов: За жал во месецот кога сите здравствени работини и пациентите настојуваат да ја зголемат свесноста за ретките болести се случи немил настан, со кој сочувствуваме. Многу е тешко откако ќе се случи немил настан да се преземаат корективни мерки наместо тие да беа преземени претходно. Пациентот се обидивал подолго време да ја мобилизира јавноста. Бил на посета и кај претседателот на државата, каде што му било ветено дека ќе се направи максимум за да се обезбедат лековите. Прањата што се отвораат тука е како и од каде веднаш се најдоа средства, а две години слушавме дека тие средства се многу. Доколку некој сакаше да го реши проблемот, можеше средства да се најдат многу побрзо, а не да се затскриваме зад законски измени кои се уште ги нема ни на повидок. Ги има само најавени во јавноста. Набавката можеше да ја направи директно владата, да биде по брза постапка. Во моментот се остави службите на Клиниката за педијатрија, повторно не владата - клиниките, да ја спроведуваат процедурата, која слушаме ќе биде за 2-3 месеци. Доколку 2-3 месеци се брзо, тогаш што ќе се случеше без да интервенира владата. Овие пациенти ќе беа оставени 6-8 месеци да чекаат За жал, немилиот настана ја забрза работата и тоа не смее повеќе да ни се повторува. И за да не ни се повторува, мора сите сегменти на здравствениот систем да преземат одговорност. Здравјето не е правна процедура. За здравјето не можете да кажете јас имам решение за одмор.

Со години болните од карцином купуваат цитостатици во Србија. Ред понижување - ред бирократија. Но, во Србија пациентите купуваат и антибиотици, чепчиња диазепам, па дури и вигантол за новороденчињата. Дефицитарни се и сирупи за деца, вентолин за инхалации нема во поголемите градски аптеки, па луѓето се организираат на Фејсбук и си праќаат од помалите градови. Не се наоѓа хлоранфеникол маст за очи. Веќе не зборуваме за скапите лекови за ретки болести и цитостатици.

Николов: Се навикнавме на дисфункционалност и таа ни станува навика. Моите трансплантирани пациенти не можат да најдат декортин од 5 мг, не можат да најдат никаков декортин и веќе 6 месеци се прашуваме зошто толку евтин лек мора некој да оди да го купи во соседството. Да биде изложен на дополнителни трошоци. Никој не одговара на тоа прашања ниту се обидува да спроведе корективна мерка за тоа да се коригира. Има недостиг на карбамазепин, на цела палета евтини лекови. За тоа никој не се секира и не презема мерки. Доколку некој се нафатил да води здравствен систем, мора да биде подготвен да спроведува корективни мерки во од, затоа што во здравството  една мала малформација прави големи деформации. Но, тие деформации не се виртуелни, нив ги плаќаат со живот пациентите.

Неодамна во едно интервју рековте дека е потребно да се смени функционирањето на ФЗОМ и МЗ. Како ја замислувате таа промена?

Николов: Функционалноста на ФЗО е бирократско прашање. Јас повеќе би се фокусирал на здравствениот систем. На здравствениот систем му треба значително подобрување на инфраструктурата. Ние имаме здравствен систем во којшто има застарена инфраструктура којашто не може да ги исполни потребите на модерно третирање. Веќе 20 гидини се зборува за клинички центар, а се уште го нема. Готов проект сопственост на РМ, финансиран од ЕБОР е прекинат и тоа доведе да имаме застарена инфраструктира која не може да одговори на потребите. Имаме павилјонски систем во Клиничкиот центар. Кога клиниките би биле под еден покрив, многу полесно би било остварувањето на здравствените процедури. Покрај ова, потребно е да се посвети внимание и на кадровската политика. Ќе биде потребно да се задржат луѓето во јавното здравство. Се повеќе медицински работници се прелеваат во приватното здравство или заминуваат во странство засекогаш.

ФЗО ја нема променето позитивната листа повеќе од 10 години. Последните 5 години не е направена никаква измена на позитивната листа. Формирањето на позитивната листа подлежи на процедура за која последнава владејачка гарнитура ветуваше дека ќе ја олесни, за да добиеме нова позитивна листа, но ни тоа не се случи.

The post Недопустливо е да бидете на одмор додека ви гори куќата, очекувам оставки од двајцата директори на ФЗОМ appeared first on Република.