Центарот за култура во Битола беше исполнет со вистинско културно доживување. Првата проекција на српскиот филм „ Јорговани“ беше неверојатно искуство, со сала полна до последното место. Слобода Миќаловиќ и Иван Босиљчиќ по 15 години на филмското платно повторно се заедно. Тие заедно играа во сериите „Ранетиот орел“ и „Непобедливо срце“.

Дали е можна вистинска љубов зад филмските камери? Што го крие очигледниот гламур на популарноста? Дали партнерите на сцената стануваат ривали кога ќе паднат маските? Ова се дел од прашањатаа во откачената и по малку сатирична приказна, пародија на српската хиперпродукција на снимањето серии, која ја носи омилена актерска двојка во филмот „Јорговани“ на Синиша Цветиќ.

Катарина (Слобода Миќаловиќ) и Игор (Иван Босиљчиќ) се актери кои се заедно и на екранот и надвор од него. Заслепени од блесоците и оглушени од аплаузите, Катарина и Игор, иако неразделни, долго време ниту се слушнале, ниту се виделе, до доделувањето на наградите за најдобра серија на годината, каде ќе се собере целата екипа. Таму јасно се гледа и лицето и реверсот на филмската и телевизиската индустрија во Србија денес, ќе стане јасно дека нивните животи се поголема мелодрама од онаа што ја снимија.

Во останатите улоги се: Гордан Кичиќ, Милутин Мима Караџиќ, Исидора Јанковиќ, Јован Јовановиќ, Павле Чемерикиќ, Небојша Дугалиќ. Свечената премиера на филмот  се одржа на 27. февруари во рамките на натпреварувачката програма на фестивалот ФЕСТ, а во кината ширум Србија и регионот од 29 февруари. Досега филмот го погледнале над 100.000 гледачи.

The post Премиерата на „Јорговани“ ја наполни салата на Центарот за култура- Битола appeared first on Република.

На 22.02.2024 со почеток во 20:00 часот во Центар за култура - Битола, БИТОЛСКИОТ ДУВАЧКИ ОРКЕСТАР ќе одржи нов голем концерт насловен „FUNK & SOUL" Big Band Edition.

Дојдете да уживате во Funk & Soul звуците на нашиот оркестар и во прекрасниот вокал на нашaта гостинка Ана Петановска, велат организаторите.

The post „Funk & soul“- нов концерт вечерва на Битолскиот дувачки оркестар appeared first on Република.

Меѓународниот фестивал на филмска камера „Браќа Манаки“ по повод 45-тото издание и 50-годишнината на Кинотека, синоќа имаше специјална проекција на „Персона“ во Малата сала на Центарот за култура во Битола.

Ова ремек дело од 1966 година, креација на познатиот шведски кинематографер Свен Никвист - добитник на два Оскари и инаугуративната награда за животно дело Златна камера 300 на ИФФК од меѓународниот почеток на фестивалот во 1998 година - ја истакнува соработката на Никвист со легендарниот режисер Бергман.

Свен Никвист, познат по својот минималистички пристап, славно има изјавено дека постигнувањето едноставност е сложено патување, кое му одзело три децении. Неговата техника вклучува минимално осветлување, автентични локации и мајсторство на кадри одблиску, правејќи ги жените во неговите филмови да изгледаат исклучително убави. Филмот „Персона“ служи како доказ за неговата вештина во кинематографијата одблиску, позиционирајќи го меѓу најдобрите камери во историјата.

Ретроспективата, со која се слават одредниците на фестивалот и на Кинотеката, ќе претстави 17 филмски богатства до крајот на мај. Проекциите се закажани секоја среда во 20:00 часот во скопската Кинотека и секој понеделник во 20:15 часот во Центарот за култура во Битола, на кои се прикажуваат филмовите кои ги заслужиле најголемите признанија на ИФФК „Браќа Манаки“ во текот на четири децении.

На фестивалот, заедно со Кинотеката и Центарот за култура во Битола, ќе биде прикажана ретроспектива на иконски филмови фотографирани од минати лауреати на „Браќа Манаки“.

По филмот „Персона“, вториот филм од ретроспективата (19 февруари) е ПАРИЗ, ТЕКСАС (1984, ИМДБ 8.1), снимен од холандскиот кинематографер Роби Милер, добитник на Специјалната златна Камера 300 за посебен придонес на светската филмска уметност во 2002 година и Златната Камера 300 за животен опус во 2016 година. Режисер на филмот е постојаниот соработник на Милер, култниот Вим Вендерс.

Трет е британецот Роџер Дикинс со филмот ГОЛЕМИОТ ЛЕБОВСКИ (1998, ИМДБ 8.1), но не хиерархиски, туку по редот на прикажувањето (26 февруари). Дикинс е двоен оскаровец, добитник на Златната Камера 300 за животен опус во 2018 година и еден од најголемите живи кинематографери. Режисери на филмот се постојаните соработници на Дикинс, браќата Џоел и Итан Коен.

Последен февруарски филм (4 март) од ретроспективата е ВЛЕЗИ ВО ПРАЗНИНАТА (2009, ИМДБ 7.2) снимен од белгискиот кинематографер Беноа Деби, добитник на Златна Камера 300 во 2010 година токму за кинематограферската работа на овој филм. Режисер на филмот е постојаниот соработник на Деби, француско-аргентинскиот enfant terrible Гаспар Ное.

The post Великаните на „Браќа Манаки“ во Центар за култура Битола: Синоќа специјална проекција на „Персона“ снимена од Свен Никвист appeared first on Република.

Синоќа, на сцената на Центарот за култура, битолската публика и гости во публика од други градови со многу аплаузи, овации и враќања на сцена го наградија Иван Босиљчиќ. Тој  е славен актер кој освен што глуми, тој пее, рецитира поезија, а вчера докажа дека е миленик на жените од целиот регион.

Роден е  1979 година во Ужице, најпознат е по улогите „Ranjeni orao“, „Greh njene majke“, „Nepobedivo srce“ и „Urgentni centar“.

А во брак е со пејачката Јелена Томашевиќ.

Тој во последните години се проби и на рускиот пазар каде има одлична кариера.

Синоќа и поезија и музика во една вечер која долго ќе се памети со Босиљчиќ, кој повеќе од деценија доминира на ТВ екраните, на филмското платно и на театарските сцени, интернационално.

Тој со голем успех ги претставува и своите авторски проекти за љубителите на поезија и музика, а синоќа докажа дека умее да направи совршен спој во уметничка вечер која донесе возбудување на драмска претстава, но и на врвен музички настан, посебен и ретко виден на нашите простори.

Центарот за култура овој настан го распродаде за само неколку часови.

фото: Диоген Хаџи Коста Милевски

The post Поезија и музика со Босиљчиќ во една вечер која долго ќе се памети во Битола appeared first on Република.

Со над пет милиони денари издвоени од Министерството за култура годинава ќе реализираме голема културна, но и инвестициска програма, истакна Маја Андоновска Илијевски, директорка на НУ Центар за култура-Битола.

Во изјава за медиумите, Андоновска Илијевски нагласи дека ресорното министерство им дало добра основа со која можат да работат на креирање сериозна културна понуда за публиката.

-За Фестивал на монорама кој годинава ќе се одржи од 12 до 20 мај одобрени се 500.000 илјади денари, за 9. Детска работилница добивме 70.000 денари, за 48. Државана иложба обезбедени се 50.000 денари, а со веќе обезбедени средства ќе изработиме Монографски каталог по повод 40 години творештво на Дрган Најденовски и ретроспективна изложба, потоа изложба на Стефан Малбашиќ, на Мочи и фотографот Нашоку...За објавување на конкурс на македонски монодрами доделени ни се 55000 денари и сакам да го обновам она што во минатото се случувало и да ги поттикниме македонските автори да создаваат монодрами како жанр. Со овие пари ќе го распишеме конкурсот, а следната година се надевам дека ќе зборуваме и за печатено издание на најдобрите монодрами кои ќе пристигнат, истакна Андоновска-Илијевски.

НУ Центар за култура-Битола богатата програма ќе ја почне викендов со два концерта насловени како „Засекогаш во срцата“, а посветени на Тоше Проески и Пепи Бафторовски, а следниот викенд на големата сцена ќе настапи познатиот српски актер Иван Босиљчиќ.

-Програмата на Центарот за култура не е примамлива само за битолската публика, туку имаме гости и од цела држава. Мојот фокус на културната понуда се однесува на тоа да дадема простор што повеќе на македонските уметници, а особено на битолските и затоа поголемиот број изведувачи кои ќе настапат на концертот „Засекогаш во срцата“ се битолчани, а некои и млади имиња се ученици во Средното музичко училиште каде што започнал и Тоше Проески, нагласи Андоновска-Илијевски на прес конференција во Битола.

The post Маја Андоновска Илијевски: НУ Центар за култура – Битола со голема културна и инвестициска програма appeared first on Република.

Центар за култура-Битола ги откажа сите настани планирани за денеска поради Ден на жалост за жртвите од земјотресот во Турција и Сирија.

The post Центар за култура-Битола ги откажа сите настани планирани за денеска поради Ден на жалост за жртвите од земјотресот во Турција и Сирија appeared first on Република.

Синоќа во големата сала на Центарот за култура, кој е и организатор на овој необичен фестивал, со настапот на македонската група ЛИЛИТ заврши годинешното издание на овој фестивал кој го слави жанрот world music, еве веќе 14 години.

Жанр, кој добива на значење во последната деценија и на кого се посветени цели фестивали ширум светот. Таков е и овој во Битола, кој на две локации годинава понуди музика од различни меридијани.

И оваа година, одлични концерти, сјајна атмосфера, силни реакции на публиката, добар нетворкинг на домашните и странските гости на фестивалот, на нивните менаџери, промотери, новинарите…а ное како организатори, отсега размислуваме за идното јубилејно издание на овој необичен по многу нешта фестивал, рече Маја Андоновска Илијевски директор на НУ Центар за култура на синоќешното затворање.

Реално, ова е еден од фестивалите кои потешко се организираат во календарот на оваа национална установа, заради малиот буџет кој го има на располагање и кој ограничува да се обезбедат поголеми и позвучни имиња од светот, а тоа е поенатата на овој фестивал. Исто така, ова не е комерцијална музика, која може да издржи повисока цена на билет, а следствено на тоа и заинтересирани спонзори. Па така останува на средствата кои ги добива од Министерството за култура и градот Битола, сепак да се одржи континуитетот, зошто по многу нешта ова е значаен фестивал.

Ако зборуваме музички, ова е најекспортабилен домашен музички проект, со оглед на фактот што светот е жеден за егзотката на овој жанр, од друга страна нема голема продукција кај домашните музичари, заради ограничените средства и кај нив, за да работат на нова музика. Оттука и проблемот, што да се селектира од домашна музика и што од светот квалитетно да се донесе дома. Конечно, Центарот за култура од Битола сака да го привлече вниманието на пошироката публика, особено новите генерации со цел да ги поттикнат во правец на откривање на различни музички традиции, како и кон авторска музика инспирирана од најразлични културни наследства.

Со вакви размисли, оваа година организаторот се бореше неколку месеци пред самиот фестивал, но со изборот и концептот и оваа година докажа дека може да се направи тридневен фестивал без големи средства и да се понуди необична и интересна програма за широк појас на публика, полнејќи ги двете сцени кои функционираа за официјалната и офф програмата.

Под слоганот „Време е за светскиот звук, дома. Дојди и откриј нова музика„ и со необични визуали кои беа дело на графичкиот дизајнер Димитар Ристовски започна кампањата и преку социјалните медиуми и преку регуларните тв, радија и портали за да се анимира публика, која навистина дојде во огромен број, што секогаш е репер за успех на еден фестивал.

Од фадо звуците на брилијантната интернационална ѕвезда, португалката Joana Amendoeira, која дојде со нејзиниот бенд на отворањето, преку еден поинаков звук на Балканот споен преку Фонтана која негува традиционална македонска музика, збогатена со звуците на Битолскиот камерен оркестар IWConnect и гостите Даница КРСТИЌ вокалистка на Балканика од Србија,
Ангел Демирев на гитара од Бугарија и нашата домашна ѕвезда со светска слава

Џамбо Агушев на труба, до фузијата на џез и современа музика на Лилит, разиграниот и сосема свој звук на Фолтин, до електрониката на белградското ДЏ дуо Luton & Šćepine Vragolije, кои настапија во клубот Јагода кој е етаблирани место на андерграунд и електронска музика.

Така изгледаше програмата на ова 14. издание кое понуди од традиционален звук, преку музика на артисти кои имаат оригинален и необичен пристап на традиционалниот материјал, до време и простор за светска музикичка журка.

The post Центарот за култура-Битола и оваа година докажа дека може да се направи тридневен фестивал без големи средства и да се понуди необична и интересна програма appeared first on Република.

The post Претставата „Разведи ме/ Две нијанси црвена“ на театар „Провокација“ вечерва пред битолската публика appeared first on Република.

The post Овации за „Госпоѓиците од Авињон“ синоќа во Битола appeared first on Република.

Раде Шербеџија на 19 март, во 20 часот, во Големата сала на Центарот за култура ќе има свој ексклузивен концерт, единствен во Македонија со својот албум “Не свртувај се сине” кој неодамна го издаде.

На сцената ќе биде заедно со “Западни Колодвор”, а понеделник во 12.00ч започнува продажбата на билетите по цена од 800ден

Шербеџија, кој со култната улога на Александар во филмот „Пред дождот“ на Милчо Манчевски, пред повеќе од четврт век беше дел и од големиот меѓународен успех на ремек-делото на македонската филмска уметност, изненади со овој албум – „Ne okreći se, sine“, традиционално, во издание на најголемата регионална дискографска куќа „Croatia Records“.

Новиот студиски албум на легендарниот актер, поет и музичар е врвно музичко достигнување што ни доаѓа како подарок во живо за публиката која на 19 март ќе биде во Битола, а создаден е во време на короната, кога паузираше филмската индустрија.

Најавен со хитот „Ето пјесме“ кој за него го напиша Хусеин Хасанефендиќ од „Парни ваљак“, Шербеџија албумот го сними со екипа одлични музичари на крајот на 2020.

На албумот, Шербеџија го остава и својот авторски потпис, посветувајќи му ја песната „Шехерезада“ на познатиот словенечки театарски режисер Томаж Пандур, за која аранжманот го создаде нашиот Диран Тавитјан.

The post Раде Шербеџија на 19 март во Центар за култура-Битола appeared first on Република.

Од Центарот за култура Битола се задоволни од средствата кои оваа година им беа одобрени за поддршка на годишните проекти и инвестиции од Министерството за култура. За сите фестивали и проекти од различни дејности им се одобрени околу 4,3 милиони денари. Според директорката, на ваков начин ќе се реализира квалитетот за кој тие како културна установа се борат.

Дури и во време на пандемија, Центарот за култура работеше на изнаоѓање на протоколи за работа и продолживме скоро со исто темпо во пандемијата. Во ниту еден момент не се откажавме од реализација на културни настани. Во министерството тоа беше препознаено и наградено, така што буџетот за оваа година е многу солиден за Центар за култура Битола, сметам дека со ваков буџет имаме добра основа, изјави Маја Андоновска Илијевски, директор на центар за култура Битола.

Како пример го посочи еден од најстарите фестивали во земјата, Илинденски денови за кој се обезбедени 2,2 милиони денари.

Тој е фестивал и голем и скап, оваа година со ваков буџет може да донесеме и повеќе групи. Тој е фестивал кој ја оживува Битола во лето, вели таа.

Маја Андоновска Илијевски најави дека во текот на оваа година ќе организираат и дополнителни програмски активности финансирани од сопствени средства. Годинава добија и средства за инвестициско одржување, односно замена на дотраен под и негово естетско преуредување на горното фоаје.

The post Центарот за култура-Битола најави повеќе учесници на Фестивалот „Илинденски денови“ appeared first on Република.

Два концерти под наслов „Засекогаш во срцата“ викендов се одржаа во Центарот за култура во Битола. Станува збор за традиционалниот музички проект „Засекогаш во срцата“ кој веќе четврта година се одржува во чест на Тоше, а годинава беше посветен и на неодамна починатиот фронтмен на групата „Парни Ваљак“, Аки Ракимовски, кој летово токму во Битола одржа еден од своите последните концерти со Камерниот оркестар од Битола.

Камерниот оркестар со кој диригира Владимир Димовски, придружуван од хорот на Државното музичко училиште од Битола, во кое учеше Тоше Проески на сцената маестрално ги следеа музичките ѕвезди кои прифатија да настапат на двата концерти.

На сцената застанаа Александра Јанева, Ламбе Алабаковски, Каролина Гочева, Виктор Апостоловски, Јана Бурчевска, Александар Тарабунов, Димитар Андоновски, Нико Ѓоргиевски, Бојан Стојков…а публиката имаше можност да ужива во големите хитови на Тоше и Аки пеејќи ги во еден глас, во концертот кој траеше повеќе од час и половина, но публиката со долги аплаузи не се откажуваше од бисеви на самиот крај.

Концертите се во организација на Центарот за култура од Битола и како проект, веќе четврта година се во годишната програма поддржани од Министерството за култура.

The post Хитовите на Тоше Проески и Аки Ракимовски засекогаш во срцата appeared first on Република.

Четврта година по ред, Центарот за култура од Битола, својата нова сезона ја започнува со Концертот „Засекогаш во срцата„ кој го организира со Камерниот оркестар на Битола, а посветен е на споменот на големиот Тоше Проески. Оваа година, смртта на Аки Рахимовски, кој патем минатото лето во Битола со истиот оркестар го имаше еден од своите последни концерти, беше причина повеќе овогодинешниот концерт да биде посветен и на Тоше и на Аки, двете музички ѕвезди кои повеќе не се меѓу нас, а музицирале и на сцената на Центарот за култура и со битолскиот камерен оркестар со кој диригира Владимир Димовски. Заради огромниот интерес, наместо еден, беа најавени два концерти кои вечерва и утре ќе се одржат во Битола, а минатата недела, само што се најави продажбата на билетите, тие за неполн час и половина се распродадоа.

На концертот ќе настапат: Каролина Гочева, Ламбе Алабаковски, Димитар Андоновски, Александра Јанева, Александар Тарабунов, Јана Бурчевска, Виктор Апостоловски, Нико Ѓоргиевски, Бојан Стојков, а на сцената ќе биде и хорот на Државното музичко училиште од Битола, чиј ученик беше Тоше Проески.

Ова беше повод и за денешната прес-конференција, на која директорката на Националната установа Центар за култура, Маја Андоновска Илијевски ја најави целокупната програма која е планирана за оваа установа и штотуку потврдените проекти кои ќе ги поддржи Министерството за култура за календарската 2022.

Од областа на драмската дејност поддржан е 23-тиот по ред Фестивал на монодрама со 600.000ден, од областа на музичката и музичката сценска дејност поддржани се неколку проекти: Новогодишниот концерт со 250.000ден, гостување на балетот „Госпоѓиците од Авињон“ со 50.000 денари, концертот на Симфонискиот оркестар на НУ Филхармонија со 50.000 денари, 14-тото издание на Фестивалот на музика од светот со 850.000 денари, концертна промоција на албумот “Нова ера” на Николче Мицевски со 200.000 денари, традиционалниот концерт „Засекогаш во срцата„ со 350.000 денари. Од областа на фолклорот поддржано е издавање на носач на звук на КУД Стив Наумов Битола со наслов „Јас и Битола„ со 120.000 денари, Семинар за традиционална музика и игра кој се одржува годинава по 14-ти пат со 300.000 денари, 52-то издание на Илинденски денови интернационален фестивал на народни игри и песни со 2.200.000 денари, поддржани се и 6 изложби: Интеграли на Илија Маџаров со 60.000 денари, Државната изложба на детски ликовни творби „Народната култура како трајна инспирација во моето творештво„ со 70.000 денари, традиционалната ликовна работилница за деца со 60.000 денари, фото конкурс и изложба на уметничка фотографија 40.000 денари, проектот „Видна мистерија„ на Љубе Алексовски со 50.000 денари и Македонска резба на Веселин Поповски со 40.000 денари. Добивме и средства за инвестициско одржување, односно да поставиме подни плочки во горното фоаје, кое има дотраен под со што и овој дел ќе може естетски да се уреди за настани кои заслужуваат убав простор во нашата институција. Оваа поддршка е во вредност од 200.000 денари, истакна директорката на Центарот за култура во Битола на денешната средба со новинарите.

Најавен е и настан за месец март, кој не е е финансиран во годишната програма, за кој наскоро ќе има и официјална потврда, а директорката го најави како убаво изненадување.

The post Центарот за култура од Битола ја почнува сезоната со концерт, продолжува со изложби и ликовни работилници, а најавија и изненадување во март appeared first on Република.

Центар за култура Битола и Камерен оркестар, најавуваат концерт насловен „Засекогаш во срцата 3“ , кој оваа година ќе биде посветен на двајца великани во музичкиот свет Тоше Проески и Аки Ракимовски.

19 Февруари е датумот кога треба да бидете во Битола и кој од сега треба да го запишете во вашите месечни планери, велат оттаму.

The post Центар за култура Битола и Камерен оркестар со концерт посветен на Тоше Проески и Аки Ракимовски appeared first on Република.