Германската министерка за надворешни работи, Аналена Бербок на заедничката прес-конференција со нејзиниот турски колега Мевлут Чавушоглу во Истанбул имаше неколку недоразбирања за различни политички прашања, пишува Ројтерс.

Прес-конференцијата, која започна еден час подоцна од планираното, почна мирно, но дипломатите набргу почнаа да ги критикуваат политиките на нивните земји.

Чавушоглу ја обвини Германија дека ја изгубила својата непристрасност во посредувањето меѓу Турција, Грција и Кипар, додавајќи дека треба да ги слуша сите страни без предрасуди. Односите меѓу Атина и Анкара се доста бавни и тешки поради низа различни прашања.

„Третите страни во овие односи, како Германија, не треба да бидат провокатори и да ја шират пропагандата на Грција и грчката страна на Кипар, изјави тој.

Бербок на обвинувањата на Чавушоглу одговори дека со зголемување на тензиите не може да се решат овие прашања.

Таа потоа го сврте вниманието кон филантропот Кавала, кој беше осуден на доживотен затвор без условна слобода во април, под обвинение за финансирање на протестите „Гези“ низ целата земја во 2013 година, и ја повика Турција да ги спроведе пресудите на Европскиот суд за човекови права.

„Моја одговорност како министерка за надворешни работи е да ги почитувам и бранам пресудите на ЕСЧП, без исклучок и во секое време“, рече таа, додавајќи дека Кавала треба да се ослободи.

ЕКЧП овој месец соопшти дека Турција не ја применила пресудата од 2019 година за Кавала, како дел од постапката за прекршување, поради која Анкара би можела да биде суспендирана од Советот на Европа, набљудувач на човековите права.

Чавушоглу на ова одговори велејќи дека Грција, Норвешка и Германија, исто така, не ги спровеле другите пресуди на ЕСЧП и ја обвини Германија дека го финансира Кавала.

„Зошто постојано го споменувате Осман Кавала? Затоа што го користите Осман Кавала против Турција. Знаеме колку беше финансиран за време на настаните во Гези“, рече Чавушоглу.

Чавушоглу, исто така, го критикуваше Берлин дека ги „прегрнува“ курдските милитанти. Бербок рече дека Германија, како и Европската унија, ја третираат Курдистанската работничка партија (ПКК), која водеше децениски бунт против Турција, како терористичка организација.

Turkish FM Mevlut Cavusoglu questions his German counterpart Annalena Baerbock on why her country is lobbying against Türkiye over ECHR decision, while many European countries including Germany have failed to put in practice decisions of European Court of Human Rights pic.twitter.com/2cDkPcQkg3

— TRT World (@trtworld) July 30, 2022

The post Баербок и Чавушоглу се скараа поради Грција на прес конференција appeared first on Република.

Министерот за надворешни работи, Бујар Османи во рамките на официјалната посета на Република Турција, оствари средба со својот хомолог, Мевљут Чавушоглу. Посетата се случува во пресрет на во годинешното одбележување на 30 годишнината од воспоставувањето на дипломатските односи меѓу двете земји.

На средбата беа отворени темите за билатералната соработка, сојузништвото во рамките на НАТО, регионалната и мултилатералната соработка, како и актуелните меѓународни безбедносни предизвици.

„Минатата година размената достигна околу 800 милиони долари, а податоците од првиот квартал оваа година покажуваат дека сме на добар пат да ја надминеме онаа симболична бариера од една милијарда долари.  Работиме за дополнително зголемување на динамиката, за што од лани нашата Амбасада во Анкара беше засилена и со економски советник”, истакна Османи, посочувајќи на важноста која Владата на Република Македонија им ја придава на странските инвеститори кои доаѓаат до Турција.

Како Влада активно работиме тренд и динамиката на прилив на странски инвестиции од Турција дополнително се зголемат, за што, убеден сум, постои интерес кај двете страни“ – посочи Османи.

Министрите разговараа и за мултилатералната соработка меѓу двете земји во ОБСЕ, во контекст на идното претседавање на Македонија во 2023 година како и сојузништвото во НАТО, со посебен акцент во однос на последиците на руската инвазија врз Украина. Нагласувајќи ја неопходноста за единство во рамките на НАТО, Османи ги поздрави напорите на Турција да посредува меѓу Украина и Русија за изнаоѓање на дипломатско решение и итно запирање на хуманитарната катастрофа.

Османи и Чавушоглу потпишаа Меморандум за разбирање и соработка меѓу министерствата за надворешни работи во областа на протоколот.

The post Османи во Анкара на средба со Чавушоглу appeared first on Република.

Министерот за надворешни работи, Бујар Османи, оствари билатерална средба со министерот за надворешни работи на Република Турција, Мевлут Чавушоглу, на маргините на Анталија дипломатскиот форум, кој се одржува во Анталија, Турција.

Министрите се согласија дека двете земји негуваат долго и блиско пријателство, а оваа година кога се обележуваат 30 години од воспоставувањето на дипломатските односи, јубилејот дава можност да се погледне наназад и да се сумираат досегашните резултати.

Неизбежен дел од разговорот беше состојбата во Украина и агресијата на Руската Федерација, при што, Османи посочи дека високо ги цени напорите на министерот Чавушоглу во посредувањето меѓу овие две земји за да се изнајде решение за воената криза. Како НАТО сојузници ние сме силни, одлучни и обединети околу ова прашање, заклучија двајцата министри.

Од најголема важност е да се запрат страдањата на луѓето во Украина. Како членка на Тројката на ОБСЕ, ние сме подготвени да придонесеме на кој било начин за да помогнеме“, истакна Османи.

На средбата, особено внимание беше посветено на исклучително добрата економска соработка меѓу двете земји, при што министрите се обврзаа на активности кои ќе придонесат кон продлабочување на деловните и трговски врски, а Турција како еден од најголемите странски инвеститори во земјата е од посебен наш интерес.

The post Oсмани на средба со Чавушоглу во Анталија: Турција како еден од најголемите странски инвеститори во земјата е од посебен наш интерес appeared first on Република.