Центарот за управување со кризи (ЦУК) информира дека во последното деноноќие имало вкупно 1 697 повици на Единствениот повикувачки број за итни случаи 112 во Центарот. Од вклупниот број на повици, како што посочуваат од ЦУК, „реални“ биле 61,26 отсто, а 38,74 отсто биле за други потреби на граѓаните што не биле итни.

Како што соопштуваат од ЦУК, кон полицијата биле упатени 72,27 отсто од повиците, кон Итната медицинска помош 21,83 отсто, а кон пожарникарите 1,77 отсто од реалните повици упатени кон 112 во ЦУК.

-Инаку, имало 645 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие повици за итни случаи биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК), велат од Центарот.

ЦУК информира дека во последното деноноќие немало пожари на отворен простор, туку само пожари во населени места кои, како шѓто велат, сите биле изгаснати.

Регионалниот ЦУК Битола известува дека заради реконструкција и изведување градежни работи на патниот правец Крушево-Прилеп, сообраќајот се одвива отежнато на одреден  дел, по алтернативен земјен пат.

Сообраќајот кон Пониква и кон с. Бели се одвива непречено, но се уште по една коловозна лента. Од страна на граѓаните кои протестираат е најавено дека единствено до депонијата ќе бидат пропуштени возила од КЈП „Водовод Кочани“, но не и возила од други општини.

Викендов се препорачува граѓаните, кои ќе патуваат или шетаат по планините, да имаат предвид дека времето ќе биде проследено со дожд, а снег на повисоките места.Од ЦУК препорачуваат на претпазливо движење покрај реките, пред се, во јужните, југоисточните и западните делови на земјата.

Потоа, се прогнозира од УХМР дека до средината на следната седмица времето ќе биде стабилно со магла по одделни котлини.

The post ЦУК: Кон 112 имало 1 697 повици, во последното деноноќие немало пожари на отворено на територијата на државата appeared first on Република.

Дел од Македонија во последното деноноќие беше зафатена со невреме проследено со силен ветер, што причини штети во неколку региони од државата.

Регионалниот ЦУК Битола известува дека пожарникарите од Територијалната противпожарна единица (ТППЕ) Битола во текот на денот имале голем број на интервенции што настанаа поради силното невреме (силен ветар над 60 км/ч) што го зафати Битолскиот регион во 14.30 часот.

Според повиците за настаните примени преку Единствениот повикувачки број за итни случаи 112 и во комуникација со командирот на ТППЕ Битола, Општина (ЕЛС) Битола во соработка со јавните претпријатија од Битола и ЕВН, вчера интервенира на следните локации:

– паднат кров од две згради на ул. „Нико Фундали“ кај „Жито маркет“ каде има настаната штета на неколку возила;
– паднато дрво кај црквата во с. Магарево при што има оштетен ел. вод и и има искрење;
– падната бандера на ул. „Прилепска“ кај бензинската пумпа на „Макпетрол“;
– падната бандера на патот за с. Кравари;
– падната бандера на ул. „Мукос“ бр. 174;
– падната бандера кај црквата во с. Ниже Поле;
– падната бандера на ул. „Пожаревачка“;
– падната бандера на ул. „Стрчин“ бр. 21 а;
– паднати жици на ул. „Новосадска“;
– паднати жици и искрење на ул. „Крушево“ бр. 4;
– паднати жици и искрење на ул. „Ѓорѓи Наумов“ бр. 4;
– падната бандера на ул. „Димче Лахчански“ бр. 34;
– навалена бандера на ул. Булевар „1 Мај“ бр. 283;
– паднат кров од зграда на ул „Хераклеа“;
– паднат кров од куќа на ул . „Јанко Палигора“;
– паднат кров од куќа на ул. „Партизанска“
– паднат кров од зграда кај печатницата „Киро Дандаро“ и
– голем број на паднати дрвја на повеќе локации во градот.

Регионалниот ЦУК Охрид известува дека пожарникарите од ТППЕ Охрид, во период од 17.20 до 19.45 часот со 2 ПП возила и 6 пожарникари, интервенирале на откачен лимен кров поради силниот ветар на ул. „Карпош Војвода“ во Општина Охрид.

РЦУК Штип известува дека ТППЕ Виница во период од 13.45 до 14.30 часот, со 1 ПП возило и 3 пожарникари, интервенирале на паднато дрво и бандера како последица на силниот ветар во с. Истибања.

Пожарникарите од ТППЕ Штип, во текот на денот повеќепати интервенирале во отстранување на паднати дрвја, откачена церада и на откорнати делови од покривни (кровни) конструкции на објекти како последица од силниот ветер на разни локации во градот Штип и неговата околина: Градски горбишта, градинка „Вера Цирвири-Трена“, м.в. Кланица, СОУ „Коле Нехтенин“, ул. Широк Дол, угостителски објект „Нецко“, м.в. „4-ти километар“, нас. „Насеље“, градски пазар, ул. „Васил Доганџиски“, бул. „ЈНА“, ул. „Солидарност“, ул. „Сремски фронт“, ул „Браќа Даневи3). Во сите интервенции е учествувано со 3 пожарникари и 1 ПП возило. Како последица на силниот ветер на повеќе места на подрачјето на градот Штип се забележани оштетувања на електрични столбови, кровни конструкции на објекти, фасада од станбена зграда, олуци и автомобили. Појава на паднати дрвја како последица од вчерашниот силен ветер имаше и во селата Облешево и Истибања.

РЦУК Тетово известува дека ТППЕ Гостивар, од 16.45 до 17.15 часот со 1 ПП возило и 3 пожарникари, имале техничка интервенција на паднато дрво на ул. „Никола Парапунов“ во Гостивар.

Од Центарот за управување со кризи ги потсетуваат граѓаните дека сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.

The post Бандери, кровови, дрвја – какви сè штети се пријавени по силниот ветер во Битола, Штип и Охрид appeared first on Република.

Регионалниот ЦУК Тетово соопшти дека вчера во 17.58 часот на Единствениот повикувачки број за итни случаи 112 во ЦУК е добиена пријава за изгубено лице над Галичките терени во Маврово (Општина Маврово - Ростуше).

Од страна на РЦУК Тетово веднаш е остварен контакт со пријавителката како и со ПС Маврово од каде добиле информација дека екипи од ПС Маврово, ПС Ростуше и од Национален парк „Маврово“ се упатени на терен, односно на локацијата каде што е евидентиран последниот телефонски повик од изгубеното лице. По кратко време, односно околу 18:45 часот во Регионалниот ЦУК Тетово е добиена информација дека лицето е пронајдено и дека е во добра општа состојба, соопшти утрово ЦУК.

The post Потрага по изгубена жена во Маврово appeared first on Република.

Директорот на ЦУК, Стојанче Ангелов денеска истакна дека државата е подготвена за претстојната зимска сезона, за врнежите со снег. Ваквиот заклучок доаѓа по одржаниот координативен состанок со повеќе државни институции на кој беа разгледани институционалните капацитети за чистење на снегот на патиштата и подготвеноста за благовремено пружање на помош на граѓани околку за тоа се јави потреба.

„Оваа година надлежните институции нема да бидат изненадени, бидејќи капацитетите на ЈП за државни патишта, како и ЈП за одржување и заштита на магистрални и регионални патишта се целосно подготвени. Бројот на камиони е доволен за територијата на државата“, истакна Ангелов.

Додаде дека во случај на потреба на сопирање на сообраќајот на некои критични точки, особено пред превоите, МВР ќе испрати засилени екипи. ДЗС на располагање има два тима со возила со гасеници кои се оспособени да отидат до тешко пристапни терени доколку е потребно да се пружи помош за некој загрозен граѓанин.

„Апелирам граѓаните во претстојниот период да користат зимска опрема, особено зимски гуми и да имаат ланци. Најдобрата препорака е доколку немаат неопходна потреба, да не излегуваат непотребно на патишта каде има превои односно места каде патиштата минуваат на околу 1000 метри надморска височина. Безбедноста да биде на прво место“, потенцира директорот на ЦУК.

Ангелов нагласи дека камионите за чистење на снег имаат обезбедено доволна количина на сол и веднаш ќе излезат на терен кога за тоа ќе има потреба.

The post Ветување: Оваа година надлежните институции нема да бидат изненадени од снегот appeared first on Република.

Лице кое се давело во водите на Дојранското Езеро вчера било спасено.

Од Центарот за управување со кризи велат дека околу 11 часот добиле пријава за лице кое е паднато од чамец и се дави некаде на средина од Дојранското Езеро.

Веднаш е известена ПС Гевгелија, Гранична полиција која беше на терен, веднаш итно интервенираше и го извлече, го спаси лицето кое е здраво и живо, велат од ЦУК.

Извлечен бил и чамецот на лицето.

The post Спасено лице кое се давело во Дојранско Езеро appeared first on Република.

Министерството за здравство, согласно решението и заклучокот од градежниот инспектор на Општина Центар треба да започне со изградба на ограден/потпорен ѕид како привремено решение зад Клиниката за детски болести, соопшти Центарот за управување со кризи (ЦУК).

Денеска во ЦУК се одржала координативна средба на тема „Загрозување по животот и здравјето на луѓето и по материјалните добра од подземните води, одрон и рушење на потпорниот/оградниот ѕид на улица Бeлградска кај Детска клиника“.

Дел од потпорниот ѕид се урна на 10 јуни, а институциите Министерство за здравство, Град Скопје и Општина Центар си ги префрлуваа надлежностите кој е одговорен.

На денешната седница бил донесен заклучок дека Град Скопје треба да изработи динамика и да започне активности за изработка на нов сообраќаен проект во координација со СВР Скопје со којшто би се редуцирало движењето на тешки товарни возила

На средбата присуствуваа претставници од;Министерство за здравство, Град Скопје, Општина Центар, Инспекциски совет, Министерство за внатрешни работи и вработените од ЦУК, конкретно - државниот советник Драги Тарчуговски и колеги од Секторот за операции и координација на ЦУК, коишто непосредно се ангажирани за конкретната проблематика за координација за решавање на опасноста.

Град Скопје ќе пристапи кон пресадување на дрвјата на трасата на улица „Белградска“ истовремено при активностите за изградбата на потпорниот/ограден ѕид од страна на Министерството за здравство

ЦУК да побара извештај од Министерството за животна средина и просторно планирање – водостопански инспектор за намената и состојбата на руиниран канал, каналски систем, на улицата, се вели во соопштението испратено до медиумите.

 За трајно, долгорочно, решавање на проблемот, Град Скопје е потребно, во координација со останатите надлежни институции, да изготви нова хидролошка студија и студија за заштита на подземните води на падините на Водно, врз основа на којашто би се преземале трајни мерки за изградба на нова улица со потребната каналска мрежа и нејзино асфалтирање, се додава во соопштението.

The post Министерството за здравство треба да го поправи потпорниот ѕид кај Клиниката за детски болести appeared first on Република.

Локализиран е пожарот кај село Урвич во Општина Боговиње, соопшти вчера вечерта Центарот за управување со кризи (ЦУК).

„Се работи за пожар покрај патот кон село Урвич во Општина Боговиње. Пожарот е изгаснат од страната на патот, но е активен под патот каде што има голема провалија и не е пристапно. Гори претежно ѓубре, но и мал дел сува трева. Во близина нема куќи и објекти“, стои во соопштението.

Пожарот, кој бил пријавен во 17:22 часот преку бројот за итни случаи 112, е локализиран од страна на екипата од ТППЕ Тетово. ЦУК информира дека дежурната екипа од ТППЕ Тетово се повлекува од местото на настанот. Со намалувањето на температурите во текот на ноќта, се очекува пожарот сам да се угаси, а ако остане активен, ќе се преземат мерки за интервенција утре наутро.

Националниот парк „Шар Планина“ е исто така информиран за пожарот и планира да испрати персонал на местото за да ја процени состојбата.

The post Вчера избувнал пожар кај село Урвич во Општина Боговиње, веднаш бил локализиран appeared first on Република.

Во текот на последните 24 часа на Единствениот повикувачки број за итни случаи 112 се регистрирани вкупно 1 712 повици. Од нив, како што соопштија од Центарот за управување со кризи (ЦУК) „реални“ повици биле 935 или 54,61 проценти, а 777, односно 45,39 проценти биле за други потреби на граѓаните кои не биле итни.

Кон полицијата биле упатени 180 повици, односно 60,81 проценти од вкупно примените повици, кон итната медицинска помош 94 или 31,76 проценти, кон пожарникарите 18 повици или 6,08 проценти и кон ЦУК четири повици или 1,35 процент. Сите овие повици за итни случаи биле предмет на примање и обработка во ЦУК, а и на директно координирање за нивно решавање со институции и служби во Системот за управување со кризи (СУК).

- Во текот на вчерашниот ден во РЦУК Тетово добиена е дојава за пронајдени две неексплодирани убојни средства (НУС), пред с.Ѓермо, во шумскиот дел од Шар Планина. За ова, од страна на РЦУК Тетово известени се ПС Тетово и ДЗС – подрачна единица Тетово. Местото на пронајдените НУС е обезбедено од страна на полицијата се до нивно соодветно отстранување, се наведува во соопштението.

Според информацијата пристигната од МАКТЕК Дооел – Скопје, за потребите на компанијата БЕХТЕЛ и ЕНКА, денеска во периодот од 12:00 до 17:00 часот ќе се изврши минирање на локалитетот Сладун (општина Прилеп).

ЦУК информира дека денеска во периодот од 10:00 до 15:00 часот, ќе извршат минирање на каменоломот Говрлево – сопственост на Цементарницата – УСЈЕ (општина Сопиште).

The post Неексплодирани убојни средства пронајдени на Шар Планина, полицијата го обезбедува местото appeared first on Република.

Во Центарот за управување со кризи (ЦУК), според последниот извештај, имало 2.142 повици во последното деноноќие на бројот за итни случаи 112, а немало пожари на отворено.

ЦУК информира дека вчера, од 9:30 до 10:15 часот, четворица пожарникари со едно противпожарно возило од ТППЕ Велес извлекле жена во срушена куќа. Жената се стекнала со мали повреди и со возило на итна медицинска помош била пренесена во болница во Велес.

ТППЕ Куманово дека вчера, од 12:08 до 12:30 часот, извлекувала лице од возило при сообраќајна незгода во близина на Домот за стари лица „Зафир Сајто“. Лицето, како што се наведува, имало тешки телесни повреди.

РЦУК Тетово, пак, информира дека околу 4:30 часот возило излетало во река во село Беловиште, Општина Гостивар. Се интервенирало со едно возило и четворица пожарникари. Сите лица биле извлечени, а само еден сопатник бил телесно повреден, кој бил пренесен во Гостиварскиот клинички центар.

Пожарникарите од ТППЕ Тетово имале две технички интервенции за испумпување вода во тетовската населба Деребој, кај подвозникот за село Фалише и испумпување вода во поплавената куќа во истата населба.

ЈКП „Шар“ од Тетово информира до ЦУК дека поради загаденоста на водата во изворите на Лешница, системот на филтер станицата на Лешница засега е целосно затворен, а градот Тетово се снабдува со намалено количество вода. Екипите на ЈКП „Шар“ се на теренот за брзо решавање на проблемот. Известуваат дека ќе има ограничување на водата во градскиот водовод од 13:00 до 15:00 часот и во период од 1:00 до 4;00 часот, стои во соопштението.

Од ЈП „Комуналец“ од Гостивар е добиено известување во ЦУК дека поради контаминација предизвикана од обилните врнежи од дожд, најновите физичко-хемиски и микробиолошки анализи потврдуваат дека водата од јавната водоводна мрежа во моментов не е безбедна за пиење.

До натамошно известување, од ЈП „Комуналец“ од Гостивар да не се пие водата од чешма, од водоводот, информира ЦУК.

The post ЦУК: По обилните врнежи, водата во Гостивар не е безбедна за пиење appeared first on Република.

Пожарот кој вчера утрото избувна во станбена зграда во Чаир сè уште е активен соопштуваат од ЦУК. Борбата на пожарникарите за гасење на пожарот во подрумски простории траеше во текот на целата ноќ. На помош било повикано и специјално противпожарно возило на Армијата.

Гаснењето на пожарот се одвиваше отежнато поради големата количина на чад и високата температура во подрумите во кои била складирана поголема количина на запаливи материјали. Легени, кофи, пластични чинии, чаши, играчки, саксии сè само дел од предметите кои се наоѓале во магацинот кој беше зафатен од пламените јазици.

[caption id="attachment_822077" align="aligncenter" width="1600"] Голем пожар во Чаир, 2 октомври 2024 (фото: ЦУК)[/caption]

Запалената пластика предизвика многу високи температури кои сериозно ја оштетија бетонската конструкција на зградата, а тоа значи дека е нарушена и статиката на целиот објект.

Вкупно 43 лица се хоспитализирани по пожарот во зграда во Чаир што избувна вчера утрото. На Клиниката за токсикологија биле примени 31 пациент, од кои пет се задржани на болничко лекување. На Детската клиника биле примени 12 деца, од кои две се задржани на лекување. Сите пациенти се во стабилна состојба.

The post ЦУК: Пожарот во станбената зграда во Чаир сè уште активен appeared first on Република.

Вчера на 112 во ЦУК околу 16.30 часот е барано помош за лице коешто пливало во езерото заради лошото време со ветер, бранови и езерски струи кај месноста „Калдрма“ во Дојранско Езеро.

Лицето е пронајдено живо од страна на полициски службеници од ПС Дојран. Конкретно од СВР Струмица известија дека лицето испливало до брегот во влизина на грчката граница. Истото од таму е земено од страна на припадниците од МВР и е надвор од животна опасност. Инаку, полицајците од ПС Дојран со чамец на концесионерот на езерото беа излезени на теренот при силен ветер и бранови и вршеа пребарување на Дојранското Езерото на местото каде што било забележано лицето. ДЗС немаше чамец на Дојранско Езеро, соопшти ЦУК.

The post Спасувачка акција за пливач понесен од ветрот во Дојранско Езеро appeared first on Република.

Денеска, директорот на Центарот за управување со кризи (ЦУК), Стојанче Ангелов одржа координативен состанок за проблемот со одронот и рушењето на потпорниот ѕид на улица „Белградска“ кај ЈЗУ УК Клиника за детски болести – Скопје, според налогот за вршење заеднички вонреден инспекциски надзор, со високи претставници на Државниот инспекторат за животна средина, Државниот инспекторат за енергетика, рударство и минерални суровини и со Државен инспекторат за градежништво и урбанизам. На координативниот состанок зедоа учество и претставници на одделението за инспекциски надѕор на ЦУК. Заедничкиот координативен состанок, согласно Законот за инспекциски надзор беше организиран по задолжение на Инспекцискиот совет, а во организација на ЦУК, според задолжувањето на субјектите да се спроведе заеднички вонреден инспекциски надѕор над наводите за загрозување по животот и здравјето на луѓето и по материјалните добра што се предизвикани од подземните води, одрон и рушење на потпорниот ѕид, како и отворени подземни кабли под напон под конкретната улица.

На координативниот состанок беа донесени неколку заклучока по коишто ќе постапуваат дел од присутните субјекти: да се провери состојбата и реализацијата на Решението издадено од градежниот инспекторат од Општина Центар; Државниот инспекторат за енергетика да ја провери и констатира опасноста од подземните кабли што се под напон, а сега се гледаат (во соработка со ЕВН) и одделението за инспекциски надѕор од ЦУК да оствари дополнителна средба со Државниот комунален инспекторат, бидејќи не беа присутни на состанокот, за да изврши координација на темата „одржување на постојниот канал со шахти што се руинирани и не се функционални, а истиот не е предмет на одржување на ЈП „Водовод и Канализација„ на Град Скопје.

Инаку, ваквите координативни состаноци во ЦУК за отстранување опасности се во прилог на праксата и превенцијата дека кога ќе седнат од повеќе институции на координативен состанок, како во случајов во ЦУК, решенијата ги опфаќаат повеќеслојните проблеми што и не се веднаш видливи, а формално и неформално од повеќе агли има можност за изнаоѓање конкретно решение за отстранување опасности од проблем „стар“ околу 50 години.

The post ЦУК ги собра институциите за да најдат решение за паднатиот потпорен ѕид кај Детската клиника во Клиничкиот центар appeared first on Република.

Во последното деноноќие имало се регистрирани девет пожари на отворено, при што гореле ѓубришта, депонии, запалени кабли и гуми, стрништа, сува трева и нискостеблеста вегетација и шума, соопшти Центарот за управување со кризи (ЦУК).

Пожарникарите во Скопје интервенирале за гасење на запалена депонија на површина од 200 m2 во село Батинци, запалена сува трева во Бардовци.

Во Битола биле запалени стрниште и ниска авегетација во близина на бензиската пумпа ,,Пелагонија петрол“, а во Струмица биле запалени лисја и јавор и депонија кај с. Банско.

ПОжарникарите инревенирала и на запалена дива депонија во близина на кавадаречкото село Раец, за гасење на запалени кабли и гуми во близина на фабрика за вода во ромско маало во Кочани, на запалено ѓубре во охриски Теферич и на запалено стрниште и нискостеблеста вегетација кај асфалтната база во реон на с.Романовце.

Регионалниот ЦУК Скопје информира дека на 27 и 28 септември во раните утрински часови ќе се изврши авионската дезинсекција на подрачјето на Град Скопје, против возрасни форми на комарци.

Од 30.09. до 03.10.2024 година, пак, ќе биде спроведена дезинсекцијата со прскање од земја.

Ако временските услови не го дозволуваат вршењето на дезинсекцијата, таа ќе биде извршена првиот нареден ден, кога временските услови ќе бидат поволни во истиот термин. Заради планираното прскање против комарци се известуваат пчеларите навреме да ги преземат потребните мерки за заштита на нивните пчели.

The post ЦУК регистрира девет пожари на отворено во изминатото деноноќие appeared first on Република.

Центарот за управување со кризи (ЦУК) информира дека во последното деноноќие имало неколку пожари на отворено на територијата на државата.

Територијална противпожарна бригада на Град Скопје (БППЗ) од 13:10 часот до 16:00 часот со пет пожарникари и две противпожарни возила интервенирале на запалена ниска вегетација и грмушки на површина од 1.000 метари квадратени кај местото „Три Круши“ во општина Кисела Вода, од 14:30 до 15:00 часот со три пожарникари и едно противпожарно возило интервенирале на запалено ѓубре на мала површина покрај ул. „Скупи“ во општина Карпош, од 15:55 до 16:40 часот со четири пожарникари и едно противпожарно возило возило интервенирале на запалено стрниште и бандера на површина од 30 метари квадратени кај село Стајковци во општина Гази Баба и од 17:05 до 17:30 часот, со три пожарникари и едно противпожарно возило интервенирале на запалена ниска вегетација на површина од 300 метари квадратени во населбата „Шуто Оризари“ во општина Шуто Оризари, соопшти утрово ЦУК.

Изминатото деноноќие имало вкупно 1 582 повици на Единствениот повикувачки број за итни случаи 112 во ЦУК. Од нив „реални“ повици биле 55,82 отсто, а 44,18 отсто биле за други потреби на граѓаните што не биле итни, соопшти Центарот за управување со кризи. Кон Полицијата биле упатени 62,35 отсто, кон Итната медицинска помош 29,15 отсто, a кон пожарникарите 6,88 отсто од реалните повици кон 112 во ЦУК.

Центарот за управување со кризи апелира за редовно чистење на локалните одводни канали и да не се фрлаат отпадоци во нив, како и во речните корита.

The post ЦУК: Изминатото деноноќие неколку пожари на отворено во скопско appeared first on Република.

Од Центарот за управување со кризи (ЦУК) и денеска апелираат до граѓаните за редовно чистење на локалните одводни канали и да не се фрлаат отпадоци во нив.

Во последното деноноќие, како што соопшти ЦУК, немало регистрирани пожари на отворено на територијата на државата.

На Единствениот повикувачки број за итни случаи 112 во ЦУК, во последното деноноќие имало вкупно 1 419 повици. Од нив „реални“ повици биле 54,69 отсто, а 45,31 проценти биле за други потреби на граѓаните што не биле итни.

Кон полиција биле упатени 69,63 отсто, кон Итната медицинска помош 25,65 отсто, a кон пожарникарите 1,57 отсто од реалните повици кон 112 во ЦУК.

The post ЦУК апелира за редовно чистење на локалните одводни канали appeared first on Република.

Центарот за управување со кризи утринава соопшти дека во текот на вчерашниот ден имало вкупно 22 пожари на отворен простор и дека дождот помогнал сите да бидат изгаснати.

– Дождот помогна сите 22 пожари да бидат изгаснати, се вели во утринската информација од ЦУК.

Од Дирекцијата за заштита и спасување (ДЗС) вчера информираа дека располагаат само со еден функционален „Ер трактор“ авион од трите кои ги имаат.

The post Дождот ги изгасна сите пожари на отворено appeared first on Република.

Центарот за управување со кризи утринава соопшти дека во текот на вчерашниот ден имало вкупно 22 пожари на отворен простор и дека дождот помогнал сите да бидат изгаснати.

Дождот помогна сите 22 пожари да бидат изгаснати, се вели во утринската информација од ЦУК.

Од Дирекцијата за заштита и спасување (ДЗС) вчера информираа дека располагаат само со еден функционален „Ер трактор“ авион од трите кои ги имаат.

The post Дождот ги изгасна сите пожари на отворено appeared first on Република.

На територијата на земјава денеска има вкупно 12 пожари на отворен простор, од кои активни се пет, под контрола се шест, а изгаснат е еден пожар, информираше Центарот за управување со кризи.

Како се наведува во соопштението, најголемиот број на пожари во прилепско се ставени под контрола, освен пожарот кај селата Волково и Дуње, додека пожарот во близина на Дата центар е изгаснат.

Активни се пожарите во општина Чашка кај селото Степанци, во општина Зелениково кај селото Горни Дејковец, како и пожарот во општина Липково кај селото Матејче.

Под контрола е ставен и пожарот во општина Долнени кај село Десово, како и во општина Берово кај местото викано Паруца

The post ЦУК: Најголемиот број на пожари во прилепско се ставени под контрола appeared first on Република.

Центарот за управување со кризи информира дека во текот на вчерашниот ден имало вкупно 38 пожари на отворен простор, од кои активни се 3, под контрола се 4 и изгаснати се 31 пожар.

Според информациите на ЦУК, активни се пожарите во Општина Петровец, кај селата Градманци, Брезница и Катланово каде што гори нискостеблeста шума, во Општина Кичево во селото Арангел каде што гори деградирана шума и во Општина Демир Хисар во селото Сопотница.

Под контрола се пожарите во Општина Прилеп кај селата Пештани, Кокре, Кален, Дуње, Бонче, Лениште, Веловодица, Смолани и Дрен, како и кај м.в. Дервен. Во Општина Долнени, кај село Десово, пожарот е исто така под контрола.

Изгаснати се пожарите во општините Чашка, Чучер-Сандево, Гази, Бутел, Сарај, Штип, Делчево, Крушево, Куманово, Старо Нагоричане, Липково, Виница, Брвеница, Теарце, Гостивар, Валандово, Македонски Брод, Битола, Демир Хисар, Охрид, Струга и Дебар.

The post ЦУК: Активни три пожари, под контрола четири, изгаснати 31 appeared first on Република.

Директорот на Центарот за управување со кризи Стојанче Ангелов информираше дека денеска на територијата на државата регистрирани се 13 пожари на отворено, од кои 9 од нив се активни. Ангелов посочи дека попладневните дождови помогнаа во гаснењето на пожарот во прилепско Мариово, кој претходно денеска тој го посочи како најкомплициран.

– Рано утрово таму се упатени 100 припадници на армијата, 25 припадници на полициските специјалци „Тигри“, 30 вработени во „Национални шуми“, како и два тима од Дирекцијата за заштита и спасување со повеќе од 25 лица. На терен се и прилепските пожарникари, а помош има и од пожарните од околните градови, рече Ангелов.

Истакна дека во моментов функционален е само еден „Ер трактор“ на Дирекцијата за заштита и спасување, додека другите два авиони на ДЗС, како и двата полициски хеликоптери се неисправни.

– Околу 10 часот во гаснењето на пожарот помогна и еден „Ер трактор“ на ДЗС. За жал, другите два се неисправни и не можат да летаат. Истото се случува и со двата полициски хеликоптера кои се неисправни, но оптимисти сме дека во текот на утрешниот ден големиот полициски хеликоптер ќе биде функционален и ќе можеме да го користиме во текот на утрешниот ден, рече Ангелов.

Поголеми пожари има и во Дервен, селото Смолане, Општина Долнени и во скопско Катланово. Пожарот кај Катланово е активен од вчера бидејќи тежок е теренот за гасење, но Ангелов вели дека нема закана и опасност да бидат загрозени куќи.

The post Попладневните дождови помогнаа во гаснењето на пожарот во Мариово appeared first on Република.