Лидерот на Чеченија, Рамзан Кадиров изјави дека на таа позиција е долго време и дека заслужува „неопределен и долг одмор“.

„Јас ја водам републиката 15 години. Ние, Кавказците и Чеченците имаме една изрека: `Колку и да е ценет, долгоочекуван гостин, ако замине на време, уште попријатно е`. Мислам дека дојде моето време. Се додека не ме избркаа. Мислам дека сум веќе стар. Порано бев најмлад, неискусен. А сега останав неискусен, но младоста отиде некаде“ – изјави Кадиров на Телеграм.

Кадиров изрази надеж дека Чеченците ќе го „поддржат и разберат“.

The post Кадиров се повлекува: Заслужив одмор, ќе ме разберете appeared first on Република.

Собранието ги демантира тврдењата на пратеникот Антонио Милошоски дека собранискиот спикер Талат Џафери во јули минтата година тајно се сретнал со делегација од Чеченија во просториите на Парламентот во Скопје.

Во демантот е наведено: „Антонио Милошоски лаже!“

„На денот кој се наведува во информациите на порталите 8 јули претседателот Џафери имаше средба со делегација од Еврпскиот муслимански форум Абдул-Вакхед Нијазов, претседател на Европскиот муслимански форум (Брисел, Белгија / Москва Русија; на средбата присуствуваа и Ромас Јакубаускас , муфтијата на Литванија, Член на одборот на Европскиот муслимански форум, (Вилнус, Литванија); д-р Надер Акад, имам на Исламскиот центар во Трст, Ко-претседател на Меѓународниот Мариан на муслиманска христијанска комисија во Меѓународната папска академија, член на Одборот на Европскиот муслимански форум (Рим, Италија); Јусеф Мурат Муфтија на Романија, советник на Европскиот муслимански форум (Констанца, Романија); Наим Елгандур, Претседател на Муслиманското здружение на Грција (Атина, Грција); Мустафа Избиштали , Муфтија на Софија (Софија, Бугарија); Ферди Асани Советник на Европскиот муслимански форум Скопје (Македонија).

Врска од средбата: https://www.sobranie.mk/2020-2024-aktivnosti-ns_article-sredba-na-pretsedatelot-dzaferi-so-pretstavnicite-na-evropskiot-muslimanski-forum.nspx. Содржината на разговорот на мултилатерално ниво, како и секогаш е објавена во веста на интернет страницата на Собранието. Пред одржување на средбата, според вообичаената пракса Собранието доби и позитивно мислење од МНР на Република Македонија за одржување на средбата и информација дека делегацијата е примена од страна на Претседателот на Собранието на Србија, а во 2018 година од страна на претседателот Иванов“, наведено е во соопштението.

Во време кога Европа и светот одржуваат конференции за борба против лажни вести и дезаинформации, додаваат оттаму, пратеник се впушта во лиферување на вест која апсолутно е неточна и има за цел да нанесе штета не само на претседателот Џафери, туку и на Собранието и на државата.

Уште попоразително е што околу 20 портали, па дури и интернет страници на национални телевизии ја презедоа веста, без да го контактираат Кабинетот или во најмала рака да ја проверат веста на собраниската интернет страница, соопшти Собранието.

The post Џафери демантира дека тајно се сретнал со делегација од Чеченија appeared first on Република.

Пратеникот на ВМРО-ДПМНЕ Антонио Милошоски на Фејсбук прашува што ѝ ветил претседателот на Собранието Талат Џафери на делегацијата од Чеченија која била во посета.

-Чудна посета на Собранието на Македонија се случила на 10.07.2021 година кога Талат Џафери како Претседател бил домаќин на делегација од руската Чеченска Република. На чело на чеченската делегација бил Абдул-Вајед Нијазов, марионета на Кремљ во тамошниот “Исламски културен центар”, поранешен пратеник во Думата и основач на здружението “Муслиманите во поддршка на Претседателот Путин”. Иако за секоја средба со странски гости собранискиот Спикер ги информира медиумите, овој пат Талат Џафери одлучил да биде дискретен и да не сподели што разговарал и дали нешто му ветил на контроверзниот гостин⁉️

Гостите од Чеченската Република го посетиле и Тетово каде објавиле дека со општината се договориле за изградба на парк и споменик на Ахмат Кадиров, првиот претседател на Ч.Р. и носител на орден “Херој на Русија”. Инаку Ахмат Кадиров е татко на сегашниот деспотски шеф на Чеченската Република, Рамазан Кадиров, кој со неговите војници ревносно му помага на претседателот на Русија во инвазијата врз Украина, често извршувајќи ги најбруталните операции.

Во чест на милениците на Путин од Чеченската Република бил организиран и свечен ручек во елитниот хотел “Буши” во Скопје, но нема информација дали сметката е платена од буџетот на Собранието или платил некој друг. На собраниската веб страна нема информации за овој настан, но за среќа во Агенциите за безбедност има детални извештаj, пишува Милошоски на Фејсбук.

The post Милошоски прашува: Што ѝ ветил Талат Џафери на делегацијата од Чеченија? appeared first on Република.

Претседателот на Чеченија, Рамзан Кадиров, посакува военото возило запленето од украинските сили, да го вози по улиците на Киев.

Тој се појави со ново видео, во кое може да се види како врз амблемот на воените сили на Украина, залепен на вратата од возилото, става напленица од амблемот на чеченската гарда во составот на руската војска.

https://twitter.com/i/status/1505554365700001800

The post Кадиров во Киев ќе влегува со запленетото возило од украинската армија appeared first on Република.

Со татко му се бореше против руските власти во двете чеченски војни, а денес е еден од најверните поддржувачи и сојузници на Владимир Путин. Кој е Рамзан Кадиров и како се случи таквиот пресврт кај него.

Рамзан Ахматович Кадиров е роден е на 5 октомври 1976 година во селото Центарој, во областа Курчалоевски во Чеченско-Ингушетската Република, тогаш дел од Советскиот Сојуз. Тој е вториот син во семејството на Ахмад Кадиров и негово најмало дете.

[caption id="attachment_474291" align="aligncenter" width="640"] Рамзан Кадиров во младоста[/caption]

Неговиот постар брат бил Зелимхан Кадиров (1974 - 31 мај 2004), а има две постари сестри Зарган (1971) и Зулај (1972). Кадирови припаѓаат на еден од најголемите чеченски кланови, Бенои.

Основно и средно училиште завршил во родното село. Потоа студирал менаџмент.

Рамзан Кадиров со своите три жени, Медни Мусаевна Кадирова, Фатима Кажујева и Аминат Ахмадова, има десет деца, а посвои и уште две момчиња. Рамзан има шест ќерки и шест сина. Како што самиот истакнува, тие се неговата најголема светост.

[caption id="attachment_474287" align="aligncenter" width="640"] Кадиров со своите деца[/caption]

Војуваше против Русите

По избувнувањето на Првата чеченска војна во 1994 година, Кадиров и неговиот татко се приклучија на сепаратистичките редови во Чеченија и се бореа против руските сили.

По оваа војна, Кадиров работеше како помошник и личен телохранител на неговиот татко Ахмад-Хаџи Кадиров, кој беше муфтија на Ичкерија, од 1996 година. Ахмад-Хаџи Кадиров беше еден од водачите на сепаратистичкото и антируското движење во Чеченија, кое прогласи џихад против Русија.

[caption id="attachment_474279" align="aligncenter" width="640"] Рамзан Кадиров со неговиот татко (лево)[/caption]

Во есента 1999 година, Рамзан и неговиот татко се спротивставија на растечкото влијание на вахабизмот меѓу Чеченците и застанаа на страната на руските власти.

По атентатот и смртта на неговиот татко на 10 мај 2004 година, Рамзан Кадиров беше назначен за прв заменик премиер Чеченската Република.

Кога неговата сестра Зулај беше уапсена од полицијата во Дагестан во јануари 2005 година, Кадиров со 150 од неговите најблиски луѓе веднаш заминаа во Касавирт и ја опколија владината зграда, од каде што ја ослободија Зулај, која при излегувањето од зградата пукаше во воздух.

Во февруари 2007 година, Владимир Путин потпиша указ за именување на Кадиров на функцијата претседател на Чеченија.

Путин ја прекина војната и тој треба да биде доживотен претседател - изјави Кадиров во една пригода.

https://republika.mk/vesti/svet/instagram-mu-go-izbrisha-profilot-na-liderot-na-chechenija-otkako-objavi-poraka-za-ukraina/

The post Семејството му е светост, со три жени има 10 деца, а посвои и две: Ова е Рамзан Кадиров во приватниот живот appeared first on Република.

Санкциите што западните земји ги наметнаа против Русија на широко го зафати и спортот, па на руските спортисти во многу дисциплини им беше забрането да се натпреваруваат, но тоа не е случај со ММА. Повеќето од моќните федерации во овие боречки спортови не ги следеа политичките одлуки на своите земји, свесни дека најдобрите борци доаѓаат од Русија и гарантираат огромна заработка.

Една од тие кои и натаму имаат дозвола да се натпреваруваат е Диана Авсарагова, славната Пантера.

Диана Авсарагова e родена во Осетија, но веќе неколку години живее во Грозни во Чеченија. Таа е една од најуспениште руски жени борци кои настапуваат во меѓународни борби. Таа има само пет борби, но тоа и беше доволно да стекне слава и професионален договор со „Белатор“ со оглед на тоа што има стоотстотен ефект на победи, последната пред само неколку дена против Американката Кира Батара.

Нормално, Русниката уште во првиот меч ја нокаутира својата противничка.

 

View this post on Instagram

 

A post shared by Diana Avsaragova (@pantera_57_)

Диана е родена во градот Ардон во Северна Осетија. Како дете се обидела со многу спортови, но на крајот одлучи да му се псовети на слободното борење, по наговор на нејзиниот татко, поранешен борач. Во таа дисциплина освои бронзен медал на Руското првенство во 2015 година.

 

View this post on Instagram

 

A post shared by Diana Avsaragova (@pantera_57_)

Со цел да ги подобри своите борбени вештини, таа се пресели во Грозни, каде вредно тренира и спарингува со најдобрите чеченски борци. Познато е дека слободното борење е омилен спорт на првиот човек на Чеченија, Рамзан Кадиров, а многу го цени Владимир Путин, претседателот на Русија.

 

View this post on Instagram

 

A post shared by Diana Avsaragova (@pantera_57_)

Авсарагова извесно време тренираше и со Абузајед Висмурадов, поранешен чеченски ММА борец и телохранител на Рамзан Кадиров.

 

View this post on Instagram

 

A post shared by Diana Avsaragova (@pantera_57_)

Диана во Чеченија го доби прекарот Пантера, бидејќи со долгата коса, движењата во рингот и ударите наликува на црн пантер.

 

View this post on Instagram

 

A post shared by Diana Avsaragova (@pantera_57_)

Диана, која има само 23 години, веќе е деветта на ранг-листата на „Белатор“. А, со својата борбеност, стил на борба, но и прекрасниот изглед, секојдневно добив се поголем број фанови.

The post Убавата Чеченка е миленичка на Путин и Кадиров: Со нокаут против Американката противичка го дигна светот на нозе appeared first on Република.

Претседателот на Украина, Володимир Зеленски во синоќешното обраќање до граѓаните истакна дека бранителите продолжуваат да „нанесуваат катастрофални загуби на руските сили“.

Тој додаде дека бројот на соборени хеликоптери во Русија наскоро ќе достигне стотици.

Тие веќе изгубија 80 борбени авиони, стотици тенкови и илјадници друга опрема. За 19 дена, руската армија во Украина загуби повеќе отколку во двете крвави и долготрајни војни во Чеченија, истакна Зеленски.

Тој додаде дека противникот бил збунет бидејќи не очекувал таков отпор од украинските бранители, додека на руските војници им порача да загинат или да се предадат.

The post Зеленски: Русија за 19 дена загуби повеќе отколку во двете војни во Чеченија appeared first on Република.

Чеченскиот лидер, Рамзан Кадиров, тврди дека пристигнал во Украина.

Во видео-порака објавена преку апликацијата „Телеграм“ Кадиров вели дека пред неколку дена се наоѓал во непосредна близина на непријателските сили во Украина на место каде што се воделе жестоки борби меѓу руските и украинските сили.

Пред некој ден бев на околу 20 километри од вас, киевски нацисти, а сега сме уште поблиску…Ќе додадам уште една интрига: можеби сме веќе во Киев и само ја чекаме потребната наредба - вели Кадиров.

Тој истовремено упати закани до украинското раководство со повик да ја смени страната.

Можете да се опуштите на минута и да престанете да не барате, ние по секако ќе ве најдеме вас - додава Кадиров кој е лојален соработник на рускиот претседател Владимир Путин.

https://twitter.com/aldin_ww/status/1502965499348533251?ref_src=twsrc%5Etfw%7Ctwcamp%5Etweetembed%7Ctwterm%5E1502965499348533251%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3893165%2Fko-je-ramzan-kadirov

Кадиров повеќе од десет години е на челе на руската Република Чеченија.

The post Кадиров пристигнал во Украина: Пред некој ден бев на околу 20 километри од вас, киевски нацисти, а сега сме уште поблиску appeared first on Република.