Хигиеничарка во Конзулатот на Бугарија во Битола вршела интервјуа со кандидати за добивање бугарско државјанство, откри пратеникот од бугарската партија Преродба, Ангел Георгиев.

Како што пренесуваат денеска медиумите во Бугарија, на оваа негова забелешка и пратеничко прашање, вицепремиерката и шефица на дипломатијата Марија Габриел потврдила дека имало системски пропусти во бугарскиот конзулат во Битола, и дека чистачката веќе нема пристап до архивата и конзулската служба.

Според Габриел, од увидот направен во конзулатот, не биле утрдени директни докази дека чистачката ги интервјуирала кандидатите за бугарско државјанство, но потврди дека имало „застрашувачки прекршувања“ кои се недозволиви во дипломатските служби.

Пратеникот Георгиев тврди дека хигиеничарката Весна Котевска, вработена во бугарскиот конзулат вршела интервјуа со кандидати и како резултат на тоа имало многу одбивања.

Бугарското национално радио јави дека извештајот од контролата во Кознултатот во Битола е испратен до Иснпекторатот на Министерството за правда и оти се очекуваат санкции за одговорните.

The post Чистачка во Конзулатот на Бугарија во Битола интервјуирала кандидати за бугарско државјанство appeared first on Република.

Сами од Флорида чисти станови и куќи топлес и заработува околу 2000 евра дневно, плус големи бакшиши. Нејзината часовна услуга за чистење чини 300 евра, а сега ги охрабрува другите да се испробаат во профитабилна кариера.

Згора на овој дебел хонорар што го заработува полуголата за чистење, 22-годишната девојка истакнува дека добива многу дарежливи бакшиш.

Чистачката проговори за својата профитабилна кариера на социјалните мрежи, брзо привлекувајќи внимание пред наводно да и биде суспендирана сметката.

- Многумина од вас сакаат да знаат колку заработувам дневно како чистачка во топлес. Денеска исчистив пет куќи, а наплаќам по 300 евра на час – рече Сами.

The post Дали би ја ангажирале: Чистачка чисти по дома топлес за 300 евра appeared first on Република.

Отворениот оглас за работно место за чистачка во едно од основните училишта во австриската сојузна покраина Долна Австрија во близина на главниот град Св. Пелтен, предизвика бура од негодување на социјалните мрежи, посебно на Балканот.

Причина за гневот е што со оглед на пропишаните и огласени услови не можат да се пријават лица од Западниот Балкан.

Се бара чистачка за 15 часа неделно, со можност за трајно вработување на неопределено време, по шест месеци но не за лица надвор од ЕУ и Балканот-стоело во огласот.

The post Oсновно училиште во Австрија не сака чистачка од Балканот appeared first on Република.

Дваесет и двегодишна девојка од Македонија загина во несреќен случај на своето работно место во Данска, пренесува порталот А1он. Според данската полиција, настраданата девојка работела како хигиеничарка во училиште, каде што се случила несреќата со машина за чистење.

Данските медиуми јавуваат дека таа била пренесена во болница со тешки повреди на кои им подлегнала.

– Ние сме во процес на спроведување дополнителни истраги и повторно ги испрашуваме истите сведоци, објаснува Торбен Витендорф од данската полиција.

Според данските медиуми, роднините на девојката се веќе известени. Данската управа за работна средина е повикана и мора да биде вклучена во истрагата.

The post 22-годишна Македонка загина во Данска додека работела како чистачка во училиште appeared first on Република.

Полициски службеници од СВР Скопје вчера ја лишиле од слобода скопјанката М.А. (45), осомничена дека во претходниот период извршила кражби во три станови во Скопје, при што одзела накит со вкупна вредност од околу 960.000 денари.

Таа била пријавена на 14.03.2022 од сопственичките на трите станови, информираа денеска од МВР, каде повремено било ангажирана за чистење, дека ја искористила нивната доверба и во повеќе наврати одзела поголемо количество златен накит.

На 16.03.2022, врз основа на судска наредба, биле извршени претреси во домот на М.А. и во домот на нејзината мајка, при што бил пронајден дел од накитот, кој бил вратен на сопственичките. М.А. била приведена во полициска станица и по целосно документирање на случајот против неа ќе биде поднесена соодветна пријава, појаснуваат од МВР.

The post Приведена скопјанка што крадела во станови каде чистела appeared first on Република.