Владата и Министерството за земјоделство наредната 2025 година ќе започнат со спроведување на 10-годишната програма, со која 20 милиони евра на годишно ниво ќе бидат одвоени за инвестиции и враќање на системите за наводнување во една функционална состојба. Ова при денешната посета на Делчево го најави министерот за земјоделство, шумарство и водостопанство, Цветан Трипуноски напоменувајки дека Владата и Министерството се свесни дека водата е битен елемент во земјоделското призводство.

-Ние не можеме да се надеваме на рентабилно производство ниту по квалитет нити по квантитет, ако немаме количина на вода. Не само во делот на истокот, речиси на целата територија ќе се работи засилено на враќање на системите во функционална состојба свесни дека е клучен елемент во земјоделското производство, рече Трипуноски.

Тој се осврна и на намалувањето на сточниот фонд како одговор на новинарско прашање што е планирано за да се ублажи состојбата со намалениот број на добиток.

-Бројките се лоши навистина е катастрофална ситуацијата, тоа е резултат на оние погрешни и задоцнети мерки кои ги правеше изминатата власт. За жал нашите полици се со увозно млеко, а нашето производство на месо, живина, свинско итн, е веќе преполовено. Ние ќе дадеме веќе од идната програма 2025 година зголемена поддршка, се со цел да го враќаме сточниот фонд, бидејќи мораме да обезбедиме домашна храна за нашите сограѓани и нормално како извоз на земјоделски производи, додаде Трипуноски.

Најави и редефинирање на програмата за субвенции со крајна вел да се стимулира зголемено производство.

-Нормално оние субвенции што ќе ги даваме ќе ги исплаќаме навреме, се со цел да бидат дополнително додадена вредност во делот на сточарството. Знаете дека со доаѓањето на власт ние веќе исплаќаме субвенции кои се од претходни години, дали е тоа за предадено јагне во кланични капацитети, дали за литар млеко кое што досега требаше да го имаат земено сточарите меѓутоа ние како Влада даваме веќе сериозен прироритет во делот на исплата на субвенции, ќе градиме мерки кои што ќе бидат долгорочни, додаде Трипуноски.

Во Делчево министерот оствари средба со производителите на сливи од Делчево, Берово и Пехчево на која информираше дека Министерството е во процес на креирање на дополнителни мерки кои ќе значат помош за производителите на сливи, со цел да се спаси оваа сезона, но и да се задржи активна оваа категорија на земјоделци. 

The post Трипуновски: Ќе одвоиме 20 милиони евра на годишно ниво за враќање на системите за наводнување во функционална состојба appeared first on Република.

Денеска сме овде на овој протест да им дадеме поддршка на земјоделците кои што си ги бараат своите права.

Во услови кога браната Калиманци е полна, во услови кога вода треба да има до секоја површина ние имаме празни полиња, меѓутоа она што е алармантно, покрај што нема вода, во услови на ваква суша и на ваква катаклизма, Владата носи одлука за зголемување на водниот надомест и таа одлука е објавена во Службен Весник на 11-ти јули.

Во оваа одлука на цела територија на Република Македонија се зголемува водниот надомест во просек за 70%, тоа значи дека овие земјоделци покрај тоа што го изгубиле својот род на крајот од годината ќе треба да платат за 70% повисоки сметки.

Ова е крајно неодговорно и затоа го повикувам министерот и целата Влада, уште веднаш да се направи план да се пушти вода и да се спаси она што остана да се спаси на овие полиња, дополнително да се ослободат овие земјоделци од воден надомест за 2023 година затоа што штетата е неминовна. Лоша беше жетвата, лоша е и пченката, и луцерката, се е лошо во овој регион, односно земјоделците ќе треба да платат само кон државата, а ништо нема да можат да земат за да ги прехранат своите семејства.

Значи овој несериозен однос треба да престане, треба да се одважат овие функционери кои што живеат на државен трошок и да излезат на терен и да го решат проблемот.

Им порачувам на сите земјоделци добро е што оваа Влада и се бројат деновите од своето владеење и дека доаѓаат подобри времиња за земјоделците, односно ВМРО-ДПМНЕ има план како во иднина вакви ситуации да не се случуваат ширум Република Македонија.

The post Трипуновски: Да се пушти вода во Светиниколско, земјоделците да се ослободат од воден надомест за 2023 година appeared first on Република.

Вечерва сум на трибина во Тетово со земјоделците од полошкиот регион во организација на републичката комисија за земјоделство, шумарство и водостопанство на ВМРО-ДПМНЕ.

Целта на оваа трибина е во една дискусија со земјоделците за апсолвирање на актуелната состојба во земјоделството во Македонија, како еден од носечките столбови и на нашата економија и на државата, вели Цветан Трипуновски.

The post Трипуновски: Состојбата во земјоделството е катастрофална appeared first on Република.

Случајот со Екрем Јаји од Арачиново го објавува уште во 2020 година кога станав дополнителен заменик технички министер. Само што ме назначија на позицијата ветив дека ќе работам во интерес на сите земјоделци, без разлика на нивната национална, етичка или политичка припадност. Кога го примив Екрем во министерството и кога разговаравме ми беше кажано дека само што слушнал од телевизија дека има нов министер решил да дојде директно во Скопје да побара помош. Разговаравме и ми беше кажано дека чека исплата на оштета на уништен овоштарник со околу 600 дрва од 2016та година, бидејќи тогашниот а и сегашен министер Љупчо Николовски одбивал да ја исплати оштетата, и директно го малтретирале шетајќи го по институции, за на крајот да побараат да извади партиска книшка од СДСМ ако сака да ја добие оштетата која што законски му следува, стои во Фејсбук статусот на Цветан Трипуновски од ВМРО-ДПМНЕ.

Тој напиша дека од целосната документација која му била приложена од страна на Екрем, увидел дека документацијата е комплетна со записник од Државниот инспекторат за земјоделство каде што е констатирано дека навистина е уништен неговиот овошен насад.

– Екрем е само еден пример дека институциите во Република Македонија под водство на власта на СДСМ, Љупчо Николовски и Димитар Ковачевски не функционираат. Апелирав да се исплати оштетата и парите да стигнат до Екрем и неговото семејство, укажувајќи дека земјоделието им е единствена егзистенција. Но, што се случи по неколку години? Се сменија неколку министри, а Екрем се уште талка по институции… Па така пред само два прочитав дека се уште не се исплатени парите од 2016та година. Замислете цели 6 години измачениот Екрем моли да му се исплати оштета од 2016та година. Како што видов Екрем им се придружил на земјоделците од Преспа кои протестираа бидејќи Љупчо Николовски и Димитар Ковачевски го клекнаа земјоделието на колена. Министерот Николовски во краток одговор за истиот портал кој објави за случајот на Екрем, изјавил дека во вторник е усвоен извештајот за штетите во Арачиново предизвикани од поплавите во 2016та година, и уверува дека жителите на Арачиново ќе го добијат својот надомест на штета. Не потврдува, туку уверува, што значи дека како и за се друго, така и за ова ќе излаже. Еве каде е вторник Љупчо, ајде да видиме. Љупчо Николовски нема ниту срам, ниту трошка човечност и грев за овие луѓе? Ова е потценување на трудот и маката на земјоделците, луѓето кои произведуваат храна за сите граѓани во државата и надвор да се прехранат се соочуваат со беда и сиромаштија, и се само поради неспособноста на Љупчо Николовски. Јавно го прашувам Николовски, зошто се уште не е исплатена оштетата на Екрем? Како може Министерството и Николовски, да делат грант на фирмите на Заеви во вредност од 1.4 милиони евра, а не можат да исплатат оштета за уништен овоштарник? Љупчо ти не ја разбираш маката на земјоделците, ти не знаеш што значи да работиш на плус 40 степени, ниту пак што значи да сврзуваш крај со крај, појасни Трипуновски.

Тој посочи дека доаѓа крајот на ова понижување и изживување со земјоделците.

– Тогаш, јас те уверувам и тебе и сите околу тебе Љупчо кои се поигруваа со маката на земјоделците ќе одговарате, и за Екрем и за сите други земјоделци, додаде Трипуновски.

The post Трипуновски: Екрем од Арачиново 6 години чека исплата на штета од поплавите во 2016-та, додека Николовски дели милиони на фирмите на Заеви appeared first on Република.

Цветан Трипуновски од ВМРО-ДПМНЕ му одговори на министерот за земјоделство Љупчо Николовски дека постигнал историски највисоки откупни цени на грозјето.

https://republika.mk/vesti/ekonomija/po-najaveniot-protest-na-lozarite-ljupcho-nikolovski-se-pofali-so-istorisko-zgolemuvanje-na-otkupnata-cena-za-grozjeto/

Каков министер, такви цени на грозјето, КАТАСТРОФАЛНИ‼

Во услови кога цените на сите прехранбени производи енормно растат, имаме галопирачка инфлација, Николовски догобара мизерни цени за откуп на смедеревката и вранецот, од 13 и 15 денари по килограм.

Ах бе Љупчо, ова ли е таа грижа за лозарите, свесно договараш грозјето да им се купи за без пари.

Се поигруваш со маката и трудот на над 20.000 лозари во Македонија.

Народот веќе нема трпение, разочарувањата се големи, револтот расте, лозарите се се посиромашни, едвај преживуваат.

Ти и владата на СДСМ свесно го уништувате лозарството во Тиквешијата, од вакви ниски, катастрофални цени наместо во откупни пунктови, лозарите го оставаат на нивата така да скапува.

Барам веднаш корекција на цените на грозјето, имајќи во предвид дека трошоците за производство на грозје се големи и самиот факт што самата бербата на грозје е скапа.

Плус барам дополнителна субвенција од 2 денари по килограм предаден килограм грозје.

За крај, сакам да го искоментирам статусот и фотографиите на Николовски, и да му порачам:

Љупчо, по ова што си го напишал и договорил со вакви мизерни цени, се гледа дека разговорите воопшто не биле исцрпувачки, туку ти си изморен од шетање и славење по Словенија, на грбот на земјоделците.

Дополнително Љупчо кога договараш и преговараш за грозјето прво договараш средба со лозарите и ги слушаш нивните барања, а потоа одржуваш состанок со винариите, зошто ти треба да си министер на народот на лозарите, а не обратно. На фотографиите нема ниту еден лозар од кој што може лично да се слушнат неговите маки.

Веднаш корекција на цените на откуп на грозјето, во спротивно ти доаѓа крајот на министерувањето.

Се гледаме на протести!!!

The post Трипуновски до Николовски: Цените се катастрофални како и твоето министерување, се гледаме на протести appeared first on Република.

„Хидролошката ситуација во државата на акумулациите на природните и вештачките не е во добра кондиција, а тоа значи дека многу брзо ќе дојде есен, односно зима кога ќе имаме пак сериозен проблем.
А, тоа влече последици од минатата година кога нерационално се искористи водата во акумулациите едноставно се произведуваше електрична енергија за одредени проценти профити. А, во втор план односно не се зема во обѕир тоа што ќе ни се случува и со водата која што се користи за полевање и онаа за пиење, но и онаа техничка вода која што се користи ширум државата така да едноставно ова ќе има последици“, истакна Цветан Трипуновски, претседател на комисијата за земјоделство, шумарство и водостопанство при ВМРО-ДПМНЕ во гостување во емисијата „Што не е јасно“ на Алфа телевизија.

Трипуновски додаде дека годинава ги нема оние дождови кои што се очекуваат во пролетниот период, а тоа значи дека има помал дотур во акумулациите, тоа значи дека има помала помош во полевање на земјоделските површини.

„Оваа ситуација е премногу алармантна и верувам дека земјоделците ширум државата не дека ќе ги организира ВМРО-ДПМНЕ, туку самите ќе се организираат и овој револт ќе мора да го изразат на улица. Едноставно ова веќе не се трпи што се случува во државата“, рече Трипуновски.

Трипуновски во текот на емисијата се осврна и на тутунарите, кои што исто така се наоѓаат во тешка состојба поради неспособноста на власта.

„Од власта не можат да соберат храброст и на тутунарите да кажат дека касата е празна. Парите од власта ги потрошија на она магаре кое што го тренираа во Прилеп, на златните чинии и вилушки во Владата, на новите автомобили, и луксузот кој што го користат на државен трошок“, нагласи Трипуновски.

Трипуновски рече дека власта за да ја сокрие својата неспособност ја обвинува опозицијата дека го кочела законот.
„За да биде појасно на сите, субвенциите кои што требаше да се исплатат по завршувањето на откупот на тутун согласно списоците која секоја откупна компанија ги има за земјоделец, име и презиме, количина, класа и ги испраќа до надлежната институција односно платежната агенција. И платежната агенција ги испраќа до министерството за финансии, и нормално треба да ги исплати средствата. А, она што значи откупна компанија да го плати она што е обврска спрема Управата за јавни приходи за да едноставно бидат растеретени самите земјоделци. И сега власта вели ВМРО-ДПМНЕ и пратениците го кочат законот во Собрание и затоа вие не можете да земете субвенции. Што апсолутно не е точно. Вистина е дека сите земјоделци имаат обврски спрема УЈП по некои други основи, освен она што значи данок на приход по основ на продаден тутун. Меѓутоа овој закон кој што се носи секоја година е за да се ослободат земјоделците евентуално ако имаат некаков долг спрема УЈП, да ги земат субвенциите, па да ги платат давачките. Меѓутоа што е тука круцијално? Со ова што го прави власта сега, министерот и премиерот излегува дека сите тутунари преку 20.000 во државата се луѓе кои што не го почитуваат Законот, кои што не ги плаќаат давачките спрема државата и затоа не можат да земат субвенции“, појасни Трипуновски.

Трипуновски укажа дека од тие 20.000 тутунари дали од нив 5% имаат обврски спрема УЈП. Сите тутунари трпат ради неспособноста на власта и која ги потрошила парите од државната каса за својот луксуз.

The post Трипуновски: Државната каса за тутунарите е празна, власта ги потроши парите на она магаре кое што го тренираа и на златните чинии и вилушки во Влада appeared first on Република.

По стоти пат да повториме дека интервентниот фонд постои заради амандманот кој што го поднесоа пратениците на ВМРО-ДПМНЕ, ако власта сакаше да има интервентен фонд ќе го предложеа уште со предлагање на буџетот за 2022 година.

Повеќе од очигледно е дека СДСМ неможе да ја види суровата реалност на земјоделците во Македонија затоа што седат во удобните канцеларии наместо да прошетаат и да ја видат реалната слика во земјоделскиот сектор, нагласува Цеветан Трипуновски од ВМРО-ДПМНЕ.

Заради неспособноста и погубните политики на СДСМ во изминативе 5 години во моментов градинарите во струмичко протестираат заради лошиот пласман на пролетната зелка, родот на јаболкарите од преспанско стои неоткупен и без пласман, оризарите во кочанско се уште мака мачат да го пласираат ланскиот ориз, неисплатени субвенции, односно нема гранка во Република Македонија која што не го допрела дното.

Власта знаела за кризата која што се случува во моментов уште во Ноември месец ама бркајќи ги процентите од тендерите ја остави државата и народот без потребните залихи на основните прехрамбени продукти. Денес во Македонија е вистинска уметност да најдете килограм зејтин низ маркетите, цената на брашното и лебот пораснаа за над 100%, инфлацијата е двоцифрена, со еден збор кажано Македонија од некогаш сериозен производител на храна денес е сѐ повеќе увозно зависна.

Изминативе години со СДСМ на власт имавме неколку кризи, а последнава со недостаток на храна заради неспособноста и некадарноста на власта молиме и питаме за грст пченица и шише зејтин.

Почитувани елитисти од власта наместо евтин ПР од партиските простории да сакавте да направите нешто за државата во најмала рака ќе ги прифатевте предлозите на ВМРО-ДПМНЕ кои се издржани и реално ќе помогнат на Македонија. И за крај сакам да ви порачам дека се си има свој почеток и крај, а вашиот крај е за многу скоро од сега, а потоа следи моментот за понесување одговорност за сите злодела и криминали што ги направивте.

The post Трипуновски: Суровата реалност на земјоделците во Македонија не се гледа од удобните канцеларии во СДСМ appeared first on Република.

Пратеникот Цветан Трипуноски од ВМРО-ДПМНЕ во гостување на ТВ Сител рече дека 20.000 семејства од Македонија кои извезувале земјоделски производи во Украина и во Русија се загрозени поради војната и дека Владата досега требала да им најде друг, алтернативен пласман на нивните производи. Според него, Македонија има околу 20 милиони евра извоз во овие земји.

Оваа новонастаната ситуација во светот дополнително ќе ја влоши ситуацијата во Македонија и македонскиот аграр. Македонија околу 20 милиони евра има извоз на земјоделски производи во Русија и Украина. Тие 20 милиони евра опфаќаат голем број на земјоделски семејства во Македонија кои егзистираат од земјоделство.

 

Тоа се семејства од струмичкиот регион, Росоман, Градско и Преспа со јаболката, кои извезуваат раноградинарски или овошни култури во овие две земји. Ситуацијата во Украина дополнително ја загрозува нивната егзистенција во наредниов период. Од ова производство дел останува за домашни потреби, но има сериозни количини кои се за извоз. Досега владата требаше да обезбеди алтернативни пазари за овие земјоделски култури – истакна Трипуновски.

Тој вели дека се работи за сериозни количини како на пример во преспанскиот регион има 150 до 180 милиони килограми јаболка кои се произведуваат и ако не е рускиот пазар може да остане непродадено.

Сега на прагот е пролетната зелка во југоистокот, која традиционално се извезува во овие земји, за десетина дена ќе има наплив на колични и ако се стопирани во Русија и Украина ќе има серозен проблем, некои 20.000 семејства може да останат без приход – рече Трипуновски.

Трипуновски вели дека македонското земјоделство има доволен капацитет да ги покрие домашните потреби на сите стратешки култури, но погрешните политики на владата изминативе години доведе до ситуација да нивите се напуштаат и да останат необработени со што производството се намалува.

Во 2016 година сме произведувале пченица на 79.000 хектари, од нив имало принос 306.000 тони пченица, а во 2021 година има 10.000 хектари помалку и принос од 246.000 тони, што значи дека во овој период производството се намалило за 60.000 тони пченица – потенцираше Триповски.

Тој истакна дека политиката која ја води владата е без компас, мерките кои ги носи или се задоцнети или се без ефект во моментов.

Министерството и владата требаше да распишат оглас за сето слободно државно земјоделско земјиште за да ги стимулира земјоделците да произведуваат култури кои се стратешки за Македонија. Гледаме дека министерството на почетокот на годината поништи два повици на нкои имаше над 1500 апликанти заинтересирани, и нема реобјавено оглас. Ние традиционално последниве неколку години откако СДСМ е на власт очекуваме некој друг да ни помогне, молевме за вакцини, сега молиме за пченица – нагласи Трипуновски.

Тој изјави дека владата има и контрадикторни изјави, Бектеши рече дека нема потреба од увоз, за да неколку ден подоцна Николовски фо демантира и змаина во Србија да моли за пченица.

The post Загрозени се над 20.000 македонски земјоделци кои извезуваа во Украина и во Русија appeared first on Република.