Холандија презема итни чекори за да спречи компанијата „АСМЛ“ да се пресели во странство.

Со таа цел, холандската влада формирала специјална работна група, со кодно име „Бетовен“, за да го спречи водечкиот светски производител на опрема за чипови, „АСМЛ Холдинг“ да се пресели во страство ја напушти земјата поради неповолните економски услови, објави „Блумберг“.

Работната група има задача да ги реши се поголемите проблеми за „АСМЛК“, вклучувајќи тешкотии во привлекувањето странска работна сила, проблеми со снабдувањето со електрична енергија на фабриката на компанијата, ограничувања на емисиите на азот и построги даночни закони. Дополнително на тоа, „АСМЛ“ беше принудена да ги поддржи американските санкции против Кина.

„Блумберг“ забележува дека поради несогласувања со властите околу оданочувањето, два гиганти, нафтениот „Шел“ и производителот на стоки за широка потрошувачка „Унилевер“ (познат по „Магнат“, „Рексона“, „Доместос“, „Кнор“ и многу други брендови) ја напуштиле земјата и се префрлиле во Велика Британија.

Во третиот квартал од 2023 година, обемот на нарачките на производителот на опрема за чипови се намалила за 42% на квартално ниво.

The post Водечкиот производител на чипови во светот сака да ја напушти Холандија appeared first on Република.

Резултатите на компанијата „Нвидиа“ ги соборија сите рекорди. Нивниот годишен приход е зголемен за 126 отсто.

Калифорнискиот производител на напредни чипови објави дека неговите приходи за целата фискална година, од февруари 2023 до крајот на јануари оваа година, се зголемени за 126 отсто на годишно ниво на 60,9 милијарди долари.

Според веб-страницата на компанијата, „Нвидиа“ објави приход од 22,1 милијарди долари во четвртиот фискален квартал, кој заврши на 28 јануари, што е за 22 отсто повеќе од претходниот квартал и за 265 отсто повеќе од четвртиот фискален квартал минатата година.

Приходите од Центарот за податоци на „Нвидиа“ за четвртиот фискален квартал изнесуваат 18,4 милијарди долари, што е за 27 отсто повеќе од претходниот квартал и за 409 отсто повеќе од четвртиот квартал од минатата година.

Ова се рекордни резултати кои ги надминаа очекувањата на Волстрит, а пазарната вредност на компанијата сега надмина 1,8 трилиони долари.

Во изјавата, извршниот директор на „Нвидиа“, Џенсен Хуанг, укажува на огромната побарувачка за компјутерска моќ што е во основата на технологијата за вештачка интелигенција (ВИ).

Побарувачката расте ширум светот, низ компаниите, индустриите и земјите“, додава Хуанг.

Њујоршкиот „Голдман и Сакс“ уште пред објавувањето на резултатите за четвртиот квартал изјави дека компанијата „Нвидиа“ „ги има најважните акции во светот“.

По повод рекордните резултати на „Нвидиа“, ЦНБЦ објави и интересна пресметка за профитабилноста од инвестирањето во акциите на таа компанија.

Доколку сте инвестирале 1.000 долари во Nvidia пред една година, вашата инвестиција би се зголемила тројно за околу 225 отсто и би вредела околу 3.248 долари денес“, се вели на веб-страницата на ЦНБЦ.

Доколку некој инвестирал 1.000 долари во споменатата компанија пред пет години, вредноста на инвестицијата би се зголемила за 1.015 отсто и сега би вреднувала 17.542 долари.

Инвеститорите кои имаа предвидливост да вложат 1.000 долари во „Нвидиа“ пред 10 години, можеа да уживаат околу 22.340% раст на нивната инвестиција и сега би вределе 148.226 долари.

Според пресметката, најдобро поминале оние кои инвестирале 1.000 долари на 22 јануари 1999 година, кога „Нвидиа“ првпат излезе на берза.

За 25 години инвестицијата е зголемена за 222.708 отсто на приближно 2.784 милиони долари.

The post Производителот на напредни чипови „Нвидиа“ ги сруши сите рекорди: Оствари приход од +126 отсто appeared first on Република.

Во 2023 година Русија, и покрај западните санкциите, увезла високотехнолошки чипови од САД и Европа во вредност од милијарда долари, пипшува „Блумберг“.

Изданието дошло до затворена руска царинска статистика, од која произлегува дека вкупната вредност на полупроводниците и интегрираните кола увезени од Русија за минатата година изнесувала 1,7 милијарди долари, а повеќе од половина од нив се производи на компании од САД и Европската Унија.

Блумберг забележува дека нема докази за прекршување на режимот на санкции од страна на овие компании, односно дека Русите увезуваат санкционирана електроника преку трети земји. Како што пишува во текстот, повеќето од овие високотехнолошки компоненти потоа завршуваат во производи од руската воена индустрија.

The post Русија лани увезла високотехнолошки чипови од САД и Европа вредни над милијарда долари appeared first on Република.

Компанијата на Илон Маск за имплантација на чипови во мозок „Неуралинк“ (Neuralink) соопшти дека добила одобрение од независни комисии да почне со регрутација на пациенти за својот прв експеримент на луѓе.

„Неуралинк“ бара пациенти за тестирање на нејзиниот мозочен имплант за парализирани луѓе во клинички испитувања“, се наведува во соопштението.

Имплантот ќе биде тестиран кај пациенти кои патат од парализа поради повреда на ’рбетниот мозок. „Неуралинк“ не открива каде ќе се одржи истражувањето, што ќе трае околу шест години, како и колку учесници ќе вклучува.

Компанијата соопшти дека од американската Агенција за храна и лекови е примено одобрение за почеток на тестирањата на чипови за мозок на луѓе во мај 2023 година.

Чиповите претходно биле успешно тестирани на мајмуни.

Дури и ако мозочниот имплант се покаже како безбеден, експертите велат дека би можело да поминат повеќе од 10 години за иницијативата да биде одобрена за комерцијална употреба.

Компанијата „Неуралинк“ од 2016 година има за цел лекување на невролошки нарушувања, како парализа и слепило и подобрување на квалитетот на животот на лицата со инвалидитет, со помош на микрочипови кои се поставуваат во мозокот.

Од друга страна, експертите предупредуваат дека прелиминарните студии на мозочните импланти на „Науралинк“ би требало да бидат внимателни и сеопфатни, земајќи предвид можни технички и безбедносни проблеми.

The post Компанијата за мозочни чипови на Илон Маск бара луѓе со парализа за да го тестира својот експериментален уред appeared first on Република.

Денеска стапи во сила Европскиот закон за чипови, кој воспоставува сеопфатен сет на мерки чија цел е да се гарантираат безбедноста на снабдувањето, прилагодливоста и технолошкото лидерство на ЕУ во секторот на технологиите и апликациите за полупроводници.

Полупроводниците се основните составни елементи на дигиталните и дигитализираните уреди. Од паметни телефони и автомобили, преку апликации и опрема за здравството, енергијата, одбраната, комуникациите и индустриската автоматизација, полупроводниците се сржта на модерната дигитална економија, но тие, исто така, се во центарот на силните геостратешки интереси и глобалната технолошка трка, се наведува во соопштението на Европската комисија по повод стапувањето во сила на Законот.

Како што јави специјалниот известувач на МИА од Брисел, Еврокомисијата очекува Законот за чипови да го зголеми нивното производство во Унијата, да стимулира создавање Европски дизајниран екосистем и да го поттикне зголемувањето на иновациите.

Преку Европскиот закон за чипови, Европската Унија има за цел да ја постигне својата цел за двојно зголемување на сегашниот удел на глобалниот пазар на 20 отсто до 2030 година, се додава во соопштението.

Трите основни цели на Законот се зајакнување на европското технолошко лидерство во овој сектор, поттикнување на јавните и приватните инвестиции во капацитети за производство на чипови и воспоставување на механизам за координација и следење на понудата, побарувачката и предвидување на недостиг во снабдувањето со полупроводници.

Изработката на заедничката европска стратегија за секторот за производство на чипови ја најави претседателката на Еврокомисијата, Урсула фон дер Лајен во нејзиниот говор за „Состојбата на Унијата“ пред европратениците во 2021 година.

Лани во февруари 2022 година, Комисијата го објави предлог-текстот на Европскиот закон за чипови, кој беше усогласен меѓу Европскиот парламент и Советот на ЕУ, односно земјите членки, во април годинава.

The post Стапи во сила Европскиот закон за чипови appeared first on Република.

Германската влада ја намалува зависноста на земјата од глобалните синџири на снабдување, а важен чекор во тоа е изградбата на огромна фабрика за чипови во Магдебург.

Зделката се финализира со американскиот производител „Интел“, вредна повеќе од 30 милијарди евра. Во тој вкупен износ се вклучени 9,9 милијарди евра субвенции од германската влада, според информациите на ДПА. Субвенциите допрва треба да ги одобри Европската комисија, за што претходно објави бизнис весникот „Ханделзблат“.

Во март минатата година „Интел“ објави дека чиповите во Магдебург, на истокот на Германија, ќе почнат да се произведуваат во 2027 година. Во првата фаза треба да се изградат две фабрики за полупроводници кои ќе можат да вработат неколку илјади луѓе. Предвиден е и хај-тек парк за добавувачи.

Интел првично сметаше на сума од најмалку 17 милијарди евра, но во меѓувреме се зголемија трошоците за изградба и енергија. Покрај тоа, компанијата сака да користи уште посовремена технологија за производство. Од владините кругови се дознава дека „Интел“ ја удвоил инвестицијата. Истовремено, субвенциите на Германија растат од 6,8 на 9,9 милијарди евра.

Претставниците на „Интел“ и германската влада треба да го потпишат договорот в понеделник. Двете страни веќе подолго време преговараат за субвенции. На локалитетот во Магдебург веќе почнаа археолошките истражувања и градежните подготовки.

The post Германија ќе го субвенционира американскиот електронски гигант appeared first on Република.

Tajван е најголемиот светски производител на чипови без кои не може да се замислат автомобилите, гонзолите за игри, мобилните телефони и компјутерите.

Полупроводниците - исто така познати како компјутерски чипови или само чипови - се составен дел од сите мрежни уреди

Позицијата на Тајван во светот на производството на полупроводници е малку како онаа на Саудиска Арабија во ОПЕК. TSMC има 53% удел на пазарот на глобалниот пазар.

Патувањето на Пелоси се совпадна со напорите на САД да го убеди TSMC - најголемиот светски производител на чипови, од кој САД се во голема мера зависни - да формира американска производствена база и да престане да прави напредни чипови за кинеските компании.

The post Без нив нема ни возила ни мобилни телефони: Taјван е најголемиот производител на чипови appeared first on Република.

Американскиот претседател Џо Бајден денеска го потпиша законот вреден 280 милијарди долари за поттикнување домашно производство на висока технологија, што е дел од напорите на неговата администрација да ја зголеми конкурентноста на САД во однос на Кина.

Законот е клучен дел од економската агенда на Бајден да поттикне инвестиции во американската индустрија за полупроводници, со цел да ја намали зависноста на САД од технолошко снабдување од Кина.

Иднината на индустријата за чипови ќе биде направена во Америка, изјави денеска Бајден на свечената церемонија.

Со законот издвоени се 52 милијарди долари за зајакнување на секторот за компјутерски чипови во САД.

Нацрт-законот беше во изработка повеќе од една година, а потоа помина во двата дома на Конгресот на крајот од минатиот месец.

Белата куќа денеска спомна дека „Микрон“ (Micron), водечкиот американски производител на чипови, ќе објави план од 38 милијарди долари за зголемување на домашното производство на мемориски чипови.

Најавено е и дека „Кјуалком“ (Qualcomm) и „ГлобалФаундрајс“ (GlobalFoundries) ќе го претстават проширувањето на фабриката за чипови во Њујорк.

Администрацијата исто така повеќепати го прикажуваше овој закон како важна компонента во спротивставување на влијанието на Кина и обезбедувањето дека САД можат да одржат конкурентска предност во однос на Пекинг, особено во производство на полупроводници.

The post Бајден го потпиша законот за поттикнување производство на чипови во САД appeared first on Република.