Тренерот на Барселона Чави Ернандез, кој ќе се раздели со тимот по завршување на сезоната во Ла Лига, им се обрати на навивачите на каталонскиот гигант на својот профил на социјалната мрежа Инстаграм.

„Почитувани навивачи, моето време на чело на Барселона ќе заврши в недела. Никогаш не е лесно да го напуштите клубот на вашиот живот, но тоа го правам многу гордо по две и пол години на чело на тимот кој беше како мое второ семејство“, порача Чави.

Барселона утре во последното коло од во шпанското првенство и и гостува на Севиља, а сезоната ќе ја заврши како второпласирана.

„Сакам да им се заблагодарам на навивачите за поддршката и љубовта кои секогаш беа покрај мене и секогаш ми ја покажуваа истата љубов како кога бев фудбалер. Од недела јас ќе бидам само уште еден навивач на трибините. Јас го сакам само најдоброто за клубот кој секогаш ќе ме има на располагање“, напиша Чави.

The post Чави се збогува со фановите: Од недела и јас ќе бидам навивач на Барса appeared first on Република.

Тренерот на Барселона Чави Ернандез доби отказ, соопштија Каталонците.

Поранешниот репрезентативец на Шпанија ја дозна својата судбина по состанокот со претседателот на клубот Жоан Лапорта претходно денеска. На средбата присуствуваа и останатите челници во клубот.

Четириесет и четири годишниот Чави ќе ја предводи Барселона на неделниот меч со Севиља, кој ќе биде последен за него.

Чави ја презеде тренерската функција во Барселона на крајот на 2021 година, заменувајќи ја другата легенда на Каталонците - Роналд Куман.

Тој го предводеше тимот до титулата во сезоната 2022/23, а во есента минатата година потпиша нов договор до летото 2025 година.

На почетокот на оваа година тој најави дека ќе го напушти клубот, но потоа беше разубеден токму од Лапорта и реши да остане. Сепак, односите меѓу двајцата повторно се влошија во последните недели, што доведе до разделба меѓу двете страни

The post Oтказ за Чави appeared first on Република.

Актуелниот шпански фудбалски првак Барселона го продолжи договорот со својот тренер тренерот Чави Ернандез (43) до лето 2025 година.

Доколку и натамошната соработка биде успешна, во договорот има клаузула за продолжување за уште една година.

Чави седна на клупата на каталонскиот клуб во кој остави траен белег како фудбалер на крајот на 2021 година и на 96 натпревари забележа 61 победа, 16 нерешени, а претрпе 19 порази.

Минатата сезона Чави и ја донесе шпанската титула на Барселона по пауза од четири години и го освои Суперкупот.

The post Чави на клупата на Барселона до лето 2025 appeared first on Република.