Американската амбасадорка Анџела Агелер изјави дека „црната листа“ на САД е многу динамична и дека постојано се дискутира за нови имиња. Таа нагласи дека нема конкретна временска рамка за додавање нови лица на листата, бидејќи тоа е одлука на Вашингтон.

Во изјава за медиуми по отворањето на првата Конференција за борба против корупцијата во Западен Балкан организирана од Амбасадата на САД во Скопје, во соработка со Бирото за меѓународни наркотици и спроведување на законот (INL), амбасадорката посочи дека листата е отворена за дополнувања.

Црната листа на САД е многу динамична, постојано се дискутира за имиња. Немам временска рамка, бидејќи тоа е одлука на Вашингтон, но, ве верувам дека додека зборуваме има имиња кои се земени предвид и секогаш сме отворени кон додавање нови лица на листата, рече амбасадорката.

Во однос на прашањето за препораките на Државната комисија за спречување на корупција за назначувањето на членовите на Управниот одбор на Академијата за судии и јавни обвинители, таа порача да се почитуваат.

Немам конкретни детали, но ќе нагласам дека е важно овие коментари и препораки да бидат внимателно разгледани на начин на којшто јавноста ќе добие одговори на прашањата, посочи Агелер.

The post Агелер: Црната листа на САД е динамична и отворена за нови имиња appeared first on Република.

Се разгледуваат голем број на случаи и повеќе имиња се под проверка, вели американската амбасадорка во земјава Анџела Агелер во врска со црната листа на САД.

Има многу случаи кои се разгледуваат, тоа е секогаш така и како што ќе напредуваат тогаш нас ќе не информира Вашингтон. Можам да ве уверам дека тој процес секако е во тек. Не сум сигурна кога ќе биде објавено следното име или имиња, но можам да кажам дека повеќе имиња се под проверка, истакна Агелер, додавајќи дека не може да прецизира кога ќе биде објавена следната листа со имиња.

Во однос на корупцијата, Агелер во гостување на телевизија Сител, рече дека корупцијата е рак рана во општеството и влијае на сите аспекти на животот во земјава и дека мора да се соочиме со неа.

Корупцијата, вели Агелер, не е застапена само во судството, туку е во секој аспект на животот овде.

Секаде каде што патувам низ земјата слушам за фрустрацијата на граѓаните од нивото на корупција. Во голем дел зборуваме за добро работење на судството, но како што знаете, корупцијата е во секој аспект на животот овде, таа е во здравството, образованието и влијае врз граѓаните секој ден, рече Агелер.

Во врска со најавите на премиерот Христијан Мицкоски за можно распуштање на двата највисоки правосудни органи Судскиот совет и Советот на јавни обвинители, Агелер вели дека тоа се одлуки кои треба внимателно да се разгледаат, како и дека постојат препораки и патоказ даден од експерти на Европската унија.

Европската Унија испрати експерти овде да погледнат како може да се реформира Судскиот совет и другите аспекти на судството. Тие дадоа предлози и препораки и знам дека премиерот ги разгледува. Тоа не се одлуки за брзо донесување, туку тие треба внимателно да се разгледаат, какви се импликациите и резултатите од ваквите одлуки, а потоа да се продолжи на претпазлив и внимателен начин. Премиерот имаше изјава дека мисли дека амбасадори се мешаат во внатрешните работи, зборувајќи за реформите во судството и борбата против корупцијата, искрено се надевам дека тој не мислеше на мене, рече Агелер.

The post Агелер за црната листа на САД: Се разгледуваат голем број случаи и повеќе имиња се под проверка appeared first on Република.

Жално е да се гледа како едно криминализирано раководство ја влече ДУИ во амбис. За прво место во категоријата „најсмешни моменти“ може да конкурира барањето на ДУИ за меѓународен ветинг, коментираат од „ВРЕДИ“.

Постои ли покредибилен меѓународен ветинг за некој политичар од црната листа на САД? Да го имаш еден Рамиз Мерко во своите редови, главен политички емисар да ти е Мендух Тачи и да зборуваш за меѓународен ветинг е дрско потценување на Албанците од кои 22 години си барал поддршка на избори.

 

Да се обидуваш сега да ја мамиш јавноста со теза дека корумпираните се во другите партии и со тоа да сакаш да се претставиш како жртва, само затоа што доаѓа време твоите корумпирани поранешни функционери да одговараат што се богатеа со народни пари, е кукавички и срамно. Албанскиот народ нема да биде заложник на напорите на ова криминално раководство на ДУИ да си ги задржи привилегиите од 22 годишниот режим.

 

Правосудната одговорност за сторена политичка корупција не може да биде меѓународен проблем. Тоа е домашна задача за државниот систем. Затоа ВЛЕН предлага системско решение како уставен механизам кое ќе овозможи кривична одговорност за стореното и конфискација на нелегално стекнат имот.

 

Ветингот е етичка и морална контрола која евентуално може спречи бавење со политика. Затоа, докторите за криминал од ДУИ 48 часа молчат за Уставниот амандман на ВЛЕН за спречување на застарувањето на кривичниот прогон за сторена политичка корупција. Ова поведение на криминалнито раководство на ДУИ е најдобар доказ дека тие никогаш не сакале да се борат против политичката корупција, туку нивната цел отсекогаш била да станат доктори за криминал и да се богатат врз грбот на Албанците, се вели во реакцијата на  „ВРЕДИ“.

The post „ВРЕДИ“: Постои ли покредибилен меѓународен ветинг за некој политичар од црната листа на САД? appeared first on Република.

Зошто САД не им помага на властите овде и не им ги даде сите детали? На ова прашање денеска во студиото на ТВ21 во ексклузивно интервју одговори амбасадорката на САД во земјава Анџела Агелер.

Зашто приватноста е загарантирана со законот на САД. Не можеме да ви ги дадеме доказите што ги имаме, вели амбасадорката.

Посочува дека доколку доказите се изнесат, со тоа би се прекшил законот за приватност.

Имаме закони за приватност и ќе ги прекршиме ако ги отвориме случаите и ги споделиме доказите. Но поголем дел од тие докази, не сите, оти дел беа од извори во САД… Поголем дел од доказите се од овде, заклучува амбасадорката Агелер во интервју за ТВ21.

The post Агелер: Ќе ги прекршиме законите на САД ако ви ги дадеме доказите за лицата на црната листа, но и онака – доказите ви се тука appeared first on Република.

Катица Јанева и СЈО започнаа со паролата „Нема правда нема мир“ а сега завршија на „црната листа“ на нашиот најголем стратешки партнер САД поради вмешаност во криминал и корупција.
Јанева, која најголемата поддршка ја црпеше и добиваше од коалицијата на СДС и ДУИ, од таканаречен борец за правда стана непожелна личност за САД.

Сите судски случаи за Катица Јанева и СЈО за рекетирање, злоупотреба на службената положба и злоупотреба на јавното обвинителство водеа до првите луѓе во власта на СДС и ДУИ, се со цел пресметка со политичките неистомисленици, а тоа веќе е потврдено и од нашите стратешки партнери.

Втор на „црната листа“ се најде и марионетата на СДС и Ковачевски, градоначалникот на Карпош Стевчо Јакимовски.

Јакимовски кои е во неформална коалиција со СДС и одработува за власта за отцепување на опозициските гласови е на оваа листа на САД за сторен криминал од високи размери.
СДС и ДУИ го спасија Стевчо Јакимовски од сите судски постапки во Македонија, но тој за САД е непожелна личност, бидејќи тој како што стои во соопштението на Американскиот Стејт

Департмент „бил вклучен во коруптивни дела, вклучувајќи искористување на неговата службена положба да се меша во урбанистичкото планирање и јавните набавки за корист лично за него и за неговите соработници“.

СДС секој ден, како расипана плоча, повторуваат дека се за европска Македонија, за европски вредности, а сите стратешки партнери секој ден потврдуваат дека тие се во коалиција со криминалот во Македонија. Последен доказ е токму соопштението од Стејт Департментот.
Ова е доказ дека институциите во Македонија не функционираат и корупцијата и криминалот метастазираат.

Никогаш не било полошо, за тоа важно е да ги поразиме.

The post „Црната листа“ на САД доказ дека СДСМ е во коалиција со криминалците appeared first on Република.

Железната тупаница на СДС со која се фалеа дека ќе донесе правда, Катица Јанева денеска е прогласена за непожелна личност во САД, поради криминал и корупција, се вели во партиското соопштение на опозициската ВМРО-ДПМНЕ.

Јанева која за СДС беше синоним за правда, од денеска се наоѓа на црната листа на нашиот стратешки партнер САД. СДС даваше најголема поддршка на СЈО и Јанева, злоупотребувајќи го судството и обвинителството за пресметка со неистомисленици. Каде им се сега маичките со ликот на Јанева на функционерите од СДС денеска кога истата беше прогласена за непожелна личност на САД? Воедно, и градоначалникот на Карпош Стевчо Јакимовски кој излезе од коалиција со ВМРО-ДПМНЕ, а направи неформална коалиција со СДС и Ковачевски, од денеска се наоѓа на црната листа на САД. На СДС и Ковачевски устите им се полни со прозападни вредности, со проевропски фронт, а всушност се во коалиција со луѓе криминализирани до гуша. Ковачевски само со такви корумпирани лица може да биде во коалиција. Ставањето на црната листа на Јанева и Јакимовски и нивните смејства го потврдува она кое што ВМРО-ДПМНЕ изминатите 7 години јавно го говори, а тоа е дека институциите во Македонија наместо да функционираат во интерес на граѓаните, тие ги штитат криминалците, истакнуваат од ВМРО-ДПМНЕ.

Ставањето на црната листа на поранешната обвинителка Катица Јанева и Стевчо Јакимовски од ГРОМ покажува дека корупцијата цвета во Македонија. На државата и е потребен целосен рестарт. Никогаш не било полошо. Важно е да ги поразиме, порачаа од ВМРО-ДПМНЕ.

The post Каде ви се сега маичките со ликот на Катица, го прашува ВМРО ДПМНЕ СДС откако САД ги стави на црна листа Јанева и Јакимовски appeared first on Република.

САД ќе продолжат да ги именуваат функционерите на која било партија, гранка на владата или заедница, објави американската амбасадорка Анџела Агелер по објавата дека поранешната специјална обвинителка Катица Јанева и градоначалникот на општина Карпош Стевчо Јакимовски се ставени на црната листа на САД за корупција.

Денешните ознаки на поранешната специјална обвинителка Катица Јанева и актуелниот претседателски кандидат и градоначалник Стевчо Јакимовски никого не треба да изненадуваат. Соединетите Држави ќе продолжат да ги именуваат функционерите на која било партија, огранок на владата или заедница што е вклучена во значителна корупција. Народот на Македонија заслужува правда и одговорност од нивните институции за да се запре бранот на криминално однесување и да се запре ракот на корупцијата, порача Агелер.

The post Агелер: САД ќе продолжат да ги именуваат функционерите вклучени во корупција appeared first on Република.

Европскиот совет денеска соопшти дека на списокот на терористи го додал Јахја Синвар, лидерот на политичкото крило на палестинскиот Хамас.

„Денеска, Советот одлучи да додаде едно лице на листата на терористи на Европската унија. Оваа одлука е дел од одговорот на Европската унија на заканата од Хамас и неговите брутални и неселективни терористички напади во Израел на 7 октомври 2023 година“, се вели во соопштението.

Се додава дека од денеска на Синвар му се замрзнуваат сите средства и други имоти во земјите членки на Европската Унија.

„Покрај тоа, на операторите од ЕУ им е забрането да му ставаат на располагање средства и економски ресурси“, соопшти Европскиот совет.

The post Лидерот на Хамас Јахја Синвар додаден на листата со терористи на ЕУ appeared first on Република.

Сериозни наводи се тоа во однос на соопштението кое имав можност да го прочитам од Стејт департментот, изјави денеска премиерот Димитар Ковачевски, одговарајќи на прашање поврзано со наводите за корупција и ставањето на „црната листа“ на САД на поранешниот вицепремиер и бизнисмен Кочо Анѓушев. Според премиерот, нашите институции треба да го проверат она што е наведено од американските власти.

Ковачевски рече дека „посочениот господин никогаш не бил член на СДСМ, ниту пак се чуствувал како член на СДСМ“.

Јас колку што знам тој беше предлог на Стопанската комора на Македонија и нејзиниот претседател. Треба да биде јасно дека меѓународните институции и нашите стратешки партнери, каде што број еден се САД, врз однос на свои наоди ги носат овие одлуки, меѓутоа од друга страна и нашите институции имаат обврска да реагираат и да испитуваат за секој случај без никакво влијание во однос на сите водени постапки во однос на нивната законитост за работењето на кој било функционер, изјави Ковачевски.

Премиерот, кој беше во посета на Фармацевсткиот факултет, вели дека останува нашите институции во однос на сите такви случаи да постапат и да го кажат наодите во однос на наводите кои таму се наведени.

Владата, како што потсети Ковачевски, веќе донесе одлука во однос на менување на законските решенија во државата.

Првото се однесува на лица санкционирани согласно одлуки на Обеднетите нации и ЕУ. Законската регулатива ќе биде изменета и согласнот законите на САД во однос на нивно обавување на општествени функции во иднината и второ, веќе е формирана работна група која што ја предводи вицепремиерката за добро владеење Славица Грковска во која учествуваат министри од економските ресори, директорите на безбедносните служби, како советодавна улога и министри од критичните области, како министрите за одбрана и за внатрешни работи за менување на законската регулатива во однос на работење на лица физички и правни во промето, рече Ковачевски.

Земјите од ЕУ и членките на НАТО, многу сериозно ги сфаќаат санкциите од САД и секогаш истовремено спроведуваат и свои одлуки кои опфаќаат и вакви лица.

The post Ковачевски за Анѓушев: Посочениот господин никогаш не бил член на СДСМ, ниту пак се чуствувал како член на СДСМ appeared first on Република.

На крајот на краиштата, останува на функционерите и граѓаните на оваа земја да побараат одговорност и промени, порача денеска американската амбасадорка Анџела Прајс Агелер, најавувајќи дека следат нови имиња на „црната листа“ на САД од Македонија.

Денешното именување на поранешниот вицепремиер за економски прашања Кочо Анѓушев и неговото семејство е уште еден доказ дека Соединетите Американски Држави ќе продолжат да ги санкционираат корумпираните актери во оваа земја и во регионот, без разлика на нивната позиција, политичка определба или времето на злоупотребите, објави американската амбасадорка Анџела Агелер.

По одлуката на американскиот Стејт департмент за означување на Анѓушев на „црната листа“, Агелер во објава на платформата Х, најавува дека ќе следат повеќе назначувања.

Ќе следуваат повеќе назначувања, но факт е дека нашите напори и нашите санкции не можат да ја поправат епидемијата на корупција во Македонија. На крајот на краиштата, останува на функционерите и граѓаните на оваа земја да побараат одговорност и промени, објави Агелер на платформата Х.

Today’s designation of former Deputy Prime Minister for Economic Affairs Kocho Angjushev and his family is further proof the United States will continue to sanction corrupt actors in this country and across the region, regardless of their position, political affiliation, or…

— Ambassador Angela Aggeler (@USAmbNMacedonia) December 5, 2023

САД, претходно денеска, го означија Кочо Анѓушев, како генерално неподобен за влез во Соединетите Американски Држави, поради неговата вмешаност во значителна корупција, соопштија денеска од американскиот Стејт департмент.

Додека ја извршуваше функцијата вицепремиер, Анѓушев ја злоупотреби својата службена положба во корист на неговите приватни деловни интереси, поткопувајќи ја довербата на јавноста во Македонија во нивните владини институции и јавни процеси, се наведува во соопштението објавено од Стејт департментот.

Денешната акција, се вели во соопштението, покажува дека САД стојат со оние во Македонија кои бараат одговорност од корумпирани јавни функционери.

На црната листа на САД, поради корупција, претходно се најдоа и Никола Груевски, Сашо Мијалков, Рамиз Мерко, Орце Камчев, Ратка Камчева и Сергеј Самсоненко.

The post Агелер: На крајот на краиштата, останува на функционерите и граѓаните на оваа земја да побараат одговорност и промени appeared first on Република.

Во текот на мојот мандат во Владата од 2017-2020 година работев со целосно почитување на сите закони и уставни одредби на државата, и во интерес на македонската економија и на демократските принципи на кои почива нашата земја, вели во реакција Кочо Анѓушев, за кого претходно денеска беше соопштено дека е ставен на црната листа на САД.

https://republika.mk/vesti/makedonija/ageler-ke-sleduvaat-poveke-naznachuvana-no-fakt-e-deka-nashite-sanktsii-ne-mozhat-da-ja-popravat-epidemijata-na-koruptsija-vo-makedonija/

Четири години по моето самоиницијативно повлекување од Владата, нема никаков судски процес за било кој сегмент од моето работење, од причини што за тоа нема никакви основи. Јас вработувам 1000 луѓе во Македонија, и во периодот на мојот мандат моите фирми бележеа само пад и загуби, што е регистрирано и во државните финансиски служби. Јас имам фирми во Велика Британија, Германија, Холандија и во САД, и сум американски даночен обврзник, односно јас плаќам данок во Соединетите Американски Држави и сум партнер и соработник со значајни економски субјекти и личности во САД. Додека служев како вицепремиер во македонската Влада силно се залагав и работев за зачленување на земјата во НАТО, го поддржував зачленување во ЕУ, и ги поддржувам и сега сите активности кои се преземаат во тој правец. Силно ги негирам сите сомневања изразени во документот објавен од почитуваниот Стејт Департментот и сакам да известам дека ќе ја обжалам одлуката и ќе ги искористам сите правни лекови наведени во самиот документ во правец на повлекување на оваа одлука, која ја сметам за непотребна во рамките на заложбите на нашите пријатели, Соединетите Американски Држави, за борба против корупцијата, вели во својата реакција Анѓушев.

The post Анѓушев: Силно ги негирам сите сомневања изразени од почитуваниот Стејт Департмент appeared first on Република.

Денешното именување на поранешниот вицепремиер за економски прашања Кочо Анѓушев и неговото семејство е уште еден доказ дека Соединетите Американски Држави ќе продолжат да ги санкционираат корумпираните актери во оваа земја и во регионот, без разлика на нивната позиција, политичка определба или времето на злоупотребите, објави американската амбасадорка Анџела Агелер.

https://republika.mk/vesti/crna-hronika/kocho-angushev-na-tsrnata-lista-na-sad/

По одлуката на американскиот Стејт департмент за означување на Анѓушев на „црната листа“, Агелер во објава на платформата Х, најавува дека ќе следат повеќе назначувања.

Ќе следуваат повеќе назначувања, но факт е дека нашите напори и нашите санкции не можат да ја поправат епидемијата на корупција во Македонија. На крајот на краиштата, останува на функционерите и граѓаните на оваа земја да побараат одговорност и промени, објави Агелер на платформата Х.

Today’s designation of former Deputy Prime Minister for Economic Affairs Kocho Angjushev and his family is further proof the United States will continue to sanction corrupt actors in this country and across the region, regardless of their position, political affiliation, or…

— Ambassador Angela Aggeler (@USAmbNMacedonia) December 5, 2023

САД, претходно денеска, го означија Кочо Анѓушев, како генерално неподобен за влез во Соединетите Американски Држави, поради неговата вмешаност во значителна корупција, соопштија денеска од американскиот Стејт департмент.

Додека ја извршуваше функцијата вицепремиер, Анѓушев ја злоупотреби својата службена положба во корист на неговите приватни деловни интереси, поткопувајќи ја довербата на јавноста во Македонија во нивните владини институции и јавни процеси, се наведува во соопштението објавено од Стејт департментот.

Денешната акција, се вели во соопштението, покажува дека САД стојат со оние во Македонија кои бараат одговорност од корумпирани јавни функционери.

На црната листа на САД, поради корупција, претходно се најдоа и Никола Груевски, Сашо Мијалков, Рамиз Мерко, Орце Камчев, Ратка Камчева и Сергеј Самсоненко.

The post Агелер: Ќе следуваат повеќе назначувања, но факт е дека нашите санкции не можат да ја поправат епидемијата на корупција во Македонија appeared first on Република.

Бизнисменот и поранешен вицепремиер Кочо Анѓушев, се најде на американската „црна листа“. Одлуката е објавена на веб страницата на американскиот Стејт департмент.

„Соединетите Држави го означуваат Кочо Анѓушев, поранешен вицепремиер на Македонија, како генерално неподобен за влез во Соединетите држави, поради неговата вмешаност во значителна корупција. Додека ја извршуваше функцијата вицепремиер, Анѓушев ја злоупотреби својата службена положба во корист на неговите приватни деловни интереси, поткопувајќи ја довербата на јавноста во Македонија во нивните владини институции и јавни процеси“, се наведува во одлуката.

Денешната акција, нагласуваат од Стејт департментот, покажува дека „САД во Македонија стојат со оние кои бараат одговорност од корумпирани јавни функционери“.

„Оваа ознака ја потврдува посветеноста на САД за борба против корупцијата, која му штети на јавниот интерес, го попречува економскиот просперитет на земјите и ја намалува способноста на владите ефективно да одговорат на потребите на својот народ“, се додава во одлуката.

Пред неполн месец, на американската „црна листа“ завршија и Сергеј Самсоненко и неговата сопруга Ирина, како и Ратка Куновска Камчева, мајката на Јордан Орце Камчев. Тие им се придружија на веќе споменатиот Јордан Орце Камчев, Рамиз Мерко, Никола Груевски и Сашо Мијалков.

The post И Кочо Анѓушев заврши на „црната листа“ на САД appeared first on Република.

Заменичката на претседателот на Владата задолжена за политики за добро владеење, Славица Грковска, најави дека покренала иницијатива во Владата да се пристапи кон законски измени кои ќе оневозможат лицата кои се на листата на санкции на САД, на Европската Унија и на Обединетите Нации да бидат на каква било позиција или да се вработат во администрацијата.

Во вчерашното гостување на Сител, Грковска истакна дека се неопходни измени кои ќе предвидат дека доколку на некој функционер, кој што во моментот е на позиција, му биде изречена таква санкција, мандатот веднаш да му прекине.

Затоа што однесувањето како ништо да не се случило, после изрекувањето на таквите санкции ја урива довербата во институциите и не придонесува кон градење на систем во кој што граѓаните можат да имаат доверба. А корупцијата ќе ја намалиме драстично во оној момент кога ќе се види дека системот функционира непристрасно и има казнивост и санкции за сите оние кои прекршиле етички и морални норми, рече Грковска.

Во таа насока, паралелно со зајакнување на критериумите за носителите на функциите, подготвиле и Предлог за измени и дополнувања на Законот за рестриктивни мерки, со кој, покрај правно обврзувачките резолуции на Советот за безбедност на ОН и правните акти на ЕУ, ќе се додадат и мерките на САД, како основ за законски рестриктивни мерки.

Вицепремиеркатаа Грковска истакна дека целта на Законот за конфискација на имот е да се докаже дека со санкционирањето на вакви лица, корупцијата е неисплатлива и дека имотот што го стекале на незаконски начин ќе биде одземен во законска процедура и ќе биде вратен назад на граѓаните.

Таа додаде дека преку овој закон, во ситуација кога нема доволно елементи за покренување на кривична постапка, во граѓанска постапка да може да се санкционираат лица кои имаат драстична разлика во она што го заработиле, од официјално пријавените приходи.

Со ова законско решение ја надополнуваме онаа празнина кога за вакви лица, кога нема кривична постапка, нема кривично дело за кое може да се побара конфискација на незаконски стекнат имот, да побара од лицето да каже како го стекнал имотот и доколку не може да докаже, во законска процедура да му биде одземен имотот, појасни вицепремиерката.

На прашањето дали еден ваков закон може да биде употребуван за политички пресметки, Грковска истакна дека секој што на чесен начин го стекнал имотот, нема потреба да се грижи ако треба да докаже на каков начин е стекнат тој имот.

Во предлог законот има дефинирани предуслови, врз основа на кои треба да се покрене постапка, за Финансиската полиција да започне со процесот, а во ланецот се вклучени низа институции, појасни Грковска и истакна дека овој закон има за улога да ги детектира и санкционира големите криминали.

The post Грковска бара со закон да се забранат функции за лица од „црната листа“ appeared first on Република.

Американската Влада објави имиња на бизнисмени активни на Балканот кои ги става на нивната црна листа. Оваа мерка следува откако во неколку рунди веќе беа посочени бизнисмени и политичари како Јордан Камчев и Рамиз Мерко.

На новата листа се наоѓа мајката на Камчев - Ратка Куноска Камчева, како и руско-македонскиот бизнисмен Сергеј Самсоненко и неговата сопруга Ирина Самсоненко. Посочени се и низа компании на Камчев или заеднички отворени меѓу Камчев и Самсоненко - „Орка Холдинг“, „Камчев Консалтинг Скопје“, „Орка Фајнанс Скопје“, „Систина Лајф Кеар Сентар“ и синџирот кладилници „Бет Сити“. Во образложението се наведува дека Самсоненко и Камчева биле вклучени во корупција во врска со процесот „Плацеви на Водно“ и дека го помагале Јордан Камчев, кој веќе се најде на црната листа.

Во соопштението, подготвено од американскиот Секретаријат за финансии, се наведени и тројца политичари од Република Српска во Босна и Херцеговина, двајца политичари и неколку компании од Србија и можеби најинтересно - двајца бизнисмени од Црна Гора.

Еден од нив е Миодраг Давидовиќ - Дака, бизнисмен познат во Македонија по скандалот ШИК Јелак, a во наредбата за негово ставање на црна листа се спомнува и Зоран Заев. Во скандалот, кој во 2020 година го објави потпреседателот на ВМРО-ДПМНЕ, Александар Николоски, беше обелоденето дека Давидовиќ сакал да гради огромен станбен и деловен комплекс врз поранешната фабрика ШИК Јелак во Тетово. За таа цел, како што се дозна од негов тајно снимен разговор со Зоран Милески - Зоки Кичеец, Давидовиќ се среќавал со шефот на кабинетот на Зоран Заев, Драги Рашковски, при што давал мито за да се забрза процесот на издавање дозвола за изградбата на комплексот.

На снимката, Давидовиќ се жали дека на Заев и Рашковски морал да им дава пари, наводно за референдумот за промена на името, а по се изгледа како мито. И покрај тоа што пукна скандалот, Заев подоцна јавно се фалеше дека помогнал советот на општина Тетово да го одобри проектот и да се овозможи изградбата на комплексот на Дака, која се запре дури по промената на локалната власт во Тетово.

Давидовиќ исто така беше вмешан во скандал кој доведе до апсење на секретарот на македонската Влада, Драги Рашковски, најблизок човек на поранешниот македонски премиер Зоран Заев. Рашковски наводно примил мито од Давидовиќ за да овозможи средба со премиерот Заев, во полза на бизнис интересите на Давидовиќ, пишува во соопштението на американската Влада, во кое Заев е посочен, но не е и лично ставен на црна листа.

За Давидовиќ се додава дека бил вмешан во перење пари за криминални организации, изградил криминален бизнис заснован на шверц на цигари, нафта и оружје во Црна Гора и дека, како што посочуваше и Николоски, е поврзан со руски интереси на кои им помогнал да „ја поткопаат независноста на демократските институции и судството“ на Црна Гора.

The post САД го ставија Самсоненко на црната листа, а го спомнаа и Заев appeared first on Република.

Американската амбасадорка во земјава, Анџела Агелер најави дека ќе има уште лица од Македонија кои ќе се најдат на црната листа со санкции, но дека во моментов не може да каже кој ќе биде следен. Агелер на прес-конференција во американската амбасада истакна дека оваа листа е 100% неполитички и не е лична.

Ова е многу сериозно назначување. Има повеќе личности и организации кои во секој момент се разгледуваат, објасни Агелер откако вчера беше ставен и бизнисменот Орце Камчев под санкции на САД.

The post Агелер најави уште лица на црната листа: Корупцијата е предавство на народот appeared first on Република.

За  Македонија да ги надмине предизвициите кои се пред неа, корупцијата не смее туку така да минува. Одговрните мора да одговараат. Ова го изјави амбасадорката на САД во земјава, Анџела Агелер, на денешната прес-конференција на која зборуваше за одлуката американското Министерство за финансии – бизнисменот Јордан (Орце) Камчев да го стави на „црната листа“ на САД.

Таа потенцираше дека ваквите чекори, прво за градоначалникот на Струга, Рамиз Мерко, а сега и за Камчев, не се лично или политички мотивирани.

Не можам да кажам која личност би била следна. Ова е многу сериозно назначување. Има повеќе личности и организации кои во секој момент се разгледуваат - рече Агелер.

За влијанието што го има американската „црна листа“, амбасадорката коментираше дека САД нема да дојдат и да уапсат некого или пак да преземат мерки против одредена личност, но рече дека е интересно да се видат наредните чекори, алудирајќи на домашните институции.

Бевме во можност да најдеме докази против овие личности и тие докази се собрани овде, во земјава. Значи, информациите се достапни, работевме со институциите. Но, следните мерките зависат од надлежните органи - рече таа.

Агелер порача дека корупцијата, во каква било форма, не треба да се толерира, а одлуките што би можеле да следат од правосудните органи и други институции зависат од нив самите. Таа се надева дека и граѓаните ќе бараат интегритет од луѓето кои имаат влијание.

Инаку, бизнисменот Камчев од вчера е на „црната листа“ на САД поради корупција. Нарекувајќи го „корумпиран бизнисмен“, американското Министерството за финансии ја нагласува посветеноста на САД да промовира одговорност за сите поединци и фирми кои „ја поткопуваат или загрозуваат стабилноста на Западен Балкан преку корупција и другo дестабилизирачко однесување“.

Американските власти сметаат дека Камчев интензивно се занимава со корупција повеќе од една деценија, како и дека го искористил своето богатство и коруптивно влијание за да манипулира со судскиот систем во Македонија нагласувајќи го тука тоа што со неговото коруптивно однесување придонел за колапсот на СЈО.

The post Агелер по ставањето на Камчев на „црната листа“: Ние нема да апсиме, но интересно е да се видат следните чекори appeared first on Република.

Откако бизнисменот Орце Камчев заврши на црната листа на САД, со прака на Твитер се огласи Амбасадорката на САД, Анџела Агелер. Корупцијата има последици, порача Агелер откако американското Министерство за финансии соопшти дека бизнисменот Орце Камчев го става на црна листа за корупција, поткуп, перење пари и други кривични дела.

„Овие санкции не влијаат само врз поседувањата и имотот на г-дин Камчев, туку и врз оние кои имаат бизнис со него. САД ќе продолжат да таргетираат корумпирани поединци кои што го поткопуваат владеењето на правото и стабилноста на Македонија. Корупцијата има последици“, твитна Агелер.

#Accountability #FightCorruption pic.twitter.com/DVnwmXcu2Y

— Ambassador Angela Aggeler (@USAmbNMacedonia) July 19, 2023

The post Агелер: Oвие санкции не влијаат само врз имотот на Камчев, туку и врз оние кои имаат бизнис со него appeared first on Република.

Владата на САД додаде четири странски комерцијални шпионски ентитети на листата за трговски рестрикции заради ангажирање во активности спротивни на националната безбедност или надворешнополитичките интереси на САД, меѓу кои фирмата Сајтрокс АД од Македонија.

Другите фирми се Интелекса С.А. од Грција, Интелекса Лимитед од Ирска и Сајтрокс Холдингс Црт од Унгарија, соопшти Стејт департментот.

Овие компании биле додадени на листата на ентитети врз основа на утврдување дека се занимаваат со трговија со сајберексплоатации за да добијат пристап до информациски системи, доведувајќи ја во ризик приватноста и безбедноста на поединци и организации ширум светот, пренесува Гласот на Америка.

Пролиферацијата на комерцијален шпионски софтвер носи посебни и растечки контраразузнавачки и безбедносни ризици за САД, вклучително и за безбедноста на персоналот на американската влада и нивните семејства, се вели во соопштението од Стејт департментот.

Во него се додава дека „злоупотребата на овие алатки на глобално ниво, исто така, ја олеснува репресијата и овозможува кршење на човековите права, вклучително и заплашување на политичките противници и ограничување на несогласувањето, ограничување на слободата на изразување и следење и таргетирање на активисти и новинари“.

Стејт департментот посочи дека денешната акција е дел од напорите да се спротивстави на ризиците од комерцијалниот шпионски софтвер.

Додавањето на овие ентитети се надоврзува на минатите списоци на американската влада на комерцијални компании за шпионски софтвер.

Заедно, овие активности ја демонстрираат континуираната посветеност и лидерството на САД во борбата против злоупотребата на комерцијален шпионски софтвер и друга технологија за надзор, се наведува во соопштението.

The post Македонска фирма се најде на американската „црна листа“ поради развивање шпионски софтвер appeared first on Република.

Поранешниот министер за финансии, Џевдет Хајредини денеска со нов пост за актуелните афери.

- Нова порака од Стејт Департментот: политичките лидери да запрат со мешање во судството.

https://republika.mk/vesti/makedonija/stejt-department-liderite-na-makedonija-mora-da-go-ogranichat-politichkoto-meshane-vo-sudstvoto/

Лидерите на Македонија мора да покажат силни, опипливи резултати во борбата против корупцијата.

Само останува нејасно кој е тој што корумпираните лидери ќе ги запре да не се мешат во корумпираното судство?

П.с.

Тоа можеби ќе се случи само доколку државниот секретар Блинкен сите ги стави на црна листа, како Мерко - напиша Хајредини на Фејсбук.

The post Ќе се справиме со корупцијата ако Блинкен ги стави сите политичари на црна листа, предлага Хајредини appeared first on Република.