Американската амбасадорка Анџела Агелер упати честитка за изборот на Радмила Шеќеринска за заменик генерален секретар на НАТО.

Честитки до Радмила Шеќеринска идниот заменик-генерален секретар на НАТО, како и до премиерот Христијан Мицкоски и за Владата на Македонија што ја поддржаа нејзината кандидатура. Моќен доказ за стручноста и искуството на Шекеринска и на улогата на Македонија како ценет сојузник на НАТО и партнер на САД, напиша Агелер на мрежата Х.

Генералниот секретар на НАТО Марк Руте одлучи да ја назначи Радмила Шекеринска за негова идна заменичка.

Среќен сум што можам да го објавам именувањето на Радмила Шекеринска за следен заменик генерален секретар. Таа вистински верува во НАТО, знае каква работа е потребна за приклучување во НАТО и што значи да се биде полноправна членка. Со нетрпение очекувам да работам со неа штом ја презема оваа витална улога, наведува Руте во соопштението објавено на веб страницата на Алијансата.

Се посочува и дека Радмила Шекеринска претходно беше вицепремиер за европски интеграции и министер за одбрана на Македонија, вклучително и пред влезот на земјата во НАТО во 2020 година.

Шекеринска треба да ја преземе функцијата заменик генерален секретар на НАТО до крајот на годинава.

The post Агелер: Честитки до Шеќеринска, идниот заменик-генерален секретар на НАТО и до премиерот Мицкоски и Владата што ја поддржаа нејзината кандидатура appeared first on Република.

Претседателката Гордана Сиљановска Давкова денеска упати честитки до Доналд Трамп за неговиот избор за претседател на САД.

Срдечни честитки по повод изборот на Доналд Трамп за Претседател на Соединетите Американски Држави и многу успех во извршувањето на одговорната функција, наведува претседателката во објавата на Фејсбук.

Таа нагласува дека Македонија како докажан пријател и партнер на САД ќе продолжи да ги поддржува американските и глобалните напори за мир, стабилност и безбедност, втемелени на потребата за правда, почитување на меѓународното право, на слободата и човечкото достоинство во светот.

Уверена сум дека во периодот што следи нашето стратешко партнерство ќе биде унапредено и збогатено и дека САД ќе помогнат во исполнувањето на македонските стратешки цели, истакна Сиљановска Давкова. 

The post Претседателката Сиљановска Давкова со честитки до Трамп appeared first on Република.

Српскиот премиер Милош Вучевиќ им ја честиташе победата на партијата ВМРО-ДПМНЕ и лидерот Христијан Мицкоски на парламентарните избори во Македонија, како и на нивната кандидатка Гордана Силјановска Давкова за победата во претседателската трка, јави дописикот на МИА од Белград.

Срдечни честитки до ВМРО-ДПМНЕ и Христијан Мицкоски за убедливата победа на парламентарните избори, како и до Гордана Силјановска Давкова за изборот за претседател на Македонија, напиша Вучевиќ на социјалната мрежа Х.

Сигурен сум, наведе, дека во наредниот период ќе постигнеме дополнителен напредок во нашите односи.

Се радувам на соработката за доброто на двете држави и двата народа, порача Вучевиќ.

The post Вучевиќ честиташе на ВМРО-ДПМНЕ и Силјановска Давкова: Се радувам на соработката за доброто на двете држави и двата народа appeared first on Република.

Советот на амбасадори изразува задоволство и упатува честитки до бирачите на ниво на цела држава за високото ниво на демократска зрелост, демонстрирана преку масовната излезност и мирното и достоинствено изразување на правото на сопствен глас.

Во оваа прилика, упатуваме честитки до д-р Гордана Сиљановска Давкова на убедливата победа и историскиот избор на првата жена - претседател на државата. Посакувајќи ѝ успешен мандат, изразуваме надеж дека соработката на Шефот на државата со Советот на амбасадори ќе продолжи и понатаму, во насока на унапредување и зајакнување на надворешната политика на земјата, и натамошно проширување и продлабочување на билатералните и мултилатералните односи со соседите и сите меѓународни чинители, на сите полиња од заемен интерес, вели Советот на амбасадори.

Честитки упатуваме и до ВМРО - ДПМНЕ за остварениот завиден резултат на парламентарните избори. Посакувајќи мирен трансфер на власта и навремено формирање на новата Влада, Советот на амбасадори изразува подготвеност за понатамошна соработка во спроведувањето на ЕУ агендата, односно во имплементација на клучните општествено -економски реформи, зајакнување на демократските процеси, фундаменталните вредности и владеењето на правото, како предуслов за стабилност и просперитет на земјата и забрзување на евроинтегративниот процес, во поддршка на националните интереси на државата и сите нејзини граѓани.

Го истакнуваме како позитивен исчекор во демократизацијата на изборните процеси јавното прифаќање на изборниот резултат од страна на Претседателот во заминување Стево Пендаровски и Претседателот на СДМС, Димитар Ковачевски, кои упатија честитки до новоизбраната претседателка и до опозиционата ВМРО ДПМНЕ и нејзиниот претседател Христијан Мицковски. Сето ова претставува уште еден израз на демократска култура на партиските чинители во земјата и предвесник на вообичаено протоколарно предавање и преземање на функциите претседател на државата и мандатар за формирање на новата Влада, исталнува Советот на амбасадори.

The post Советот на амбасадори упати честитки до Сиљановска Давкова и до ВМРО – ДПМНЕ appeared first on Република.

Поранешниот словенечки премиер Јанез Јанша преку социјалните мрежи испрати честитка за изборната победа на ВМРО-ДПМНЕ и Гордана Силјановска Давкова.

Честитки до нашата сестринска партија ВМРО-ДПМНЕ и Гордана Силјановска Давкова за големата победа, објави Јанша на Х.

Честитки за победата на двојните избори испратија голем број политичари од регионот и Европа.

The post Јанша: Честитки до нашата сестринска партија ВМРО-ДПМНЕ и Гордана Силјановска Давкова за големата победа appeared first on Република.

Унгарскиот премиер Виктор Орбан упати честитки за изборната победа на ВМРО-ДПМНЕ на парламентарните избори и победата на нивната кандидатка Гордана Силјановска-Давкова во вториот круг од претседателските избори, додавајќи дека се радува на идната заедничка соработка.

Им честитаме на ВМРО-ДПМНЕ, Христијан Мицкоски и Гордана Силјановски-Давкова за заслужената и историска победа на денешните претседателски и парламентарни избори во  Македонија. Со нетрпение очекувам да работиме заедно за да дадеме нов поттик на процесот на пристапување на Македонија до ЕУ!“, напиша Орбан на социјалната мрежа Х.

The post Орбан со честитки за изборната победа на ВМРО-ДПМНЕ и на Силјановска-Давкова appeared first on Република.

Хрватскиот премиер Андреј Пленковиќ на социјалната мрежа „Х“ им ја честиташе победата на претседателот на ВМРО-ДПМНЕ, Христијан Мицкоски и новоизбраниот шеф на државата Гордана Силјановска Давкова.

Честитки до Христијан Мицкоски на убедливата изборна победа за ВМРО-ДПМНЕ. Се радувам за продолжението на одличната соработка меѓу Хрватска и Македонија, чиј европски пат силно го поддржуваме. И честитам и на новоизбраната претседателка на Македонија, Гордана Силјановска Давкова, објави Пленковиќ на Х.

The post Пленковиќ ја честиташе победата на Мицкоски и Силјановска Давкова appeared first on Република.

Премирот на Унгарија, Виктор Орбан меѓу првите им честиташе на Христијан Мицкоски и Гордана Силјановска Давкова за историската победа на двојните избори во Македонија.

– Честитки до ВМРО-ДПМНЕ, Христијан Мицкоски и Гордана Силјановска-Давкова за нивната заслужена и историска победа на денешните претседателски и парламентарни избори во Македонија! Со нетрпение очекувам да работиме заедно на давање нов импулс на процесот на пристапување на Македонија во ЕУ!, напиша Орбан на социјалната мрежа Икс.

Congratulations to @VMRO_DPMNE, Hristijan Mickoski and Gordana Siljanovska-Davkova on their well-deserved and historic victory at today’s presidential and parliamentary elections in North Macedonia! I am looking forward to working together on giving new momentum to the EU…

— Orbán Viktor (@PM_ViktorOrban) May 8, 2024

The post Орбан со честитки за ВМРО-ДПМНЕ, Мицкоски и Силјановска Давкова за историската победа appeared first on Република.

Претседателот на Албанија, Бајрам Бегај, му честиташе на Талат Џафери за неговиот избор за шеф на техничката влада на Македонија.

Најискрени честитки до новата техничка влада на Македонија и нејзиниот премиер, Талат Џафери. И покрај временските ограничувања и овластувањата, оваа влада има предизвик и привилегија да спроведе слободни и фер избори, да ја одржи стабилноста и евроатлантскиот курс на земјата и да ја докаже способноста да биде инклузивна и кооперативна со сите фактори, без политичка и етничка разлика, напиша Бегај на Фејсбук.

Исто така оценува дека Албанците се важен фактор за стабилноста и иднината на РСМ и оти „ова е случај да докажат дека лидерството го гледаат само во перспективата на интеграција на РСМ во ЕУ“.

Поранешниот албански претседател и актуелен лидер на Партијата на слободата, Илир Мета, преку објава на Фејсбук, честитајќи му го изборот на Џафери, изразува целосна увереност дека „под негово раководство новата влада ќе преземе важни чекори за консолидирање на слободен и фер изборен процес“.

Изборот на Џафери му го честиташе и градоначалникот на Тирана, Ерион Велиај, кој преку објава на социјалните мрежи, оценува дека оваа одлука отвора нова ера не само во историјата на Албанците, туку и во историјата на Македонија.

Голема вест за Албанците! Честитки до мојот пријател Талат Џафери, честитки до претседателот Али Ахмети за ова историско достигнување за Албанците! Првиот албански премиер во Македонија не разделува, туку обединува. Секоја чест, пишува Велиај.

Уште синоќа во објава на Платформата Х изборот на Џафери му го честиташе премиерот Еди Рама оценувајќи го како историски момент изборот на прв премиер Албанец во Македонија.

Изборот на Џафери, како прв Албанец премиер на владата на Македонија го честитаа и лидери на други политички партии.

The post Изборот на Џафери му го честита албанскиот претседател Бегај и други високи политички личности appeared first on Република.

Најголемата регионална церемонија на доделување музички награди Music Awards Ceremony (MAC) поддржана од MaxBet, во организација на Скајмјузик, годинава ќе се одржи по трет пат, на 25 и 26 јануари во белградската Штарк арена.

Овој пат MAC ги обедини сите музички жанрови и ги собра најголемите музички ѕвезди од Србија, Хрватска, Босна и Херцеговина, Македонија, Црна Гора и Словенија, а своето учество досега го потврдија Констракта и Земља грува, Рибља чорба, Јелена Розга, Сара Јо, Каролина Гочева, Тончи Хуљиќ, Саша Матиќ, Милица Павловиќ, Ацо Пејовиќ, Девито, Амна, Војаж, Нучи, Теодора, Николија, Зера, Црни Церак, Мими Мерцедез, Махрина, Цобу, Лацку, составот 2Бона, Сајфер и Албино.

Тие ги повикаа своите фанови да ги поддржат гласајќи за нив, но и на самиот настан во Штарк арената, а што им посакаа во 2023 година погледнете овде.

Билетите за најголемиот музички настан во годината може да се купат преку веб-страницата efinity.rs, апликацијата e_Finity и на билетарницата на Штарк арена.

The post Што посакаа најголемите музички ѕвезди од регионот за 2023 година appeared first on Република.

По молитвите на Светите браќа Кирил и Методиј, Светиот сабор на СПЦ со зборовите на српскиот Патријарх Порфириј по долгата заедничка богослужба во Соборниот храм во Скопје ни донесе убава вест – да ја благослови и признае автокефалноста на Македонската православна црква- Охридска Архиепископија, напиша на Фејсбук Министерот за внатрешни работи Оливер Спасовски.

Не врне ли дожд од Бога подеднакво за сите? А сонцето не грее ли исто така за сите?” – ова се зборови на Светите браќа Кирил и Методиј кои го отсликуваат овој радосен ден, ден на восклик, историски миг на исполнување на сонот на многу генерации.

По молитвите на Светите браќа Кирил и Методиј, Светиот сабор на СПЦ со зборовите на српскиот Патријарх Порфириј по долгата заедничка богослужба во Соборниот храм во Скопје ни донесе убава вест – да ја благослови и признае автокефалноста на Македонската православна црква- Охридска Архиепископија.

Во оваа прилика би сакал да упатам срдечни честитки до македонските граѓани, за силната вера, смирението и заложбата за заедништво.

Нека расте црквата Господова, ко што расте пламенот на Божјата љубов меѓу браќата и сестрите по Христа. Кога браќата се сакаат, се радуваат и Небото и Земјата. Впрочем, како што рече и поглаварот на МПЦ-ОА, г.г.Стефан, и Кирил и Методиј по духот ни припаѓаат на сите.

Благодарност за мудроста на Неговата Сесветост Патријархот Вселенски г.г. Вартоломеј, за укажаното братољубие од српскиот Патријарх Порфириј, како и до сите браќа и сестри од православната екумена, и секако огромна благодарност и признание до МПЦ-ОА, Архиепископот охридски и македонски, г.г Стефан, и митрополитите коишто неуморно дејствуваа да се оствари овој сон на сеопшта радост на верниот македонски народ“, пишува во објавата.

The post Спасовски: Честитки до македонските граѓани, за силната вера, смирението и заложбата за заедништво appeared first on Република.

Христијан Мицкоски, лидерот на ВМРО ДПМНЕ упати честитка до Македонската православна црква - Охридска Архиепископија (МПЦ-ОА) и до Синодот и неговото блаженство г.г. Стефан, откако денеска Патријархот Порфириј објави дека Соборот на СПЦ прифаќа и признава автокефалност на МПЦ-ОА.

Голем ден за нашата света Македонска Православна Црква - Охридската Архиепископија. Нашата црква мора да е обединета, нашиот Синод, свештеството, исто како што мора да биде обединет и нашиот народ, и тогаш сите искушенија, бури и премрежја ќе бидат премостливи. Да продолжиме да чекориме обединето, напиша Мицкоски на фејсбук во честитката.

Мицкоски ја честита мудроста, обединетоста и достојноста на Синодот и неговото блаженство г.г. Стефан, за градењето на мостови, за бранењето на нашиот идентитет и вредности во кои веруваме, за премостените децениски и вековни јазови.

После одлуката на Вселенската патријаршија, како и оваа денес, сведоци сме на историја важна за нашиот народ и нашата Македонија! Нека е за многу години!, објави Мицкоски.

The post Мицкоски: Голем ден за нашата света МПЦ-ОА, честитки за мудроста и достојноста на Синодот и г.г. Стефан appeared first on Република.

Македонската фудбалска репрезентација ја „стресе чизмата“ и приреди шок за цела италијанска фудбалска јавност, откако со голот на Александар Трајковски синоќа го елиминира европскиот првак од баражот за Мундијалот во Катар.

Честитки за хероите пристигнуваат од сите страни. Поранешниот селектор на фудбалската репрезентација на Македонија, Игор Ангеловски се огласи на социјалните мрежи.

Момци, ви честитам од срце за победата против Италија, актуелниот европски шампион. Уште еден чекор до Светското првенство во Катар. НАВИВАМЕ ЗА МАКЕДОНИЈА“, напиша човекот кој ја одведе Македонија на Европското првенство минатата година.

Неговиот наследник Милевски има шанса за првпат да ја одведе Македонија на Светско првенство Победа против Португалија во вторник навечер е последната пречка до мундијалскиот сон.

The post Ангеловски: Ви честитам од срце за победата во Италија, уште еден чекор до СП! appeared first on Република.