Единицата за корупција при Одделот за сузбивање на организиран и сериозен криминал (ОСОСК) денеска (20.06.2023) до ОЈО за гонење на организиран криминал и корупција поднесе кривична пријава против И.П.(45) од Скопје, за сторено кривично дело „противзаконито ослободување на лице лишено од слобода“, предвидено и казниво по член 373 од Кривичниот законик.

Имено, И.П. во својство на службено лице-затворски полицаец при КПУ-КПД Идризово Скопје, на 18.05.2023, додека бил на смена, на барање на Д.К. од Куманово, осуден за издржување казна затвор до 2027 година за сторени кривични дела по чл.237 ст.1 и чл.396 ст.1 од Кривичниот законик, со затворен третман, му ја отворил вратата кон Отвореното одделение, овозможувајќи му истиот да избега од КПУ Идризово.

Со вака преземените дејствија И.П. постапил спротивно на процедурите, надлежностите и работните задачи и обврски за обезбедување, со што сторил кривично дело „противзаконито ослободување на лице лишено од слобода“, по чл. 373 од Кривичниот законик.

The post Кривична за чувар во „Идризово“ кој му отворил врата на затвореник за да избега appeared first on Република.

Единицата за корупција при Одделот за сузбивање на организиран и сериозен криминал (ОСОСК) денеска до Основното јавно обвинителство за гонење на организиран криминал и корупција поднесе кривична пријава против Ј.Ј.(47) од Скопје, за сторено кривично дело „противзаконито ослободување на лице лишено од слобода“, предвидено и казниво по член 373 од Кривичниот законик.

Тој, во својство на службено лице – вработен во Затворска полиција во КПУ-КПД Идризово Скопје, го ослободил осуденото лице Д.К. од Куманово, овозможувајќи му да избега од установата, информираат од МВР.

Имено, Ј.Ј. на 20 мај, во саботата, додека бил на смена, го ослободил Д.К., осуден на издржување казна затвор до 2027 година за сторени кривични дела по чл. 237 ст. 1 и чл. 396 ст. 1 од Кривичниот законик, кој имал затворен третман од категорија Б2.

Осуденикот, искористувајќи ја довербата на Ј.Ј., му ја побарал службената магнетна картичка за отворање на безбедносната врата од Отвореното одделение, со образложение дека ќе оди во друг дел од одделението каде претходно бил работно ангажиран. Откако осуденото лице ја отворило безбедносната врата, му ја вратило картичката на сопственикот, а потоа се оддалечило кон „зелената капија“. Нешто подоцна, при извршена проверка на бројната состојба, било констатирано дека осуденото лице недостасува, односно дека побегнало од затворот, велат од МВР.

Истиот ден, околу 09.16 часот во казино на ул„Благоја Стефковски“, осуденикот извршил разбојништво со закана со пиштол, при што од вработениот одзел пари и избегал. За кусо време бил пронајден од страна на полициски службеници и лишен од слобода, а кај него биле пронајдени предмети кои потекнуваат од кривичното дело и еден пиштол „Чешка Зброевка ЦЗ 85“.

The post Затворски чувар помогнал во бегство на затвореник, кој подоцна изврши вооружен грабеж appeared first on Република.

Во пукањето во белградското ОУ „Владислав Рибникар“ загинаа осум деца, како и еден припадник на обезбедувањето, а ранети се шест ученици и наставничка по историја.

При масакрот, извршен од 13-годишниот ученик, Коста К., прва жртва беше обезбедувачот Драган В.

Децата рекоа дека секогаш ќе го паметат затоа што бил ангел. Тој беше нивниот омилен чувар“, за српските медиуми вели мајката на ученик од седмо одделение кој го посетува тоа училиште.

Тој беше извонреден човек, вистински добар дечко, не сакам да биде дека нешто преувеличувам, но навистина е така“, вели братот на загинатиот Драган, за „Телеграф.рс“.

Како што раскажува тој, Драган бил разведен и не оставил потомци.

Немаше деца, разведен беше, но го даде животот штитејќи други деца. Не знаеме кога ќе биде погребот, сите сме изгубени“, вели братот на Драган.

The post Учениците ќе го паметат како ангел, немаше свои деца, но го даде животот штитејќи туѓи: Исповед на братот на убиениот чувар Драган appeared first on Република.

На 28.01.2023 во 20.00 часот во Полициска станица Центар, Ч.Д.(60) од Скопје пријави дека околу 19.00 часот во просторија од библиотека на подрачјето на Центар, додека бил на своето работно место како чувар во библиотеката, бил физички нападнат од едно лице.

Се преземаат мерки за расчистување на случајот, велат од МВР.

The post Чувар во библиотека претепан во центарот на Скопје appeared first on Република.

Чувар на објект во изградба во Скопје се здобил со тешка повреда додека бил на работното место.

На 01.01.2023 во 11.30 часот во Полициска станица Центар е пријавено дека во Комплекс клиники „Мајка Тереза“ е донесен повреден Љ.М.(69) од Скопје кој појаснил дека околу 10.00 часот додека извршувал работни задачи како чувар во објект во изградба на ул.Козара на подрачје на Центар се повредил, при што од лекар му е констатирана тешка телесна повреда, информираат од МВР.

Оттаму додаваат дека полициски службеници излегле на местото на настанот и известен е трудов инспектор.

The post Чувар на градилиште тешко повреден на работното место appeared first on Република.

Војникот Џек Бурнел Вилијамс (18), кој учествувал на погребот на кралицата Елизабета Втора, бил пронајден мртов во касарната.

Џек, кој служел во домаќинството коњаница, бил прогласен за мртов во касарната во Хајд Парк, Лондон. На местото на настанот веднаш била повикана итна помош и полиција.

На социјалните мрежи од починатиот војник се прости и неговата мајка.

Никогаш не мислев дека ќе го кажам ова, но сите сме скршени како семејство поради ненадејната смрт на нашиот прекрасен син – напиша таа

The post Чуварот на ковчегот на кралицата Елизабета пронајден мртов appeared first on Република.

Чуварот на британската амбасада во Берлин е екстрадиран од Германија и обвинет за шпионирање во корист на Русија, соопшти британската полиција.

Полицијата соопшти дека против Дејвид Балантајн Смит (57) биле поднесени девет обвиненија според Законот за службени тајни во врска со „собирање и пренесување информации корисни за руската држава“.

Полицијата соопшти дека кривичните дела биле извршени меѓу октомври 2020 година и август 2021 година, кога германската полиција го уапсила Смит во неговиот дом во Потсдам, југозападно од Берлин.

Ник Прајс, шеф на Специјалното обвинителство и единицата за контратероризам при британското обвинителство, рече дека Смит е обвинет за „седум точки од обвинението за собирање информации со намера да се испратат до руските власти, едно дело за комуникација и едно за давање информации на лице за кого се верува дека е член на руските власти“.

За време на Студената војна, Берлин беше наречен „главен град на шпионите“, бидејќи беше на првата линија на конфликтот меѓу Советите на исток и Американците и нивните западни сојузници на западниот дел од тој град.

Активностите за шпионажа, наводно, се намалиле по падот на Берлинскиот ѕид во 1989 година и крајот на Студената војна, но руската инвазија на Украина ги залади односите меѓу Москва и Западот и ја врати шпионажата во центарот на вниманието.

Германија протера 40 руски дипломати во понеделникот, обвинувајќи ги дека се шпиони.

The post Чувар на британската амбасада во Берлин осомничен дека е руски шпион appeared first on Република.