Претседателот на САД Џо Бајден на предизборен митинг денеска во Питсбург, Пенсилванија, ќе повика на тројно зголемување на царините за кинескиот челик и алуминиум повикувајќи се на „нечесната конкуренција“ а со цел да ги придобие гласовите на работничката класа.

 

 

Повикот на Бајден следи откако канцеларијата на Трговскиот претставник на САД објави дека почнува истрага околу трговските практики на Кина во бродоизградбата, морскиот превоз и логистичкиот сектор, а во одговор на неодамнешна петиција на американските синдикати, посебно на Сојузот на челичарите.

 

 

-Кинеската политика за субвенции во домашната индустрија за челик и алуминиум значи дека на квалитетната американска продукција се прави дампинг со вештачко намалени цени слични на кинеските производи произведени со повеќе испуштени издувни гасови во атмосферата, се вели во денешната изјава на Белата куќа.

Претставник оттаму изјави дека Кина произведува околу половина од челикот во светот и го извезува металот со значајно пониски цени од американскиот челик.

The post Бајден побара тројно зголемување на царините за кинескиот челик appeared first on Република.

Чешкиот министер за индустрија и трговија, Јозеф Сикела, ја истакна итната потреба на неговата земја од руски челик, истакнувајќи ја разликата во материјалите.

Тој појаснува дека кинеската легура е јасно инфериорна во однос на руската во градежната индустрија при изградба на мостови.

Сикела, исто така, изрази уверување дека санкциите треба да им наштетат на оние против кои се насочени, а не на оние кои ги воведуваат.

Според сегашните одредби, Чешката Република може да прима испораки од руски челик до крајот на 2024 година.

The post Чешка има сериозен недостиг од руски челик и го повикува Брисел да ги олесни санкциите appeared first on Република.

Најпрво почнала говорната литература во смисол на песни кои се викале копус. Со писмениот говор се почнува во шестиот век. Установено е дека потекнува на Турците, и тие се најдени во Монголија кај планината Урал, тие се најдени таму, вели Махмут Челик, универзитетски професор на Катедрата за турски јазик и книжевност на Филолошкиот факултет при Универзитетот Гоце Делчев во Штип, на денешната трибина насловена „Мајчиниот јазик е идентитет“ во организација на Републичката комисија за култура на ВМРО-ДПМНЕ, говорејќи за влијанието на турскиот јазик во однос на албанскиот и македонскиот во државата.

Со оглед на тоа што живеат три националности во овој град би сакал да се осврнам на тоа кон влијанијата на едниот кон другиот јазик и од другиот кон третиот и обратно, има големо влијание на овие јазици едните кон другите, вели Челик.

Според професорот Челик македонскиот и албанскиот јазик имаа мошне големо влијание во однос на турскиот јазик посочувајќи дека и трите јазици имаат голем број на заеднички зборови.

Во Тиранскиот универзитет согласно едно истражување, еден лингвист вели дека во лексиката синтаксата на албанскиот јазик има мошне големо влијание, смета Челик.

Има големо влијание на албанскиот јазик и македонскиот јазик на турскиот, има мошне голем број на заеднички зборови, додаде тој.

https://www.youtube.com/watch?v=juKZHmjhANc

The post Челик: И македонскиот и турскиот и албанскиот имаат заеднички зборови appeared first on Република.