Четири малолетни лица кои конзумирале алкохол и психотропни супстанци денеска се пренесени на Клиниката за токсикологија. Директорот на Клиниката за токсикологија Андон Чибишев за МИА потврди дека малолетниците се на возраст од 14 до 17 години, и се примени со пореметена свест.

Чибишев посочи дека малолетниците се примени на Одделот за интензивна нега и во моментот трае третманот и клиничките испитувања.

Како што рече, две деца се стабилизирани и се во подобрена општа состојба, а две се на дополнителни клинички испитувања.

-Малолетниците се примени во тешка здравствена состојба, на возраст од 14 до 17 години, две машки и две женски лица, со пореметена свест. Двете од деца се стабилизирани и се во подобрена општа состојба, а две се на дополнителни клинички испитувања, изјави Чибишев.

Во исто време и од МВР за МИА потврдија дека во куќата на Д.Г. (40) имало четири малолетни лица, од кои две биле во безсознание и истите консумирале алкохол и психотропни супстанци.

-Денеска полициски службеници од СВР Скопје постапиле по пријава за нарушен јавен ред и мир и при тоа е утврдено дека во куќата на Д.Г. (40) имало четири малолетни лица, од кои две биле во безсознание и истите консумирале алкохол и психотропни супстанци, потенцираат од МВР.

Како што појаснуваат, лицата веднаш биле пренесени на Клиниката за токсикологија и во координација со јавен обвинител, кој излегол на лице место, се преземаат мерки за расчистување на случајот.

Чибишев посочи дека за утре е можно да има подетални информации во врска со случајот.

The post Завршиле на токсикологија: Деца од 14 и 17 гoдини се изнапиле алкохол и конзумрале дрога appeared first on Република.

При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.

По оваа вест се огласи и познатиот доктор токсиколог Андон Чибишев.

Тој вели дека, бидејќи се работи за отпад кој е продукт од преработка на акумулатори кои содржат тешки метали како олово, кадмиум, и жива кои на краток и долг рок, можат сериозно да ја загадат животната средина заради загадување на почвата и подземните води. Преку нив можат да стигнат во земјоделските производи кои граѓаните секојдневно ги користат за исхрана.

Инаку, оловото спаѓа во групата на тешки метали и внесен во човечкиот организам има исклучителен афинитет кон еритроцитите и коскената срж и во нив може да се задржи од 45 дена во крвта до 30 години во коскената срж. Хроничната експозиција на олово и неговите соединенија доведува до тешки пореметување во создавањето на крвни клетки, сериозни пореметувања на работата на бубрезите, комплицирани испади во централниот и периферниот нервен систем. Овие неповолни ефекти на оловото и неговите соединенија особено се опасни кога на нив се изложени деца и млади до 20 годишна возраст. Ова веќе станува многу сериозно и загрижувачки, вели д-р Чибишев во својата фејсбук објава и ги повикува институциите под итно да утврдат кој ги труе граѓаните и да преземат мерки за обезбедување на загаденото подрачје.

The post Д-р Чибишев: Отпадот кај Ѓорче е сериозна закана по здравјето на скопјани appeared first on Република.

Ова што сега сеслучи за жал, со еден изгубен живот е врв на ледениот брег од она што се случуваше во минатото. Јас неколку пати имам давано изјави во врска со тоа бесчовечно и безмилосно труење на кучињата скитници кои како што опишуваа граѓаните умираа во една страшна агонија и околу нив се собираат љубопитни деца тоа го гледаат, практички невозможно е во таков случај да се случи труење, но теоретски е можно, некои од децата да го допира и да дојде во контакт, изјави во вчерашното гостување во „Тема на денот“ во Дневникот на Сител телевизија Д-р. Андон Чибишев.

Метомилот е генеричко име на еден пестицид, кој што припаѓа на големата група пестициди кои што наоѓаат голема примена во земјоделието и секојдневниот живот. Заштитното име е Ланате. Инаку пестицидите според намената можат да бидат инстикциди за уништување инсекти, фунгициди за уништување на габи, хербициди за уништување на штетна плева и тн. Според хемискиот состав можат да бидат органофосфорни пестициди, карбамати и други. Метомилот припаѓа во групата карбаматни пестициди, објасни Чибишев.

-Морам да нагласам дека едно современо земјоделие не може да се замисли без употреба на пестициди, меѓутоа во позитивните законски прописи кои што се донесени во Република Македонија многу строго се дефинирани, како се произведува, како се дистребуира и како се употребуваат одредени хемикалии кои што се користат во земјоделието. Истото е регулирано во законот за пробет на отрови, истакна доктор Чибишев.

The post Д-р Чибишев за труењето со „Ланате“: Ова што се случи за жал, со еден изгубен живот е врв на ледениот брег од она што се случуваше во минатото appeared first on Република.

Во гостувањето на Алфа ТВ д-р Андон Чибишев истакна дека во сите правни и организирани држави законски се регулирани концентрациите на пестициди кои можат да се користат и кои што можат да бидат присутни во соодветните земјоделски производи. Тој посочи дека според информациите кои што циркулираат во јавноста и медиумите во Македонија има земјоделски производи со високо ниво препарати инсектициди што може да бидат штетни и многу опасни по човековото здравје.

Во сите правни и организирани држави законски се регулирани концентрациите кои можат да се користат и кои што можат да бидат присутни во соодветните земјоделски производи. Сведоци сме дека многу пати, ова не е прв пат, на нашите пазари се среќаваат земјоделски производи, во кои што соодветните државни институции, имаат детектирано присуство на пестициди во зголемени концентрации, во концентрации кои што се недозволиви и кои што можат да бидат штетни за човековото здравје, нагласи Чибишев.

Д.р Чибишев додаде и дека според информациите кои што циркулираат во јавноста и медиумите се работи за препарати инсектициди кои што се користат за уништување на инсекти, а внесени во човековиот организам се опасни особено за бремени жени и деца.

Она за што ние зборуваме и е детектирано според информациите кои што циркулираат во јавноста се препарати инсектициди кои што се користат за уништување на инсекти. Тие внесени во организмот во голема количина може да бидат многу опасни, дури и за животот, меѓутоа хронично внесувани во мали количини можат и те како сериозно да го нарушат здравјето посебно кај деца кај бремени жени и повозрасни индивидуи. Зборуваме за хемикалии кои ги загрозуваат сите органи во организмот, истакна Чибишев.

The post Д-р Чибишев:Овошјето и зеленчукот со пестициди се исклучително опасни, посебно за бремените жени и деца appeared first on Република.

„Во 21 век, во регионална болница на еден од поголемите урбани центри во Македонија да ти се случи интрахоспитална инфекција со бактерија која сме ја среќавале само во нашите книги и тоа напишана со мали букви и при тоа заради ваквиот недозволен пропуст да ти почине млада жена ( 51 година) е повеќе од жално, трагично, нестручно, непрофесионално.

Под итно да се испита случајот и да се казнат одговорните.

Сочувство до семејството на починатата.

Господ нека ја прости!“

Ова е реакцијата на д-р Андон Чибишев од скопска Токсикологија за трагедијата во Прилеп каде жена починала од сепса во Општата болница по извршена операција при која во организмот и навлегла опасната бактерија.

The post Д-р Чибишев: Жално и трагично е во 21. век во регионална болница да ти се случи инфекција со бактерија која ја има само во книги appeared first on Република.

За жал морам да констатирам дека Македонија се наоѓа во епидемиолошки хаос и здравствено безредие. Веќе неколку месеци има многу пациенти со тешки респираторни симптоми кои траат подолго од вообичаено, посебно кај децата, се вели во Фејсбук статусот на доктор Андон Чибишев.

Амбулантите и болниците се преполни со пациенти кои имаат температура, кашлаат, имаат воспаленија на бели дробови, а надлежните институции се уште немаат објаснување за каква инфекција се работи. Дали е тоа корона (кракен), бактерија, друг вирус или нешто четврто. Во неколку градови во државата нема педијатри, колегите гинат на работните места, не можат на сите на им помогнат, во други градови нема одредени медикаменти, општо нема лекови за ретки болести. Жално, неприфатливо, дно, истакна д-рЧибишев.

The post Д-р Чибишев: Со месеци има многу пациенти со тешки респираторни симптоми кои траат подолго од вообичаено, посебно кај децата appeared first on Република.

Токсикологот Андон Чибишев од Клиниката за токсикологија рече дека амонијакот е исклучително токсичен и ако се вдише може да предизвика комплкации, и лекувањето е тешко и долготрајно.

Градоначалникот на Пирот Владан Васиќ синоќа прогласи вонредна состојба во тој град во Србија, откако два вагони-цистерни од воз кој превезувал амонијак се лизнале и паднале во реката Нишава кај Сопотски хан.

Како што објави пиротскиот портал Плусонлајн.рс, 51 лице е хоспитализирано со симптоми на труење поради истекување на гас и висока концентрација на амонијак во воздухот, а поради прогласувањето вонредна состојба училиштата во Пирот денес нема да работат.

https://republika.mk/vesti/balkan/proglasena-vonredna-sostojba-poradi-istekuvanje-na-amonijak-vo-pirot/

The post Д-р Чибишев: Амонијакот е исклучително токсичен и ако се вдише може да предизвика компликации appeared first on Република.

Афлатоксинот е искличително токсичен кај децата во развој и може да предизвика ментални нарушувања, смета д-р Андон Чибишев од Клиниката за токсикологија во Скопје.

Агенцијата за храна и ветеринарство (АХВ) неодамна откри дека има зголемено присуство на афлитоксин во млекото „УХТ ТРАЈНО МЛЕКО“, „МИЛКАНО“ 3,2% кое беше достапно на македонскиот пазар преку увоз од Босна и Херцеговина, а потоа и во јогуртот „Баланс плус“ од еден литар.

Овие производи беа повлечени од пазарот поради неусолалсеност на концентацијата на афлатоксини кои се потенцијален ризик по здравјето на луѓето. Последиците зависат од индивидуалниот имунолошки одговор.

Д-р Чибишев објаснува дека афлитоксинот може да предизвика болести на црниот дроб, намалена екифкасност на имунитетот.

Повисокото количество на афлатоксин може да предизвика сериозни здравствени проблеми. Тоа има афинитет кон ендокриниот систем и кон жлездите со внатрешно лачење, кон имуноошкиот систем, а посебно кон оној дел од имунолошкиот систем којшто ја дава отпорноста кон вируси. Она што е најтрагично е што исклучително токсичен за децата во развој, го успорува нивниот развој и делува врз менталниот развој, вели д-р Чибишев.

Според д-р Чибишев, оние кои конзумирале производи со зголемена концентрација на афлатоксин треба да се јават кај матичните лекари за лабораториски испитувања.

The post Д-р Андон Чибишев: Афлатоксинот е исклучително токсичен кај децата во развој appeared first on Република.