Автобус пренесувал ученици од Никшиќ на екскурзија бил нападнат по посетата на Цетинскиот манастир, јавуваат црногорските медиуми. Случајот во полиција го пријавил возачот М.З.

Во соопштението на Група граѓани од Цетиње се наведува дека причина за инцидентот е играње оро со песната „Весели се, српски Роду“.

Почитувани „туристи“ од Црна Гора и вие од околните земји, Ви се обраќаме по вашето пристигнување во Цетиње. Се надеваме дека случајно дојдовте на датумот кога српските жандарми запалија две жени и пет деца од семејството Звицер и во време кога Цетињци му даваа поддршка на нападнатиот украински народ - се вели во соопштението.

Во него се додава дека тие го виделе орото играно од туристите како „четничко оро со свештениците на Српската црква, кои ја гледаат Црна Гора како мала Украина, повикувајќи на зло, уништување, терор, страдање и смрт - само плод на вашето непромислено заведување од идеологијата на узурпаторот на Цетинскиот манастир“.

Од црногорското министерство за правда, човекови и малцински права го осудија нападот.

Сите оние кои се залагаат Црна Гора да биде слободна, мултинационална и мултиконфесионална држава во вистинска смисла на зборот, мора да бидат подготвени да го осудат таквиот чин - соопштија од Министерството.

The post Автобус со деца нападнат на Цетиње затоа што играле српско оро appeared first on Република.