Владата на вчерашната седница донесе Одлука, Министерството за животна средина и просторно планирање да ги префрли средствата наменети за чистење на контаминираната локација во ОХИС на сметката на Мулти-партнерскиот фонд за животна средина, во висина од 24 453 000 денари.

Со ова, нашата држава ги исполнува обврските за обезбедување средства на годишно ниво, согласно одлуката на Владата од 2013, на која се обврза дека со постепено одвојување средства ќе го поддржи елиминирањето ка контаминираниот материјал од кругот на ОХИС, наведува МЖСПП.

Според Министерството, Мулти-партнерскиот фонд за животна средина е формиран од Владата за да се мобилизираат средства од повеќе извори за решавање на долгогодишниот проблем со историскиот отпад во кругот на ОХИС. За администрирање со средствата од овој фонд е задолжен УНОПС како имплементациона агенција која исто така има обврска да мобилизира дополнителни средства за комплетна ремедијација на малата депонија и изнаоѓање решенија за големата депонија, што е наведено во договорот за формирање на фондот помеѓу Владата на Република Македонија и УНОПС.

Досега се транспортирани и уништени 1 932,35 тони високо концентриран HCH отпад и 586,37 тони почва контаминирана со HCH. Досега се спроведени активности за чистење на малата депонија распределени на ЛОТ 1, ЛОТ 2, ЛОТ 3 и ЛОТ 4, согласно процедурите од јавна набавка објавена од страна на УНИДО и УНОПС. Активностите на ЛОТ 1 започнаа во септември 2021 година, на ЛОТ 2 во јуни 2022 година, на ЛОТ 3 во јуни 2023 година и ЛОТ 4 во март 2024 година. Собраниот високо концентриран HCH отпад е транспортиран и уништен во погоните на Треди во Франција додека почвата контаминирана со HCH се транспортира во постројката Индавер во Германија, соопшти МЖСПП.

За реализација на активностите се изработени планови за ремедијација за секој поединечен ЛОТ, доставени од страна на компанијата „Polyeco“ од Р. Грција, компанија кoja е избрана од страна на УНИДО и УНОПС преку постапка за јавна набавка. Според досегашните испитувања, треба да се отстранат уште 300 тона високо концентриран HCH отпад и 1 500 тони почва контаминирана со HCH изомери.

The post Дополнителни 400.000 eвра за чистење на депонијата во ОХИС обезбедени од Владата и appeared first on Република.

Министерот за земјоделство шумарство и водостопанство Цветан Трипуновски денеска соопшти дека се ставени во функција сите расположливи средства за чистење на речните корита согласно најавите од УХМР дека под влијание на циклонска активност деновиве во земјава ќе има врнежи, наместа пообилни, проследени со грмежи и засилен ветер.

Како што напомена Трипуновски, мора да се делува интервентно зашто во претходните години коритата не биле исчистени.

Трипуновски ја оцени ситуацијата како еколошка катастрофа и го впери прстот директно во градоначалникот Костадин Костадинов. Воедно апелира надлежните институции и ЈО да го испитаат случајот

Ставени се во функција сите расположливи средства и се прави план за чистење на сите критини точки во земјава, односно на речните корита кои низ годините, за жал, се неисчистени, па, мора интервентно да делуваме. Ја следиме прогнозата за да превенираме каква било штета по однос на ова прашање - рече Трипуновски, одговорајќи на новинарски прашања по прес-конференцијата на која Владата и понуди помош на Општина Струмица за решавање на проблемот со водата за пиење

The post По најавата за обилни врнежи: Ставени во функција сите расположливи средства за чистење на речните корита и критичните точки appeared first on Република.

На социјалната мрежа Икс се појави видео од маж како ја чисти плажата во Сутоморе во Црна Гора и, со право, предизвика доста бес кај и кај Црногорците и кај нивните туристи.

Вака се „чисти“ плажата во Сутоморе. Забораваме дека во следното невреме морето ќе ни врати сè што сме му дале, пишува во описот на видеото.

Ovako se u Sutomoru “čisti”plaža.
Zaboravljamo da će nam more u svakom nevremenu vratiti sve ono što smo mu “dali”🙄 pic.twitter.com/xyxru8LepM

— Ðetić (@KonteZanovic) September 14, 2024

The post Луѓето згрозени како се „чисти“ плажата во Сутоморе appeared first on Република.

Безбедноста при работа е клучен аспект во секоја индустрија, а електротехничката индустрија не е исклучок. Едни од најчесто користените средства при производство и одржување на електронски компоненти се течностите за чистење. Правилното користење на овие течности е неопходно не само за ефикасност и квалитет на производството, туку и за заштита на здравјето на работниците и животната средина.

Што се течности за чистење? 

Течности за чистење се специјални хемиски раствори користени за чистење и отстранување на нечистотии од електронски компоненти и уреди. Постојат различни видови течности за чистење кои се разликуваат според својот состав и намена. Меѓу најчесто користените се течности на водна база, течности на алкохолна база и ДИ вода.

Течности на водна база 

Течности на водна база се пријателски за животната средина и истовремено ефикасни при отстранување на широк спектар нечистотии. Овие течности содржат детергенти и површинско активни супстанции кои помагаат во разградување и отстранување на нечистотиите од површината на електронските компоненти. Нивната употреба е вообичаена во ситуации кога треба да се отстранат остатоци од флуксови, прашина и други органски загадувања. Предноста на течностите на водна база е нивната ниска токсичност и лесната биолошка разградливост. Пример за ова е Decotron®.

Течности на алкохолна база 

Течности на алкохолна база (на пр. Proton®) се одлични за брзо и ефикасно чистење, особено каде што е потребно да се отстранат маснотии, масла и други хидрофобни супстанции. Алкохолните компоненти, како што е изопропанол, обезбедуваат брзо испарување и не оставаат остатоци, што е идеално за чистење на чувствителни електронски компоненти. Овие течности се многу ефикасни, но треба да се внимава при нивна употреба, бидејќи се високо запаливи и може да претставуваат здравствен ризик при вдишување на парите.

ДИ вода 

ДИ вода е вода која поминала низ процес на дејонизација, при што се отстранети минералните јони. Се користи главно за испирање и финално чистење, бидејќи не содржи јони кои би можеле да ги контаминираат електронските компоненти. Идеална е за отстранување на остатоци од средства за чистење и нечистотии кои може да останат на компонентите по претходните процеси на чистење.

Безбедносни мерки при работа со течности за чистење 

Работата со течности за чистење бара почитување на одредени безбедносни мерки за да се минимизира ризикот по здравјето на работниците и да се спречат негативни влијанија врз животната средина. Во следниот текст се наоѓаат неколку клучни препораки:

• Користење на лични заштитни средства: При работа со течности за чистење е потребно да се носат соодветни заштитни средства, како што се ракавици, заштитни очила и работна облека. Овие средства ги штитат работниците од директен контакт со хемикалии кои може да бидат иритантни или токсични.

• Добра вентилација на работниот простор: Работното место треба да биде добро проветрено за да се минимизира концентрацијата на парите од течностите за чистење, особено кај течностите на алкохолна база. Во затворени простории треба да се инсталираат системи за извлекување кои ги отстрануваат штетните испарувања од работниците.

• Правилно складирање на течности за чистење: Средства за чистење треба да се складираат во оригинални, добро затворени садови кои се означени со соодветни безбедносни етикети. Важно е да се складираат подалеку од извори на топлина и отворен оган, особено кај запаливите течности на алкохолна база.

• Обука на работниците: Работниците треба редовно да се обучуваат во областа на безбедното користење на течностите за чистење. Обуката треба да вклучува информации за ризиците поврзани со различните видови течности, правилните процедури при манипулација и првата помош во случај на несреќа.

• Еколошко отстранување на отпадот: Искористените течности за чистење и нивните амбалажи треба да се отстрануваат согласно важечките прописи за управување со опасен отпад. Важно е да се спречи контаминација на водните извори и почвата со хемиски супстанции.

Заклучок 

Безбедноста при работа со течности за чистење во електротехничката индустрија е неопходна за заштита на здравјето на работниците и минимизирање на еколошките влијанија. Правилната манипулација со течностите на водна база, на алкохолна база и ДИ вода е клучна за обезбедување на безбедно и ефикасно чистење на електронските компоненти. Почитувајќи ги безбедносните мерки и редовно обучувајќи ги работниците, може да се постигне висок степен на заштита и одржливост во индустриските процеси.

Комерцијална објава

The post Безбедност при работа со течности за чистење во електротехничката индустрија appeared first on Република.

Покрај убавиот мирис, циметот има и антибактериски својства. Имено, додавањето цимет во водата за чистење на подот има неколку придобивки за просторот за живот и домување.

-Користењето цимет во водата во којашто ги натопувате вашите крпи може да остави пријатен мирис во просторијата, изјави Петја Холевич, стручњак за чистење куќи и домови и менаџер во „Фантастик сервисес“ (Fantastic Services).

-Но, избегнувате да користите премногу цимет, бидејќи може да остави траги на подот доколку не се разреди правилно.

Наместо да нанесувате цимет директно на крпата, тaa препорачува во самиот раствор за чистење да се додаде цимет.

-Ќе ви треба топла вода, неколку капки благ детергент за садови и едно до две стапчиња цимет или лажичка мелен цимет. Измешајте ги состојките во кофа со вода, оставете го циметот да кисне неколку минути за водата да го добие тој мирис на цимет. Потоа, исчистете го подот, како и обично, само сега со додаден цимет во растворот. Топлината и движењата на бришење ќе го рашират мирисот на цимет во воздухот, оставајќи ја просторијата миризлива, додека топлата вода и благото средство за чистење темелно ќе го исчистат подот, додаде таа.

Елизабет Шилдс, професионална чистачка и менаџерка во „Супер клининг сервис Лујсвил“ (Super Cleaning Service Louisville), се надоврзува со тоа дека „циметот има повеќе антибактериски својства“, што значи дека е повеќе од само површен додаток во рутината а чистење.

-Циметот има природни антибактериски својства, па кога се додава во раствор за чистење, тој може да помогне да се убие или да се спречи растот на бактериите на површините. Тоа го прави природно и делотворно антибактериско средство за чистење во домаќинството, заклучи таа.

The post Покрај убавиот мирис, циметот има и антибактериски својства appeared first on Република.

Покрај убавиот мирис, циметот има и антибактериски својства. Имено, додавањето цимет во водата за чистење на подот има неколку придобивки за просторот за живот и домување.

- Користењето цимет во водата во којашто ги натопувате вашите крпи може да остави пријатен мирис во просторијата, изјави Петја Холевич, стручњак за чистење куќи и домови и менаџер во „Фантастик сервисес“ (Fantastic Services). - Но, избегнувате да користите премногу цимет, бидејќи може да остави траги на подот доколку не се разреди правилно...

Наместо да нанесувате цимет директно на крпата, тaa препорачува во самиот раствор за чистење да се додаде цимет.

- Ќе ви треба топла вода, неколку капки благ детергент за садови и едно до две стапчиња цимет или лажичка мелен цимет. Измешајте ги состојките во кофа со вода, оставете го циметот да кисне неколку минути за водата да го добие тој мирис на цимет. Потоа, исчистете го подот, како и обично, само сега со додаден цимет во растворот. Топлината и движењата на бришење ќе го рашират мирисот на цимет во воздухот, оставајќи ја просторијата миризлива, додека топлата вода и благото средство за чистење темелно ќе го исчистат подот, додаде таа.

Елизабет Шилдс, професионална чистачка и менаџерка во „Супер клининг сервис Лујсвил“ (Super Cleaning Service Louisville), се надоврзува со тоа дека „циметот има повеќе антибактериски својства“, што значи дека е повеќе од само површен додаток во рутината а чистење.

- Циметот има природни антибактериски својства, па кога се додава во раствор за чистење, тој може да помогне да се убие или да се спречи растот на бактериите на површините. Тоа го прави природно и делотворно антибактериско средство за чистење во домаќинството, заклучи таа.

The post Покрај убавиот мирис, циметот има и антибактериски својства appeared first on Република.

Вчера полициски службеници од ОВР Македонски брод лишиле од слобода 3 лица, Т.Т.(63) од Македонски Брод, А.Т.(39) од Македонски Брод, Д.Д.(21) од с.Суводол, Македонски Брод и И.М.(29) од Кичево. Тие се сомничат дека се инволвирани во кривично дело по член 123 од Кривичниот законик.

„Т.Т. пријавил во полициска станица дека околу 23.00 часот, во дворот од неговата куќа во с.Калуѓерец, општина Македонски Брод, при чистење на ловечка пушка, пушката испукала еден куршум кој го погодил Д.С.(31) од Кичево, со кого сите заедно биле на лов. Од здобиените повреди Д.С. починал на местото, а смрт констатирал лекар од Итна медицинска помош“ се вели во билтенот на МВР

Увид на местото извршила увидна екипа на ОВР Македонски Брод, а по наредба на јавен обвинител телото на починатиот било предадено на обдукција, велат од МВР.

The post Трагедија: Ја чистел пушката и случајно си го убил пријателот со кој бил на лов appeared first on Република.

Голема еко-акција за чистење на Охридското Езеро, ќе се одржи денеска на плажата Дебрца (стар пат Охрид-Струга, во близина на реката Сатеска), со почеток од 10 часот. За заинтересираните е обезбеден превоз од Скопје до Охрид и назад. Во текот на целата акција, сите учесници ќе имаат на располагање освежување и оброци. Организаторот обезбедува и потребна опрема за чистење, како што се ракавици, вреќи за отпад и други материјали.

Нашето непроценливо природно богатство заслужува целосна заштита и грижа. Оваа акција претставува одлична можност за сите граѓани, семејства и пријатели да се здружат во заедничката мисија за почиста животна средина. Охридското Езеро, со својата извонредна природна убавина и значење, е симбол на нашата гордост и културно наследство. Заедно, можеме да придонесеме за неговото зачувување и да оставиме траен белег на нашите напори за одржлива иднина, истакнуваат од „Скопско“.

Иницијативата на организаторот е дел од долгорочната платформа за општествена одговорност „Наша гордост. Наша одговорност.“.

The post Голема еко-акција за чистење на Охридското Езеро appeared first on Република.

Покрај цената на сместувањето, патувањето, храната, има уште една ставка која претрпе поскапување.

Пари за сместување, патување, екскурзии, дневни трошоци и – за такса за чистење. Оваа последна ставка не треба да се заборави кога станува збор за резервација на одмор.

И иако не е новост дека оваа такса за уредување ја бара и личноста од која земате приватно сместување, сепак многумина беа изненадени од моменталните цени, пишува Nova.rs.

Искуството покажува дека оваа такса во претходните години, особено на AirBnb беше 10, максимум 15 евра.

Сопственикот на сместувањето на тој начин се осигура дека апартманот после вас ќе биде уреден како што бил кога сте влегле и подготвен за нови гости.

Сега, еден конкретен случај од Ровињ, како што изјави корисникот на социјалната мрежа Х, покажува дека може да достигне и до 35 евра.

Gledam apartmane na moru, pošaljem poruku, odgovori gospođa i doda na kraju, još 35 e završno čišćenje.Nije da me nije iznenadilo.Pitam otkud to, kaže to već par godina praktikuju.

— Dragana (@Dragana03882361) March 13, 2024

А ако ја прочешлате понудата на AirBnb за хрватското крајбрежје, ќе видите дека просечната такса за чистење сега е нешто повеќе од 20 евра, но има и многу кои бараат повеќе од 30 евра. Во Црна Гора тие цени се движат од 10 до над 50 евра.

За некои станови оваа ставка воопшто не постои, но немојте да се чудите доколку сопственикот ве извести за тоа подоцна, при резервација.

И додека некои посочуваат дека во сѐ има логика бидејќи луѓето знаат да остават прилично хаос кога ќе излезат од сместувањето, мнозинството се непријатно изненадени бидејќи, како што велат, тоа веќе не е симболичен дополнителен трошок за летување.

Ima logike jer znam čoveka koji izdaje app na moru i svaki put ga iznenadi činjenica koliko narod može da bude štrokav

— BG (@beogradjanka00) March 14, 2024

The post Непријатно изненадување за туристите, дополнителниот трошок за сместување на море не е веќе само симболичен appeared first on Република.

Турција, Бугарија и Романија, трите членки на НАТО, кои тагуваат по Црното Море, потпишаа денеска тројна спогодба за отстранување на мините во Црното Море, кои пловат како резултат на војната во Украина.

Од почетокот на руската инвазија на Украина на 24 февруари 2022 година приморските земји забележаа пловечки мини во водите на Црното Море, поставени од завојуваните страни за заштита на нивните брегови.

„Поради украинско-руската војна, мини се поставени и во украинските и во руските пристаништа. Тие понекогаш се отпуштаат и стигнуваат до нашата теснина поради морските струи“, рече турскиот министер за одбрана, Јашар Ѓулер, во декември по неколкумесечните разговори меѓу сојузниците во НАТО.

Иницијативата за борба против мините во Црното Море, потпишана во Истанбул, треба да овозможи безбедност на пловидбата, вклучително и извоз на украинско жито по должината на бреговите на Романија и Бугарија.

Романскиот министер за одбрана, Ангел Тилвар, и бугарскиот министер Атанас Запрјанов му се придружија на турскиот министер Ѓулер во босфорската палата за да го потпишат договорот. Секоја земја наизменично ќе претседава со иницијативата шест месеци.

„Одлучивме заеднички да потпишеме протокол меѓу трите земји за поефикасна борба против заканата од мини во Црното Море на начин да ја зајакнеме нашата постојна соработка и координација“, рече Ѓулер.

Групата беше основана во август 2023 година од Турција откога Москва одби да го продолжи договорот за извоз на украинско жито преку Црното Море.

Ѓулер особено истакна дека во оваа иницијатива може да учествуваат само бродовите на трите сојузнички земји, кои се потписнички на иницијативата, за да не се прекрши конвенцијата од Монтре. Турција се повикува на тој меѓународен пакт кога го спречува минувањето на воените бродови низ Босфорот и Дарданелите доколку нивните пристаништа не се стационирани на Црното Море.

Повелбата од 1936 година ѝ дозволува на Турција да го ограничи поморскиот транзит низ нејзината теснина за време на војна, но има клаузула со која се ослободуваат бродовите што се враќаат во својата матична база.

The post Турција, Бугарија и Романија потпишаа договор за чистење на Црното Море од мини appeared first on Република.

Само со природни состојки и за неколку минути вашиот тепих ќе го врати својот поранешен сјај!

ПОТРЕБНИ СОСТОЈКИ:

1 лажица сол

1 лажица бикарбона

*ако тепихот е поголем зголемете ги дозите. Солта и бикарбоната секогаш треба да бидат во еднакви делови.

Лесно втријте со рацете по целата површина и оставете да делува 15 минути. Оваа смеса не ги отстранува старите дамки, но ја отстранува прашината и нечистотијата во внатрешноста на влакната.

Потоа саму поминете добро со правосмукалката за да ги исмукате сите остатоци.

Ако сакате да направите и третман за да ги направите боите светли и повторно „живи“ употребете:

ПОТРЕБНИ СОСТОЈКИ:

20 г лимонска киселина
растворени во 200 мл зовриена вода
додајте 400 мл ладна вода

Втријте со кружни движења по површината и тепихот веднаш станува совршено чист и блескав. Потоа оставете само да се исуши на воздух.

https://www.youtube.com/watch?v=jSfimQjm1E8

The post Tрик за суво зимско чистење на теписите за 15 минути! appeared first on Република.

Планирани се 1.2 милиони евра за метење, џогирање и бришење прозори. Државниот загубар Македонски пошти кој веќе има милионски долгови склучил договор за одржување хигиена во деловни простории за период од две години и за тоа ќе треба да искешира 73 милиони 160 илјади денари, објави ТВ Алфа.

На фирмата „Стед Комерц увоз-извоз“ која го добила тендерот ќе и се плаќаат по 6.8 денари за секој изметен квадратен метар. Речиси 30 денари по квадрат ќе се плаќаат за полугодишно одржување кое вклучува и машинско чистење, а за генерално чистење кое би се спроведувало периодчно и по потреба ќе се плаќаат дури 148 денари по квадрат.

Истиот договор склучен пред две години државниот загубар го чинел двојно помалку или околу 720.000 евра.

Генералната директорка Бујаре Абази на прашањето на Алфа, која е потребата да се склучи ваков договор кога се знае дека Македонски пошти со години се вбројува како државен загубар, вели дека постапката морале три пати да ја поништуваат поради огромните цени кои ги барале фирмите, па овој вреден милион и 200 илјади го склучиле како најсоодветен.

По трета поништена постпапка и променети спецификации го склучивме овој договор како најсоодветен. Цените беа апсолутно ненормални. Компаниите кои можат да опслужат на цела теририторија на Македонија се малку и затоа цените се такви. Некаде ќе се чисти два пати недела, некаде еднаш“, вели директорката Абази за Алфа.

Овој државен загубар ги отпушти сите хигиеничарки пред десетина години и оттогаш мора да ангажиора надворешни фирми за одржување на хигиената.

Според последниот ревизорски извештај Македонски пошти ја завршиле 2022-та година со загуба од над 3.7 милиони евра. Во 2021-та загубата била над 2.8 милиони евра.

Пошта не е загубар од вчера. Со години Владата ја субвенционира, меѓутоа се уште работи во минус, објави ТВ Алфа.

The post „Македонски пошти“ ќе потроши 1,2 милиони евра за метење, џогирање, бришење прашина и прозори appeared first on Република.

Согласно годишната програма на Секторот за заштита на животна средина и управување со отпад при Општина Охрид за 2023 година, спроведена е акција за чистење на дното на Охридското Езеро на потегот пред село Пештани.

Притоа од дното на езерото е извадено поголемо количество отпад, стари гуми, пластични и стаклени шишиња и покуќнина, информираат од Општина Охрид.

Акцијата ја спроведоа нуркачи од „Клубот за подводни активности“ од Охрид, а покрај физичкото отстранување на отпад цел на акцијата е и подигање на јавната свест на населението за потребата од грижа и заштита на Охридското Езеро од загадување.

The post Акција за чистење на дното на Охридското Езеро, извадено поголемо количество цврст отпад appeared first on Република.

Со повеќе еко акции за чистење на струшкото крајбрежје на потегот од Евро хотел до Елен камен, подводно чистење на езерото, мапирање на еколошки чисти плажи, и едукативна работилница успешно се реализира проектот „Екологија, дел од нашата култура“ како дел од програмата на Министерството за животна средина и просторно планирање.

Во рамките на проектот, кој има за цел подигнување на еколошката свест, изработен е и видео спот преку кој младите испратија силни и јасни пораки за здрава и чиста животна средина.

Младите, помогнати од граѓаните кои се приклучуваа на акциите, собираа најразличен отпад. На повеќе локации се собираше отпадот а беше спроведека и креативна акција „Езерото не е корпа за отпад“ за која беа изработени транспаренти со еколошки пораки за заштита на Охридското езеро. Исчистените плажи се обележаа со еко-знамиња како еколошко-чисти плажи. Целта пред сѐ е подобрување на состојбата на животната средина и подигнување на свеста за зголемена заштита на Охридското езеро и крајбрежјето“, велат од здружението „Нова порта“.

Од спортскиот клуб „Соларис“ кои беа дел од еко-активностите велат дека еколошките акции пред сѐ имаат едукативна намена а практичните примери се најважни во борбата за заштита на животната средина.

Преку реализацијата на проектот „Екологија, дел од нашата култура“ најмалите осознаваат за значењето на здравата животна средина. Во таа насока се организираа и едукативни еко-работилници. Од „Нова порта“ велат дека проектот од друга страна придонесе да се остави чиста слика пред бројните туристи кои престојуваат во Струга.

The post Младите го чистеа струшкото крајбрежје appeared first on Република.

Викендов во Струга се одржа голема еко-акција за чистење на крајбрежјето на Охридското езеро. На повеќе плажи младите собираа најразличен отпад во рамките на проектот „Екологија, дел од нашата култура“  кој се реализира со поддршка на Министерството за животна средина и просторно планирање.

Проектот „Екологија, дел од нашата култура“ има за цел подигнување на свеста за здрава животна средина. Од Здружението на граѓани „Нова порта“ велат дека преку вакви акции за чистење на најкритичните места вдолж брегот на Охридското езеро од друга страна се остава чиста слика пред бројните туристи кои престојуваат во Струга.

„Интересот кај младите за да се вклучат во акцијата е голем. Изминатиов период на повеќе локации се собираше отпадот  а се спроведе и акција под мотото „ Езерото не е корпа за отпад“  на која преку транспаренти се испратија еколошки пораки за заштита на Охридското езеро. Целта пред сѐ е подобрување на состојбата на животната средина и подигнување на свеста за зголемена заштита на Охридското езеро и крајбрежјето“ , велат од „Нова порта“.

Исчистените плажи, како еколошко чисти плажи, се обележани со знамиња. Во акцијата

„Креирањето на било каква политика поврзана со здрава животна средина е процес којшто почнува од најрана возраст. Тоа значи дека секој еден од нас првите информации ги прима во рамките на своето семејство а потоа и преку образовниот процес. Она што како сознание секој од нас треба да го има е информација која треба да ја добие од семејството и луѓето кои се грижат за животната средина. Ваквите акции ги поддржуваме во цлост во поглед со работа со најмладите кои треба да имаат здрави навики“, вели Никола Кукунешоски од Извидничкиот центар Скаут.

Од спортскиот клуб „Соларис“ кои беа дел од еко-акцијата велат дека ваквите акции пред сѐ имаат едукативна намена а практичните примери се најважни во борбата за заштита на животната средина

„Како општествено одговорна организација спортскиот клуб „Соларис“ секогаш ги поддржува ваквите иницијативи. Така и денес ја лоцираме важноста на едукацијата на младите спортисти во превенирање на загадувањето на тој начин што ќе се едуцираат да бидат екологисти, да бидат склони кон одржување на чиста животна средина и да се научат како да се справуваат со отпадот кој што не опкружува. Оваа иницијатива ја поддржа нашиот подмладок и реализиравме неколку еколошки акции. Впрочем преку овие акции ги едуцираме младите и вложуваме во утрешнината на екологијата“, вели  Коста Хиохи од клубот „Соларис“ Струга.

Во рамките на проектот се реализира и подводно чистење на езерото а собраниот отпад беше презентиран пред младите на кој им беше потенцирана штетноста врз ендемичниот свет, кој милиони години живее во Охридското Езеро.

За подигнување на еколошката свест во рамките на проектот ќе биде изработен и видео спот преку кој младите ќе испратат силни и јасни пораки за здрава и чиста животна средина.

The post Викенд акцијата за чистење на Струшкото крајбрежје appeared first on Република.

Жители на кавадаречкото села Ресава денеска го чистеа Дабнишки канал, од кој се наводнуваат нивите во дабнишкиот и ресавскиот атар. Претседателот на месната заедница Ресава, Никола Ризов појасни за МИА, дека целта е земјоделските култури да можат подобро да се наводнуваат во текот на топлите денови, кога водата е неопходна за нивниот раст и развој. Тој истовремено ја пренесе пораката на сите што имаат земјоделски имоти овде, надлежните да преземат чекори за реконструкција на овој канал, за полесно и подобро наводнување во иднина, без проблеми како досега.

Живееме и имаме земјоделски имоти во еден од деловите на Тиквешијата што е познат по тоа што раѓа грозје со извонреден квалитет, од кое се прават висококвалитетни вина и ракии. Пишаните документи говорат дека во овој крај, уште од дамнина се произведувало толку квалитетно и густо вино, што во крпа можело да се носи. Не сакаме ништо да оставиме на случајноста и затоа ја презедовме оваа своевидна работна акција. Да обезбедиме повеќе вода, за да можеме да очекуваме богат и квалитетен род од земјоделските култури посадени во овој плоден дел на Тиквешијата, нагласи Ризов.

Како што појасни Ризов, водата во каналот е од Дабнишката река. Тој изрази благодарност до кавадаречки „Комуналец“ и општината Кавадарци, за поддршката за реализација на оваа акција. Ресавци и порано, заедно со Дабништани, на крајот на април месец, вршеа чистење на овој канал, со цел подобро водоснабдување во земјоделството.

The post Жители на Ресава го чистеа Дабнишки канал од кој се наводнуваат нивите во овој атар appeared first on Република.

Екипите на сектор Канализација при ЈП „Водовод и канализација“ – Скопје, покрај редовните активности за одржување на канализациската мрежа, во согласност со податоците на УХМР и најавите за невреме, вчера и денеска спроведуваат и дополнителни активности за расчистување на сливниците и шахтите на критичните точки и сите подвозници во градот, со цел непрекината функционалност на атмосферската канализациска мрежа, информираат попладнево од претпријатието.

Во текот на изминатите денови на територија на градот Скопје, екипите работеа на површинско расчистување на 1.458 сливници, рачно чистење на 387 сливници, контрола на 689 шахти, рачно чистење на 308 шахти и перење на 32 сливника со цистерна под притисок, во девет реони во градот, се наведува во соопштението.

Екипите на ЈП „Водовод и канализација“ – Скопје, како што се додава, се подготвени за интервенции и навремени реакции во согласност со условите и во зависност од интензитетот и количината на водениот талог, со цел задоволување на потребите на граѓаните.

The post Поради најави за невреме, се расчистуваат сливниците и шахтите на критичните точки и сите подвозници во градот appeared first on Република.

Во текот на вчерашната ноќ, ЈП Комунална хигиена-Скопје започна акција за миење и дезинфекција на сите садови наменети за одлагање на отпадот поставени на територијата на градот Скопје, соопштија од претпреијатието.

Објаснуваат дека активностите се реализираат со специјални комунални возила со вап-надградба за миење под притисок и дека екипите на ЈП Комунална хигиена-Скопје спроведуваат и комплетно миење на џебовите на микролокациите каде што се поставени садовите, а воедно, сите контејнери и микролокации се дезинфицираат со употреба на специјално средство за дезинфекција.

Активностите започнаа во општините Карпош и Ѓорче Петров, а ќе продолжат да се одвиваат во сите останати скопски општини во текот на престојните десетина дена, велат од Комуналец.

Додаваат дека ЈП Комунална хигиена-Скопје реализира и машинско миење на булеварите и поголемите улици во сите скопски општини со автоцистерни според стандардната динамика, утврдена со Оперативниот план за одржување на јавната чистота на подрачјето на Градот Скопје.

Машинското миење се одвива во доцните ноќни часови, кога фреквенцијата на возила и пешаци на улиците е значително намалена, со цел да не се попречува одвивањето на сообраќајот, односно движењето на пешаците, објаснуваат од претпријатието.

The post Комуналец конечно почна да ги плакне контејнерите низ Скопје appeared first on Република.

Како резултат на зачестените барања на граѓаните од минатите години, пред неколку месеци во Аеродром почна примената на новиот концепт за одржување на хигиената на јавните површини во општината, велат од Општината, додавајќи дека преку успешно воспоставен модел и во постојана комуникација со жителите на Аеродром, започнаа систематски да ги решаваат локалните проблеми поврзани со одржување на зеленилото и чистење на депониите и отпадот во целата општина.

Стремејќи се континуирано да обезбедиме услови за здрава животна средина и здрава околина, како предуслов за живот со здрави навики, Општина Аеродром изминатиот период ги стави на располагање сите свои капацитети. Чистотата на јавните површини е еден од најважните императиви во реализација на нашите тековни дневни обврски, а постигнувањето и одржувањето на оваа цел е можна само со поддршка од граѓаните и компаниите, но и комуналното претпријатие на градот, напиша градоначалникот Муцунски на Фејсбук.

Следствено на ова, велат од Општината, веќе може да констатираме дека состојбата во Аеродром е сериозно подобрена и поразлична, а овие активности со зголемен обем продолжуваат во текот на летото, особено за време на високите температури. Комуналните служби и механизацијата на општината, со поддршка на приватниот економски оператор, тековно и навремено ги сервисираат потребите на аеродромци поврзани со одложување и чистење на сметот, а редовно се спроведува чистење и миење на јавните површини и отстранување на кабастиот отпад.

The post Нов систем на чистење во Аеродром appeared first on Република.

Пролетта официјално пристигна иако дождливите денови никако да запрат, но, тоа не треба да ве обесхррабри. Подготовете се за пролетно чистење.

Знам дека воопшто не е забавно, ама, кога ќе ви кажам колку калории се губат додека се чисти, може да се предомислите. Посебно, ако сте наталожиле некое кило плус за време на зимата. Подолу прочитајте колку калории ќе изгубите додека чистите прозорци, купатило, додека собирате прашина и слично.

Миење на под – 153 калории за еден час

Рибање под – 90 калории за 15 минути

Метење – 136 калории за 30 минути

Правосмукање – 119 калории за 30 минути

Миење на автомобил – 153 калории

Миење прозорци – 167 калории за 30 минути

Чистење на орманот – 85 калории

Фарбање ѕидови – 167 калории за 30 минути

Преместување на мабел – 100 калории за 15 минути

The post Колку калории губите додека чистите? appeared first on Република.