На борците од руската република Чеченија под команда на Рамзан Кадиров најверојатно им било наредено да преземат водечка улога во борбите во Украина во деновите кога гувернерот на руската област Белгород најави евакуација на децата поради прекуграничните напади од Украина, јави Ал Џезира.

Институтот за проучување на војната (ИСВ) со седиште во Вашингтон во својот последен извештај објавен денеска вели дека руските воени команданти најверојатно им наредиле на Чеченците да се приклучат на битката по повлекувањето на платеничките сили на Вагнер од разурнатиот Бахмут.

Според ИСВ, Кадиров вчера потврдил дека неговите сили добиле нови наредби и оти ќе бидат распоредени во „жариштето на борбата“ за да „ослободат“ голем број населени места откако ќе ја преземат одговорноста за првите линии на фронтот во југоисточниот украински регион Доњецк.

Кадиров рекол дека чеченските специјални сили се подготвуваат за офанзивни операции пред очекуваната контраофанзива со која Украина има намера да ја врати територијата од руските сили.

Наводното враќање на чеченските сили во офанзивните операции ќе стави крај на речиси едногодишната пауза на Кадиров од борбените операции со висок интензитет во Украина, соопшти ИСВ.

Чеченските борци оперираа првенствено во областите зад линијата на фронтот, откако учествуваа во крвавите битки во украинските градови Мариупол, Северодоњецк и Лисичанск, соопшти ИСВ.

Чеченските единици може да бидат сфатени од Кремљ како неискористена офанзивна сила која може да ја врати способноста на Русија да одржи офанзивни напори на повеќе страни, додаде ИСВ.

Меѓутоа, Институтот исто така, забележува дека ако се вистинити извештаите за 7.000 чеченски војници во Украина, силите на Кадиров нема да имаат доволно војници за „успешно да спроведат повеќе значајни офанзивни операции“.

Опишувајќи се себеси како „пешадинец“ на рускиот претседател Владимир Путин, Кадиров претходно ги распореди своите сили за поддршка на руските воени операции во Сирија и Грузија.

Извештаите за можно враќање на чеченските сили во офанзивните операции доаѓаат во услови на зголемено гранатирање на пограничната област на рускиот Белгород, каде властите почнаа да ги евакуираат децата од областите Шебекино и Граиворон.

Регионалниот гувернер на Белгород, Вјачеслав Гладков, вчера на Телеграм соопшти дека првите 300 деца ќе бидат евакуирани во Воронеж, град кој се наоѓа на околу 250 километри североисточно од Белгород. Во наредните денови, уште 1.000 деца ќе бидат префрлени во други провинции, рече тој.

Безбедноста на децата во овие два окрузи е многу важна. Сите ние возрасните сме многу загрижени, рече Гладков.

Гладков нагласи дека ситуацијата се влошила во селото Шебекино, каде што имало повеќе гранатирања во текот на денот во кои четири лица биле ранети, но немало загинати.

Тој, исто така, ги повика руските сили да започнат напади и да го заземат украинскиот регион Харков, вклучувајќи го и градот Харков, за да создадат тампон-зона меѓу Белгород и Украина, наведува ИСВ.

Локалните медиуми јавија дека Шебекин бил гранатиран и утрово. Наводно, едно лице загинало, а две се ранети во нападот на Белгород во вторникот. Неколку рафинерии за нафта во регионот беа исто така погодени во последните недели.

Нападите на руско тло доаѓаат додека Киев вели дека подготвува голема офанзива против силите на Москва.

Ситуацијата е доста алармантна, изјави вчера портпаролот на Кремљ, Дмитриј Песков.

- До сега не слушнавме ниту еден збор на осуда од Западот, рече Песков за нападите во кои беа погодени руските цивили во регионот.

По повеќе од една година војна во Украина, Русија се соочува со сè поинтензивни напади на нејзина територија, со невиден упад на руски борци во Белгород минатата недела и напад со дронови врз Москва во вторникот.

Минатонеделниот упад од Украина во Русија на Рускиот волонтерски корпус (РВЦ) и сојузничката Легија на Слободна Русија беше најголем од почетокот на руската инвазија минатата година.

Кремљ вчера соопшти дека не размислува за воведување вонредна состојба во Русија, и покрај нападите со дронови врз Москва и континуираното гранатирање на пограничните области.

Според медиумите, Песков реагирал на барањата на чеченскиот лидер Кадиров за поостри напади врз Украина и прогласување вонредна состојба по нападот со дронови врз Москва.

Песков рече дека таквата одлука е на Москва, а не на регионите. Тој исто така изрази загриженост за континуираното гранатирање на Белгород.

Преземаме мерки, рече Песков.

The post Наредена мобилизација на чеченските војници appeared first on Република.

Рамзан Кадиров изјави дека тој и чеченските единици се подготвени да ги заменат Евгениј Пригожин и „Вагнер“ на позициите во Бахмут.

Ако постариот брат Пригожин и „Вагнер“ заминат, тогаш Генералштабот ќе изгуби искусна борбена единица, а неговиот помлад брат Кадиров и „Ахмат“ ќе го заземат неговото место во Артјомовск (Бахмут на руски). Ако сценариото е, сепак, вакво, тогаш нашите борци се подготвени да напредуваат и да го заземат градот. Тоа е прашање на часови.

 

Но, би сакал да ги заземеме преостанатите два километри од градот не по цена на животите на нашите војници, туку како резултат на меѓусебно разбирање, поддршка и решителноста на командата и борците да ја исполнат наредбата на врховниот командант на Русија, Владимир Владимирович Путин“, се вели во соопштението на чеченскиот лидер.

https://republika.mk/vesti/svet/prigozhin-bortsite-na-vagner-se-povlekuvaat-od-bahmut-na-10-maj/

The post Кадиров: Подготвени сме да го замениме „Вагнер“ на позициите во Бахмут appeared first on Република.

Специјалните единици на чеченските сили во Украина „Ахмат-сила“ заплениле големо количество оружје доставено од НАТО до украинската армија.

Во видео објавено на социјалните мрежи, се гледа како ченските борци го покажуваат западното оружје запленето на позиции во близина на градот Соледар во Доњецката Народна Република. На видеата може да се видат фрлачи на гранати, малокалибарско оружје и гранати.

Почитуван Рамзан Ахматовиќ, момците донесоа уште една серија оружје од странско производство. Фашистите го фрлаат оружјето и бегаат. Сега ќе го проучуваме и ќе го користиме против нив. Ќе испратиме дел од оуржјето во музеј. Накратко, работиме полека и одиме напред според задачите што ги поставувате. Се оди според планот. Ахмат-сила - вели еден од чеченските борци во порака до лидерот на Чеченија Рамзан Кадиров.

https://www.youtube.com/watch?time_continue=2&v=iBpNmASfcfw&feature=emb_logo

The post Чеченските борци заплениле и презентираат големо количество НАТО оружје напуштено од украинските сили appeared first on Република.

Чеченскиот лидер, Рамзан Кадиров, порача дека следната задача во рамките на специјалната воена операција во Украина ќе биде фаќање и ликвидација на преостанатите терористи кои некогаш побегнале од Чеченија.

Оваа недела ја ослободивме целата територија на Луганската Народна Република. Тоа е, без сомнение, историско и судбоносно достигнување за Луганск, но за нас Чеченците операцијата се уште е далеку од завршена. Се надеваме дека ќе ни дадат дозвола, доколку е потребно, да стигнеме до Киев и да се справиме со терористите кои некогаш избегаа од Чеченија - напиша Кадиров на Телеграм.

Чеченскиот лидер додаде дека по тие терористи е распишана потерница и дека тие се засолнети во Киев.

https://republika.mk/vesti/svet/kadirov-nudi-milion-dolari-za-fakjanje-na-chechencite-koishto-se-borat-na-stanata-na-ukraina/

The post Кадиров: Дајте ни дозвола да одиме до Киев за да се пресметаме со терористите appeared first on Република.

Лидерот на Чеченија, Рамзан Кадиров, соопшти дека офанзивата на чеченските борци во Луганската Народна Република успешно напредува.

Офанзивната тактика на чеченските специјални сили за ослободување на Луганската Народна Република секојдневно се подобрува. Момчињата покажуваат постојан успех во уништувањето на вооружените националистички формации, дури и не дозволувајќи им да се прегрупираат.

 

Обидувајќи се да се извлечат од неизбежната казна, нацистите на Бандера постојано трчаат од куќа до куќа, обидувајќи се да се скријат зад цивилите. Очигледно не знаат дека нашите борци однапред ги извадиле сите жители од зоната за специјални операции. Штом непријателот влезе во соседната куќа, мојот драг брат, командант Муса Ахматов, заедно со своите подредени, веднаш ги покрива со оган.

 

Повеќе пати сум порачал и пак ќе им повторам на украинско-нацистичките послушници: колку и да трчате и што и да правите, нема да победите во оваа пресметка. Ќе ги престигнеме сите и ќе ги повикаме на одговорност. Продолжувајќи да се спротивставувате, само го приближувате својот крај - порача Кадиров.

The post Кадиров: Нацистите на Бандера постојано се обидуваат да се скријат зад цивилите, но тоа не им помага да избегаат appeared first on Република.

Лидерот на Чеченија, Рамзан Кадиров, на социјалните мрежи соопшти дека чеченските специјални сили „Ахмат“, заедно со сојузничките руски трупи, почнале да ги заземаат предградијата на градот Золота - Малаја Камишевахи.

Како што вели Кадиров, на чеченските борци во таа област им се спротивставуваат различни нацистички групи, вклучително и полски платеници.

И покрај тоа, нашите специјални сили успешно заземаат стратешки важни точки и систематски одат напред. Во исто време, украинските сили изнесуваат цивили од населбите, кои националистичките послушници се обидуваат да ги искористат како жив штит.

 

Во блиска иднина, нашите специјални сили целосно ќе ги исчистат Малаја Камишеваха и градот Золота од украинските нацисти и платениците, со што ќе обезбедат напредување на сојузничките трупи до Лисичанск. За да го направиме тоа, ги имаме сите потребни средства и можности кои ги користиме со максимална ефикасност - напиша Кадиров, објавувајќи видео од битките.

The post Кадиров објави видео од борбите: Чеченските борци во битка со украински националисти и полски платеници appeared first on Република.

Лидерот на нЧеченија, Рамзан Кадиров, чии сили сктивно учествуваат во борбите во Севернодонец во Донбас, објави дека е завршена последната фаза од операцијата за заземање на местото Камишеваха, село што се наоѓа на 25 километри јужно од Лисичанск, во Луганската Народна Република (ЛНР).

Завршена е последната фаза од ослободувањето на Камишеваха. Нејзините жители може да се одморат бидејќи сега се ослободени од украинската окупација - изјави Кадиров, нагласувајќи дека селото го заземале борците на специјалните чеченски сили.

Истовремено од милицијата на ЛНР соопшти дека по заземањето на ова село, станало можно опколување на украинските војници во областа Лисичанск и Северодонецк, пренесува ТАС С.

The post Кадиров: Чеченските борци го освоија селото кое ќе овозможи опколување на украинските сили во Севернодонецк и Лисичанск appeared first on Република.

Северодонецк, град со предвоено население од нешто повеќе од 100.000 жители, во последните седум дена е во центарот на вниманието на светот поради контрадикторните информации за битките што се водат таму. Русите тврдат дека градот e практично паднат, додека украинската страна тврди дека нивната војска продолжува да пружа отпор и да контролира важни урбани области.

Репортерот на српски „Ало.рс“, Игор Дамјановиќ е еден од ретките новинари кои влегле во градот со припадниците на јуришниот баталјон на чеченските специјални сили „Ахмат“. Како што раскажува, таму ја поминал ноќта и следниот ден се прошетал во центарот на градот.

Тој вели дека ундустриската зона на градот е последното упориште на украинските борци, кои се бомбардирани од милицијата Луганската Народна Република. Украинците, пак, од соседниот Лисичанск гаѓаат кон Северодонецк.

Во продолжение сведоштвото од Севернодонецк на српскиот воен репортер.

„Од главната база на специјалните сили „Ахмат“ тргнавме вечерта околу 9 часот кон Северодонецк. Патот најмногу водеше низ шума и би се рекло дека неодамна бил пробиен.

Ова е селото Бурдишонка, Германците ги избркавме од тука пред две недели - со насмевка вели Ахмед, командант на јуришниот баталјон на чеченските специјалци.

Чеченските борци во жаргон ги нарекуваат своите украински противници - Германци. За разлика од војниците на руската армија, кои секогаш имаат покриено лице на јавно место и се многу скржави на зборови, Чеченците не се кријат и се целосно отворени за разговор.

Во глуво доба од ноќта стигнавме до штабот на јуришниот баталјон на Ахмед во Северодонецк, каде што чекавме да се раздени. Ноќта во штабот помина мирно, но во неколку наврати ме будеа детонации од минофрлачки гранати, кои, како што ми објаснија, паднале на неколку стотини метри од нас.

Не гранатираат и гаѓаат со артилерија од блискиот Лисичанск. Тоа не е проблем за моите борци, но, за жал, страдаат цивили - вели Ахмед.

Веќе во 6 часот изутрина штабот на јуришниот баталјон беше во целосна борбена готовност, дежурните офицери доставуваа записници како поминала ноќта и што пријавиле патролите од терен. Ахмед и неговиот помошник ме однесоа со џип до зградата на злогласната Служба за безбедност на Украина (СБУ). Тие тврдат дека украинските безбедносни сили побегнале во паника и оставиле многу документи и снимки во сефовите, кои им биле предадени на руските разузнавачки органи. Сефовите и зградите биле минирани, а во неколку канцеларии на масите сè уште лежат расфрлани прачки динамит и искинати кабли.

Од зградата на СБУ отидовме до центарот на Североднецк. Две продавници беа отворени. Во продавницата за храна имаше повеќе постари луѓе. Во втората, каде што се продава покуќнина, помлада девојка и маж на околу 40 години ни кажаа дека од 28 мај во градот нема украински војници и дека украинската војска го бомбардира градот од своите позиции во Лисичанск, на околу пет километри, како и дека ден претходно го уништиле локалниот водовод.

За време на разговорот, во продавницата влезе една постара госпоѓа и горе-долу се вклучи во разговорот.

Гувернерот (Сергеј) Гајдај е најодговорен за уништувањето на нашиот град, нему баш му беше гајле за за градот и побегна од тука со украдените милиони. Јас сум Украинка, ја сакам оваа земја, но би сакала да живеам како што живеевме во Советскиот Сојуз.

За време на престојот во градот се слушаа чести експлозии, дел од дејствувањето на украинската војска од правец на Лисичанск, други од правец на индустриската зона, од бомбардирање на милицијата на ЛНР со артилериски системи. Ахмед вели дека индустриската зона е последното место во градот од каде што украинската армија пружа организиран отпор.

The post Српски репортер со чеченските специјалци влезе во Севернодонецк и сведочи за ситуацијата во градот appeared first on Република.

Лидерот на Чеченија, Рамзан Кадиров, објави видео во кое се исмејува на украинските изјави дека наводно руската армија се повлекува во Северодонецк.

Кадиров, кој неодамна се врати од Москва каде лично се сретна со Путин и со претставници на руската влада, преку својот канал на Телеграм ги пренесе впечатоците од Москва, каде се зборувало за продолжување на војната и учество на чеченските единици кои се борат во регионот на Донбас и Луганск, како и околу Харков.

Во многу блиска иднина, како што реков претходно, руските сили ќе користат нови тактики и ќе постигнат поефикасни и побрзи резултати во спроведување на специјална операција на дневна основа. како потврда на тоа што го зборувам ќе објавам видеа од уништувањето на бандровците, шејтаните и украинската воена опрема. За разлика од хунтата на Бандера, која дава само усни изјави и објавува неутрални снимки од заднина, и што успева добро да го направи, јас не само што ќе зборувам, туку ќе ги покажам и докажам фактите - вели Кадиров во својата видео порака.

На крајот на своето обраќање, Кадиров испраќа директна порака за украинскит претседател, Володимир Зеленски.

Го предупредувам Зеленски за последен пат! Кренете ги рацете, излезете на бојното поле и кажете: „Не пукајте, ние се предаваме!“ - заврши Кадиров.

The post Кадиров со порака до Зеленски: Спаси си ги своите војници, подигнете ги рацете и кажете: Не пукајте, се предаваме appeared first on Република.

На социјалните мрежи се појави видео од чеченските специјалци, снимени како ја пеат песната „Катјуша“ во Донбас, а видеото набрзо стана вирално.

Борците на чеченскиот специјален одред „Ахмат“ заедно со руски војници се борат во Донбас, а на видеото се гледа како група чеченски борци ја пеат популарната руска песна, по што извикуваат „Ахмат Сила“ и „Алаху Акбар“.

https://www.youtube.com/watch?v=jrSF0hra6nQ&feature=emb_title

Песната „Катјуша“ ја напиша Михаил Исаковски и стана еден од симболите на борбата за слобода и советскиот отпор против нацистите во Втората светска војна.

The post Чеченските специјалци ја пејат „Катјуша“ во Донбас: Видео кое ги запали социјалните мрежи appeared first on Република.

Претседателот на Чеченија, Рамзан Кадиров, објави дека во градот Северодонецк е завршено чистењето на украинските војници. Тој информира дека неговите борци преминале во следната фаза - темелна проверка на поединечни градски згради.

Кадиров додава дека „непријателот во градот е поразен и бега во неред“ и дека руските вооружени сили ја контролираат ситуацијата.

На овие снимки го гледаме Северодонецк, кој, според украинските медиуми, наводно е под контрола на Вооружените сили на Украина. Драгиот брат Ахмед Саидарханов одеше со борците по централната авенија на градот и неговата околина во потрага по барем еден претставник на украинската армија. За жал, потрагата беше неуспешна“.

 

Дури и на периферијата на Северодонецк владее мир и тишина. Луѓето постепено излегуваат на улица, животот се враќа во мир. А нацистите, бандерашите и ѓаволите исчезнаа. Безбедноста и мирот се обезбедени. Месното население, уморно од постојаното угнетување на националистите, ги пречекува своите ослободители со раширени раце - напиша Кадиров на Телеграм, објавувајќи видео од чеченските борци во градот.

Претходно, официјалниот претставник на Народната милиција на Луганската Народна Република, Иван Филипоненко, изјави дека полициските сили, со поддршка на руските војници, ја пробиле линијата на одбраната на Вооружените сили на Украина во Северодонецк и зазеле упоришта во градот.

Според него, украинските безбедносни сили се кријат во станбени објекти и пукаат кон областите од кои веќе се повлекле.

Информацијата дека Русите контролираат поголем дел од Северодоњецк ја потврди и украинскиот гувернер на Луганската област, Сергеј Гајдаи.

Градот Северодонецк е еден од најважните стратеши точки во Донбас и беше привремен административен центар на регионот Луганск во Украина.

На почетокот на руската воена операција во Украина, градот не беше главна цел на армијата на Руската Федерација, па затоа овој добро утврден дел од фронтот беше главно мирен. Кога ескалираа конфликтите во Донбас, во мај 2022 година, Русите почнаа да ги освојуваат градовите еден по друг, а еден од најважните е Северодонецк.

The post Борците на Кадиров патролираат по улиците на Севернодонецк: Клучниот град во Луганск е целосно во руски раце appeared first on Република.

На социјалните мрежи е објавено видео од чеченски борци кои заробиле снајперист кој дејствувал за вооружените сили на Украина.

Како што се вели во описот на видеото, снајперистот бил заробен во регионот Запорожје.

Поради начинот на кој дејствуваат, заробените снајперисти ширум светот имаат лош третман по заробувањето и честопати се елиминирани веднаш по фаќањето.

The post Чеченските борци заробиле украински снајперист appeared first on Република.

Чеченскиот лидер Рамзан Кадиров на својот канал на Телеграм објави видео од нова група доброволци кои заминуваат за Украина, каде што ќе учествуваат во руската специјална воена операција во Украина.

Среќно момци! Внимавајте, чувајте се себе и вашите другари! Ви посакувам брзо успешно завршување на задачата и безбедно враќање дома кај вашите семејства! Со среќа! - им порачува Кадиров на чеченските доброволци.

The post Нов баталјон од чеченски доброволци заминува во Украина appeared first on Република.

Лидерот на руската република Чеченија, Рамзан Кадиров, на својот канал Телеграм објави видео на кое се гледаат чеченските борци во Мариупол.

Во видеото се наведува дека благодарение на храбрите чеченски и руски војници, градот е исчистен од нацистите.

https://twitter.com/DonbassSegodnya/status/1517198303179509767?ref_src=twsrc%5Etfw%7Ctwcamp%5Etweetembed%7Ctwterm%5E1517198303179509767%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3917611%2Fuzivo-57-dan-rata-u-ukrajini

Потврда дека градот е под контрола на руската армија и силите на Доњецката Народна Република (ДНР) стигна и со поставувањето на знамето на ДНР на телевизиската кула во Мариупол.

The post Кадиров: Мариупол е во наши раце appeared first on Република.

Чеченскиот лидир, Рамзан Кадиров, објави дека руските сили целосно ја презеле контролата над градот Рубижне.

Кадиров објави и видео на кое се гледа како чеченските борци го истакнуваат своето знаме на во градот.

Знамето на Русија беше подигнато над претходно окупираниот град во Луганската Народна Република. Чеченските борци, заедно со руските војници и единиците на Народната милиција на ЛНР, ги потиснаа нацистичките ѓубрина од градот - вели Кадиров во описот на видеото.

The post Кадиров: Рубижне е под целосна контрола на руските сили appeared first on Република.

Лидерот на Чеченија, Рамзан Кадиров, објави дека во Мариупол продолжуваат акциите за чистење на објектите во индустриската зона.

На својот Телеграм канал, Кадиров објави видео од чеченските борци, кои зазеле една индустриска хала, во која се запленети и три украински бирбени возила, како и муниција.

Во ова видео е еден од најголемите индустриски капацитети во ДНР, кој нацистите на Бандера го користеа како една од нивните многубројни бази.

 

Воините од Чеченија, како бестрашни волци, го чешлаат секој дел од некогаш моќната фабрика, која Азовските духови ја претворија во пристојна тврдина. ⠀

 

Но, бандитите не земаа предвид една околност - колку е потешка борбената мисија за нашите борци, толку беа поинтензивни нивните напади и попромислените борбените дејствија.

 

Така, и овојпат војниците од Чеченската Република, заедно со припадници на воените сили на моќ на ДНР, одлично си ја завршија работата.

 

Нацистите немаат шанса. Едвај се стигнува до нив, но во ред е, сепак, ќе ги извлечеме сите - порачува Кадиров.

The post Кадиров: Чеченските борци го чистат индистрискиот комплекс, едвај се стигнува до нацистите, но ќе ги извлечеме сите appeared first on Република.

Лидерот на Чеченија, Рамзан Кадиров, на својот канал на Телеграм објави дека во Мариупол се одвива активен напад на индустрискиот комплекс „„Азовстал“, каде што се распоредени припадниците на националоистичкиот баталјон „Азов“.

Кадиров објави и видео на кое се гледа како чечнските борци забележале непријателски снајперист на покривот на една од зградите, кој, како што информира Кадиров, бил елиминиран.

Нашите момци активно ја напаѓаат металуршката фабрика „Азовстал“, каде што во моментов се кријат остатоците од милитантите на националните баталјони. Забележан е и снајперист кој откако беше откриен се обиде да избега. Чеченските борци без размислување презедоа активности да ја елиминираат откриената цел - вели Кадиров.

The post Кадиров објави снимка од елиминација на скриен украински снајперист на првата линија на фронтот во Мариупол appeared first on Република.

Лидерот на Чеченија, Рамзан Кадиров, соопшти дека чеченските борци „ја исчистиле од банди“ целата област на левиот брег на Мариупол, која се наоѓа во источниот дел на градот и е одвоена од другиот дел на гардот со индустриската зона „Азовстал“.

Нашите војници го истакнаа знамето над зградата на Окружното обвинителство, ми соопшти мојот драг брат Султан Рашаев.

 

Така, гардистите целосно ги расчистиле станбените зони во источниот дел на градот каде што живеат повеќе од 100.000 луѓе.

 

Последните недовршени остатоци на бандитската група, која претходно дејствуваше во регионот на Левиот брег, претрпеа загуби и побегнаа на запад. Сега моите борци го пренасочуваат чистењето на другите станбени населби во Мариупол од националистите од „Азов“ - вели Кадиров.

https://republika.mk/vesti/svet/chechenskite-borci-vodat-ulichni-borbi-protiv-pripadnicite-na-bataljonot-azov-vo-mariupol-video/

The post Чеченското знаме се виори во Мариупол appeared first on Република.