Домашните штурци и ларвите на бубачката Tenebrio molitor, односно брашнарските црви, ќе бидат дозволени како храна во Европската Унија според новите регулативи.

Домашниот штурец од денеска може да се користи замрзнат, сушен или во прав, а од четврток и ларвите.

Слични правила веќе постојат за миграционите скакулци и ларвите на жолтиот црв.

Осум дополнителни барања за одобрување на инсекти како храна во моментов се разгледуваат од Европската комисија, бидејќи производителите треба да аплицираат за одобрение за секој инсект што сакаат да го пуштат на пазарот.

Храната што содржи инсекти во ЕУ треба да биде јасно означена, вклучувајќи го и името на видот.

Според проценката на комисијата, домашните штурци и ларвите на брашнарските црви се безбедни за човечка исхрана, но може да претставуваат ризик за луѓето кои страдаат од алергии на храна.

Инсектите се сметаат за хранливи и богати со протеини и се дел од вообичаената кујна во многу земји. Тие исто така можат да придонесат за одржлива исхрана, бидејќи може да се одгледуваат на релативно ефикасен начин во однос на користење на ресурсите.

The post Отсега во ЕУ е легално да се јадат штурци и црви appeared first on Република.

Актерот Џеф Даниелс е можеби најпознат по својата улога во хит-комедиите „Глупавиот и поглупавиот“ покрај Џим Кери, но сега името на глумецот влезе и во науката. Тукушто откриен паразит е именуван по него.

Научници од Универзитетот „Риверсајд“ во Калифорнија откриле нов вид црви. Тоа е еден од повеќе од 25.000 видови тенија, но и таков што ги напаѓа тарантулите и на тој начин ги уништува. Универзитетот од САД потврди дека „taranarantobelus jeffdanielsi“ е новооткриениот паразит.

Тие одлучија да го именуваат новооткриениот вид по Даниелс како признание за неговата улога на д-р Рос Џенингс во филмот „Арахнофобија“ од 1990 година, во којшто неговиот лик спасува град во Калифорнија од наезда на пајаци, објаснува паразитологот Адлер Дилман – главен истражувач при откритието.

Кога првпат слушнав дека новооткриен црв е именуван по мене, си помислив: „Зошто? Дали има сличност? …Искрено, на почетокот бев малку загрижен, но потоа бев благодарен за честа што ми е укажана од луѓето областа на паразитологијата - изјави глумецот.

Научниот труд за паразитот е објавен во понеделникот во „Журналот“ за паразитологија (Journal of Parasitology).

The post Новооткриен паразит именуван по актерот Џеф Даниелс appeared first on Република.