Општина Кисела Вода ќе набави мерна станица за квалитет на воздухот која ќе биде поставена во непосредна близина на фабриката Цементарница.

Како што известуваат од општината, денеска на страницата на Бирото за јавни набавки е распишан оглас за јавна набавка, со што наскоро граѓаните ќе имаат увид во квалитетот на амбиенталниот воздух.

Ова претставува реализација на уште едно ветување од програмата на градоначалникот Орце Ѓорѓиевски, кое се реализира по прифаќање на предлогот на советниците од Советот на Општина Кисела Вода. Она што преостанува е потребата од неселективен ангажман на градот Скопје и на централната власт преку своите ресорни Министерства, бидејќи здравјето на граѓаните мора да биде на прво место, велат од општината.

The post Мерна станица за квалитет на воздухот ќе биде поставена во близина на Цементарница appeared first on Република.

Градоначалникот Орце Ѓорѓиевски и генералниот директор на АД “Цементарница Усје”, Борис Хрисафов, го формализираа договорот за искористување на простор од објектот на оваа компанија за отворање на нов противпожарен дом во Кисела Вода.

Тука сме во АД “Цементарница Усје” заедно со генералниот директор на оваа компанија, за да обзнаниме отпочнување на еден голем проект кој ќе донесе голема корист на жителите на општина Кисела Вода, па и пошироко. Имено, заедно со господинот Хрисафов, постигнавме договор за пренамена на простор од овој објект, во кој отвораме нов противпожарен дом. Ова, пред се’, ќе значи можност за побрза реакција при несаканите настани, бидејќи, за жал во минатото често се случуваше и покрај силната желба да се помогне, големата оддалеченост да го стори своето, па објектот целосно да изгори, а неретко да има дури и човечки жртви, додека да пристигне екипата од Противпожарната бригада во Драчево. Нашите силни заложби, како локална самоуправа, вродија со плод, па успеавме да обезбедиме уште една локација, на која се наоѓаме денес и каде наскоро ќе профункционира нова противпожарна бригада. Истата е во близина и на Сопиште, со што освен жителите на Кисела Вода, бенефит ќе имаат жителите на уште една општина-истакна градоначалникот Ѓорѓиевски, заблагодарувајќи се од свое лично име и од име на жителите на Општина Кисела Вода на директорот Хрисафов и на “Цементарница Усје” за силната општествена одговорност која на овој начин ја покажуваат.

Ја цениме вашата поддршка и сме задоволни што реализацијата на проекти кои имаат за цел подобрување на безбедноста и спасување на човечки животи и добра, е наша заедничка заложба - потенцираше Ѓорѓиевски.

The post Ѓорѓиевски: Отвораме нов Противпожарен дом во дел од објектот АД “Цементарница Усје” appeared first on Република.