Повеќе од 50 музички артисти од домашната и светската сцена настапија на шест фестивалски бини во рамките на 14. издание на „Д Фестивал“, што се одржа од 28 јуни до 30 јуни во Дојран. Најпопуларниот фестивал на нашите простори во организација на „Пасворд продукција“, годинава го имаше своето најдобро издание досега, кое беше збогатено со голем број различни зони за посетителите, како и со бројни изложби, перформанси, кино, театар, дебати, работилници.

Покрај музичката програма, и оваа година „Д Фест“ понуди повеќе од 30 најразлични видови уметности и дружби во „ПлоштАрт“, меѓу кои и стенд ап настапи, живи статуи, повеќе видови на танци, тетовирање во живо, јога, тарот, масажа, бесплатна психолошка помош, базар и многу други креативни активности. Оваа година организаторите објавија „Д мапа“, но и „Д Апликација“ за лесна ориентација за време на фестивалот, вклучувајќи го и славниот Д-Камп за посетителите на фестивалот.

Фестивалот во петокот го отворија хрватскиот бенд „Елементал“, застапничката на африканската култура Фатумата Диавара, словенечката музичка сензација „Јокер Оут“, Палестинската диџејка Сама Абдулхади, која за прв пат настапи во Македонија, а првата вечер на главниот Together X стејџ ја комплетираше италијанската диџејка Дебора Де Лука, позната по своити сетови на Cercle и стадионот на Наполи, Марадона.

Вториот ден на „Д Фестивал“ помина во знакот на концертите на хардрок-панк-метал-рокенрол-џез сензацијата „Пич Вајс“, македонскиот треш-метал бенд Санаториум, ѕвездата на македонската рап сцена LD Pistolero во придружба на ДЈ Гоце и R.O.N.I.N., американскиот рапер Лил Памп, нашиот познат диџеј Flooder, а атмосферата достигна точка на вриење со перформансот на едно од најмоќните имиња на електро сцената Hot Since 82, кој има настапувано и на позантите фестивали Coachella и Glastonbury и во култните клубови Fabric во Лондон и Pacha на шпанскиот остров Ибица.

Во рамките на последната неделна вечер, фестивалската еуфорија кулминираше со забава до утринските часови со концертот на македонската андерграунд атракција „Луфтханза“, популарниот кавер бенд „Нувел ваг“, британскиот хит мејкер Џоел Кори и настапот на светскиот хит мејкер Џонас Блу, кој ги донесе своите неверојатни хитови и енергија на главниот стејџ.

The post „Д Фестивал“ со спектакуларни концерти и атрактивна придружна програма appeared first on Република.

За време на одржувањето на фестивалот „Д фестивал“ во Стар Дојран полицијата уапсила 19 лица.

Како што соопштуваат од МВР, на 29.06., 30.06. и 01.07.2024, полициски службеници ги лишиле од слобода А.С.(29) од Струмица, Д.Ш.(24) од Гевгелија, Ј.Р.(23) од Скопје, К.В.(24) од Куманово, А.А.(32) од Струмица, Д.А.(34) од Скопје, Г.И.(46) од Скопје, Ј.Б.(32) од Гостивар, В.Г.(18) од село Црничани, гевгелиско, Т.П.(18) и К.Ц.(18), и двајцата од село Миравци, гевгелиско, Г.М.(47) од Скопје, Ф.И.(19) од село Удово, валандовско, Б.С.(23) од село Батинци, скопско, Д.З.(23) од Скопје, А.А.(30) од Валандово, Н.А.(18) од Скопје, С.П.(20) од Башино Село, велешко, и еден 17-годишен турски државјанин.

При преглед кај нив, како и при контрола во возила во кои се превезувале биле пронајдени марихуана, прашкаста материја и таблети. За настаните бил запознаен јавен обвинител, а по нивно документирање против лицата ќе бидат поднесени соодветни поднесоци, соопшти МВР.

The post Полицијата фатила 19 лица со дрога на „Д фестивал“ appeared first on Република.

Телекомуникацискиот оператор МТЕЛ и Пасворд продукција договорија соработка со која компанијата станува официјален партнер и поддржувач на настаните во организација на продукциската куќа. Прв настан кој што ќе се одржи под покровителство на МТЕЛ е музичкиот фестивал Д фест што ќе се одржи на крајот од јуни во Дојран.

Како што изјави на денешната прес-конференција по повод договорот за партнерство генералниот директор на МТЕЛ, Марко Лопичиќ, во Д Фест компанијата препознала вистински културен бренд и со задоволство ќе го поддржат настанот во улога на спонзор.

Д фест е настан, пред се, наменет за младите и тоа е причина повеќе поради која навистина сме горди за оваа соработка, како компанија да поддржиме нешто што навистина им значи на младите. Се надеваме дека нашата поддршка ќе помогне во обезбедување на квалитетна музичка програма, организација и логистика, како и дополнителни активности со кои присутните на фестивалот навистина ќе уживаат. Се радуваме за можностите што ова партнерство ќе ги создаде и за фестивалот и за нашата компанија. Но, оваа соработка со Пасворд продукција не застанува само на Д фестивал, среќен сум што може да информирам дека МТЕЛ ќе биде официјален партнер на сите настани во организација на Пасворд, меѓу кои Таксират и ПИН конференцијата, рече генералниот директор Лопичиќ.

Извршниот продуцент на Пасворд Продукција, Логин Кочишки истакна дека благодарение на соработката со МТЕЛ, за Д Фест организираат и акција „4+1“ за сите над 30 години, а за деца до 10 години влезот ќе биде бесплатен.

Ова е нешто околу нашите новитети кои сакаме да ги воведеме благодарение на нашите партнери од оваа година. Секако, освен Д Фестивал, во соработката ги споменавме и нашите други „деца“ Таксират фестивал и ПИН Музичката конференција. Таксират фестивалот годинава го очекува своето 26-то издание. Таксират ќе започне годинава со отварањето на ПИН Музичката конференција, па следува соло концертот на Апокалиптика, и главната Таксират вечер како секој 7-ми декември, истакна Кочишки која подвлече дека наскоро ќе најават уште три соло концерти што ги организираат во склоп на годинашното издание на Таксират.

На прес-конференцијата беше истакнато дека Д Фестивал во рамки на неговото 14-годишно постоење брои повеќе од 130 илјади посетители кои биле забавувани од над 400 артисти.

Пораснавме многу генерации во овие 14 години, сме имале повеќе од 130.000 публика забавувана од 400 артисти.

Д фестивалот оваа година ќе се одржи од 28 до 30 јуни во Дојран со 11 звучни имиња од музичката сцена, рече Рамона Кочишки.

Покрај богата музичка програма организаторите предвидуваат и најразлични активности за сите возрасти и генерации во текот на фестивалските денови.

https://republika.mk/scena/d-festival-najavuva-nepovtorlivo-shou-pod-otvoreno-nebo-so-programa-na-nekolku-stejdhovi/

The post 14. издание на Д Фестивал од 28 до 30 јуни во Дојран : Пораснавме многу генерации во овие 14 години, имаме повеќе од 130 илјади посетители кои биле забавувани од над 400 артисти appeared first on Република.

Како што се наближува овогодинешниот „Д Фестивал“, така од „Пасворд“ ги најавуваат и останатите музички имиња што од 28 до 30 јуни ќе бидат дел од четиринаесетотто издание на најголемиот фестивал под отворено небо, кој во Дојран за сите фестивалџии и кампери ќе понуди програма на неколку стејџови.

Палестинската диџејка Сама Абдулхади за прв пат доаѓа во Македонија, со тоа и прв пат на „Д Фестивал“. Како што велат организаторите, Сама е амблемот на палестинската андерграунд сцена и е една од првите диџејки и продуцентки на електронска музика што се појавуваат од тој регион.

Во 2018 со својот дебитантски настап на Boiler Room веќе станува препознатливо име кај меѓународните обожаватели на техно сцената. Со нејзиниот сет достигнува до 13 милиони прегледи, споделуван е од многу големи и познати диџеи, а уште поимпресивно е тоа што во тој момент се пробива и надвор од својот регион. Сама сега важи за една од највозбудливите диџеи во светот! Таа со своите сетови ги има освоено бините на Coachella, Glastonbury, Fusion,Circoloco, Lost Village, Primavera, легендарната Dance Arena на Exit Festival“, посочуваат од „Пасворд“.

Исто така, на главниот стејџ за прв пат ќе пристигне и Дебора Де Лука.

Со своите сетови на Cerclе, наполитанскиот стадион Maradona, сет снимен од најпрестижниот глобален магазин Mixmag достигнува повеќе од 30 милиони прегледи на Јутјуб. Врзете ги патиките, се гледаме на подиум“, велат од „Пасворд“.

„Пич Вајс“ се враќаат на „Д Фестивал“, но сега спремни да ја освојат главната сцена.

Со хардрок-панк-метал-рокенрол-џез рифови спремни да ја треснат од земја публиката на овогодинешниот ‘Д Фестивал’. Наравоучение: Не смееш да го пропуштиш ова пичвајз шоу!“, се вели во соопштението.

„Санаториум“ е веќе познато име од македонската треш – метал сцена кој доаѓа „Д Фестивал“.

„‘Моторхед’, ‘Слеер’, ‘Халфорд’, ‘Соулфајл’ се само дел од најголемите метал имиња со кои ‘Санаториум’ ја делеле сцената. Со својата моќност и енергија се спремни да го освојат главниот стејџ и да ни направат едно незаборавно шоу“, соопштуваат организаторите.

Во однос на стејџот „Мosquito“, таму како дополнение е групата „Јин Јин“, кои се актуелни со нивниот трет албум „Mount Matsu“. Овие хиперкреативни музичари од Холандија го прават вистинскиот микс на психоделичен рок, фанк, диско и јужноазиски мелодии, досега пренесени во три албуми – патувања.

Креативни мајстори кои веќе ја освојуваат Европа и ја фрлаат во светот на вистинска музичка авантура, а сега само за прв пат ќе танцуваме со нив под сонцето на ‘Д Фестивал’. Подгответе се за вистинско музичко патување кое нема да го заборавите!“, велат од „Пасворд“.

На т.н. „Smooth“ стејџ ќе настапува „Номад“, прогресивен рок бенд од Куманово, за кои организаторите посочуваат дека се трудат да ја задржат традиционалната музика, но да и дадат нов шмек во рок-метал стил.

„‘Море сокол пие’, ‘Митра мома’, ‘Мома оди за вода’ се само едни од преработените песни кои ќе ги слушнеме на ‘Д Фестивал’. Слушајте нова македонска музика на ‘Smooth’ стејџ“, стои во соопштението.

Понатаму, на истата бина ќе се качи Ем-Си Кејн, млад актист од Скопје. „Времеплов“ е неговиот прв албум кој е ретроспектива на главните делови од неговото детство. Исто така, на овој стејџ ќе настапува и ДемиџКонтрол, млад креативец кој ги слуша зградите на Скопје и ги пренесува нивните пораки преку вибрантни и размрдувачки битови, инспириран од новиот бран на подземен хип-хоп и експерименталната електронска музика. Воедно, овој стејџ ќе биде и местото да се гледаат и слушаат „Црно собрание“, бенд стартуван во скопската гимназија „Никола Карев“ како кавер состав, а сега веќе и со своја авторска музика.

Кога зборуваме за хип-хоп, сцената „LakeAwake“ ќе ги „вдоми“ диџеите Страјк, Гоце и Чваре.

Инаку, претходно на „Д Фест“ се најавени и застапничката на африканската култура Фатумата Диавара, популарниот кавер бенд „Нувел ваг“, потоа Лил Памп, бендот „Елементал“ од Хрватска, босандскиот реге-поп бенд „Зостер“, домашното рокенрол лудило „Корпорација Вагина“, а фестивалот повторно ќе биде активиран и стејџот „Shake D Lake“. Овде, во соработка со „Sure Shotz“, ќе настапуваат повеќе трапери како Хилјсон Мандела, Бакс, Ружно Паце, Бон Праскиза, Лука Чомбе, Булз, Шорти Пи, Ири Скреч, Огипилсон.

The post Д’ Фестивал најавува неповторливо шоу под отворено небо со програма на неколку стејџови appeared first on Република.

Таа позади себе има два успешни албуми "Fatou" (2011) и "Fenfo" (2018) кои се фаворит на критичарите и публиката. Нејзината соработка со Gorillaz на патеката „Désolé“ ја покажа нејзината сестраност, со нејзиното меѓународно признание за соработката, таа продолжува да ги руши границите во музичката индустрија.

Надвор од нејзината музичка моќ, Fatoumata е и актерка која била номинирана на наградите БАФТА и Оскарите во 2014 година, покрај тоа и активистка која се залага за поддршка на женските права и социјалната правда!

Не ја пропуштајте оваа ретка можност да бидете сведоци на магијата на Fatoumata Diawara во живо на Д Фестивал.

The post Волшебната Fatoumata Diawara ќе ја краси сцената на Д Фестивал со нејзиниот извонреден вокал и моќни перформанси appeared first on Република.

The post „Зостер“ за прв пат пристигнуваат на Д фестивал appeared first on Република.

Victoria од Måneskin ни пристигнува со спектакуларен DJ Set! , информираат од Д Фестивал.

Официјалната промо забава на Д Фестивал ја отвараме со басистката од супер популарниот бенд на новата генерација, Måneskin.
Со групата Måneskin го освоија срцето на публиката и станаа светска сензација освојувајќи ја Евровизија во 2021 година со песната ,,Zitti E Buoni‘‘.
Victoria за првата нејзина соло турнеја:
“You better come to my very first tour as a DJ. I really want to bring some noise and have a good time. Secure your assets and prepare to jump on your way to heaven. See you, I love you. Muah!”
Датум: 19.04.2024
Старт: 23:59
Локација: Станица 26
Првите 100 билети ги пуштаме во продажба денес по ПРОМО цена од 990 денари
Втора цена - 1200 // Трета цена - 1500
Линкот за влезници: https://mktickets.mk/event/victoria-dj-set/
Password Production x Станица 26

The post Викторија од Måneskin доаѓа на промо забава на Д Фестивал appeared first on Република.

The post LIL PUMP доаѓа на Д Фестивал appeared first on Република.

The post „Елементал“ – најпопуларниот музички состав од Хрватска за прв пат на Д Фестивал!  appeared first on Република.

Денеска, точно на пладне започувна со продажба специјалната промотивна акција на билети РАН КОРМОРАН во ограничен број од 300 билети за овогодишното, четиринаесето издание на Д Фестивал!

Најповолната цена на фестивалските билети е секогаш резервирана за верните фанови на Д Фестивал, спремни први да се впуштат во акција:

• 1200 ден. - тридневен фестивалски билет со пристап до цела програма)
• 1300 ден. (тридневен фестивалски билет со пристап до цела програма + камп место).

Официјален слоган на овогодинешното издание - #LoveSpreads! Ширете го чувството на љубов, заедничката радост и припадност, бидејќи знаеме дека Љубовта е она што нè поврзува и прави нашите срца да чукаат посилно.

Со нетрпение го чекаме летото за да се сретнеме повторно и заедно да ја креираме новата магична фестивалска приказна од 28 до 30 јуни!

Купете ја својата влезница уште веднаш на dfestival.mk/vleznici или преку продажната мрежа на МК Тикетс.

The post Денеска почнува Ран Корморан appeared first on Република.

Фестивал на кои ќе доживеете неверојатни звуци, вкусови и активности за сите сетила! Под отворено небо уживајте во музика, јога, цртање, филмови, освежете се со нова тетоважа, спортувајте, смејте се на стенд ап комедија и завршете го денот со танцови под ѕвезди.

Продажната акција - РАН КОРМОРАН стратува во среда од 12:00 преку продажната мрежа на MkTickets, со почетна цена на билети:

- 1200 денари (тридневен фестивалски билет за цела програма);

- 1300 денари (тридневен фестивалски билет за цела програма + камп место).

Не пропуштајте го 14. Д Фестивал! Заокружете си ги датумите во календар и придружете ни се на едно неверојатно искуство! #LoveSpreads!

Дизајн на постер, Еден и Единствен: Vane Kosturanov

Официјален настан: https://fb.me/e/3lNEYOUbj

The post Од 28 до 30 јуни четиринаесето издание на Д Фестивал под мотото „Love Spreads“ appeared first on Република.

The post Почна „Ран корморан“ со најповолните билети за Д Фестивал 2023 appeared first on Република.

Фестивалите „Таксират“ и „Д Фестивал“ се во трка за престижните „Европски фестивалски награди“, најзначајното признание за музичките настани на стариот континент. Двата фестивала, како што информира нивниот организатор „Пасворд Продакшн“, се единствени од Македонија номинирани во две различни категории заедно со 45 други фестивали од 19 држави од Европа.

Зимскиот „Таксират“ влегува во категоријата за „Најдобар фестивал во затоврен простор“, додека пак „Д Фестивал“ е номиниран за „Најдобар мал фестивал“ односно категоријата во која спаѓаат фестивалите со капацитет од 10 000 посетители дневно.

По номинацијата, за изборот на победниците главниот збор го има милионската публика од целиот свет која веќе гласа за своите омилени фестивали. Гласањето е отворено за сите, па и за македонската публика која може да ги поддржи фестивали преку овој линк.

„Европските Фестивалски Награди“ се најзначајното меѓународно признание за препознавање на квалитетот на фестивалските организации на кои се должи европската разновидна и енергична фестивалска сцена. Токму затоа за победниците од секоја категорија одлучуваат оние кои се најважниот дел од музичките фестивали – публиката! Преку отворено гласање на официјалната онлајн платформа (https://www.surveymonkey.com/r/efavoting2022) јавноста ќе може да гласа во сите категории и секако да ги поддржи „Таксират“ и „Д Фестивал“ со својот глас сѐ до 7 декември.

Прогласувањето на победниците ќе биде на 18 јануари 2023, на свеченото доделување на наградите во Гронинген, Холандија. За конечните победници во секоја од категориите, се одлучува според гласовите од публиката, но и стручното жири кое го сочинуваат истакнати личности од светската музичка индустрија.

The post Да ги поддржиме со клик: „Таксират“ и „Д Фестивал“ номинирани за најдобри фестивали во Европа appeared first on Република.

Полицијата за време на одржување на музичка манифестација во Стар Дојран синоќа, од 20:30 часот до изутринава 2:30 часот, извршила контрола и лишиле од слобода девет лица бидејќи кај нив биле пронајдени повеќе видови дрога.

Како што информира МВР, лишени од слобода се К.А.(18) и А.М.(19), двајцата од Скопје, М.Ц.(26) и Д.П.(27), двајцата од Куманово, Г.П.(22) од Прилеп, Н.М.(22) од Охрид, Т.С.(21) од Валандово, Д.А.(19) од село Николиќ, општина Дојран и И.К.(20) од село Иловица, Струмичко, бидејќи кај нив биле пронајдени повеќе видови дрога.

Лицата биле приведени во полициска станица и по целосно документирање на случаите против нив ќе бидат поднесени соодветни поднесоци - соопшти МВР.

Во акцијата биле вклучени полициски службеници од Секторот за внатрешни работи Струмица, во координација со полициски службеници од Секторот за недозволена трговија со дрога, оружје и опасни материи при МВР и Единица за недозволена трговија со дрога, оружје и опасни материи при СВР Скопје.

The post Полицијата апсела на Д фестивал во Дојран appeared first on Република.

The post Ексклузивен настап на Констракта на Д Фестивал appeared first on Република.