Земјотрес со јачина од 5,9 степени според Рихтеровата скала ја погоди Јапонија по што цунами висок 50 сантиметри денеска го погоди островот Хачијо јужно од Токио, соопшти Јапонската метеоролошка агенција (ЈМА).

Според полицијата, засега нема повредени.

Епицентарот на земјотресот бил во водите кај Торишима во архипелагот Изу, на длабочина од околу 10 километри.

Според податоците на ЈМА, цунами високо 50 сантиметри е забележано на островот Хачијо, на околу 180 километри северно од епицентарот на земјотресот, а цунами високо 10 сантиметри е забележано и на островот Мијаке.

JMA потврди дека набрзо по земјотресот било издадено предупредување за цунами за островите Изу и Огасавара, кое било укинато откако било утврдено дека активноста на цунамито доволно стивнала, но се уште е во сила предупредување дека мала промена на нивото на морето може да продолжи околу половина ден.

ЈМА најави цунами бранови до еден метар и ги повика граѓаните да се држат подалеку од крајбрежните области.

The post Земјотрес и цунами во Јапонија appeared first on Република.

Вкупно 21 земјотрес со интензитет од четири или повеќе степени според Рихтеровата скала се регистрирани денеска во централниот дел на Јапонија за нешто повеќе од 90 минути, соопшти Јапонската метеоролошка агенција.

Најсилниот од овие земјотреси бил со јачина од 7,6 степени. Властите ги повика луѓето во погодените области да се засолнат на повисоки места.

Јапонските власти предупредија за опасност од големо цунами за прв пат од 11 март 2011 година, кога се случи хаваријата кај АЕК „Фукушима“. Тоа е прв земјотрес од 2018 година, досега, кој го достигна максималниот седми степен на јапонската скала на интензитет, изјави претставник на Метеоролошката агенција.

Јапонската управа за нуклеарна безбедност (НРА) соопшти дека досега не се откриени никакви неправилности во нуклеарните централи во близина на земјотресот, вклучително и централата Шика, која се наоѓа во најтешко погодената префектура Ишикава.

Јапонија се наоѓа на пацифичкиот огнен појас и е земјата каде земјотресите се најчести во светот. Како резултат на тоа, Јапонија применува исклучително строги прописи за изградба, така што зградите генерално издржуваат силни земјотреси.

The post Во Јапонија регистрирани 21 земјотрес со јачина од над 4 степени според Рихтер во период од час и половина appeared first on Република.

Земјотрес со прелиминарна јачина од 7,6 степени е регистриран денеска во морето кај филипинскиот остров Минданао и беше издадено предупредување за цунами.

Земјотресот се случил во 22:37 часот по локално време (15:37 по средноевропско време) и бил на умерена длабочина од 32 километри под морското дно.

Тихоокеанскиот центар за предупредување од цунами соопшти дека врз основа на јачината и локацијата, очекува бранови цунами да ги погодат Филипините, Индонезија, Палау и Малезија.

Земјотресите со магнитуда 7,0-7,9 се категоризираат како „силни“. Тие предизвикуваат оштетување на повеќето згради, некои делумно или целосно се уриваат или претрпуваат големи оштетувања. Се чувствува на големи растојанија, а најмногу предизвикува големи штети во радиус од 250 километри од епицентарот. Годишно во светот се случуваат само 10 до 20 земјотреси со ваква јачина.

The post Силен земјотрес кај Филипини, издадено предупредување за цунами appeared first on Република.

Земјотрес со јачина од 7,4 степени според Рихтеровата скала го погоди рано утринава полуостровот Алјаска, објави Американскиот геолошки институт.

По земјотресот, што беше на длабочина од 9,3 километри, беше издадено предупредување за цунами.

The post Земјотрес од 7,4 степени на Алјаска, има опасност од цунами appeared first on Република.

Цената на струјата мора да се ограничи и компаниите да ја плаќаат до одредено ниво, а над одредено кое ќе го дефинира државата од своите фондови да му излезе во пресрет на стопанството, порача денеска Трајан Ангелоски, претседател на Сојузот на стопански комори на Македонија (ССК).

Тој ги претстави предлозите на ССК за помош на стопанството поради енергетската криза и предупреди дека поради превисоките цени на струјата се заканува затворање на економијата и банкрот.

Во овој момент на македонската економија и се заканува енергетско цунами од кое постои опасност да ја уништи. Енергетскиот отворен пазар е надвор од контрола, не постои услуга или производ кој може да поднесе цена на енергентите од 600 до 700 евра по мегават час, посочи Ангелоски.

ССК смета дека ЕЛЕМ мора да обезбеди дополнителни количини на енергија од домашно производство за слободниот пазар и на овој начин да изврши одреден позитивен притисок за намалување на енормно високите цени. Исто така и да не се дискриминираат компаниите кои се наоѓаат на слободниот пазар во однос на оние на регулираниот.

ЕЛЕМ мора да го зголеми производството, во овој момент не сме убедени дека го има достигнати максимумот и да почне да продава струја на пазарот што позитивно ќе делува за намалување на цената, наведе Ангелоски.

Треба, посочи, да се овозможат побрзи процедури за поставување фотоволтаици, односно ЕВН да дава енергетска согаласност во рок од седум до десет дена, а останатата документација да се обезбедува во период од 120 дена.

Од ССК оценија дека енергетската криза ќе трае и побараа државата ако треба и да се задолжи за да помогне, а како што потенцираа, бизнисот тоа ќе го врати.

The post Ангелоски: На економијата ѝ се заканува енергетско цунами, цената на струјата да се ограничи appeared first on Република.

Цунамито што се формира по подводната ерупција на вулакнот Хунга-Тонга-Хунга-Хапаи, ноќеска оштетило најмалку 20 бродови во пристаништата во префектурите Токушима и Кочи, во западна Јапонија.

Бродовите биле превртени и однесени во океанот, а првичните информации говорат за пријавени десетина оштетени јапонски бродови.

Околу 230.000 Јапонци, кои живеат во областите долж брегот на Тихиот Океан, синоќа од локалните власти добија наредба за евакуација поради заканата од цунами.

https://twitter.com/bangkoklad/status/1482503453482287107

Засега нема информации за жртви.

Дополнително, откажани се и 27 домашни летови со слетување или полетување во зоната на можно влијание на катастрофата.

Националната метеоролошка управа на Јапонија ноќеска соопшти за закана од цунами поради ерупцијата на подводниот вулкан Хунга-Тонга-Хунга-Хапаи во Кралството Тонга. Според Управата, ризикот од брза промена на ситуацијата може да остане и денеска. Бранови високи до 1,2 метри беа регистрирани долж брегот во различни делови на Јапонија, а забележана е и можност за цунами високо до три метри.

https://republika.mk/vesti/svet/izdadeno-predupreduvanje-za-cunami-po-erupcija-na-podvoden-vulkan-vo-pacifikot/

The post Цунамито ја удри Јапонија: Превртени и во океанот однесени 20 бродови appeared first on Република.

Тонга, островска држава во Пацификот, издаде предупредување за цунами по ерупција на подводен вулкан.

Видео објавено на социјалните мрежи покажува големи бранови кои ги погодуваат крајбрежните области.

https://twitter.com/sakakimoana/status/1482218193619865600

Метеоролошката служба на таа земја соопшти дека е издадено предупредување за цунами за целиот архипелаг Тонга.

Денешната ерупција е последната во серијата ерупции на вулканот Хунга-Тонга Хунга Хаапаи.

The post Издадено предупредување за цунами по ерупција на подводен вулкан во Пацификот appeared first on Република.