Човек гол до појасот, кој се нашол на еден од столбовите на Камениот Мост во центарот на Скопје, опкружен од водите на Вардар, попладнево беше извлечен од припадници на противпожарната бригада.

The post Спасување во Вардар: Млад човек извлечен од под Камениот мост appeared first on Република.

Во потрагата по поздрав начин на живот, многумина се фокусираат на исфрлање на нездравата храна. Меѓутоа, некои од најподмолните закани за нашето здравје може да се најдат во навидум здравата храна.

Постојат намирници кои често кријат скриени калории, натриум и други адитиви кои може да ги влошат хроничните здравствени проблеми како високиот крвен притисок, болестите на срцето и обезноста.

Калориите и натриумот се неопходни за нашето тело, но прекумерната нивна консумација може да доведе до сериозни проблеми.

Натриумот, иако е од витално значење за рамнотежна на течностите и функцијата на нервите, може да предизвика и задржување на вода и да го подигне крвниот притисок доколку се консумира прекумерно.

Скриените калории, често од додадените шеќери и масти, може да придонесат кон згоелмување на тежината и метаболички проблеми. Диетичарите и нутриционистите, Ден Галагер, Триста Бест и Лиза Ричардс предупредуваат на три такви вообичаени намирници кои треба да се консумираат во ограничени количини.

Сирење

Сирењето често се испитува поради содржината на масти и холестерол, но често се занемарува високото ниво на натриум. „Говорејќи општо, постарото сирење има повеќе натриум. Доколку јадете нешто посвежо како моцарела или свежо сирење го намалувате внесот на натриум“ вели Галагер. Иако сирењето може да биде хранлив додаток во нашата исхана, изборот на опцијата со пониско ниво на натриум може да го намали ризикот од висок крвен притисок и други здравствени проблеми.

Гранола

Гранолата најчесто се смета како здрав доручек или ужина, но сепак таа е богата со калории и натриум. „Многу комерцијални плочки со гранола се прават со додаток на шеќер, мед или сируп за да се подобри вкусот, што драматично може да го зголеми брјот на калории“ предупредува Бест. Покрај тоа, гранолата често вклучува и висококалорични состојки како ореви, семки и суво овошје, а некои брендови дури додаваат и дополнителни масти. „Натриумот може да се најде и во гранола, особено во ароматизираните варијанти или оние кои содржат дополнителни состојки како солени ореви или семки“ додава Бест. Таа комбинација на шеќери, масти и натриум може да ја претвори гранолата во лош оброк, а не здрав избор.

Сос за скара

Иако на многумина им е вкусен, сосот за скара најчесто е полн со шеќери, натриум и калории. „Овој сос може да придонесе за собирање на масно ткиво на стомакот, најмногу поради високата содржина на шеќер и калории“ предупредува Ричардс. Тој додава дека многу комерцијани сосови за скара се полни со додаден шеќер, често и во облик на пченкарен сируп со висока содржина на фруктуза или други засладувачи. „Тие додадени шеќери може значајно да го зголемат вкупниот број на калории во сосот, што го олеснува консумирањето на повеќе калории“ открива Ричардс.

The post Според нутриционистите, овие производи не се здрави за човекот appeared first on Република.

Во округот Јункши во Кина, сместен во средината на антички пејзаж, во 2022 година пронајден е необичен череп кој веднаш ја привлече љубопитноста на научниците ширум светот. Го нарекоа Јункшијски човек. Овој загадочен пронајдок датира од пред неверојатни 900.000 години и претставува фасцинантна загатка во сагата за човековата еволуција. Најновите истражувања покажуваат дека најверојатно е плод на љубовта помеѓу два хоминида, Хомо сапиенс и одамна изгубениот вид познат како „Човек змеј“ (Хомо лонги), пишува „Daily Mail“.

Макотрпната реконструкција на черепот открива мозаик од коски на лицето во согласност со сплесканиот череп, врамените очи и истакнатите веѓи карактеристични за таканаречениот Човек змеј. Монументалниот подвиг, документиран во револуционерна рецензирана студија објавена на истражувачката платформа BioRxiv, најавува промена на парадигмата во нашето разбирање за сложената интеракција помеѓу древните лози на хоминините.

Разумно е да се заклучи дека човекот од Јункши е морфолошки и хронолошки близок со последниот заеднички предок на лозата H. sapiens и H. longi, тврдат авторите на студијата, сигнализирајќи клучен момент во аналите на палеоантропологијата.

Сепак, среде прославата на откритието, останува неизвесноста што ја покрива класификацијата на Јунксианскиот човек, втурнувајќи ги научниците во подлабока научна дебата. Ана Голдфилд, угледен археолог на Универзитетот во Бостон, укажува на сложеноста што е својствена за дешифрирањето на енигмата на древните човечки видови, каде што фрагментираните фосилни записи и разновидните морфолошки карактеристики се вкрстуваат за да ги збунат и предизвикуваат научниците.

Реконструираниот Јунксиан сугерира дека тој е ран член на лозата на азискиот Човек змеј. Лозата на H. sapiens и Човекот змеј имаат длабоки корени кои се протегаат надвор од средниот плеистоцен, а базалната положба на черепот на фосилите на Јункси сугерира дека тој претставува популација која лежи блиску до последниот заеднички предок на тие две лози, се истакнува во наведената студија.

Додека научната заедница чека преглед на таа студија, пионерската работа на нејзиниот главен автор Ксијун Ни, обезбедува основа врз која можат да се градат идните откритија, фрлајќи светлина на досега нејасните патеки на нашето еволутивно наследство.

The post Пронајдениот необичен череп во Кина можеби припаѓа на мистериозниот хибрид „Човек змеј“ appeared first on Република.

Регионалниот Центар за управување со кризи (ЦУК) Битола информира дека пожарникарите од ТППЕ Битола од 18.45 до 19.35 часот, со четири пожарникари и едно ПП возило интервенирале на извлекување паднат човек во река Драгор кај месноста „Сали Мост“.

Паднатото лице не било повредено.

The post Пожарникарите од Битола извлекле човек што паднал во Драгор appeared first on Република.

Човековото тело постојано ни кажува што се случува во него... Така, без разлика дали тоа се бори со замор, случајни грчеви или недостиг на енергија - сѐ ова се симптоми на недостиг на минерали.

Минералите и витамините поттикнуваат разни метаболички функции што го подобруваат метаболизмот, делотворноста на телесната енергија, имунолошкиот систем, квалитетот на живот. Нутриционистката Кристен Ставридис од Лондон смета дека минералите се од витално значење и за спречувањето болести.

Минералите го поддржуваат здравиот метаболизам и го одржуваат нашето тело да функционира оптимално. Ни треба само мала количина од секој, а може да ги добиеме од храната што ја јадеме. Повеќето од нас се виновни што не секогаш ги консумираат сите групи на храна што ни се потребни, кои се преполни со витални витамини и минерали за кои имаме дневна потреба. Тоа значи дека многу често има недостиг на хранливи материи во исхраната на луѓето, појасни таа.

Симптоми на недостиг на железо, на пример, се пукање на аглите на усните, замор во мускулите, чешање на кожата, вртоглавица, главоболка, кршлива коса.

Недостиг на магнезиум, според стручњакот, може да се препознае ако има губење апетит, гадење, замор, слабост, несоница, дијареа. Уште еден важен минерал е цинкот, а неговиот недостиг се препознава по рапава кожа или дерматитис, одложено зараснување на рани или чиреви, нарушен вкус.

Кршливи нокти, несоница, грчеви во мускулите - се знаци дека на вашето тело му недостига калциум, нагласува Ставридис.

При недостиг на јод, пак, таа додава дека се појавуваат отоци кај вратот, проблеми со бременоста, опаѓање на косата, сува кожа, настинка итн. Недостигот на селен предизвикува неплодност, замор, тн. „заматување“ на свеста и други непријатни состојби.

The post Рапава кожа или дерматитис значи дека ви фали цинк во организмот appeared first on Република.

Човек почина од повредите здобиени кога го удри бик на фестивал во источна Шпанија, соопштија денеска властите.

Шпанецот бил погоден во рамо од бик за време на одржувањето на фестивалот на бикови во градот Побла де Фарналс во регионот Валенсија во саботата, по што бил пренесен во болница, но подоцна починал, соопштија тамошните власти, пишува „Ројтерс“.

Тие изјавија дека истиот бик удрил по нога друг Шпанец и дека тој е во болница во стабилна состојба.

На фестивалот, биковите се пуштаат на улиците, а тркачите се тркаат пред нив, традиционален настан во повеќе од 1.820 шпански општини секоја година, според неодамнешното истражување на групата за заштита на животните AnimaNaturalis.

Ваквите фестивали се популарни, а активистите за правата на животните велат дека се опасни и сурови и се залагаат за нивно укинување во последните години.

The post Бик уби човек на Фестивал во Шпанија appeared first on Република.

Како што соопштија од Центарот за управување со кризи (ЦУК), утрово едно лице се фрлило во водите на реката Вардар.

„Во 06:00 часот на 112 во Центарот за управување со кризи е добиено известување дека непознато лице од Мостот Близнак на Булевар Србија се ферлило во речното корито во надојдените води на реката Вардар“, информираат од ЦУК.

На лице место се екипи од Бригадата за противпожарна заштита (БППЗ) на Град Скопје како и екипи на МВР и истите преку Центарот за управување со кризи побараа подршка и ангажирање на спецализираните тимови за претрага во води од Дирекцијата за заштита и спасување. Ова барање е проследено до ДЗС за превземање на мерки и активности во нивната надлежност, со цел да се пронајде лицето, стои во соопштението на ЦУК испратено до медиумите.

Повеќе информации ќе има во текот на денот.

The post Се трага по човек кој утрово се фрлил во Вардар appeared first on Република.

Повозрасен човек се удави во Охридското Езеро. Шеесет и шест годишно лице попладнево е пронајдено без знаци на живот во водите на Охридското Езеро во близина на автокампот „Ас“ кај Струга.

Информацијата за МИА ја потврди портпаролот на СВР Охрид Стефан Димоски, посочувајќи дека капачите на плажата го забележале телото. Екипа на Струшката брза помош интервенирала на лице место, а кај давеникот немало знаци за живот. Увид на местото извршила полициска екипа во присуство на јавен обвинител и медицински тим.

The post Човек се удави во Охридското Езерo appeared first on Република.

Првиот човек на кој му беше пресадено срце од свиња почина два месеци по револуционерниот експеримент, соопшти денеска болницата во Мериленд, чии експерти ја извршиле оваа комплицирана процедура.

Дејвид Бенет (57) почина вчера во Медицинскиот центар на Универзитетот во Мериленд. Лекарите не ја наведоа точната причина за смртта, само рекоа дека неговата состојба почнала да се влошува неколку дена претходно.

Синот на Бенет ја пофали болницата што го понудила последниот експеримент, велејќи дека семејството се надева дека тоа ќе помогне во понатамошните напори да се стави крај на недостигот на органи.

Ние сме благодарни за секој иновативен момент, секој луд сон, секоја непроспиена ноќ вложена во овој историски напор, рече синот на Дејвид, Бенет Јуниор по операцијата во соопштението објавено од Медицинскиот факултет на Универзитетот во Мериленд.

Се надеваме дека оваа приказна може да биде почеток на надежта, а не крај.

Лекарите со децении се обидуваат еден ден да искористат животински органи за спасувачка трансплантација. Бенет, мајстор од Хагерстаун, Мериленд, беше кандидат за овој последен обид само затоа што инаку се соочи со сигурна смрт – тој беше несоодветен за трансплантација на човечко срце, приковани за кревет и апарати за спасување животи.

По операцијата на 7 јануари, синот на Бенет изјави за АП дека неговиот татко знаел дека нема гаранција дека ќе успее.

Претходните обиди за такви трансплантации – или ксенотрансплантација – беа неуспешни во голема мера затоа што телата на пациентот брзо го отфрлија органот од животните. Овој пат, хирурзите од Мериленд користеле генетски модифицирано свинско срце; Научниците го модифицирале животното за да ги отстранат гените од свињите кои предизвикуваат експресно отфрлање и додале човечки гени за да му помогнат на телото да го прифати трансплантираниот орган.

Во почетокот, свинското срце функционирало, а болницата во Мериленд периодично објавувала информации дека Бенет полека закрепнува. Минатиот месец болницата објави видео на кое се гледа како Дејвид Бенет го гледа „Супер Боул“ од болничкиот кревет додека паралелно вежба под надзор на физиотерапевт.

Многу сме погодени од смртта на господинот Бенет. Тој се покажа како храбар и благороден пациент кој се бореше до крај – изјави д-р Бартли Грифит.

The post Почина човекот на кого му беше трансплатирано срце од свиња appeared first on Република.

Воз кој сообраќал од Битола кон Скопје прегази човек кој лежел на пругата.

Вчера во 14.00 часот во СВР Битола било пријавено дека патнички воз кој сообраќал на релација Битола-Скопје, на потегот помеѓу стојалиште „Браилово“ и стојалиште „Слепче“, удрил во едно лице кое лежело на пругата. Лицето починало на местото на несреќата, а по извршениот увид било констатирано дека станува збор за М.Д.(44) од Република Албанија, велат од полицијата.

По наредба на Јавен обвинител телото на починатиот било дадено на обдукција.

The post Воз прегази човек appeared first on Република.