Девојчето (11) кое е убиено во Грција, починало од рацете на нејзиниот чичко. Малата Василики, влегла во неговиот автомобил и набрзо била пронајдена мртва.

Чичкото (37) на распит го признал ова грозоморно злосторство, но не го навел мотивот за убиството.

„Ја однесов во шумата и ја убив“, рекол тој, пренесуваат грчките медиуми.

Тој во утро по исчезнувањето на девојчето отишол да ги утеши родителите на убиеното девојче, додека тие се уште верувале дека Василики е киднапирана. Во исто време на социјалните мрежи сподели “amber alert” информација за нејзиното исчезнување.

Откако родителите на Василики го пријавиле нејзиното исчезнување, полицијата ги прегледала безбедносните камери, кои го снимиле девојчето како влегува во автомобил. Набрзо било утврдено дека се работи за возилото на нејзиниот чичко.

Осомничениот за убиството на Василика беше уапсен во 2017 година за силување на 14-годишно дете.

Во 2020 година, тој беше осуден на Закинтос, но беше ослободен на условна слобода во очекување на пресудата на апелациониот суд. Бил должен редовно да се јавува во полициска станица. Засега, според написите во медиумите, не е познато дали ја испочитувал судската наредба.

The post Го убил девојчето, па отишол да ги теши нејзините родители: Ова е чичкото од пеколот од Грција appeared first on Република.

Првиот светски рекет, Новак Ѓоковиќ стана чичко. Сопругата на неговиот брат Ѓорѓе Ѓоковиќ, поранешната водителка Сашка Веселинов се породи и на свет донесе момче на кое родителите одлучија да му дадат име Александар.

Затоа беше организирана голема прослава на која меѓу најрасположените беа Новак и Марко. Прославата се одржува во Рума во викендица, а на социјалните мрежи се појавија видеа.

Марко и Новак Ѓоковиќ пееја и го носеа Ѓорѓе на грб, а во позадина свиреше песната „Мали Господин“ од Нада Точагиќ.

Не можеше да помине без да се искине маицата, а имаше и огномет за наследникот.

https://twitter.com/_anatc0/status/1638626847234871296?ref_src=twsrc%5Etfw%7Ctwcamp%5Etweetembed%7Ctwterm%5E1638626847234871296%7Ctwgr%5Ede67741fc84537a3dd79e0296a92969d102e9efb%7Ctwcon%5Es1_&ref_url=https%3A%2F%2Fnova.rs%2Fsport%2Ftenis%2Fvideo-ludo-slavlje-djokovic-novak-marko-djordje-dete-saska-aleksandar%2F

Ѓорѓе и Сашка се венчаа кон средината на септември во минатата година и направија луксузни веселби, најпрво во Белград, а потоа и на плажа во Црна Гора.

За Сашка и Ѓорѓе ова е прво дете, додека Новак има две со сопругата Јелена.

Новак моментално е во Србија каде се подготвува за следните предизвици оваа сезона, бидејќи наскоро ќе започне серија турнири на земјена подлога, а негова главна цел е Ролан Гарос.

The post Голема радост во семејството Ѓоковиќ: На лудата прослава Новак и Марко го носеа Ѓорѓе на раменици appeared first on Република.

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило две кривични дела – Убиство од член 123 став 2 точка 2 од Кривичниот законик.

При вршење семејно насилство, во семејниот дом на улицата „Франклин Рузвелт“, осомничениот ги лишил од живот сопствената мајка и баба, нанесувајќи им повеќе убоди со нож. Откако ги убил, ноќта меѓу 10 и 11 јануари, тој легнал да спие. Утрото на 11 јануари проверил и се осигурал дека двете жени се починати, по што се упатил кон домот на неговиот чичко со намера и него да го убие. Чичко му не бил дома, по што осомничениот отишол кај матичната лекарка и и кажал дека ги убил неговите мајка и баба.

Бидејќи постои опасност од бегство и опасност осомничениот да стори ново кривично дело со кое се заканува кон неговиот чичко, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор.

The post Скопјанецот кој си ги усмрти мајката и бабата сакал да го убие и својот чичко appeared first on Република.

Жирито во состав Илдико Ењеди, унгарска режисерка и претседател на жирито, Аида Бегиќ, режисер и сценарист од Босна и Херцеговина, Паво Маринковиќ, режисер од Хрватска и уметнички директор на филмскиот фестивал во Пула, Симоне Стараче, режисер од Италија и директор на „Фантафестивал“ од Рим и Елеонора Венинова, македонска режисерка синоќа на свеченоста организирана во Кинотеката на Македонија ги соопшти годинашните добитници на наградите на МФФ Киненова.

Рекоа дека имале можност да погледнате навистина прекрасни 15 кратки филмови и исклучителни 8 долгометражни филмови и успеале да дојдат до консензус.

Главната награда ја доби филмот „Анадолиски леопард“ на режисерот Емре Кајис, кој прикажува еден поинаков свет, свет на пропуштени можности. Наградата за најголемо уметничко достигнување ја доделивме на филмот „Чичко“ на режисерскиот двоец Давид Капац и Андрија Мардешиќ, која се одлучивме да ја доделиме заради навистина исклучителното уметничко достигнување во еден уникатен и конзистентен аудио-визуелен свет. Наградата за најдобар режисер ја доби романската режисерка Моника Стан за филмот „Безгрешен“, која симпатично ја долови емоцијата во филмот, соопштија членовите на жирито.

Во продолжение Аида Бегиќ го соопшти добитникот на специјалната награда во категоријата кратки филмови.

Специјалната награда ја доделивме за филмот „Обичната Ели“ на режисерката Лавинија Софрониевска за нежниот и симпатичен портрет на извонредната протагонистка, рече Бегиќ.

Жирито се одлучи да награди уште два филма во категоријата кратки филмови.

Многу дебатиравме кој да ја добие оваа награда бидејќи конкуренцијата беше голема и на крајот одлучивме да ја поделиме и да ја добијат следниве два филма: „Нов Вавилон“ на режисерот Гидеон Ван Дер Стелт за одлично креираната магична тема на отуѓување и филмот „Три зрна сол“ на Ингрид Чикуи, за прекрасното нурнување во детскиот свет, соопшти Паво Маринковиќ.
Наградите кои годинава ги додели МФФ Киненова се дело на Димитар Филиповски, македонски скулптор, автор на поголем број на скулптури ширум Македонија. Филиповски завршил средно уметничко училиште во Скопје, дипломирал на Факултетот за ликовни уметности, на вајарски оддел, во класата на проф. Драган Попоски-Дада, а по дипломирањето извесен период работел во студиото на академик Томе Серафимовски.

Во 2004 година Филиповски ја доби наградата „Димо Тодоровски“ доделена од ДЛУМ, а од 2006 година работи како професор во Средното уметничко училиште „Лазар Личеноски“ во Скопје.

The post „Анадолиски леопард“ на Емре Кајис, „Чичко“ на Капац и Мардешиќ и „Безгрешен“ на Моника Стан наградени на МФФ „Киненова“ appeared first on Република.