Професорката Елка Јачева Улчар го прашува „скопското граѓанство“ дали имаат намера да реагираат на скандалот на „мировен фестивал“ кај Скендербег:

Божем, едно опшеСВо за сите… а оно – иссвиркувања на зборови македонски!

 

– Скопско великограЏансво, – се слушаме ли?

 

Мукла, а?

 

Нешто осуда за грабеж, за непочитувања устав, закон, човечки права? Ништо, а?!

 

Па и јас што сум чудна?

 

Вие, гарант, сте „у Грчка“ на море, а „док сте тамо“ сакате да се одморите од небањати националисти што за сенешто „зановетаат“…“, пишува професорката Улчар.

The post Улчар: Божем, едно опшеСВо за сите… а оно – иссвиркувања на зборови македонски! Скопско великограЏансво – се слушаме ли? Мукла а? appeared first on Република.

Македонската унилатерална изјава срам за дипломатијата, за македонската наука за јазикот, за Собранието и за Македонија и за Македонците, воопшто, пишува на Фејсбук, професорката Елка Јачева Улчар.

Не знам кој го пишувал текстов, но прво е неписмено напишан (не е лекториран). Само неколку примери што ми паднаа в очи: на стандарден македонски јазик не се вели „согласно сознанијата“, туку „во согласност со сознанијата/согласно со“, не се вели „било какви“ туку „какви било“, се пишува македонски народ, а не Македонски народ итн.
Второ - се коси со Резолуцијата од нашето Собрание во која се вели: „Преговорите да се водат на рамноправна и принципиелна основа, со должно почитување на меѓународното право, без никакво условување од едната или од другата страна и со почитување на достоинството на македонскиот народ.“ Во текстов гледам сЕ, само не и рамноправност и почитување достоинство на македонскиот народ.
Трето, содржински е катастрофален и оди на рака на бугарската страна. Зошто? а) Зашто историјата на македонскиот јазик не започнува од 1945 година, туку уште со Моравската мисија за чии цели бил создаден старословенскиот јазик врз македонски говори од околината Солун.; б) Дијалектното просториње на македонскиот јазик оди и преку државните граници на Република Македонија (во Пиринска и Егејска Македонија, како и во пограничјето со Албанија и Косово).
Четврто, кардинална неточност е дека македонскиот јазик бил „признат“ на Третата конференција на УНГЕГЕН во Атина 1977 година. Што е признато овде, ќе видите во коментарите подолу.
Ова што го кажувам ќе ви го каже секој чесен и достоинствен македонист, кој работи во полза на својата на професија, а не во полза на разнебитената политичка партија која на ситно ја распродаде Македонија за „туѓи бели дворови“. Од денес, ние, Македонците, ќе си `ргаме како робови благодарение на нив, пишува Јачева Улчар.

The post Македонската унилатерална изјава срам за дипломатијата, за македонската наука за јазикот, за Собранието и за Македонија и за Македонците appeared first on Република.

Професорката Елка Јачева Улчар го прозва премиерот испровоцирана од крајот на неговиот говор во Собранието кога цитираше извадок од „Пиреј“ од Петре М Андреевски.

Да се цитира Петре Андреевски треба да се заслужи! И да се биде голем, барем, половина од него!

Ти, Таче, под петицата си негова. Таму меѓу влекачите!“, коментира Улчар.

The post Улчар до Ковачевски: Да се цитира Петре Андреевски треба да се биде барем половина од него! Ти Таче под петицата си негова! appeared first on Република.

За Бугарија нашиот јазик е само западна норма на бугарскиот јазик која важи само во рамките на границите на Македонија, без своја историја, вели проф. Елка Јачева Улчар од Институтот за македонски јазик за „Утрински брифинг“.

Многу малку се инвестира во македонскиот јазик, државата потфрли. Од над 20 лекторати во Европа и светот пред осамостојувањето, сега се сведовме на 8.

За нашиот јазик, линвистите велат дека е јазик кој има словенска лексика, но балканска граматика. Македонскиот јазик влегува во т.н Балкански јазичен сојуз, во кој покрај нашиот јазик влегуваат уште и бугарскиот, албанскиот романскиот, грчкиот и турскиот. Од сите овие јазици имаме создадено голем број граматички конструкции, чиешто жариште е лоцирано во југозападна Македонија и оттука се шират кон сите други балкански земји, изјави проф. д-р Елка Јачева Улчар од Институтот за македонски јазик.

Научниците, балканистите кои се занимаваат со проучувањето на овие јазици, велат дека македонскиот е еден од најбалканските јазици во оваа група на јазици, додава таа.

The post Проф. Елка Јачева Улчар: Малку се инвестира во македонскиот јазик, државата потфрли appeared first on Република.

Македонскиот јазик е понижен на три фронта, а му недостига љубов и грижа и дома од самите Македонци, вели за „Нова Македонија“ д-р Елка Јачева-Улчар, научна советничка во Институтот за македонски јазик „Крсте Мисирков“ на денешното обраќање по повод Меѓународниот ден на мајчиниот јазик.

Под три фронта, Улчар ги подразбира и македонските малцинства во Грција и во Бугарија, земји во кои „некој се договорил дека македонскиот јазик не постои“.

Мојот мајчин јазик ги живее најдраматичните и најкритичните моменти од своето постоење на долгата историска оска. Многу нешта дома му се кусо на мојот мајчин јазик. Само едни нешта ич не му се куси: неговата уникатност на која се испишани страници и страници литература, неговата глаголивост на која се раскажни усно илјадници приказни, неговата милозвучност на која се испеани најубавите народни песни на Балканот… па затоа и ќе живее долго… толку долго колку што ќе живее и последниот човек што зборува МАКЕДОНСКИ…- вели Јачева-Улчар.

The post Д-р Елка Јачева – Улчар: Македонскиот јазик е понижен на три фронта appeared first on Република.