Пет лица загинаа, а 37 се повредени кога руска ракета денеска погоди централен плоштад во северниот украински град Чернихив, соопшти Министерството за внатрешни работи во Киев.

„Луѓе одеа до црквата за да присуствуваат на верски фестивал кога беше извршен нападот“, соопшти Министерството, додавајќи дека 11 од повредените се деца.

„Руска ракета погоди точно во центарот на градот, во нашиот Чернигов“, напиша претходно денеска во Телеграм украинскиот претседател Володимир Зеленски. „Плоштад, политехнички универзитет, театар. Обична сабота, која Русија ја претвори во ден на болка и загуба. Има мртви, има и повредени“, истакна шефот на државата.

This is what it means to live next to a terrorist state. This is what we are uniting the entire world against.

Today, a Russian missile hit the heart of Chernihiv. A square, a university, and a theater. Russia turned an ordinary Saturday into a day of pain and loss. There are… pic.twitter.com/AMgXCVfR7h

— Володимир Зеленський (@ZelenskyyUa) August 19, 2023

Тој, исто така, објави видео од урнатините околу големата станбена зграда во советски стил, со автомобили паркирани наоколу и делумно уништени, со скршени покриви и скршени прозорци.

Русија ги напаѓа украинските градови далеку од линијата на фронтот со проектили и беспилотни летала како дел од нејзината целосна инвазија која започна во февруари 2022 година.

The post Петмина загинати и 37 повредени во руски ракетен напад врз украинскиот град Чернихив appeared first on Република.